草根食堂 (Closed)

平日下晝五點幾一個人入去諗住食少少嘢，入面根本無咩人，坐落卡位，一個阿嬸走過嚟話要我轉坐長枱，我話食個茶餐頂籠廿分鐘，又唔係無吉卡位，晚飯時間我都食完埋單走人啦，使唔使咁？阿嬸繼續一輪blah blah blah, 我無佢咁好氣，即刻問候佢幾句就企身走人。葵廣咁大得你一間茶餐廳咩？街坊可能覺得D嘢平，值得幫襯，但係你開舖頭做生意都要有基本常識點樣安排座位呀嘛？咁嘅趕客態度真係食得屎。如果食客朋友想享受澳牛式服務，唔使去咁遠了，呢度就有。永遠唔會再去，大把其他選擇!

葵芳廣場冇錯係有好多美味小食，但全部都要立食， 某日，中午1145 時，又快到午餐時間，係想搵個地方坐坐，仲有早餐供應的草根食堂，絕對是好地方，一睇餐牌早餐居然有牛角包，正呀，羅宋湯螺絲粉，因為晏咗，螺絲粉已經賣晒，換咗出前一丁面， 侍應姐姐極力推薦，話好味好味，但唔緊要啦，事實羅宋湯配出前一丁係麻麻哋， 但食到一個牛角巳心滿意足， 地點絕佳，價錢可以接受，裝修係舊左少少， 因為貼合題目，草根，記住呀， 草根食堂不需要刻意裝修，裝修左價錢就會貴就不再貼合 草 根 了

朋友在葵青劇院演出當然要支持♥不過完場已經11:30pm，葵涌廣場附近嘅食肆都收哂。發現到葵湧廣場地下入呢間草根食堂24小時營業♥太開心喇原本以為咁夜除咗麥當勞之外冇選擇😢睇完四小時嘅舞臺劇，大家都係放工之後趕去葵青劇院未食嘢，我同朋友都非常肚餓！見隔離枱都係叫小菜，我地兩個女仔決定叫唔同嘅小菜share食♥叫咗椒鹽豆腐拼美果同西檸雞*西檸雞*炸得幾好唔會好乾同太油，外皮好脆入面啲肉仲係好嫩，檸檬汁酸酸甜甜配合一齊唔會覺得好油膩。椒鹽豆腐拼美果*上臺熱辣辣，好夠鑊氣有大排檔風味♥豆腐外脆內軟，好滑!腰果又香又脆，送飯一流啊。p.s：小菜分量都幾多，兩個女仔雖然好肚餓但都食剩少少，見隔離枱嘅牛仔骨好似煲都唔錯，下次去開頭會再試下♥

草根 源自於英語 Grassroots ，即平民百姓的一群，草根一詞，筆者腦海中即時浮現，五六十年代，赤著上身，掛上”祝君早安”長面巾在膊頭，吸著煙的中年男士⋯⋯所以用上 “草根食堂” 作食店名稱，就知道是行大眾化路線，正因為如此，在葵涌廣場一直䇄立不到。草根食堂在葵涌廣場已經十多年，由於在Open rice 太多劣評，而且在葵廣內，有更多立食小店，用醫肚的角度來看，一直沒有需要坐抵幫襯，直至今天朋友相約建議過去，原因那裡卡位多，食野只是其次。從商場進入茶餐廳內，一條長長的走廊分別兩邊都是卡位，一邊可坐四位，而另一邊可坐兩位，又真係幾多卡位吖！下午茶由2:15pm - 7:30pm ，供應時間很長，果然照顧草根階層。而且也有很多選擇，留意到他們的三文治餐是烘底同價，值得一讚。由於看了Open rice 太多劣評，我們隱陣點了兩款多士。因為非繁忙時段，食野只是其次，傾計才是主菜。田園吞拿魚多士$28所謂田園，即是多加兩塊番茄片，配上罐頭呑拿魚的多士，冇難度，相信水準隱定，凍飲都只是$30 抵食。法式西多士$28~西多士是自落牛油，而糖槳都是自己調教味道，依個價錢配餐飲，傾吓講吓的最佳選擇

