禾之家素食

老豆放假 話太耐冇食素 所以要清清腸胃 原本諗住係長沙灣求其搵間齋鋪算 點知 老豆就話食齋都要食得有要求 要出太子搵好食既齋鋪 於是 就一行四人揸車出去太子搵食  咁岩轉到太子內街有位泊車 又見到對面街就有間齋鋪 唔知依d係咪就係叫緣份於是就諗住直踩入去食 點知入面滿哂 個侍應話要等半個鐘先有位 我就主動提議話留電話 有位call我 唉 為左食等下都有咩所謂既 橫掂當時都係730pm 我自己屋企平時都係800pm先開飯 唯有行住花園街先半個鐘之後 見未有電話睇 就行返去鋪頭等食 點知入面d人好似冇郁過咁 個侍應話好快 入去坐陣先 咁我地就入去揀定食咩 其實佢有d 2人套餐丫 4人套餐都幾抵食 但我老母諗住試雨佢個咖哩羊腩配印度薄餅 個套餐入面冇既 所以決定散叫算 每人$3既茶芥俾d咩茶我呢...  哦 原來係玄米茶 都幾好飲既餐前小吃 每人一粒蕃茄仔 好甜 應該有落糖 個碗仔仲見到有茄汁 洗唔洗用埋茄汁黎調味丫sosad老豆夜晚一定要食飯 所以叫左個北菇蒸雞飯 嘩 依個飯不得鳥 係成餐飯最好食 一黎夠香 二黎足料 話明齋鋪 點會有雞俾你食呢 佢自然用其他野代替 咁係咩呢?! 拿 以素食黎講 離不開都係菌類 大家諗唔諗到咩菌最似雞肉呢?! ......佢用左猴頭菇黎代替 唔講得笑丫 咬落去既口感真係幾似 之後仲有木耳同其他菌做配菜 淋上醬油 將飯同菌撈埋一齊食 仲有陣陣既薑味 真係好好食 (hkd$7x)之後黎左老母最想食既咖哩羊腩配印度薄餅 以咖哩黎講 都算夠香夠滑 撈飯一流 不過好可惜佢既羊腩係用面筋黎代替 口感唔多似 而且面筋得數粒 即刻大打折扣 浪費左d咖哩汁 而印度薄餅 你都唔多期望太高 只係非常非常普通既急凍薄餅皮熱返俾你既貨色 這個可以不試:( (hkd$6x)我想食粥清清地 因為好耐以前食過六榕仙館既粟米粥 所以黎到食度都想叫個粟米粥黎食下 睇下可唔可以回味下 於是就叫左個玉子粟米粥...... 碗粥黎到......賣相都覺得堅麻麻:( 食落真係名符其實既 玉子.粟米.粥 全部味都係各自各 完全mix唔到埋一齊 玉子還玉既味 粟米還粟米既味 粥還粥既味 我相信佢唔係一齊煲既 只係有個粥底 有order就另外放d粟米同玉子豆腐上去:( 真係好失望丫 好彩叫左個細煲炸 (hkd$38)食飯點都有碟菜既 所以叫左個葡汁四蔬 因為知道葡汁mix任何野都好食 所以依道菜應該最穩陣 黎到果然不出我所望 色香味有齊 佢唔止四蔬添丫 八蔬都黎緊 真係好多蔬菜 蕃茄 荷蘭豆 小唐菜 菜心 瓜 各種菌類 依個真係超抵食 又好食 (hkd$6x)最尾當然有糖水喇 係紫米露 都還可以 有椰香味 唔會太甜 (hkd$0 餐後送糖水)服務方面: 其實上菜執碟都快 不過埋單個陣 侍應妹妹叫左另一個侍應埋 點個個條友掛住同人傾計聽唔到 搞到要等左好幾分鐘環境方面: 個日真係好唔好彩 撞正佢有部冷氣壞左 又好不幸地又被編左去坐冇冷氣位 佢又得個一部好細既坐地風扇 成家人都係流住汗食飯 一路食一路用tempo抹汗sosad:( 洗手間都算乾淨 又有紙巾提供最後加一連茶芥盛惠hkd$320(四人) 抵唔抵食 好唔好食就見人見智喇 我叫四碟送 有兩碟好食 都係一半一半 五五波…Read More

