美味棧車仔麵 (Closed)

荃灣石圍角邨其實可以話係一個美食沙漠唔係空㗎我覺得應該話係食物沙漠🏜️成個屋村五間餐廳都唔知有冇🥺🥺連埋百佳惠康同埋711三間有少少嘢食買下嘅嘢…加埋都得好少…而且佢同其他地方有一段距離🥲最近好似都要行落去一段斜路同埋一段路先至去到綠楊新邨🫣🫣所以如果要去石圍角邨做義工或者做嘢食嘢方面真係有啲唔方便最好都係喺荃灣食咗先上去.不過竟然比我搵到一間石圍角邨又好食又抵食嘅車仔麵檔😍😍😍但係周圍都好熱 加上佢哋下面「熟食中心」（好似得呢一間車仔麵檔喺呢度）😅車仔麵檔煮緊嘢食 所以難免會令溫度更加熱🥵成個環境本身就熱 室外冇冷氣🥵🥵所以我係攞咗去第二度食😂😂😂.滷水雞翼台腸沙嗲汁烏冬 👅9/10 $28大份烏冬 $15 跟住再加錢加落去嘅個烏冬就係平時去打邊爐嗰啲 平平地嘅烏冬 但咁平 唔好挑剔😙個汁好好味 沙嗲汁真係好好食🎈🎈不過啲汁好多都流咗落個底度食嘅時候記得撈勻佢😝好中意好中意😈😈.照舊 講下配料:1️⃣台腸 +$6 一條正正常常 好食😋2️⃣雞翼 +7 兩隻兩隻雞翼都係滷水雞翼佢啲肉唔會好鞋🤣好滑嘅肉😝同我老母整嘅一樣咁好食😙😙❤️❤️.真係好抵食 $28真係好大碗食到我飽到痴左線😂不過我相信大家唔

25-8-2018 (Sat) 朝早起身冇乜o野食,老公落o黎買o野食,佢買o左兩碗同樣係$15.00o既腸粉+潮州粉粿,佢o個碗加o左辣醬,我o個碗加o左豉油同麻醬.潮州粉粿係大個,但佢本身係辣,內裡冇脆花生,似都唔係肉粒而係一糰糰粉咁,好怪.腸粉仍挺身唔會太腍,不過豉油同麻醬都好似唔多夠味,我自己加甜醬食.味道同抵食都係1.5分上次食評: https://www.openrice.com/zh/hongkong/review/%E4%BE%9D%E7%84%B6%E5%81%8F%E8%BE%A3-e3047349

尋日 (13-5-2018 Sun)晏晝同老公食完lunch至攞衫同抹屋,唔走得遠就o黎呢間食,我要o左3個都係$4.00o既餸配咖哩汁,$8.00o既米粉,再加$4.00要罐庄汽水.老公要1個$4.00,2個$5.00o既餸配腩汁小辣$8.00o既公仔麵,再加$3.00要盒裝飲品.買完返o黎,我o既3餸係豬紅豬皮同時菜,時菜係生菜.而老公o既餸係司華力腸,韭茶餃同牛丸.睇見老公o個碗小辣有好多辣椒油,佢食落都話幾辣,會唔會重手o左啲呢?而我o個碗唔加辣之餘重叫佢俾少少咖哩汁, 咖哩汁本身帶辣,真係好彩,講返食物,所有o野o既口感都o岩o岩好,中規中矩冇驚喜咁啦.而老公o個碗我冇問佢覺得點.價錢:原本以為老公o個啲total$26.00,因為佢話收佢$50.00,咁即係佢o既盒裝奶茶係$4.00,佢張點餐紙食寫明盒裝飲品$3.00起o既,唔通佢o既來貨價錢唔穩定?

石圍角邨係我由細到大住嘅地方，不能幼稚園小學中學我都係喺石圍角讀書，基本上石圍角嘅所有餐廳我都已經食過晒，爺爺嫲嫲依然仲係石圍角村居住所以每到星期六日我都會選擇返去石圍角邨探探老人家，有陣時晏晝冇咩野做就會同老公去兩個人行吓懷舊嘅街市，去吓舊式士多買下野重拾下兒時回憶。今次我就去咗車仔麵檔食個下午茶，叫車仔麵檔就當然唔太乾淨啦，不過有時就係食呢一啲風味，價錢平味道好先至係重點。坐嘅位置一定係唔討好，食得車仔麵就要預咗坐係一啲唔乾淨嘅地方。因為下午茶嘅關係我哋冇叫面我哋叫左淨餸，有魚皮餃，蘿蔔，豬頸肉同豬腸，估唔到湯底好濃好香，蘿蔔清甜冇渣，豬頸肉醃得入味，一讚。不過個燒賣就好粉，咁都明白係來貨問題。舊式嘅車仔麵真係賣少見少，唔知呢一間又可以keep到幾耐呢？

今日(12-7-2016 Tue)叫做好返啲,要夾硬食返多啲o野,之前已經諗想食豬紅,豬皮同蘿蔔,但一直都冇胃口.朝早落士多整o野經過呢間, 豬紅,豬皮,蘿蔔同魚蛋呢四款淨餸價錢平宜,兩餸$10.00,三餸$12.00.正好o岩我想食o個三樣同唔使食麵(根本食唔落),於是o黎買同爸爸share,要腩汁.睇住佢先擺蘿蔔,大大舊o既,之後係豬紅豬皮,最後加腩汁走得.返到屋企睇,豬紅,豬皮各有5件,蘿蔔有4大舊,腩汁好深色.先食豬皮, 豬皮薄,夠腍同入味,唔錯.味道: 4.8分豬紅腍同有啲啲彈,亦都唔錯.味道: 4.5分而蘿蔔就差o左,未夠腍同有少少渣,亦唔甜,更加係未入味.味道: 0.5分最後腩汁,腩汁偏甜唔好味.味道: 0.5分不過佢啲餸全部都熱騰騰的.

