聚來車仔麵

Open Now

Now Closed

最近，我同朋友係深水埗食左間好出名嘅車仔麵叫「聚來車仔麵」，我叫左一碗三餸河粉，分別有豬頸肉、魚肉春卷同埋韭菜餃。首先，佢地豬頸肉份量好多，而且切成薄片，好易入口，肉質非常嫩滑，又多汁😋另外一款餸我揀左魚肉春卷，平時啲車仔麵都好少見呢款餸，佢嘅魚肉春卷好似腐竹同魚蛋結合嘅感覺。第一啖咬落去真係好有驚喜，因為佢嘅魚肉好彈牙而且肉質好鮮嫩。最後一款我叫左韭菜餃，佢係人手製作，啲韭菜好香，而且餃子皮薄多汁！🥰超級好食🥟🫶🏻 除此之外，河粉嘅口感彈牙，每一款餸嘅份量都適中，價錢亦唔係貴👍🏻朋友就嗌左碗豬大腸、牛腩、香辣魷魚紅薯粉～豬大腸經過熬煮後，質地軟嫩，入口即化。而且加入獨特嘅香料調味，味道濃郁。牛腩亦十分出色，經過長時間嘅燉煮，肉質變得極為軟嫩，牛肉嘅鮮美同香料嘅香氣相互融合，每一啖都充滿住濃郁嘅牛肉味，牛腩嘅湯汁亦為整碗麵增添左豐富嘅口感。另外，香辣魷魚好彈牙，加上香辣醬汁，真係十分惹味。紅薯粉嘅質地亦十分爽口，口感滑嫩。👍🏻甜品方面，我同朋友share左一個佢地好出名嘅爆醬阿華田西多士，入面仲要係夾住朱古力榛子醬，甜甜地食落真係好開心😙仲要切開西多士個陣，啲朱古力醬已經好似熔岩咁爆

係深水埗呢間車仔麵可話一試難忘😚鋪頭簡約裝修，乾淨企理，冷氣夠又坐得舒服。除左車仔麵，仲有飯類/小食/甜品🍮價錢仲好平民價💰每個店員都好親切，好有家的感覺🧡▫️三餸車仔麵🍜$45要食車仔麵好唔好食，就要試靈魂食材：蘿蔔牛腩豬紅😗蘿蔔清甜無渣，連小朋友麵食左好多舊😌牛腩炆得好淋又入味，唔會爛哂又唔會乾爭爭豬紅都係好好味😋◾️秘製蔥油扒飯套餐🍚$49雞扒煎得岩岩好，蔥油飯勁香，完全物超所值👍🏻👍🏻▫️煎釀三寶🍆🫑$25係街已經買少見少，估唔到呢度可以食到，有5舊大大件，仲要每舊都好好味，煎得岩岩好又夠香🤤

呢排經常深水埗遊走。。。當然要揾吓好嘢食啦！今次專程為了爆漿阿華田西多而來的！😄😄😄Ļunch Time，當然要食完咸點。。。先再食甜點啦！😅😅😅我叫了個椰菜雲耳豬肉煎餃拼韭菜豬肉煎餃，各三隻，份量剛剛好！一睇就知d煎餃煎得剛剛好。。。金黃色的！而且外脆內軟，內含肉汁，味道當然也不錯！正！😋😋😋主角阿華田西多當然也不錯。。。即叫即整，熱辣辣，超正！只是略嫌甜了一點。。。中間還真的會爆漿的。。。😁😁😁十分邪惡！小店價錢合理，值得推介，期待二訪！😉😉😉

放工出去深水埗買嘢，心血來潮想食車仔麵，行過呢間聚來車仔麵，選擇都幾多所以就入去試下 🤤 估唔到又真係幾好食，然後發現呢間車仔麵舖仲有好多驚喜 😍 豬頸肉、蘿蔔、手打魚肉·蕃薯粉豬骨雞湯底·加滷水汁首先試左個湯底，豬骨雞湯嘅清甜，加上滷水汁嘅鹹味剛剛好，飲落口好舒服 👍🏻 豬頸肉就好香口，同埋口感幾彈牙；手打魚肉都係好彈牙，鯪魚味好出，又唔會好鹹；最正係個蘿蔔，夠淋夠甜 😍 又唔會有咋，三個餸份量都好多，超滿足 🤤 記得一定要落佢哋嘅秘製辣醬，一打開個蓋，勁香蒜蓉味 😍 鹹鹹辣辣又唔會好嗆口，加落個湯底度即刻惹味咗好多 👍🏻 然後加多個腩汁生菜，好滿足 😌除左個秘製辣醬好令人有驚喜之外，原來佢嘅煎餃一樣都咁出色，當見到好多人都有叫煎餃，下次我都一定要試吓 😍 然後仲比我見到佢有個爆漿多士系列，都好吸引呀 🤩 我仲發現佢有個招牌鮮炸肉丸 🤤 應該要 encore 好多次先可以試曬 🙈

