禮記潮州滷水鵝專家 (Closed)

最近仍是留家吃飯， 今日回家時經過大埔《禮記》滷水鵝店即大埔中心附近的昌運中心地下～看看櫥窗內掛滿色澤光亮燒味如滷水鴨、鵝，而且剛出爐熱騰騰，好吸引便進入店內了。 店鋪雖少但應有盡有，價錢也街坊價。 最後買了鴨回去了！ 肉質入味也結實，不會太鬆散，所調較滷水汁味晤錯 份量也不少 ！ 地方清淨，燈光通明，看似老闆的店主友善，裡裡內內整體良好，可以再回頭！這店位於大街，交通四通八達，放工後也可以順道買回去也是不錯的選擇！ …查看更多

一次晚黑較晚，買了兩盒飯，然之後想加餸，才第一次來到這間禮記，兩個看似惡形惡相的男子，反而和我家小嬰兒玩得挺為開心。雖然腩肉斷斤稱，而且整條腩肉看來像是大條，不過磅一磅，原來買半條都只不過是30多元，也不算太貴價，不過豬皮上面的豬毛，好像可以去得更乾淨，口感就會比較好。不然，作為腩肉，但是吃到客人滿口都豬毛，吉到嘴唇的話，就顯得比較差。不過這間滷水味道挺為芳香，除了滷水的鹹味之外，它還有陣陣的甜味，和當年在台灣墾丁附近吃過那種甜滷水味道相似。…查看更多

暑假同小朋友入大埔玩，玩到咁攰返屋企緊係買外賣最正喇。行去搭車之時，俾媽咪我見到一間名叫<禮記潮州滷水鵝專家>既滷水店，個名都叫專家，我自己覺得應該會好好食，決定打俾婆婆，加餸返婆婆度食。上次婆婆買過一次滷水鴨我地食，都幾好味，今次我又買一隻滷水鴨返去齊齊食，另外滷水小食我地都好鍾意食，所以就加左滷水豬耳同埋滷水鴨腎一齊加料，就咁睇以為隻鴨好細，點知斬完出黎係2大盒，加埋豬耳同鴨腎足足三大盒，仲跟埋醬汁，所以就超大袋。滷水鴨，滷水味好香，唔會話太肥太瘦，我食岩岩好，加埋另配既滷水汁，夠晒入味好食，但係婆婆就覺得再肥返小小，就會滑D，依家既口感佢覺得有小小鞋。而滷水豬耳同滷水鴨腎都好好味，夠入味，加埋爽翠口感，一陣就食晒呢盒小食，想夾多件都冇。地址: 大埔安慈路4號昌運中心地下30號舖…查看更多

胖媽好鐘意食滷水鵝，孝女小胖聽到友人介紹又咁啱去附近工作就當然要買返黎俾媽媽食啦😆佢的店舖只供外賣，雖然店舖小小的，但食物的種類不少，基本滷水店有的佢有，連無的佢都有，例如墨魚，猪脷。除咗可以淨買不同滷水外，你亦可以買滷水肉飯，價錢不貴但又能飽飽的一餐。小胖因為是買返去加餸的，所以就沒有點飯，只點了1斤滷水鵝和每次買滷水都必食雞蛋🥚1斤的滷水鵝滿滿當當都係肉，佢的鵝肉唔肥唔瘦，剛剛好，肉質還可，滷水亦十分入味和香，呢個價錢可以食到咁的質素的滷水鵝算平和抵食。佢的雞蛋亦十分入味，滷水汁唔會過鹹，但又食到香料的味道小胖最愛佢的秘製辣醬，夠香夠辣，好後悔無同佢單買一瓶返黎整體而言，價錢合理，食物不錯，店面環境亦乾淨，不錯👌…查看更多

