紹華小廚

Open Now

Now Closed

味道正常，餸份量算多。但服務態度超差。叫左3樣野，1樣落漏，1樣黎錯，開頭都樂意幫我地落番單/改番。之後食左半個鐘，碟炒菜仲未黎，叫左個男人跟，佢語氣勁差淨係拋低一句「黎緊啦」就走左。好明顯冇打算幫我地跟。我地一直望住佢，佢一直做其他野冇幫我地跟。又過左15分鐘，都係冇黎，我地叫另一個女人取消左。之後，因為好多枱都會同時叫埋隔離間印度餐廳既食物，所以佢地執枱要執埋印度餐廳既餐具（啲枱係share用）。呢間野唔知係咪同印度野有愁，勁大力將人地啲碟劈開一邊，仲劈到人地個杯成個訓低，𥚃面飲淨既mango lassi仲彈到我地個袋冇下次！！

已經是第四次來吃煲仔飯，以前冬天，四處找隱世高手，遇上了紹華，終於以後不用搵，如果你喜歡和牛，你一定會愛上蒜香牛頸脊飯，牛冇根、香牛味，加埋炸蒜，真係食多幾碗飯，土魷肉餅飯就好傳統，我每次都order 黑椒蜜糖雞翼，這碟雞翼，加上超香脆的腰果，碟雞翼就算涼了，皮都仲係好脆，真係連蜜糖都食清😂今次嘗試了豉汁蒸魚雲，幾十元碟，竟然非常新鮮，真係抵食夾大件😬由於餐廳在街市內，小心地面濕滑，記得早些去排隊，好多街坊幫襯

天氣越嚟越凍，人都變得懶洋洋。咁凍的天氣唔係成日有，而凍個陣除左打邊爐，食雞煲外，最啱就係食煲仔飯。嚟咗愛秩序灣的市政大樓，入面有一間好出名食煲仔飯。 約莫七點幾，嗰度已經坐滿曬人喇! 幾乎每枱的人都係嗌煲仔飯，而我地一坐低，諗都唔使諗就叫咗兩煲煲仔飯。來到的時候，侍應就徒手幫我哋打開個蓋，淋豉油，然之後又蓋返個蓋。跟住等2分鐘，就可以打開個蓋食啦!土魷肉餅飯呢個飯比臘味飯失色，油份唔係太多， 不過個魷魚好似有燒過的效果，入口有係街邊食燴魷魚個隻香味。合時臘味飯有臘鴨、臘腸、潤腸和臘肉，啲料真係好豐富， 當中臘鴨比較鹹，只有臘腸同埋臘肉係好香，有啲酒味。不過我嫌啲飯都未夠燶，個邊都冇飯焦。

入冬啦～～～朋友推薦呢間喺熟食中心既煲仔飯🍚黎到好彩都冇傳統熟食中心果種味道～都算乾淨既！呢間興新奇配搭⋯⋯但冇我最喜歡既白鱔最後揀左鱆魚雞粒飯，友人話「好削」😂😂😂😂友人好想食羊腩煲～就叫左個$298啦！見到腐乳醬，就知道要食羊腩啦呢隻腐乳醬都幾香，但食食下會好咸，唔好沾咁多呀～～老闆幫我地淋左豉油，焗多兩分鐘～食得非常多雞粒，太少章魚粒🤣🤣🤣豉油偏甜，我幾中意！飯焦多，好香，好食呀！！羊腩煲真係食到暖笠笠～好足料！羊、枝竹、冬菇、馬蹄都好多！加埋碟送既油麥菜，超飽！

我已經食過3次，因為得冬天先有煲仔飯食，所以趁仲係冬天，就再去食。今次叫左潤腸田雞飯再加芋泥，潤腸好香，味道拍得上榮華潤腸，田雞好鮮甜，其實我平時吾食田雞，但上次係度一試田雞後，就愛上田雞煲仔飯，再加芋泥，簡直係好豐富好滿足，芋泥好香，撈埋飯食一流。我一個女孩自己食一煲，已經超級無敵飽肚。計埋都係70幾蚊，同外面食價錢差吾多，不過我欣賞佢夠足料，餸夠多，仲要有埋例湯飲，果晚係菜乾湯，好鮮甜，所以好抵食。我之後都會再去食過

I intentionally and purposefully asked for chicken cashew with broccoli and the restaurant tailor made this dish for me. I couldn’t find it on their menu. They gave me excellent service and the dish was delicious, although I think the portion was a bit small for the price. But it was so good that I would go back there and order it again and again. Crunch cashews and fresh crunch broccoli with juicy chicken.

