禮記潮州滷水鵝專家 (Closed)

今晚喺屋企宴客，唔太入廚房既我，立即出去買D外賣先，選擇咗呢間乾淨企理既小店，潮州嘢會特別D~睇返MENU價錢都好合理，買幾款都唔肉赤~仲有D自製既辣椒油、花生、酸菜.......食物都好多選擇，而且油亮既賣相，睇到都流口水~牛展~呢個係新ITEM，MENU都未有，但廚師極度推介，當然會ORDER喇！牛展既汁非常香濃，我仲請廚師「多汁」添~用嚟撈飯就正喇~牛展香嫰無筋，的確係水準之作。貴妃雞($75半隻)~雞肉夠哂滑，而且雞味都幾濃，最重要係唔會太肥，啱哂要KEEP FIT既女士。墨魚($15兩)~非常爽口，沾埋汁一齊食，一流呀！豆腐($12件)~份量都好大，厚切都有6件，而且吸哂滷水好入味架！比齊哂各式汁料，一啲都唔吝惜~…Read More

早排因為疫情關係，搞到冇得出去食夜晚。有一次行過大埔，見到有滷水鵝就突然好想食。佢間鋪個位置係喺昌運出面，相當容易搵到。去到望吓，價錢我覺得可以接受，而且賣相唔差，決定一試。我揀咗滷水鵝片，鵝腸，鴨舌，鵝腎，滷水蛋同埋豆腐。原本想叫埋鵝肝，但因為鵝肝好好賣，所以冇得食，唯有試咗呢啲先。我見師傅斬嘅時候，唔係就咁斬完放入盒，而係斬完之後，放入身後面既滷水汁入面浸一浸，等啲鵝肉再索一索味。到最後再將啲滷水汁到埋落去，聞到都覺得好香，好期待。返到屋企因為啲鵝肉仲係熱，所以要打開個蓋等佢攤凍。打開蓋果下聞到仲有陣好香嘅滷水汁，已經急不及待偷食左舊。鵝肉食落口唔「鞋」，好重滷水汁味，正！其次係鵝腸好爽，唔騷，好食。其他整體都唔錯，下次一定要試埋鵝肝！！…Read More

呢日收工又喺屋企樓下附近昌運中心買外賣， 大埔中心附近專門做鹵水嘅只有呢一間， 之前都有喺呢度買個鹵水鴨覺得唔錯， 今日就試下買鹵水鵝， 除咗鴨同我之外呢度租仲有其他鹵水產品例如 鹵水鴿， 五花肉，鵝腸， 豆腐， 鵝掌，鵝翼，元蹄。 招牌滷水鵝(上庄)今次叫上庄貪佢鵝胸啖啖肉， 鹵水鵝嘅上庄同燒鵝嘅上庄既切法有分別， 燒鵝胸嘅切法係跟平時斬雞咁一舊舊， 鹵水鵝胸會切到一片片， 師傅嘅手勢都幾好，每片鵝片都切得厚薄適中， 令鵝胸食落較嫩口， 鵝嘅生熟度掌握得幾好， 肉質唔會過老， 鹵水嘅味道好香，夠曬入味， 另外仲有兜鹵水汁分開上， 如果想食濃味啲嘅可以加埋落去，我哋唔洗五分鐘就掃曬， 下次買下庄嚟試下。…Read More

屋企人一直都好鍾意食滷味，今日見到大埔新開咗呢間滷味店，一於買黎食下。滷水鴨一隻滷水鴨斬崗黎已經大大隻，而且非常多肉，鴨肉好香滑，滷水味都好濃郁。原來一隻都係講緊$148，同出面街市差不多，但呢間係滷水專門店，感覺賺咗！元蹄元蹄斬出黎好彈牙，膠骨原好豐富，食落爽口，元蹄的皮有陣陣咸香味，真係做到好入味我仲叫咗佢兩隻滷水雞翼試下，$5/一隻，肉質都幾豐富，雞肉沉得幾嫩，唔會話好鞋口好似煮咗好多日嗰啲咁。值體黎講都真係值得一食！…Read More

星期六日想同屋企加餸食飯，滷味係不二之選。 這間餐廳沒有堂食，但係都吸引到好多食客排隊幫襯，我哋下午兩點幾嚟到都已經要排隊等一等。🤭呢度有個玻璃屏幕，可以方便見到師傅點樣處理滷味，啱晒最緊要乾淨嘅我哋。因為師傅嘅所有動作我哋都可以見到👍🏻 食得安心又放心因為我哋人數唔多但係又貪心上去多幾樣，師傅好細心咁樣同我哋講解大約幾多錢。我哋叫咗半隻滷水鴨份量好多$75，簡直係抵食之選擇， 另外墨魚同鵝肝 深受屋企人歡迎。豆腐$12件，大大件。一開六件 而且我哋仲發現有$99 加送組合😏啱晒啲唔使諗嘅人。超級抵食下次決定試吓先🤭…Read More

