美味棧車仔麵 (Closed)

13-5-2016 (Fri) 晏晝,同老公返返荃灣,佢又肚餓,話要食o野喇. 咁落街啦,橫豎又要買o野,佢話食呢間,啊.由於我唔想再食肉,於是揀o左腐竹,時菜同白蘿蔔油麵,要咖哩汁冇加辣.其他就由老公自己決定.於是佢買o左腸粉燒賣同潮州粉粿.我先食我o既o野,白蘿蔔有四大件,好甜又冇渣,正. 腐竹就有兩大片,,味道好濃同夠腍;呢兩樣都係5分啦,不過腐竹原來做車仔麵係唔多夾;而咖哩汁原來都幾辣呢.至於老公點o個啲,都係大同小異啦.味道係3.57分價錢係$37.00.