48
7
6
5-min walk from Exit B3, Shau Kei Wan MTR Station continue reading
Telephone
81998188
Opening Hours
Today
10:00 - 22:00
Mon
Closed
Tue - Sun
10:00 - 22:00
Payment Method
Cash
Number of Seats
60
Other Info
TV Broadcast
Review (68)
Level4 2018-02-08
530 views
🦆🍄🍚: 天氣凍左咁多日,搵下雜誌介紹的煲仔飯,終於的起心肝遠赴未食過的,去搵好些煲仔飯來吃。選了呢間,報道話沿自銅鑼灣新翠華,煲仔飯做得出色,但食評又話伏,不過想試下創新煲仔飯,唔食平時的臘腸排骨雞等,就去試試您。地區: 未去過,在B3出口出其實過對面唔太遠,好易走左入商場,但其實街市及熟食市場在商場側的,唔識路的要注意,找到後在地下一門口就是了。環境: 熟食市場比想像小很多,裹面仲有印度及泰國野,佢係一些梗枱,不是如鵝頸橋街市圓枱圓椅,當日又唔太多人,一場黎到,試下啦。食物: 有分傳統煲仔飯及創新的,羊肉煲仔飯,荔茸肉碎都有介紹過,自己鐘意鵝肝油香,叫呢個試試。野菌鵝肝煲仔飯:試個創新野菌鵝肝飯,軟鵝肝配脆爽雜菌雙映成趣,一軟一硬最佳組合,鵝肝煎香過,帶有鵝油香,只可惜鵝肝太少太碎味道唔夠突顯,如切大件些啖啖細味品嚐鵝肝香味,花多些$也願。菇配鵝肝是好的組合,軟軟鵝肝,配超有味脆爽菇菌,加上粒粒分明飽滿的白飯,夠乾身,有少少飯焦唔太濃好好,菇好食,足料舖滿煲飯!不要落太多豉油蓋過原味(佢幫我一手落埋豉油,不愛咸的還是自己控制的好)。環境不大,是熟食市場隔局,食物無雜誌講到期望的好,有更進步空間!不過也欣賞餐廳創新意念,飯底,什菇也好吃。下次試番傳統配料。不過一煲飯都成70幾蚊,不過人地火喉控制好,手工技巧錢。 等我自己番屋企試整下先!冬日撐暖笠笠煲仔飯!❤️加$2, 可轉熱飲,叫左杯熱華田,超重手!好甜。。。 continue reading
(The above review is the personal opinion of an user which does not represent OpenRice's point of view.)
Level6 2017-04-30
3487 views
忽然間想起剛剛過去的冬天,竟然一次也沒有外出食煲仔飯,原因當然是近幾年環球氣溫上升的情況下,香港的冬天真真正正寒冷的日子越來越少,就沒有了這個大自然的訊號提醒食煲仔飯的季節什麼時候開始。不知不覺已經踏入四月尾,天氣漸趨溫暖,如果再不把握機會,又要等多半年才會有興致及氣候的配合去食煲仔飯。經過一輪快速搜尋,最近屋企、又要有一些食煲仔飯風味的地方,似乎只有「紹華小廚」。何謂食煲仔飯的風味環境?第一,首推大排擋,試想想寒風颯颯下食着一鍋暖入心的煲仔飯是何等的滋味!但香港的正式大排檔的越來越少,只好退而求其次在康文署轄下的市政大樓熟食中心吧!愛秩序灣市政大樓面積細細,熟食中心也不會大到哪裏去,整個熟食中心只有四個鋪位,「紹華小廚」就佔據了其中兩個,其中一個專責鑊氣小炒,另一個在冬季則專責煲仔飯。這裏主打煲仔飯,既有傳統口味,也有新穎配搭,加起來接近四十款。新穎配搭都是偏向重口味款式,不太啱小公主的胃口,還是揀了兩煲傳統口味,也深信最能夠試出煲仔飯的質素。餐牌又標榜炭燒煲仔飯,但看不見廚房的內裏乾坤,不肯定是真是假;只不過到底是否用上炭爐,一食落口馬上知分曉,期待煲仔飯送上來後試味的那一刻 ⋯⋯最估唔到嘅係不需15分鐘就送上了第一煲飯。一如其他煲仔飯小館,鱆魚雞粒飯($65,轉凍飲加 $4)送上來的時候都是蓋著煲蓋的,夥計也提醒加入秘製豉油之後再要再焗多三、四分鐘才能達到最佳的味道,但這裏的夥計真的只是「提醒」我們,而並沒有代為打開煲蓋淋上豉油?!也明白熟食中心內的檔口絕不可能有什麼優質服務,但即使在其他街坊小館,甚至乎廟街大排檔,叫煲仔飯幫客人打開煲蓋淋上豉油、再衾回煲蓋是最基本的要求吧?雖然尚未試味,但已經打了一個折扣。食煲仔飯淋豉油後再衾回煲蓋焗飯其實有實際用途。首先,可因應客人喜好而調校豉油份量;其次,焗飯的過程就利用了瓦煲存熱保溫能力強的特性,利用餘温讓豉油慢慢滲入飯粒。雞粒份量的確相當多,但乾鱆魚粒的份量偏少,兩款材料的比例並不平均。雞肉粒欠缺雞味;章魚粒雖然軟韌適中、又有咬口,但欠缺了乾鱆魚的香氣。飯粒比較值得一讚,粒粒分明,並沒有黏結在一起,但又沒有全用舊米的過份乾硬,新米、舊米比例調配相當恰當,只是略嫌不夠油潤、飯粒的柔韌度尚欠一點點火喉,但絕對沒有米粒未熟透的問題。由於送上煲仔飯時間太過快,起初有所懷疑是否炭爐煲飯;但的而且確有炭火香氣,這點是騙不了人的。相信因為太多人叫煲仔飯,廚房又有大量炭爐,可以不停煲飯底,再按柯打加入材料;當然,也明白到今時今日的大排檔沒有可能由頭到尾、整個程序用炭爐煲熟整煲飯,估計都是最後階段才用炭爐加熱,以營造炭煮香氣。食到最後,瓦煲底有一層薄薄的飯焦,也是另一個用瓦煲由生米煮成熟飯的鐵證。本來這層飯焦是最美味的,既香脆、又焦香;但擔心熱氣,沒有一嚐這層飯焦。