下午兩點幾，肚餓，見到呢間素食店，午餐堂食32元，於是入去幫襯。店內三成滿，被安排搭枱，十分逼。一坐下，就給我一壺清茶，點了B餐－－三絲炒烏冬，來了前菜－－車里茄，很快就來了炒烏冬。車里茄很甜，加了糖的，三絲數得出有幾條牙菜和素肉，看到有被騙感覺，胃口立即冇哂，連餐湯都不要。剩下大半碟烏冬，唔想浪費。打包盒要收2蚊！算啦，只想走，找數乘惠39蚊！原來要加收3蚊茶，加一，。。。物非所值！佢哋揾盡籍口去收錢，服務馬虎，環境連快餐廳都不如，千萬不要幫襯！…Read More

星期五，佛誕紅日…起床及流洗後，兩口子便出發往太子，只因約了他家人這邊來個即慶的「茹素午餐」…之前吃過幾次，覺得不俗，加上是日為佛誕，才決定到這裡午餐…（ps. 有次更是與他家人到來，可惜該次沒有拍照耶）喔喔，原來這裡屬「大自然素食集團」其下的啊…眾人均是「齋口唔齋心」之徒，因此點的食物都是以「扮葷素菜」、又或是之前吃過覺得好吃的菜式為主…（以下菜式除加入蛋外，全為素食來的）避風塘炒脆鱔，「脆鱔」即是冬菇裙邊，再蘸上薄薄的炸漿酥炸而成，像真度百份之九十九，記得第一次（沒拍照）跟這道菜相遇，真是既驚喜又驚嘆。吃起來香口又爽口，且不會太辣，「完全唔似食緊齋呀！」，無論外表抑或內涵均很讚…陳皮梅子肉（骨？！忘了正確名字嚕），又是以菇扮葷的菜式之一（不過沒有跟店員考證，只是我們猜這個是「菇」），由於菇本身的質感爽口兼「一絲絲」的，因此十分像真，加上炸得金黃、梅子粉又酸酸甜甜，的確非常醒胃。伴碟的豆苗又夠清新，大…愛…喔（我最愛吃這類「帶點草清味」的蔬菜）…他姐姐最愛的 – 黃金蝦蝦蝦蝦蝦蝦蝦蝦蝦蝦蝦…（回音）黃金蝦表面均勻地沾上了鹹蛋漿，內裡則是彈牙的「蝦肉」（估計：大概是混入一般素食用的食材如苟蒻或麵粉糰搓製裝扮而成），也挺像真，至少不是一糰「麵粉」的那種質感。另外除了「蝦」，還有茄子，想不到沾有鹹蛋漿的茄子也挺好吃，需知道茄子是「索油之物」，幸好這裡卻烹調得一點也不油膩呢，讚呀！他最愛的北京烤鴨配京蔥及掛包，烤鴨吃起來類似豆乾（哈哈，這個也是眾人吃後猜出來的，沒有跟店員考證啊！），自上次吃後他便對之「一見傾心」，配以甜醬更添惹味。不過跟以上幾道「扮葷素菜」相比，就顯得有點失色，亦非必吃的菜式…黑松露炒飯（忘了正確名字，上面的蔬菜伴碟是他二姐姐特意放上去的），這個可算是真正的「齋菜」了，不過仍加入了蛋同炒（事前店員特意詢問下不下蛋，只因全素食者是連蛋及奶也戒掉的）。飯炒得粒粒分明，又不會太油，且調味得宜，為這次「茹素午餐」畫上完美的句號。由於他姐有九折咭，因此是次以大概三百多元左右買單，滿意…滿足…總結來說我覺得黃金蝦及避風塘炒脆鱔最值得吃，對於純粹為了「感覺良好」一點而茹素的人而言，算是個不錯的入門選擇，同時亦不得不大讚一下食店以不同食材「扮葷」的心思及智慧！以素食來說這裡的食物真是不俗，可是openrice內劣評卻比好評多，略閱後得知大部份食客主要都是批評服務差劣，但就我們多次到來用膳的經驗所得，店員雖非殷勤得令人賓至如歸那種，但亦非「叫極都唔認、黑口黑面」之流，大概就是正常揚手便到、不會刻意過來的一般茶餐廳服務水平吧，對於我們來說絕對可以接受有餘……Read More