踏入夏天，最想吃不太熱的食物，接着想起就是吃打冷潮州菜的好時機！講到潮州菜又怎少得滷水呢🤤走到大埔昌運最人來人往的十字路口，就會看到這間光猛又乾淨的滷味外賣店。不同款式的食物都齊全，有齊雞鴨鵝和其他滷水小食，絕對適合我買回家慢慢和家人一起品嚐！😋這間細小的舖內有一塊透明玻璃窗，讓我可以清晰看到師傅認真地製作不同的滷水食物。🦆滷水鴨半隻 $75半隻先講滷水鴨，叫了半隻，打開一望，足足放滿了一大盒，份量非常足料，鴨肉和骨比例剛剛好，皮脂適中，肉質柔嫩又不會鞋口，非常入味不會得個咸字；食到鴨胸位，幾乎啖啖肉，店家還配上兩款蘸料、白醋和滷水汁，點一下酸汁，更加開胃👍🏻整體香氣撲鼻又入味，果然是招牌菜呢！🥢鵝腸 再叫多三款小食，鵝腸大大條洗得很乾淨，沒有肥膏，薄薄一片咬落很脆口，同樣好入味，值得推介😊🦑墨魚 墨魚大大塊非常爽脆可口，既肥美又彈牙，感覺是新鮮製作。🐷豬耳很入味，口感非常脆口，很juicy呢整體以言，這確是一間性價比高的潮州滷水店，份量十足，款式多樣化，絕對有誠意，下次必定會再試其他菜式！😚…查看更多

小妹係二度光臨「禮記」，之前試過佢嘅滷水鴨之後就念念不忘，屋企人都讚不絕口，今日又嚟開大埔附近都要特登再斬料加餸。今次仲見到有哩個加餸推介，優惠價$99就有齊3款滷物，小妹仲外加點咗3兩墨魚🦑已經可以整個小拼盤啦滷水鴨味道依然係水準之上，師傅嘅刀工一流，每件嘅大小適中，大人同小朋友都方便食用。滷水汁帶點甜味，八角等香料味剛好唔會過濃，離遠都聞到滷水香俾佢吸引過嚟。豬耳同滷豆腐都同樣出色，唔食豬耳嘅仲可以揀半條紅腸，豬耳清潔得乾淨，切成幼條好爽脆，如果有埋啤酒就perfect 啦。滷豆腐完全入哂味，索滿哂滷水汁，可以試真d滷水汁本身。潮式打冷墨魚片係拼盤嘅必需品，除咗滷物外，墨魚都夠新鮮爽身，唔會過軔好似香口膠咁，而且份量足秤，真教人持續回頭呀！…查看更多

疫情期間多咗喺屋企食飯，但係日日煮又未必諗到食咩好，斬料成為咗方便加餸嘅選擇一直未試過呢間鹵水鵝，不過見佢鋪面乾淨整齊，覺得食物質素應該唔太差，所以就買咗隻鵝嚟加餸鋪面有塊大玻璃隔住，可以一眼睇曬有咩類型嘅食物之餘，又唔怕有灰塵同細菌黐落啲食物度收銀處有曬所有食物嘅價錢，明碼實價食物款式多，連辣椒油都係自家製，買鵝嗰陣跟咗一盒仔試下，味道確實唔錯，夠香夠辣今次買咗一斤鹵水鵝，另外加咗幾隻鹵水雞翼同鹵水蛋試下老闆問我想要上庄定下庄，因為想試下鵝脾，所以揀咗下庄鵝脾啖啖肉，食落唔會好韌，鹵水味剛剛好唔會太鹹醬油、醋同辣椒油都係另上，鍾意咩口味都可以自由配搭個人覺得鹵水雞翼好抵食，只係五蚊就食到雞全翼鹵水蛋十蚊有三隻，食落唔會太鹹第一次喺度斬料加餸，味道唔錯，加上睇落食物衛生（疫情期間呢樣嘢都好緊要），下次再想加餸都會再返嚟幫襯…查看更多

家人提議買滷水外賣回家加餸，即興找了一間在大埔超級城附近的滷水鵝專門店。小店感覺乾淨衛生，環境光潔亮麗，師傅切配料時也有戴好口罩。加餸之選非常符合我的要求，有半隻滷水鴨之外，還可以選配家人最愛的紅腸及豆腐。半隻滷水鴨非常足料，加上紅腸和豆腐，一個套餐絕對足夠和一家人分享。另外還加了豬大腸和墨魚，夏天不想在廚房忙到滿頭大汗，買滷水外賣是非常理想之選擇。外賣有提供各式醬料，辣椒醬香料味濃夠惹味，鹹酸菜酸酸甜甜讓人開胃。滷水鴨肉質鮮嫩，分量超足，滷水汁非常入味，蘸一些蒜泥醋，正宗潮州滷水風味。喜歡紅腸的口感，較為結實，沒有混入太多粉。墨魚也爽口彈牙，容易咬開。豬大腸的切功可以看得出師傅的用心，有輕輕把豬腸中間的油脂刮走，令口感更佳，也沒有難吃的羶味。豆腐夠軟滑，有豆香，切開後也沒有散開，滷水汁煮過後調味適中，不會太鹹。…查看更多

