禮記潮州滷水鵝專家 (Closed)

呢日黎到大埔諗住斬料加送, 見到呢間賣老水野,睇落都幾吸引, 於是就買左番屋企試試佢!!!!!!!!!!!! 我叫左個老水拼盆,入面乜都有, 有鵝片,紅腸,墨魚, 鴨肉同蛋等等, 真係夠哂成家一齊食!!! 佢仲有配埋一D 酸汁俾我地點番D 鵝片去食! 真係超彈牙! 鵝片同鴨肉都唔會話好鞋口, 食落都啖啖肉! 另外仲有鴨舌, 又係勁正, 勁惹味~ 同埋門面都好乾淨企理, 食落都幾放心!!!!!!!! 岩哂番屋企一家人食! 唔駛煮得咁辛苦!…Read More

成日路過都聞到好香滷水味😂而且一到食飯時間就勁多人排隊😂今日下晝決定嚟試吓禮記！！🤣佢超多款可以揀 選擇困難症表示同阿媽傾咗陣先決定到買咩😹裝盒個陣勁細心～超乾淨唔會油淰淰！好評！！半隻滷水鴨 $75皮薄肉滑👍🏻👍🏻十分入味！！未開飯已經比我食咗三份一咁濟hahaha🤪仲要半隻都超多😂😂裝滿一個盒 cp值真心高 怪唔得咁多人食一隻鵝腎 $25大大塊😋同樣入味出色鵝腸 $15*4 $60清理得勁乾淨👍🏻入味得嚟又唔會煮得太老 爽口100分🥳…Read More

放工唔想煮飯嗱嗱臨去買少少材料加送，諗起好耐冇食過滷水🥰靈機一觸諗起大埔呢一間位於昌運中心的滷水店經常有人龍！ 點左佢嘅豆腐$12一件 ，非常有水準，估唔到一件可以分為六小件，份量都幾足😃另外帶咗半隻滷水鴨，價錢非常實惠$75半隻，拎到返屋企好大盒仲熱辣辣配埋佢嘅秘製酸汁，非常滋味好好送飯，店員仲好耐性解釋 滷水汁需要分開避免太鹹。仲有店員嘅態度非常之好，耐心講解，我見到排前邊嘅男人問咗好耐，例如一兩墨魚有幾多，店員都好耐心講解仲叫咗2兩嘅鵝腸！好爽脆😄因為有時平常人真係好難預計份量！ 希望下次有機會試吓佢嘅滷水鵝！…Read More

黎到大埔呢間滷味，雖然黎到大西北，但呢間野都真係幾唔錯，門面乾淨企理，唔似得街市咁將d滷味全部放曬出黎，一d都唔衛生，而呢間就做到好乾淨衛生喇，尤其依家疫情咁嚴重，就梗係要將d食物用玻璃隔住，既防塵又防飛沬，又可以比人睇到d食物。滷水鴨，切得好靚好工整，唔會有碎件，件件都有皮有肉，食落軟硬適中，唔會太柴，夠曬juicy，味道方面都適中，唔會太咸，不失滷水味，醃得唔錯。內臟方面，食落幾新鮮，有口感，味道唔錯，寔係滷水味水足。外賣包裝都好有心思，用左鋁盤，裝起曬d野，翻熱起上黎都無咁辛苦，又夠neat。唔錯！！！…Read More

心血來潮想吃滷水嘢食，放工經過呢一間 新開張的 禮記潮州滷水鵝專家，就試吓佢嘅滷味買返屋企加料！次次去打冷舖最鍾意食滷水鵝片，呢度仲有滷水鵝片飯要整返盒，食落去質感軟口，鵝味道濃郁，啖啖肉。滷水鴿$50大大隻，得返一隻我梗係要買佢，佢隻雞髀位肉質好滑嫩，滷得好入味，大家鬥搶嚟食😁雖然冇得去台灣旅行🧳，但係都有我最喜歡的鴨舌，$15兩已經好多，大約有十幾件，慢慢「損」。鵝腸都係一樣嘅價錢，肥膏位唔多，好爽口嘅口感，仲有三款不同嘅醬汁可以點。下次再試吓其他滷水食物先。#禮記潮州滷水鵝專家#HKFOODIE…Read More

