Video
13-min walk from Exit B, Tai Wo Hau MTR Station
continue reading
Payment Methods
Above information is for reference only. Please check details with the restaurant.
荃灣石圍角邨其實可以話係一個美食沙漠唔係空㗎我覺得應該話係食物沙漠🏜️成個屋村五間餐廳都唔知有冇🥺🥺連埋百佳惠康同埋711三間有少少嘢食買下嘅嘢…加埋都得好少…而且佢同其他地方有一段距離🥲最近好似都要行落去一段斜路同埋一段路先至去到綠楊新邨🫣🫣所以如果要去石圍角邨做義工或者做嘢食嘢方面真係有啲唔方便最好都係喺荃灣食咗先上去.不過竟然比我搵到一間石圍角邨又好食又抵食嘅車仔麵檔😍😍😍但係周圍都好熱 加上佢哋下面「熟食中心」（好似得呢一間車仔麵檔喺呢度）😅車仔麵檔煮緊嘢食 所以難免會令溫度更加熱🥵成個環境本身就熱 室外冇冷氣🥵🥵所以我係攞咗去第二度食😂😂😂.滷水雞翼台腸沙嗲汁烏冬 👅9/10 $28大份烏冬 $15 跟住再加錢加落去嘅個烏冬就係平時去打邊爐嗰啲 平平地嘅烏冬 但咁平 唔好挑剔😙個汁好好味 沙嗲汁真係好好食🎈🎈不過啲汁好多都流咗落個底度食嘅時候記得撈勻佢😝好中意好中意😈😈.照舊 講下配料:1️⃣台腸 +$6 一條正正常常 好食😋2️⃣雞翼 +7 兩隻兩隻雞翼都係滷水雞翼佢啲肉唔會好鞋🤣好滑嘅肉😝同我老母整嘅一樣咁好食😙😙❤️❤️.真係好抵食 $28真係好大碗食到我飽到痴左線😂不過我相信大家唔會屎窟痕走入去呢啲屋邨😂😂但如果大家真係屎忽痕嘅話…咁就食呢一間啦🥰😙.味道👅： 9.5/10賣相👀：7.5/10 （其實冇咩賣相可言）扺食💰：9.9/10環境🎑： 7/10 （建議夏天攞走食🙏🏻）
continue reading
25-8-2018 (Sat) 朝早起身冇乜o野食,老公落o黎買o野食,佢買o左兩碗同樣係$15.00o既腸粉+潮州粉粿,佢o個碗加o左辣醬,我o個碗加o左豉油同麻醬.潮州粉粿係大個,但佢本身係辣,內裡冇脆花生,似都唔係肉粒而係一糰糰粉咁,好怪.腸粉仍挺身唔會太腍,不過豉油同麻醬都好似唔多夠味,我自己加甜醬食.味道同抵食都係1.5分上次食評: https://www.openrice.com/zh/hongkong/review/%E4%BE%9D%E7%84%B6%E5%81%8F%E8%BE%A3-e3047349
continue reading
石圍角邨係我由細到大住嘅地方，不能幼稚園小學中學我都係喺石圍角讀書，基本上石圍角嘅所有餐廳我都已經食過晒，爺爺嫲嫲依然仲係石圍角村居住所以每到星期六日我都會選擇返去石圍角邨探探老人家，有陣時晏晝冇咩野做就會同老公去兩個人行吓懷舊嘅街市，去吓舊式士多買下野重拾下兒時回憶。今次我就去咗車仔麵檔食個下午茶，叫車仔麵檔就當然唔太乾淨啦，不過有時就係食呢一啲風味，價錢平味道好先至係重點。坐嘅位置一定係唔討好，食得車仔麵就要預咗坐係一啲唔乾淨嘅地方。因為下午茶嘅關係我哋冇叫面我哋叫左淨餸，有魚皮餃，蘿蔔，豬頸肉同豬腸，估唔到湯底好濃好香，蘿蔔清甜冇渣，豬頸肉醃得入味，一讚。不過個燒賣就好粉，咁都明白係來貨問題。舊式嘅車仔麵真係賣少見少，唔知呢一間又可以keep到幾耐呢？
continue reading