叫左兩個下午茶，其中一碟炒米，分量都好多，食剩左一半，埋單時想話打包，竟然話打包計正價，即由$25變$52！好地地一大碟米粉，被迫倒左佢！我唔明呢間禾之家奌解要咁做，我同位侍應講：「碟食物完本唔需要浪費，但因為呢個奇怪的打包計正價原因，便要倒左佢！」位侍應毫無表情話係公司規矩，無辦法！真係好唔明呢間素食歺廳奌解定D咁不合常理的規矩。我去其他素食歺廳，佢地都好希望客人珍惜食物，惜福，有時仲主動問客人需要打包與否，我好希望禾之家的負責人睇到呢篇留言，改善下呢個問題。請珍惜食物、惜福！…Read More

在太子區吃晚飯經常會去的店,今次點了蕃茄菠蘿焗豬排飯,欖油炒雜菇雜菜,鮑片稻庭烏冬蕃茄菠蘿焗豬排飯 - 這個味道最好,可惜飯不夠熱,欖油炒雜菇雜菜 - 味道不錯,但太油鮑片稻庭烏冬 - 呢個有點搵笨,用上海麵代替了稻庭烏冬可能是價錢不能加得太多,只能夠在食材上變化,以減輕成本,以往經常吃的粟米粥亦變得味道怪怪的,沒有粟米味…Read More

年廿八等到今日方留言，莫不是為了積口德。先評店內環境，座位其實相當迫夾，適合一家大細多於朋友／情侶談心，向來對素食店比較包容，素菜能做出超凡水準的，確是相當考功夫。2人行點了三道菜，落單的妹妹還算有禮，其後的成熟阿姐態度真的不敢恭維。首碟竹笙扒時蔬，說好了的翡翠苗變身成小白菜，落單時說有其他菜可選，結果選了等於無選，上菜時菜已煮，擱下一句無白菜就迫人就犯。:(竹笙貴，我原諒你把竹笙一分四，切成丁方，再攤睡在白菜上。白菜熱騰騰，但咁有幾難呢？不過我不明白何以竹笙是酸的？這種不是變壞的酸，令我聯想起化學味。我知我知，普遍都用漂白竹笙嘛，我也不強店所難用貴到癲的來料，但至少泡走那陣化學除啦！第二道有創意的芒果杏仁卷，味道可以，杏仁脆芒果甜卻不是熟得爛透的，中素賣西素不稀奇，這個反而有點印度素的色彩(印度芒果好食到癲，果仁又係，不過當然佢地都不是以印度芒做啦，食懵咗咩，貴到呢~)，好吃就不理啦！但作為一道前菜，又實在可以早一點上菜的，我已吃掉大半碟竹笙扒時蔬再上菜，中西菜都唔太欣賞呢種九唔搭八、上菜冇秩序，你不如一早上個甜品俾我。再來一道琵琶豆腐，這種本是素菜店架輕就熟的菜色，竟可以令人失望到極，芡下得相當重手，而內裹的豆腐少得可憐，根本我就在吃一球粘糊糊的粉糰。贈品甜品，做得贈品也不抱期望，所謂的紫米露，是一堆有紫米的水，甜品卻一點甜味都没有，零誠意。不如自己買包日日清美味佬好過！:(收$之際，我發現這種亳子自動進位，例如︰$218.4變成 $219，問心講真的不會計較幾亳子，又相信如無必要我都不會狠狠找出亳子給你，口痕問阿姐。係咪計錯數，誰知佢一句︰我點知呀！部收銀機咁計都冇計。我又真係唔激得㗎，零貼士，就俾咁多你囉！你收咗服務費仲自動進位，咩事呢？點知阿姐黑晒面又爆一句︰我都唔知咩得罪你！well！除咗你局客食咗低價白菜，除咗你下下上菜都掟碟，除咗你上菜放枱邊，望都唔望下張枱，除咗你係咁撞個客張櫈，咪你呢句至絕囉！衞生情況都算係咁，不過去廚所經過見到疑似著廚師衫的人㷛煙，唔記得响走廊位定廚房啦，唔係拎住個鑊，但唔好睇啦！但冇計，我不認為顧客永遠是對的，但真係好討厭呢啲返工發夢同出聲撩交嗌的人(你响我背後講我理得你吖)所以佢入咗bad list ，永不再食！…Read More