當時店內有幾張卡位 我同朋友2個人當然坐啦 點知俾店員叫我地坐長枱 之後入黎既食客都係2個人一樣係坐卡位 我地其後自行轉左卡位坐 店員就開始對我地態度惡劣 同佢講食咩餐 講左2次都話聽唔到 其後上菜時又粗魯咁放係枱上 食一餐飯都要受人氣 永無下次 唔會再幫襯

以前曾住過附近，開咗N年又開通宵，周不時來食下，其實都係有點情意結。我特別鍾意佢嘅下午茶，下午茶供應時間由下午2:15至晚上7:30，時間長，多選擇又平！呢段時間可以比遲啲食午飯或者早點食晚餐的朋友去幫襯慳下！粥粉麵飯三文治小食一應俱全。我點咗餐蛋公仔麵配熱奶茶。公仔麵的餐肉是厚切的，今日煎得幾好，麵係熱辣辣但冇乜味，反而熱奶茶有正常水準。不過，位麻麻地好坐，環境仍舊好一般有陣濕味，阿姐們的服務又係一般！來到葵芳都係因唔使諗同情意結才來～

見幾年無幫襯，諗住食物質素和服務水平會有改善，即管再去食下飯。點知未食飯，先吞一肚氣。入座時，兩邊門口都無人等，到我入去坐低後，個位矮小的侍應姐姐又要我行出去等。突然有兩位男士，後來者見有卡位，個位矮小的阿姐又比佢坐，咩野事呀？真係唔明點解，食餐飯啫，要咁委屈。唔知以為全葵涌廣場得佢一間鋪，以後唔使錢，請都唔去食。除價錢合理外，其環境已經是污糟，服務員又勁粗魯，又無禮貌，都唔知點解仲可以維持落去。

一個人去食飯有時都好煩。不是煩在唔知食咩好，而係，煩在搵位煩。好艱辛才會找到位子坐。就好似今日咁，一到午飯時間，周圍的食店都滿是人，真是人滿之患。走進這店子，兜咗一個圈，終於搵到個位攝入去搭檯。今天的目標係，最緊要快! 所以，無須多想，就叫了一個草根扒餐 -- 燒汁香腸雞扒餐配白飯和熱咖啡。作為一間咁草根的食店，上嘢當然係要快啦。唔夠一分鐘，咖啡已到。味道係一般茶記的味道，OK 嘅。跟住，兩分鐘後，碟飯都到。個燒汁個味道較得幾好，所以，一大碟飯都食得晒。雞扒切成細件，方便食。腸仔係廚師腸，細個時，時時食，依家好少食，又幾好味喎。五分鐘就俾我KO晒所有嘢。

嬲爆了！😡😡🤬🤬太過份啦😖👎🏻不知所謂這店一向服務差已經不再出奇，d嘢又唔好食🤮🤢，都算了。但夜了，見冇咩餐廳開，唯有勉強入去叫外賣啦，一等已經差不多半小時，眼見尾班車仲只有十五分鐘，忍不住催下d伙記幫手跟下張單，完全不理會我，只叫我等下先啦，之後繼續伙記之間吹水😤<店內並不多客>⌛️之後期間我又再問佢哋要等幾耐，我就冇尾班車搭了，又係叫我再等等，差不多了，見佢跟本沒有去跟進🥵，五分鐘後先同我講冇其中1樣喎，叫我轉其他餸，冇病呀，我等了45分鐘先同我講冇，我話取消，又唔比，我d錢落單時比哂。最終當然遲到令我搭唔到尾班車，要拎外賣搭的士返屋企💸🤦🏻‍♀️已經半夜十二點幾了***比d外賣時，佢哋一句說話也冇講，好似係我錯咁😾我已經冇胃口了😿，頂著氣去食飯👎🏻，貼錢買難受

今日下晝去咗葵芳食下午茶，是但入咗一間餐廳，見價錢都平！ 我就叫咗芝士鹹牛肉三文治， 加埋杯凍飲都唔使三十蚊，心諗咁平……正！但三文治黎到， 一睇“內涵” 真係太過份喇……無言