呢幾日天氣真係好好好凍，凍到完全唔想出門，但打工仔表示無得揀，手停口停，唯有乖乖地爬起身返工～所以我就決定今日收工要獎勵下自己，食返個暖笠笠嘅煲仔飯，咁先對得住自己架嘛！野菌、鵝肝、豉油、燒汁、煲仔飯，呢四種食材同配料聽落好似九唔搭八，但原來配搭起上嚟又幾好食。 炭燒煲仔飯嘅火候控制得好好，煲底有飯焦之餘，又唔會太燶。加上經過薄薄一層油炸嘅鵝肝粒，成煲飯嘅香味就更加濃郁。 就算配料喺落咗本身水份比較多嘅菌類，飯粒都無因為咁而又濕又爛，反而仲保持到粒粒分明，食落仲好香軟。最後配上燒汁調味，絕對喺色香味俱全。

🦆🍄🍚: 天氣凍左咁多日，搵下雜誌介紹的煲仔飯，終於的起心肝遠赴未食過的，去搵好些煲仔飯來吃。選了呢間，報道話沿自銅鑼灣新翠華，煲仔飯做得出色，但食評又話伏，不過想試下創新煲仔飯，唔食平時的臘腸排骨雞等，就去試試您。地區： 未去過，在B3出口出其實過對面唔太遠，好易走左入商場，但其實街市及熟食市場在商場側的，唔識路的要注意，找到後在地下一門口就是了。環境： 熟食市場比想像小很多，裹面仲有印度及泰國野，佢係一些梗枱，不是如鵝頸橋街市圓枱圓椅，當日又唔太多人，一場黎到，試下啦。食物： 有分傳統煲仔飯及創新的，羊肉煲仔飯，荔茸肉碎都有介紹過，自己鐘意鵝肝油香，叫呢個試試。野菌鵝肝煲仔飯：試個創新野菌鵝肝飯，軟鵝肝配脆爽雜菌雙映成趣，一軟一硬最佳組合，鵝肝煎香過，帶有鵝油香，只可惜鵝肝太少太碎味道唔夠突顯，如切大件些啖啖細味品嚐鵝肝香味，花多些$也願。菇配鵝肝是好的組合，軟軟鵝肝，配超有味脆爽菇菌，加上粒粒分明飽滿的白飯，夠乾身，有少少飯焦唔太濃好好，菇好食，足料舖滿煲飯！不要落太多豉油蓋過原味（佢幫我一手落埋豉油，不愛咸的還是自己控制的好）。環境不大，是熟食市場隔局，食物無雜誌講到期望的好，

在youtube看過多次介紹，我在18年1月20日到愛秩序湾街市嘅"紹華小厨",点了一個膶腸黃鱔㷛仔飯，飯無飯香，好似用電飯㷛煮的，沒有我合理期望的飯焦，極差！唯一有水準伪就是另加5元的凍檸樂。

見傳媒介紹呢間用真GE岩爐, 所以去試下。都要等20-25分鐘架....一上台, 好熱!!! STAFF幫我地開蓋, 林甜豉油, 再蓋上, 等一陣就食得喇!!講個飯先, 第一啖覺得偏乾, D FD話用炭爐煮會係咁, 落多D 甜豉油就覺得剛好。 D 飯好大朕炭味!!! 食得出係炭爐煮, 好有風味!!!我試左2款, 滑雞同田雞。 雞真是好滑, 唔會煮得太老太鞋, 正! 田雞無乜鮮味, 不過都多肉, 一般。以價錢來計, 呢度好食但平過出面, 抵!果度係熟食市場, 仲可以叫其他鋪GE野, 我地仲叫左2串串燒。雞肉串燒大大串, 味道唔錯, 豬肉就太咸了, 個醬汁唔係出面果D 東南亞食肆GE吁道, 係好似大哥牌椰汁花生, 好味WOR, HAHA