我和爸媽到花墟買花前到此吃晚餐。爸爸順道為媽媽補祝農曆生日。很久很久沒有到禾之家進餐，只有兩、三年前大年初一到禾之家買盆菜。原來7時結帳可享八折優惠。我們於是趕快點菜並進食。沙嗲羊肉串。不太辣，沙嗲醬汁的味道濃。素羊肉鬆軟，邊位略脆。是一道醒胃的前菜。薑蓉松子炒飯。我們在懷疑自己有沒有看錯菜名，因為找不到松子，只有粟米……不過，這飯很乾爽，油份很少。飯好像不是白米，像是糙米，有粗糙感。由於配料只有粟米、菜粒、紅蘿蔔粒等，味道很清，不錯。XO醬三絲炒蕎麥麵。這麵給爸媽極力讚賞，因為麵的質感很有嚼頭。但微辣，我因腸胃不適，只吃了少許，需另外再點一小窩粥吃。艇仔一品粥。不像平常的艇仔粥，素魷魚是有的，但其他只有金菇和素肉碎。不過，素肉碎的味道很好，令味淡的粥增添了甜甜、鹹鹹的味道。我們都;覺得像牛肉粥多一點……八折優惠下，我們這一餐的價錢是$185。不知是因為年近歲晚，很多人到旺角花墟買年花而進來光顧，還是八折優惠的吸引，餐廳內每張桌子也有客人。店員忙個不停，讓結帳、點菜、等待空桌子的客人常常乾等。…Read More

2人吃飯被安排在一張極度迫㚒的枱，肩膊已是貼著隔離橫放枱的椅背。點了一道竹笙扒時蔬，選了翡翠苗，但上菜變了白菜仔，店員在上菜時才說沒有翡翠苗，而菜已上，根本沒打算給我們選擇。另一道琵琶豆腐，豆腐成份連兩成也沒有，像吃黐牙粉團多一點。侍應上菜時總是把菜放在桌子的邊緣，完全沒顧及客人感受，要客人自行把餸菜位置再調整。…Read More