臨收工前又有多幾單新cases 搞到今日遲咁收工，買唔切餸就唯有係附近斬料加餸。近排大埔新開左好幾間潮洲滷水店，隔幾丈遠都聞到香噴噴嘅滷水汁香味，「禮記」就係其中一間，哩到有齊哂雞鴨鵝同其他滷水小食可以揀。唔好睇少哩半隻滷水鴨，斬件後完全裝滿一整盒，要讚一讚師傅好細心咁斬到細細件咁。滷水鴨滷得超入味，唔會一味死鹹反而帶有少少甜味，唔知係加咗咩秘製香料呢。鴨肉夠哂瘦無咩皮下脂肪仲啖啖肉添，連平時唔食皮嘅我都忍唔食埋。元蹄完來係滷水版薰蹄，唔好睇佢一隻細細件咁，其實勁有肉地，都切到10幾片出嚟，重點係佢滷得勁稔勁稔入哂味，每一啖都充滿住骨膠原。另外再加咗少少豬耳，豬耳夠哂爽脆用嚟送啤酒就最好啦。…Read More

今日去大埔親戚屋企度拜年，臨走途經哩間滷水店店內除左有少見的鵝肉賣，仲有其它滷水製品出售，包括貴妃雞、鵝肝、大魷魚、元蹄、五寶飯炸花生等等選擇。我諗左一陣都係覺得滷水鵝比較吸引，一隻一隻掛於透明玻璃窗內引人注目，於是買左半邊鵝回家作為晚餐享用店員會問你要上裝定下裝，上裝會比較肥美，下裝就瘦一點肉質較嫩，我選擇左下裝。記得小時候新年家裡總會食鵝，聽媽媽說吃鵝可以強壯身體，上網查一查，原來媽媽講既強壯身體之說係本身鵝可以有補陽益氣之功、暖胃生津之效，買到回家晚飯時間一打開盒內油香味傳出，個個即刻動筷夾起來，鵝肉望落顏色濃艷，皮薄肉多，咬落啖啖肉油肥脂少，肉質係鮮嫩又松軟彈牙，滷水色濃，但食落唔會過咸，味道屬於適中，食多幾嚿都唔會膩口鋪頭仲附送左兩款調味汁，分別係豉油及酸辣醋,一共4盒半邊既份量都好多，我地4個人食都仲有剩一些，感覺好抵食。…Read More

夜晚嚟買一斤滷水鵝，份量很多和一大盒，斬件肉 每件都排得很整齊，看得出師父刀法細心，味道完全不咸不淡，不似其他滷水舖頭一味咸，食完都不會很口喝，肉質入口嫰滑，不會有油膩感色香味俱全，滷水鵝價錢嚟講真不貴，很抵食，舖頭還送我幾件滷水豆腐，太好了，大大塊，食到飽飽…Read More

大埔近排新添好多滷水店鋪可能方便番各位都市人買滷水番屋企加餸食飯或者送酒睇電視今日黎到大埔昌運中心樓下依間禮記買下外賣先每次最開心就係見到成個高身滷水玻璃櫃入面有好多種滷水食品又有唔同口味例如：滷水掌翼同豆腐都係不少朋友必食之選如果要多肉送飯既可以選豬腳/元蹄喜歡飾臟類既朋友又可以揀番鵝腸，鵝腎，豬肚豬大腸等等（利申：唔係好好內臟，所以無試到味比大家參考）壓軸的主角當然係各種滷水飛禽禮記有大大隻滷水鵝之外，仲有滷水鴨同滷水鴿今次因為外賣番屋企加餸食晚餐既關係就叫左滷水鴨全隻當師傅係到斬件既時候覺得隻鴨都應該食得曬點知番到屋企放上碟就覺得都幾大隻下4個大人食都夠食全隻包曬上下肶頸同鴨頭鴨舌等等記得係唔包翼架想食翼既朋友要另外購買外賣配有滷水汁同醋番到屋企就加番滷水汁食前再點下醋送酒送飯都可留左少少外賣帶飯番公司隔左一日依然入味好吃…Read More

住左大埔一段日子，留意到呢間店門前總係有5 6人排隊，一向對打冷野情有獨鍾，好奇一試，買左乳鴿、鵝翼同墨魚。雖然要等一陣，但絕對值得！乳鴿又滑又嫩，用料有誠意，同d老鴿好大分別，又油又甘香而又唔會膩，而且滷水汁夠晒入味，值得推介！墨魚又新鮮又彈牙，十分開胃，而鵝翼都好地道正宗，食得出潮州嘅風味。送一送啤酒，慢慢「論」啲骨，簡直係勞碌工作一整天後嘅享受。有時收工已經攰，唔想煮飯，或者上朋友親戚屋企坐，買黎加料送飯買返屋企加餸斬料真係無得頂~飯都扒多左兩碗！價錢亦都相宜，性價比高之選。潮州野食過好多間，但高質有要求嘅食家們可以考慮一試，包無失望。…Read More