13-5-2016 (Fri) 晏晝,同老公返返荃灣,佢又肚餓,話要食o野喇. 咁落街啦,橫豎又要買o野,佢話食呢間,啊.由於我唔想再食肉,於是揀o左腐竹,時菜同白蘿蔔油麵,要咖哩汁冇加辣.其他就由老公自己決定.於是佢買o左腸粉燒賣同潮州粉粿.我先食我o既o野,白蘿蔔有四大件,好甜又冇渣,正. 腐竹就有兩大片,,味道好濃同夠腍;呢兩樣都係5分啦,不過腐竹原來做車仔麵係唔多夾;而咖哩汁原來都幾辣呢.至於老公點o個啲,都係大同小異啦.味道係3.57分價錢係$37.00.

今日(4-4-2016 Mon)清明節假期,又同老公拎o野返荃灣同整o野,到晏晝肚餓喇,落樓食晏兼又要買o野.老公話想食車仔麵,我諗威威,但老公話呢間,因為覺得呢o既車仔麵應該入味啲.啊,好啦.我o地去到,等一個客人坐o係o度食,我o地都坐低剔o野食,我揀o左豬皮,豬紅,時菜,魚皮餃油麵,要咖哩汁小辣,共$24.00.老公要蘿蔔,豬大腸,漢堡扒,墨丸米,牛腩汁小辣,加$4.00要罐可樂,共$30.00.老公買o左都幾耐至有,我o地開動喇,我o既咖哩汁味道唔係咁出,只食到辣椒油o既辣.豬皮夠軟冇沙;魚皮餃有3粒仍算爽;豬紅都爽,幾好食;時菜係生菜,冇問題啦.油麵都唔會太腍,OK.而老公o既呢?我食o左豬大腸,算乾淨o既,口感腍;墨丸,都仍算爽口,內裡都有墨魚粒;蘿蔔,呢個唔掂,未腍,但甜,o徙晒.而佢飲晒啲湯,話好夠味,不過都似係味精粉.味道係2.8分,衛生: 2.5分

前日(26-7-2014 Sat)朝早起身後冇食o野,到11:30am左右開始餓,男友話o係o度買粉粿食,佢一買就買o左同樣係$5.00六粒o既牛肉同魚肉燒賣各一串,粉粿四個,加一碗腸粉同一支豆漿,共和$33.00.開餐,先食牛肉燒賣,味道有啲怪,不過算吧; 魚肉燒賣正常冇問題;粉粿裡而冇沙葛,有微辣,但餡料味道都係怪怪;加o左甜醬同麻醬o既腸粉,食得出有米味,但醬其實少o左啲.最後男友攞佢來貨o既豆漿飲,好彩佢斟落杯o度,比平時杰,唔知係咪壞,我飲吓,有少少變味,開始變壞喇,男友唯有拎返去換,換o左罐可樂返o黎,平$1.00,算佢老實.味道唔計飲品,分數同抵食一樣係2.5分

前日(26-1-2014 Sun)凌晨因爸爸痛風發作,我諗要男友陪爸爸去打針,我就要買餸,所以朝早男友梳洗後,o係o度買啲o野食.今次佢用$3X.00買o左糯米雞,$3.00一個o既粉粿兩個,腸粉豬皮同一支豆漿.男友先食晒佢o既份量然後至俾我食,糯米雞內有一隻雞中翼同兩節臘腸,由於男友知我唔食臘腸,所以佢食晒啲臘腸,留返雞中翼俾我.到我食喇,雞中翼夠腍,餡料重有冬菇絲,肥肉絲,而味道,我食到有薑味,應該係要o黎辟腥,但重手o左,至於糯米,係夠軟熟同粘,但好似多水o左而且唔夠味.味道同抵食分同樣係2.5分後面o個3樣之前都食過同寫過,大致上冇乜分別,只係今次樣樣都食到啲辣味.最後o既豆漿係來貨,唔作評論.

28-12-2013(Sat)及29-12-2013(Sun),男友都o係呢o度買o野食當lunch,28-12-2013(Sat)用$21.00買o左腸粉,豬皮,魚蛋同粉粿兩個(粉粿係$3.00一個),重有一支來貨o既凍豆漿,我o地開餐喇.我先食粉粿,粉粿皮厚煙韌,正常,但內裡o既餡冇沙葛,只有花生,韭菜同少量肉碎,味道都叫做夠又唔太鹹.腸粉都算厚身,男友話呢間口感好過江記,因為有啲啲彈,而我就鍾意呢o度有麻醬.豬皮爽口冇沙,OK.魚蛋都一般冇乜問題.而29-12-2013(Sun),佢就用$26.00買o左腸粉,豬皮,牛肉同魚肉燒賣,再加兩包紙包庄飲品.前兩者唔使再講,後兩者口感太腍,但牛肉燒賣都食到牛肉味,咁樣都唔錯,不過如果有喼汁重正.