大埔有一間新開嘅潮州店，專做外賣，咁啱有朋友上屋企食飯，要加料，所以就選擇咗佢喇～睇返餐牌，價錢都合理，而且種類非常之多。有花生、醬汁、自製嘅辣椒油同埋配料 ，一盒盒咁，非常乾淨衛生。貴妃雞半隻紅腸、墨魚、鵝腸、豆腐、 鹵水蛋唔同嘅嘢食都要唔同嘅醬汁，大大盒一定夠用！屋企人唔鍾意微暖，所以輕輕翻熱咗， 返熱時鹵水汁嘅獨特香味緩緩滲出，咁樣嘅擺盤一啲都唔失禮吧！貴妃雞算係厚肉，而且非常入味， 薄薄一層雞皮， 恰到好處，唔會太油膩。鵝腸非常乾淨，絕對冇臭味，而肥膏都清理得非常好， 多食都唔會怕肥， 加埋鹵水汁嘅香味，真係一絕！！豆腐吸哂啲汁非常之入味，大推！！墨魚口感爽脆彈牙， 明顯係新鮮製作，yummy!! …Read More

今日來到大埔超級城附近工作，沿路途經文娛中心就見到前面有一條長長嘅人龍，再行前多少少就俾撲鼻而來帶鹹香甜味嘅滷水汁香氣所吸引，原來喺昌運中心新開左間滷水店。 今晚要上阿媽度食飯就諗住喺「禮記」斬料加餸😆 哩度除左雞鴨鵝之外，仲有其他鵝內臟、豬耳、滷豆腐等等，仲有其他會係潮州滷水拼盤出現嘅食物，你都可以係到搵到👍🏻由於家人唔係特別愛好內臟類，今次我就叫咗半隻滷水鴨同半隻貴妃雞加餸。半隻滷水鴨份量都唔少，差唔多裝滿一盒，鴨肉肥瘦適中，鴨胸有肉地得嚟又唔會嚡身，重點係滷水汁完全入哂味，帶鹹香又甜甜地嘅滷水汁完全食得出師傅嘅功駕，而且鴨身上色十份平均，睇得出係心機之作。另外半隻貴妃雞都可以一試，雞肉嫩滑，調味適中，加上自製蔥油，大滿足呀！…Read More

上次食過滷水鵝，真係唔錯，難得朋友嚟食飯，就自制個滷水拼盤，一次過試多啲先得😋😋見到各式各樣嘅滷味，埋到櫥窗，👀邊件靚仔先；同店員講想砌拼盤，佢二話不說就話不如咁咁咁，我就話好好好，爽快又好服務😎每件試完，首先呢度個滷水汁底做得好好，一整番熱嚟食嘅時候果陣香氣四溢，好香～二嚟食落入味之餘唔係果種死鹹、或者淨係花椒八角滷水味，似係每日鮮製嘅秘密醬汁🤣🤣仲有好重要，食完唔口渴架！總之個滷水汁真係好好味😬，令到d食物更加美味～豬大腸、豬肚、豬耳$108/斤識食一定要食豬大腸，呢度嘅豬腸入面真係好乾淨，而且唔多肥膏(特登影張近鏡👀👀)豬肚同豬耳都好味，肉厚，幾樣夾埋差不多一斤，好足秤😊滷水鴿$50/隻乳鴿滷完仲好嫩，夠大隻多肉，自己買都要$2、30，仲要整；呢隻$50真抵食🤣滷水鵝上次食過，叫師傅斬舊細嘅比朋友試，佢哋話無腥味，而且肉淋皮滑唔會肥，比like呀👍🏻👍🏻鵝腎$25/細隻、鵝掌$25/隻、鵝翼$20/大隻三樣都好正，夠哂大件頭，滷水味濃，每樣食一件好過癮，又好味😙滷水蛋$4/隻、滷水豆腐$12/件滷水豆腐同蛋都係至愛，呢度仲好大件頭，唔會鞋，又入味，正！等師傅斬料期間，見到小枱上有咸酸菜($20/盒)、花生($15/包)，平平地就買返去試吓。咸酸菜好正，咸咸地，又少少甜，爽口，食d滷味又食舊咸酸菜，好夾！花生炸到勁鬆化，食唔停口😚…Read More