心想,其實可以參考日式茶漬飯,加入適量高湯再用明火煮一會,應該會非常好味 ⋯⋯ 但這個程序肯定不會在熟食中心或大排檔出視。第一煲飯叫做合格,第二煲豬膶黃鱔飯($72)則絕對是肥佬。忘記了加豉油直接焗飯,時間也只有3分鐘左右,肯定沒有焗飯時間過長而影響食材;一打開煲蓋、看見飯面的材料,就已經倒了胃口。無論豬膶或黃鱔皆明顯過了火,豬膶食落口非常乾硬、非常粗嚡,完全沒有應該有的嫰滑爽口質感,乾硬的嚴重程度甚至乎可以說是難以下咽。黃鱔也好不到哪裏去,既沒有香味、肉質同樣非常乾,黃鱔應該有的水份及油脂完全徹底地流失。除了主打煲仔飯,當然也有其他小菜,揀了一碟紹華小炒皇($70)。材料都是預料之中,包括韭菜花、腰果、魷魚、蝦乾,還加入了豬頸肉碎,當然少不了XO醬一同炒香。先講味道,只是一般而已, XO醬料選材非常普通、唔夠惹味,除了些微香辣之外,找不到瑤柱絲或金華火腿蓉;也明白熟食中心檔口不能要求太高,但炒得唔夠乾身、連大排檔最大優點「鑊氣夠」也欠奉,就有點失望了。豬頸肉及鮮魷都算夠新鮮;最大敗筆就是韭菜花,非常老、每一條都有很多纖維及渣滓,真的無法完全吞下去。熟食中心主要客源都是街坊,價錢當然不能夠貴。講小菜,應該要香口、惹味、夠鑊氣;雖然只是試了一道,但用得小店名字叫紹華小炒皇,應該相當出色,但結果有點失望。講煲仔飯,最好當然是用炭爐煲飯,就算只是汽體爐,也一定要由生米煮成熟飯;「紹華小廚」是做到了這個基本要求,飯粒也算煲得相當出色,但煲仔飯的餸料,則完全不敢恭維、甚至可以用難食去形容。價錢的確是街坊價,但所叫的幾款出品同樣是街坊菜式,也應該是大排檔或熟食中心的撚手菜式;以這樣的質素,沒有可能不給予一個喊臉,莫非今次揀錯了最難食的出品? continue reading
(The above review is the personal opinion of an user which does not represent OpenRice's point of view.)
Level2 2018-04-15
13 views
我已經食過3次,因為得冬天先有煲仔飯食,所以趁仲係冬天,就再去食。今次叫左潤腸田雞飯再加芋泥,潤腸好香,味道拍得上榮華潤腸,田雞好鮮甜,其實我平時吾食田雞,但上次係度一試田雞後,就愛上田雞煲仔飯,再加芋泥,簡直係好豐富好滿足,芋泥好香,撈埋飯食一流。我一個女孩自己食一煲,已經超級無敵飽肚。計埋都係70幾蚊,同外面食價錢差吾多,不過我欣賞佢夠足料,餸夠多,仲要有埋例湯飲,果晚係菜乾湯,好鮮甜,所以好抵食。我之後都會再去食過 continue reading
(The above review is the personal opinion of an user which does not represent OpenRice's point of view.)
Level4 2018-03-13
65 views
I intentionally and purposefully asked for chicken cashew with broccoli and the restaurant tailor made this dish for me. I couldn’t find it on their menu. They gave me excellent service and the dish was delicious, although I think the portion was a bit small for the price. But it was so good that I would go back there and order it again and again. Crunch cashews and fresh crunch broccoli with juicy chicken. continue reading
(The above review is the personal opinion of an user which does not represent OpenRice's point of view.)
Level3 2018-02-13
146 views
呢幾日天氣真係好好好凍,凍到完全唔想出門,但打工仔表示無得揀,手停口停,唯有乖乖地爬起身返工~所以我就決定今日收工要獎勵下自己,食返個暖笠笠嘅煲仔飯,咁先對得住自己架嘛!野菌、鵝肝、豉油、燒汁、煲仔飯,呢四種食材同配料聽落好似九唔搭八,但原來配搭起上嚟又幾好食。 炭燒煲仔飯嘅火候控制得好好,煲底有飯焦之餘,又唔會太燶。加上經過薄薄一層油炸嘅鵝肝粒,成煲飯嘅香味就更加濃郁。 就算配料喺落咗本身水份比較多嘅菌類,飯粒都無因為咁而又濕又爛,反而仲保持到粒粒分明,食落仲好香軟。最後配上燒汁調味,絕對喺色香味俱全。 continue reading
(The above review is the personal opinion of an user which does not represent OpenRice's point of view.)