休息的一個平日天, 同太太行街睇戲, 最後的一站, 當然是食飯啦. 我們行街行到去花園街. 齋妹就建議了這一家比較新派的素食店.現在發現, 愛食素的人越來越多. 多了很多新開的素食店. 而舊有的素食店也經常的大排長龍. 我們大概8點鐘到達, 也要在門口等一下, 才要排到一張窄窄的二人檯俾我們食飯.不想想太多, 我們就叫一個二人套餐, 再為食的加多一個餸. 二人套餐, 是兩個餸/飯麵加一個頭盤小食/湯. 不過, 他們並沒有按次序的上菜, 一來, 竟然是炒烏東先到. 我們每人吃了一碗烏東才上素魚生. 程序上, 好似出錯.所以, 我按番正常程序去介紹一弄是晚的素菜菜式. 重申多一次, 蒟蒻的發明, 是素食者的一大喜訊. 因為佢令到素食變得多姿多采, 新派的仿葷食物, 因為用上蒟蒻, 可以做得有咁似得咁似. 可是, 某些仿葷食品, 為了連顏色都要似, 都唔知落了甚麼添加濟. 此等魚生, 又有色素, 又重味精 ( 蒟蒻本身無味). 我們只是貪得意食下, 而且素螺片, 滑"san san", 怪到有點兒不想食.... 素蝦多士, 有原隻素大蝦, 味道上帶有鮮味, 還算是不錯的東西. 可惜的, 此蝦多士, 可以算是不錯中的錯. 因為那塊多士, 小得可憐, 根本, 吃不出那團炸粉內, 有麵包呢一樣野. 而且, 這團炸粉, 也過份了的油. 若是用芋泥代替蝦膠, 用上整塊的多士 (或一開4切成三角形. 會令人食得開心一點. 我點了一個餸, 叫做素咸魚煎肉餅. 本以為是煎好大大塊, 又香又腍的素肉碎餅. 可是, 出來的產品完全out of expectation. 說是素肉餅, 看真一點, 只是幾塊香煎素扒, 上面加上幾粒素咸魚同薑絲......咸魚本身以經咸, 素扒本身的咸味也足夠, 但他們卻要加上豉油. 總之, 咸上加咸.... 干炒素烏東, 用上素肉條, 蘿蔔絲菜絲, 味道尚可的, 不過, 嫌味濃了一點點. 也油了一點點. 傳統齋鋪的弊病出返哂黎. 食物, 有點強差人意; 地方, 不夠舒適. 做素食雖是好, 但也要味道好同埋要多照顧一班為時尚, 為健康而食素的人士. 多油, 多煎炸的素食, 新一派的素食一士, 不會喜歡的啊.…Read More

入到去, 佢問我幾多位, 我話一位, 佢一時bring我去果張, 之後又bring我去第2張...之後坐下叫餐啦,湯只係比常溫warm dd 咁多 !果個炒米, 落單時已叫佢少油, 點知來到滴得出水 !!米粉來了, 都未來前菜, 我問她 : 請問有冇前菜ga? (其實我心知係一定有的 )點知佢好不禮貌半呼喝話, 冇晒喇 , 唔得閒整呀 !之後用完餐, 佢又突然唔出聲, 但大力地放下前菜, 心臟冇咁好果d, 都會比佢攪到心臟病發 !…Read More

為了慶祝將快中秋節這個節日,今天同事便發起一起食素來預祝中秋.今天,我和三位女同事,包括我,總共4人一起到了禾之家素食,這間素食店是我同事介紹的,她說禾之間素食又平又好味,所以今天我們一起來試試.來到餐廳,我們四人便考慮order四人套餐還是二人套餐再加其他,最終我們便order了二人套餐加芋頭魚今天我們揀選的二人套餐有1) 小食-三揀一,揀了三文魚刺身真的是新派素食店才會有三文魚刺身. 雖然知道這不是三文魚,但真的是有點三文魚的鮮味,不過,這碟三文魚真的太冰凍了,因三文魚的面層還有一點冰,但不會影響我對這碟三文魚的分數.2) 滋潤湯水-竹笙瑤柱雞絲湯這碗竹笙瑤柱雞絲湯,味道及口感,真的有點像酒樓宴會的魚翅. 加上湯內裏很多竹笙瑤柱雞絲,使我覺得這碗湯有點像高上價錢的竹笙瑤柱魚翅湯,正.3) 精選小菜-十六揀二- A) 避風塘脆鱔這一碟,是今天最好味,質素最高的一碟. 脆鱔很香脆,炒得很有鍋氣. 真的想像不到,現在新派的素食餐廳也可以創作這一碟高質素的避風塘脆鱔,真的很好味. 勁力推介.4) 精選小菜-十六揀二- B) 雪菜毛豆炆年糕這一碟雪菜毛豆炆年糕雖然沒有避風塘脆鱔這麼好味,但總算不錯. 年糕炒得煙煙韌韌,而且很重雪菜味,也是不錯.今晚,我們一同四人揀選了一個二人套餐,之後再加了一碟芋頭魚5) 芓頭魚這碟芓頭魚比起二人套餐裏的所有食物較為遜色了,因芓頭魚最大的缺點便是芓頭太粉了,感覺像吃了漿粉的感覺,不過就算這碟芓頭魚質素這麼普通,但我們也很珍惜食物,也能把今天所有食物吃光.知道這幾年香港開設了很多新興的素食餐廳,但我也很少去,可能我不是一位佛教徒啦.之前去的素食餐廳,大多是傳統素食店,今天很開心可以來到新潮的素食餐廳.還有,之前去的傳統素食餐廳很多都是播著佛教的歌曲,但今天這餐廳竟然播著草蜢的歌曲,真的覺得這素食店不但是新派,還是一間歌曲自由的素食店.不錯,不錯.…Read More