在大埔中心的大街上竟然開了一間潮州滷水店，這類滷水店在大埔中心附近的確少有，雖然門面不大，但是買的種類也有很多選擇，而且還有酸菜及花生等前菜。酸菜$20一盒，大大盒，好好食，一啲都唔酸，而且淹得好甜好開胃。滷水鵝都唔算貴，公道價錢，味道好入味，鵝肉都好滑。豬脷$25一條都算大條，食落都唔會話「硬倔倔」，都算軟淋。鴨舌$15一兩真係一啲都唔貴，雖然冇台灣嗰啲咁大隻，不過味道都好好食。鵝掌，師傅幫忙斬開細件，所以都好易食，食落啲皮都彈牙，煙靱。外賣還配有四盒醬料及醬汁，真係好貼心。好後悔沒有買到花生，相信啲花生都應該好好食，下次一定會再幫襯。…Read More

最近因為疫情關係，公司放食飯呢都好少喺餐廳食，通常會買外賣返公司食。今日就同左同事一齊share滷水鴨。呢一間賣滷水鵝既專門店禮記，之前已經聽過幾出名㗎啦，今日呢就試吓。餐牌上面都好多嘢食嘅，而且價錢都唔算貴，滷水我一隻就$128 ，滷水鴨同貴妃雞呢就可以買半隻嘅。如果一個人食嘅話呢，餐廳都有單拼/雙拼/三拼飯，而價錢都係唔算貴。可以揀豬耳、豬大腸、雞全翼、鵝翼、豆腐、豬肚、紅腸，款式非常多。我地就叫咗一盒五寶飯、半隻滷水鵝、豆腐、滷水蛋。 五寶飯份量真係非常多，有紅腸、豆腐、五花腩、豬耳、墨魚、雞全翼。滷水鴨一樣，半隻已經非常多，肉質唔會太硬，岩岩好。而且佢既滷汁非常入味，如果唔鐘意鴨都可以試下。…Read More

今日呀媽叫我要去搵野滷水舖頭買野食加料，咁我就搵左呢間禮記，佢對正個大十字路口，好易搵。係門口見到個門面好光猛，個師傅就係玻璃後面處理食料，一眼望晒好乾淨。佢哋提供嘅滷水都好多款式，有鴨有鵝仲有唔同內藏，可以配飯或者加料都得。我哋揀左佢個加餸之選，有半隻滷水鴨，半條紅腸同一件豆腐。另外仲加左兩两鵝腸同四隻雞翼。師傅切得好細心又包得好妥當，仲俾多左醬汁我哋。返去就退刻開嚟食，個鴨好軟熟，配埋個醬食簡直一絕。而紅腸都好好食，豆腐又大大件，呢個套餐好抵食。而另加嘅鵝腸同雞翼都唔輸蝕，啲腸大大條夠肥美，而雞翼就好大隻，幾個人食先食得晒。禮記野食好食之外，啲師傅都好有禮貌。如果想食滷味可以試下佢架！…Read More

作為大埔人，一定知道這間滷水店，平時來都非常多人在排隊，今天可以一試十分開心。鵝片飯：我片飯的鵝片肥瘦剛好，看到相片便會知道有一層薄薄的脂肪，吃下去油脂美香又不會太肥膩，最重要的是飯量很多，但餐廳非常好，連餓片都很多，夠我吃兩餐。豆腐：每個返到包豆腐，豆腐非常滑而且豆味香濃，不是用便宜的那種。滷水蛋：我另外加了滷水蛋，滷水的味道很入味，連蛋黃都吃得出滷水汁的味。五寶飯：五寶飯也值得一讚，也是份量非常的多，不論飯和餸都夠你吃兩餐。豬腩片：我最喜歡吃豬腩片，脂肪和肉的比例剛剛好佔一半一半，還有一層豬皮，非常煙韌，而且有鹹鹹的滷水香。紅腸：外層很脆，而且是吸滿滷水汁的，坊間買的那種很多都只是沾過滷水汁，吃下去沒什麼鹹香味，但這間餐廳非常出色。…Read More

潮州鹵水鴨 經典的潮州菜之一. 🥰🥰到店舖並不大，一邊賣外賣滷水食品有滷水鵝，鴨 豬手 鵝腸 鵝翼，豆腐原來佢有做飯盒 都幾多人排隊買鹵水鴨點埋酸醋汁令鴨片味道昇華 而且解膩滷水鴨有光澤 色澤也可以 肥瘦適中😛而且香料的味道溫和 突出滷水味鴨肉軟滑有彈性 非常入味沒有濃鹹🤓鹵水鵝脾嫩滑 ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿ ✿ ⊹ ✿ ⊹ ✿. 𝚈𝚞𝚖：3.5/𝟻𝚁𝚎𝚟𝚒𝚜𝚒𝚝﹕4/𝟻𝙿𝚛𝚒𝚌𝚎﹕ $300/𝙝𝙚𝙖𝙙˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 禮記潮州滷水鵝專家 (大埔)大埔安慈路4號昌運中心地下30號舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞…Read More