朋友介紹我來深水埗這間「聚來車仔」，除了主打車仔麵外，我被它其他的招牌小食吸引了！我點了一客招牌鮮煎餃子（雙拼），揀了韭菜餃及芝士粟米餃。餃子煎得非常香脆，其中芝士粟米餃咬開更有芝士拉絲、粟米亦粒粒香甜，真的是必點之選！我們也叫了秘製咖哩豬扒飯，豬扒及咖喱汁是另上，豬扒也是煎得香口，咖喱汁不太辣啱啱好。另外車仔麵不得不試，我們加$2選擇生菜底，配上豬皮豬紅及咖喱魚蛋，正宗車仔麵選擇。每樣主食都可以加凍飲，凍檸茶確有茶餐廳風味。

來深水埗梗係來❤︎︎聚來❤︎︎嘆碗車仔麵啦，最鍾意呢到有得睇電視📺今次除左嘆我至愛嘅米線之外，我係專登來試佢嘅爆漿阿華田西多士😍我重加左$2跟埋朱古力榛子醬，面頭鋪滿大量嘅阿華田粉，一切落去啲漿汁流晒出嚟😋唔會太甜，味道岩岩好👍🏻即叫即整，熱辣辣😋👍🏻👍🏻車仔麵我就叫左豬肚，紫菜，生菜，冬菇，韮菜餃～韮菜餃都係保持到水準👍🏻皮薄餡料多👍🏻大家來開深水埗試下呢間，支持一下呢啲小店🩵

呢間係我食完再想黎食既小店、除左第一次食既韭菜餃正之外不得不分享呢個阿華田流心西多士、今次仲試埋佢個車仔面。好好味 性價比高 係地鐵站行黎都唔洗5分鐘好易搵到下次黎開深水埗會再黎

今晚跟媽媽逛深水埗，記得之前吃過呢間小店唔錯，今日再試試，食物不錯啊😁炸雞中翼薯條炸雞中翼配薯條真是美味至極，酥脆的外皮包裹着嫩滑多汁的雞肉，而薯條金黄酥脆，内裏柔軟香甜，是完美的配搭，吃得满足😋咖喱豬扒飯：咖喱汁濃郁香醇，搭配着嫩嫩的豬扒，口感豐富。扒肉鲜嫩多汁，入口即化，而米飯吸收了微辣的咖喱味道，香氣四溢，很開胃呢🤗至於車仔麵，貪心的我地樣樣都想食，終於揀咗四個餸，包括超淋及入味的牛筋、豬紅、手打魚肉及爽脆豬頸肉，而媽媽想吃的河粉也沒有令她失望，河粉質地細膩而富有彈性，最重要係夠滑，配以清清地的豬骨鷄湯很美味👍

呢間車仔麵，都多選擇，而且都幾好味wo😀👍🏻👍🏻通常叫4 餸車仔麵$52~.揀了咖哩魚蛋，豬皮，蘿蔔，雞中翼配沙嗲汁+米線小辣的話，就多了相中匙羹上的那個醬😁另外見佢都有加左d 蒜蓉醬個湯底到。。令整個麵增添香味同特色😁👍🏻.雞中翼，雞翼尖，蘿蔔，冬菇呢次揀左咖哩汁～其實都唔錯，不過個人覺得沙嗲汁好味d,惹味d 同濃d🤣😁.朋友揀的餃子油麵。。個鯪魚餅都好味啊😋😋👍🏻.爆漿阿華田西多士 $38好味度：⭐️⭐️見好多人叫呢個西多士，於是試下～麻麻地😂😂😂雖然視覺上見到會 "哇"一聲～ 因為佢浪浪下。。但其實只係將西多士上面壓扁，之後淋上沖好的阿華田水落去～所以切開果陣唔係入面爆漿，另外阿華田水會令西多淋淋地😂😂（浸完的麵包😂）同我起其他地方食果d 爆漿西多士好唔同～呢個唔係真係爆漿🤣😑😑.所以都係覺得佢ge 車仔麵比較出色😁

深水埗聚來我覺得有點大隱隱於市的Feel，家常小店沒有豪華裝修，沒有打卡check point，就簡單的一家在基隆街的家常小店，然而車仔麵無味精，豬扒雞扒煎蛋飯都是大家喜愛的，大眾化的價錢，簡單卻又讓人得閒就會回來。-車仔麵叫了豬大腸，香辣魷魚，韮菜餃，豬紅豬大腸洗得乾淨，滷得入味-香辣魷魚爽口惹味，韮菜餃包得飽滿大隻，米線滑嘟嘟。--秘製蔥油豬扒飯 配雙蛋想食飯十分推薦秘製蔥油豬扒飯秘製蔥油豬扒煎得香口，入口鬆化，配煎得燶邊的煎蛋絕對無得輸🥰-招牌鮮炸肉丸最後仲叫左招牌鮮炸肉丸新鮮即叫即炸，肉香滿滿，一口一粒size, 好好食🤩🤩