咁啱黎開大埔行街去咗昌運中心度食飯，食完飯冇乜嘢做咪周圍行吓囉。行行吓聞到好香嘅滷水味見到有間新開嘅滷水舖喎！今晚未買餸就斬半隻滷水鴨返屋企做餸啦。滷水鴨 半隻滷水鴨隻隻都肥瘦適中，肉質緊致，食落爽滑彈牙。而且佢每一件鴨皮下都有一層薄薄嘅脂肪，令到我食落去油脂比例十分均衡。佢個滷水比起一般店舖嘅做得偏甜少少有鹹香味。雖然佢係新舖頭，但滷水汁做得一d都唔馬虎，滷料嘅各種芳香成分，在日复一日的材料炖滷中，同食材的精華一同沉淀在滷水之中，每隻鴨都滷得非常入味，味道馥郁醇厚。猪耳 & 猪大腸 & 墨魚 & 豆腐除咗買鴨之外，我仲買咗少少滷料做餸。猪耳爽脆有口感，猪大腸處理得當食落冇臭壓味，趙落煙煙韌韌。墨魚本身冇乜味全靠佢個滷水汁，食落咸香咸香甘。滷豆腐係我至愛，吸晒滷水嘅汁水同精華，食落去爆汁㗎！我買得有啲多，一餐食唔晒就可以留做聽日嘅午餐。滷水熱食冷食皆宜，留返午餐餸公仔面又係另一番風味，真係好方便！…Read More

最近疫情嚴重，都唔敢岀外食飯成日係屋企食，諗食咩真係好頭痕🤔而家諗到外賣滷水可以揀邊一間鋪頭了😍鋪頭只設外賣🥡沒有堂食但同時提供飲盒，例如雙拼$44、單拼$42、三併飯$47等可以選擇的滷水種類都偏多，五花八門聽聞最岀名係滷水鵝🦢而店名都清楚指岀但我因不太喜愛鵝而沒有選取鵝$128/斤都有鴨、雞等選擇🐥即叫即斬師傅手腳快，有效率，下單後大約5分鐘已可取外賣配辣椒醬🌶️酸醋，咸滷水汁滷水蛋 $10 3隻 送飯一流所有滷水都十分入味🤤下面的是豬肚和豬耳可以叫師傅雙併，每樣少少🤏滷水豆腐 $12塊份量都多，大約有6塊雞翼 $5全隻，有雞翼，雞槌，雞翼尖滷水鵝掌 $20隻 細豬腳 $30 隻 都幾大隻🐷😋…Read More

呢排當然係大時大節食好餸嘅日子啦次次坐車經過大埔禮記都見到好多人買嘢今日嘅決定斬個料加餸睇店名就知最出名就係滷水仲有有唔同嘅材料梗係首先我叫滷水竹鵝我仲加咗個滷水豆腐同埋滷水豬腩肉一次過食三種唔同口味叫得招牌果然係唔野少滷水鵝好大隻我我淨係帶咗一個上妝都有已經有成盒啦師傅兩三下手勢就幫我切到成盒滷水我靚靚仔仔滷水豆腐成大塊好大份一塊可以開到六加埋啲豬腩肉加料確一流到食嘅時候喇滷水鵝個脂肪比例非常之好一層入味既外表加小脂肪再黎鵝肉特製嘅滷水汁十分入味同埋秘製嘅蒜蓉醋一定好食而豆腐既豆香加埋滷水味大大塊令人滿意腩肉就用上五花腩腩肉仲有爽身入味唔會淋姐姐唔怪之得咁多人幫襯呢間滷水鋪啦等我下次試埋唔同嘅野先…Read More