今日(9-9-2018 Sun)同老公去葵芳買生日禮物俾佢同事,但肚餓,先食個晏,行入葵涌地下,絕大多數都係車仔麵,我唔想,而呢間就係茶餐廳,咁就呢間啦.入到去,咁o岩有最後一張4-6人卡位,我o地坐住先,最多佢多客人時至坐埋一邊或調位.睇睇menu,有午市套餐同24小時供應o既常餐,我同老公都叫$44.00o既扒餐,佢要黑椒餐肉牛扒飯,我要燒汁香腸雞扒意,兩個都飲熱檸水,因為個位都幾凍.等o左8分鐘,兩個扒到o黎,之後至係熱檸水,意粉係煮到全腍o個隻;雞扒煎得脆,肉都唔o鞋口;香腸冇炸過火,正常.而老公o既黑椒餐肉牛扒飯呢?我試啖黑椒汁飯,黑椒唔係好辣,OK.最後飲熱檸水,檸檬澀.抵食係2.5分

我早上11:30未到餐廳，坐唔夠一分鐘個阿姐就叫我快d落單，咁我就叫左個焗飯，個焗飯係午餐來既，跟野飲，叫完個跟住就只有等待。等成15分鐘連杯野飲都見唔到，問個阿姐，佢就答失我個餐要焗要等陣，咁但係檸茶唔洗等15分鐘先有ar !~~跟住一分鐘唔夠佢就拍一下放左杯檸茶係枱比我。等到12:00我忍唔住飲完杯檸茶就唔等要走，因為只有飲左杯檸茶，我就走去收銀叫佢改單只收檸茶價錢，而當時佢話個餐仲焗緊，我話我唔等,成30幾分鐘都未焗到出來，你就唔好寫出來比人叫la,之後個阿姐仲同個職員既男人話改單，仲好意思話係我唔要個餐low !~我惟有勁大聲話「而家唔係我唔要個餐，係半個鐘都唔出餐low點食 !」而家係我問題咩 !?請我都唔會再去呢間垃圾餐廳食野 !~講到好似係我問題咁low !~

這天早上要到葵芳工作，便一大清早到附近吃早餐，早上沒太多餐廳開店，選擇也不多，只好到處找找，來到這茶餐廳，給他的名字吸引，便進店一試。點了早餐，配牛油方包，用上安格牛油，我便再加上沙糖，做成六七十年代時興的懷舊小吃，沙糖牛油麵包。沙嗲牛肉麵加蛋，麵是用了出前一丁，但可能跟平時家中的出前一丁煮法不同，沒有那彈牙的感覺。蛋點了荷包蛋，來到只有全熟，凍咖啡點了小甜多奶，上枱時跟一般凍啡無樣，只好另外叫姐姐加奶，幸好姐姐服務優秀，幫忙加了許些淡奶，凍啡即時升級了，茶餐廳也升格了。可能是貫切了餐廳的名字，以草根為本，所以一切回歸草根，不添加任何修改。

草根食堂早餐一人前餐廳喺葵涌廣場，真係屹立不倒，開業多年，都係首次幫襯。佢嘅早餐都幾化算， $31，有火腿通粉，牛角包、煎雙蛋配一杯熱飲。喺葵涌廣場來講，真係算抵食。套餐除咗牛角包之外，其餘全部都唔可以轉，彈性唔太大。兩隻煎蛋，唔會太多油，不過當然誠意欠奉，兩隻煎蛋堆在一起。另外原本係配牛角包，不過看見隔離枱嘅牛角包，賣相一般，不似鬆脆，所以轉成方包。方包係沒有切麵包皮，起碼麵包係新鮮鬆軟，唔係隔夜麵包。火腿通粉，份量適中，火腿都唔會只得兩三塊，個湯底都係有味同濃郁，唔會太淡或者太鹹，整體來講係一個合格嘅早餐。

在葵芳，有早餐食既茶餐廳唔多，草根系其中一個選擇。叫了一份早餐，五香肉丁公仔面，吐司，熱奶茶。吐司是普通的白麵包，沒有烤過。肉丁雞蛋公仔面水準不足，一般茶餐廳都會將公仔面煮到登峰造極，然而呢隻公仔面面質比較軟，食落淡而無味，相較於便宜的「公仔面」牌即食麵還差。接近40蚊的早餐，有點不滿足的感覺。