原本係想搵吓有冇上海菜館嘅，但找不到，所以入咗嚟食素。 由於只係6点過啲，所以得我同另一枱客。小食：1) 芋絲餓片 ($28)賣相幾靚，我好鍾意食芋頭，脆卜卜，正！2) 香煎腐皮卷 ($22)o.k.喇，都唔錯！3) 羅漢齋炒麵 ($48)好大碟，啲麵脆卜卜，都算抵食。喱度地方太小，後期開始多客，我見啲侍應叫啲客要撘枱，因為入嚟幾枱都係2位，但當時未full。…Read More

園藝附近茶餐廳好多，茶餐廳以外可以試試素食。吃得肉太多來一個素食午餐。$30有兩個餐選擇，免茶芥不過要收加一。$33有茶有湯仲送埋碟青瓜俾你。(初時以為要收茶錢，有點後悔入去) 我叫了一碟雪菜肉末豆腐飯，好足料，豆腐唔少。齋肉口感都幾似肉，幾得意，又有好多菇。個汁味道唔會過鹹，剛剛好。成個飯唔會好油，覺得食完個人都健康咗！湯是紅蘿白粟米雪耳湯，冇肉當然有少少味精，不過都可接受。環境幾舒服。茶餐廳價錢，素食有咁嘅水準，過得去啦！…Read More

一家人吃飯.媽咪鍾意食齋,又是初一,就試下這一間.哥哥之前已訂了位.去到,發現座位很迫,因他手抱小姪女,嫂嫂的隨身BB百寶袋體積亦不細,剛巧見卡位有兩張枱分別埋單,哥哥便要求換枱.那位阿姐,非常大聲咁答:冇卡位,留左比人!然後有一家人入來,係熟客,打晒招呼果種.跟住,又安排另一家人入來,是在外面等位沒訂枱的.大家都係四個大人,為何我們先到卻不能換枱呢?況且我們只是剛剛到,還未落單,連茶水都未有.結果,我阿哥同阿嫂成餐飯輪流手抱住阿B,食得唔安樂.食到中途,那張坐了卡位的熟客,話熱,要求開大冷氣.其實,室內的冷氣已經好強勁,吹到枱面的紙巾係咁郁.擺明又係應熟客要求就乜都得.免得凍親阿B,阿嫂唯有幫阿B戴帽.店內另有一位BB,那枱的家長都馬上幫BB戴帽.店內幾位阿姐,都係大大聲講野語氣又倔到死的.我坐的位好近收銀機,居然聽到以下對話:X號枱食咁耐架,快D上埋糖水送佢地走啦.家陣係咩年代呀?如此服務...論食物,普通啦.糖醋麵好硬,枝竹煲幾好,南瓜海皇羮好淡.甜酸魚塊凍冰冰.套餐的糖水,完全沒甜味,同白開水冇分別.我阿哥話,未曾食過咁難食的糖水.最後我們一家匆匆忙忙食完,極速離場.其實地方細小不是問題,而係經營同服務好有問題.不會再有下一次.…Read More

I have ate 3 times in 禾之家 and they were al very good but I will talk about my best 2 experince.Once I ate it's set lunch and it cost $30. There were 2 options the nodlees and fried rice. I went for the fried rice which inclued a bowl of soup which was very nice. It was a meat fried rice and it tasted like any other meat.The second time I came with someone else because this was the luch for us before we watch HK vs Canton in Mongkok stadium. We ordered it for take away so we would eat it at the stadium. Both the fried rice and the Sweet an sour pork was delicous .If you work near here I recommened you to come for a set lunch…Read More