今日去大埔親戚屋企食飯，見禮記環境幾光猛、乾淨，於是就買左半隻滷水鴨、3兩鴨舌同一樽手工精製辣椒油外賣上去加料啦！😋滷水鴨既分量都唔少，而且都幾有肉，亦唔會太肥！肉質顏色都唔錯！味道方面，鴨肉有滷水味，但唔會過濃。層皮好入味，所以忍唔住食埋層皮😂最重要既係，無鴨既腥味！👍🏻👍🏻👍🏻鴨舌都好好味，滷得好入味！本來無諗過買禮記手工精製辣椒油，但一去到禮記，見到$32蚊大大樽就有d興趣，所以買左！撈麵食一流！😋😋😋辣得黎又好香！👍🏻👍🏻可以Encore，下次試下滷水鵝！😋😋…Read More

今日屋企冇煮飯，所以就叫咗燒味夜晚一齊食。見到咁啱有間新開張嘅燒味店，款式都幾多，所以就買咗嚟做dinner。佢除咗有最基本嘅鵝雞鴨，仲有好多其他豬鴨鵝嘅內臟，鍾意食呢d內臟嘅朋友唔好錯過。我自己本身鍾意食雞，所以就叫咗半隻貴妃雞同埋半隻滷水鴨，可以食兩款食物。佢俾咗幾款醬汁俾我點，有姜蓉、辣椒油，豉油同埋一個甜甜地嘅燒汁。我覺得佢個辣椒油都做得幾出色，平時好少點辣椒油嘅我，覺得姜蓉撈埋啲辣椒油一齊食好正！分量方面，佢雞同鴨都算大份，同埋佢啲肉都幾多，肥肉少，啱晒我呢啲鍾意食肉嘅朋友。肉質方面都幾鮮嫩，而且滷水鴨嘅滷水味道都幾重，雞都好新鮮，整體來講性價比都幾高，我下次一定要試埋佢其他菜式！…Read More

禮記呢間滷味我可以話係大埔最好食嘅滷味檔。不過咁多人幫襯竟然冇咩人講？！好，咁冇人講就我講😎今日收工買咗滷水鵝同鵝腸返屋企食問老闆需唔需要加熱先再食，佢話可以，但千叮萬囑唔好蒸或者放落微波爐。因為過咗火無哂水份就唔好食咁我就番到去懶得搞，所以直接咁食🤣雖然係凍嘅，但係好好食呀！！！！😋鵝腸又爽又彈牙又夠味，一啲都唔老！滷水鵝腸好少地方整到呢個效果，平時果啲一係就夠味但係就又鞋口又唔爽，一係就爽但唔夠味，好淡口咁。但係佢呢間野整出黎可以滿足到我真係好佩服個廚師🤩🤩咁另外個鵝就肉質鮮嫩剛剛好，唔會太過火令到好鞋好難食，可想而知大廚個火候控制得好好🤔🤔鵝香重，搭埋滷水就更上一層🚀🚀外賣番去冇食飯都好飽，都係比咗150幾蚊，性價比爆燈😍😍😍 …Read More

呢間係粉果佬隔離的小店，門面乾淨，好似好味咁喎。白切雞望落好瘦，查吓OpenRice 冇食評？！所以我決定要寫一篇支持下佢:)真係唔好意思，係滷水店我㨂左外賣貴妃雞返家食，因為佢望落係瘦。結果，食落都係瘦的，加分但阿姐sell 佢雞味濃，我就覺得冇預期中濃啦。下次要試滷味。:)…Read More