如題，小菜用微波爐煮俾客，是常識嗎？一碟口水雞，要等不是問題要煮不是問題要客等廚房煮不是問題問題係用微波爐煮，大家覺得有冇問題如果冇問題，就冇問題啦有問題有自己唸吓仲叫唔叫啦其實煲仔飯係ok嘅，最唔好ok係冇理由用微波爐煮哎

如果講煲仔飯黎講全港最多人講應該係廟街但我同身邊既人食過廟街煲仔飯都覺得唔係唔好食, 係好難食呀!!!係香港揾好食既煲仔飯真係難所以今次聽朋友講去左紹華食煲仔飯田雞臘腸煲仔飯係紹華食D個煲仔飯都係比較失望, D米煮得比較淋, 唔夠乾身, D個位已經扣左好多分, 正路叫臘腸煲仔飯你都會預期臘香味會浸入飯到, 但佢D臘腸又唔夠香味, 係好過廟街既, 但都算唔上合格水平蜜糖牛仔骨比起煲仔飯黎講, 紹華既小菜反而有驚喜, 牛仔骨幾有牛味, 又唔韌, 加蜜汁甜甜地好夾, 幾好送飯總結黎講紹華煲仔飯不值一提, 睇黎想係香港食好食既煲仔飯要再揾下, 反而紹華既小菜有驚喜

自從上次黎紹華食左個唔好食既煲仔飯中伏之後, 都冇打算會再黎D間食, 但係同事話佢既小菜先係D間紹華既重點咁就比多次機會紹華今次叫左個蜜汁腰果牛仔骨同埋個西蘭花炒鮮魷蜜汁腰果牛仔骨真係好好食, 好好食, 好好食 (重點要說三次)佢既腰果炒得好香, 好脆口, 個蜜糖味甜度又岩岩好牛仔骨又唔會落好多琉打粉, 但又夠鬆喎D肉, 蜜糖味包住D牛仔骨真係人間極品!另一個西蘭花炒鮮魷就差少少啦鑊氣係夠, 但係鮮魷就唔係好夠味但份量都幾大件, 都收貨啦總結如果大家去食一定要食蜜汁腰果牛仔骨, 真係好好味, D個做佢招牌菜好過D煲仔飯啦, 而且小菜價錢唔貴, 下次食小菜都會再黎紹華

抓緊煲仔飯既尾巴，捉緊煲仔飯既節奏！寶寶食過煲仔飯既地方唔多，但呢間絕對暫時係我食過咁多間最好味既一間！據說仲有半個月就休息收爐，快啲把握時間約埋朋友仔去煲一煲 🤓見收爐關係，當然有大食大，有幾多叫幾多！食大鑊飯之前食返兩味小菜先，叫左 #馬拉盞炒通菜 同 #黑椒蜜糖雞翼，馬拉盞都係呢隻味啦，係幾正幾濃味既！而雞翼就一定要叫，炸得脆脆，隻隻都比蜜糖包圍又不失黑椒味，真係食到停唔到口 😂Let's go hawks! 一口氣叫左 4 煲煲仔飯 😈 先由第 4 名開始講，#豬膶黃鱔飯，朋友子指定要食呢個，但我最唔中意食呢個 😂 皆因我對內臟真係唔中意，比面食左舊豬膶，不過真係接受唔到隻味，但專業食評指出舊豬膶係好食既，而鱔我都係唔食既，好唔中意以往食開個口感係 Hi 10 10 既 🙄 但呢個整得唔錯呀，好爽口，但係個味道我都係覺得一般！第 3 名就係 #豉汁帆立貝象拔蚌飯，識我既人都知我中意食帆立貝，煲飯總共有 2 隻帆立貝，的確唔錯，不過有啲太 dry，好小象拔蚌，基本上大多都係飯，但係都算係咁，出面大排檔咁既價錢都只係食到 2 隻帆立貝，係最後硬啃啲飯比較辛苦！而亞軍得主係 #野菌鵝

As the cold weather rolls away for spring's bleak mixture of rain and sun, there's nothing more comforting than claypot rice. The location is a little far out, nesting inside the cooked food court inside of the wet market – but it's all worth it when it comes down to the food itself. Claypot rice has quite the traditional standing in Hong Kong, and the common contenders are the ones that dominate Temple Street. The usual choices are usually chinese preserved sausages, perhaps chicken, and a gene