每次都想一次過食哂個區我 bookmark 好嘅野，呢日去 cafe 前試試呢間車仔麵店先 ☺️☺️招牌鮮煎韭菜餃8隻 $40大家都知深水埗有幾多間出名嘅餃子店，但呢間鋪嘅韭菜餃完全唔輸蝕！！咬落去個刻有驚喜，好juicy！！💦💦而且個餃子皮嘅厚度啱啱好，煎得超香脆！個餡又唔會太鹹，夠哂韭味 😋 絕對值得就咁入嚟食個餃子 🤤 爆漿阿華田西多士 $33其實我係為左呢個多士而黎！！幾年前係澳門馬慶康食完佢地個阿華田西多脆脆之後一直念念不忘，好記得佢個甜西多中間係芝士夾心但味道超夾！！！超級想食多次但又遲遲都未去到 😭而聚來呢款雖然賣相不錯又係熱辣辣整出嚟但面頭牛油都無舊 🥲爆漿個汁略嫌有啲淡麵包唔夠厚同鬆軟。整體上都好淡。下次黎唔會再叫真係好掛住馬慶康 😭😭😭3餸車仔麵 $44叫左豬頸肉 豬紅 手打魚肉，不覺不失，無話特別驚艷食車仔麵最爽就係可以瘋狂落辣菜甫配料同埋辣椒油呢度枱面就無得比你自由落。

今次黎到位於深水埗出名食車仔麵同餃子嘅店舖🤤既然嚟到就當然要叫佢㗎煎餃子同埋車仔麵啦🥳佢地係以家庭式經營 個個都充滿人情味咖🩷自選車仔麵🍜豬耳咬落有獨特脆彈爽口既口感👍🏻咁大碗既車仔麵我又點可以唔叫牛根牛腩😝牛腩入口鬆軟又充滿腩汁既味道😍 豬耳十分爽滑彈牙🤤腩汁湯底浸住啲米線 所以米線有腩汁既香味 yummy💕牛根夠淋顏色呈透啡色 入口夠味👍🏻韭菜煎餃子x芝士粟米煎餃子🥟餃子外皮香脆 但咬落去有濃郁多汁既餡料🥳

前晚又喺深水埗附近做完gym💪🏻去咗附近嘅《聚來車仔麵》食佢哋嘅招牌西多士🤤補充返啱啱消耗完嘅卡路里🤫╰☆ 爆漿阿華田西多士 $35+朱古力榛子$2中間夾心可以揀朱古力榛子🍫/花生🥜西多士面頭鋪滿厚厚嘅阿華田粉，一切開爆晒漿，好治癒呀😍打卡滿分💯加上中間嘅流心煉奶同朱古力榛子醬，入口滿滿滋味╰☆四餸麵 $55 汽水跟餐加$7豬大腸$14｜豬紅$10｜豬皮$11｜雞翼尖$10｜米粉$10 湯底要咗腩汁，豬大腸洗得乾淨冇臭味😌豬皮、豬紅都唔會腥，全部都軟腍入味╰☆煎釀三寶$25街頭小食嘅煎釀三寶呢度都有，叫咗一份嚟試試，香口惹味，食得出釀嘅魚肉新鮮，冇腥味╰☆腩汁生菜$25口感清甜爽脆，索晒腩汁更添滋味

因為太掛住爆漿華田西多同埋煎餃，於是，就衝來了，仲想試埋佢個肉丸🐬又叫到一枱都係🤣📣招牌鮮炸肉丸好耐冇食過真係會覺得入面咁新鮮嘅肉丸🔆 外脆內嫩滑多肉汁🔆🔆🔆📣雙拼招牌煎餃 配上海粗麵👉🏻韭菜豬肉👉🏻椰菜雲耳豬肉依然脆🫶🏻因為太多野想試，今次叫六隻煎餃， 熱辣辣🔆 又香又嫩滑👍🏻 熱氣都要食🤣🫶🏻因為 佢地啲好多煎炸食品都好吸引咁， 所以 堅持叫一份湯麵， 中和一下😂🩷爆漿華田西多🩷👉🏻花生醬朱古力醬花生醬with 大量華田脆脆, 中間有華田飲, 令個西多口感非常豐富🩷佢整得咁靚我今次都食得好小心😂😂😂但因為太澎湃，食食下都係會overflow😂😂😂再講多次，必食🫶🏻

呢間出名車仔麵，但除咗車仔麵其他都好出色！我叫咗幾樣嘢試下~炸雞翼如果要加柚子蜜要另外加$2，但個人覺得唔太夾，有小小分離嘅感覺，如果唔加都ok油菜可以揀生菜同菜心，我就揀咗生菜，份量ok唔會太少香煎雞扒煎得好香，唔會好油，雞肉都幾juicy唔會太乾，唔錯～雖則佢地係車仔麵起家，但我睇中嘅係佢地嘅招牌煎餃🤣加咗3蚊轉芝士粟米餃～大愛！芝士味濃郁得黎膩，煎得勁香唔油！一啖咬落去微脆的，食落勁滋味！真的要必食！