呢間滷水鵝店已經喺屋企樓下開左一陣，但一直未有機會試，今日心血來潮一於試試佢，買番屋企加餸斬料。今次買既係滷水鵝既下莊，滿滿放一整盒，夠我地全家分兩餐食。我即刻夾左我最鍾意既鵝脾黎食，鵝脾皮滑肉嫩，啖啖肉又多汁，果然冇令我失望。店家仲好細心提供左３盒蘸料：白醋，滷水汁同麻辣汁。滷水鵝配麻辣汁？呢個配搭真係第一次見，但一試之下發覺極之惹味，perfect match! 滷水汁亦都特別調味過，點可以唔點呢~ 除左鵝脾, 其他部位既肉一樣咁滑咁多汁，滷水味道適中，滿足滿足。幸好份量夠多，聽日午餐都可以繼續嘆其他滷水野睇落都唔錯～皮薄一啲都唔會漏…查看更多

今日34度高溫完全乜都唔想食🥵經過滷水店，諗吓不如買滷味，唔駛煮又唔會熱辣辣。幾次行過都見有人排隊，今日見幾個人等，即刻排隊買！有好多款滷味，眼闊肚窄，樣樣都用斤去買🤪完全唔識落單！好彩收銀姨姨好服務，問我想食邊幾樣同幾錢Budget，就幫我砌個併盤🤟🏻滷水鴨（半隻）：好大碟！食鴨最鍾意食塊皮！今次隻鴨肥瘦剛剛好，滷水味足，唔會食咸，重點係隻鴨無騷味！鵝肝鵝腎：老公同我的至愛！鵝肝入口即溶，唔會食落一舊粉咁👍🏻鴨腎爽口唔會韌，夠哂入味！墨魚：口感彈牙唔會有渣！小朋友都輕易咬得開！滷水蛋：兩個女同老公飛佛！一打開盒一人一隻即清！醬料：共有3杯醬料。滷水汁再淋係鴨面！潮州酸汁唔會過酸，夠哂開胃！仲有個辣椒油，好香！…查看更多

近排天氣炎熱，疫情反覆，買外賣的次數增多左。好似今日咁，烈日當空，行到身水身汗，真唔想再困在悶熱的廚房裏面做晚飯。行過大埔昌運中心剛好一陣風吹來香噴噴誘人的鹵水味，遁味搜索一下是前方的禮記 潮州正宗鹵水鵝專門店飄來，整潔的店面，大大的玻璃後見到隻巨形的獅頭鵝，色相皆美，決定今晚的晚餐非牠莫屬。四點多，也要小排一會，前面的客人該是常客，讚店的小食組合較平時平25％超抵6款小食樣樣正及上次試的鹵水鴨不輸鹵水鵝，也是必食之選。搞到我心十五十六想是否要改變初衷跟試。到我下單時店員友善介紹說鵝是店的招牌，我再望那項大的鵝頭，肥美的鵝脾，決定還是先試店的鹵水鵝順帶點咗一塊滷豆腐及兩隻鹵水蛋回家。 師傅刀功很好砌好之後未色香味俱全。晚上回家只稍稍番熱，香味濃厚， 鵝片肉質條理分明，入囗綿軟有咬口，味道滷得入味，唔係死鹹及只有糖味，細味到鹵水料八角、花椒、桂片等唔同嘅味道，食後有回甘，真係正宗的潮州味道。配角嘅豆腐同鹵水蛋亦都絕不失色，豆腐大大件切到成六塊又滑又嫩又入味，蛋更加係 滋味無窮，五香粉同其他鹵水料混配得恰到好處，值得回購。…查看更多

星期日，行行吓街想今晚加餸。咁岩經過一間潮州滷水鋪。又見到好多人圍住間鋪喺度揀，同埋都見到有幾個人排隊，所以決定試吓😂越近舖頭，陣滷水味就越勁！超香噴噴！舖頭一般賣滷水舖頭一樣，掛滿啱啱新鮮出爐嘅燒味！食肉獸嘅我，就咁就俾佢吸引咗😂😂見到都流晒口水！舖頭有好多唔同種類嘅滷水賣！有鵝肉、雞、有好多唔同嘅滷水小菜，例如：豬耳、鴨舌、滷水蛋、滷水豆腐！超多選擇！有選擇困難症嘅我！又企左15分鐘先可以揀到😂😂結果買咗滷水拼盤返屋企！一返到屋企，飯都未開就即刻打開嚟食啦😂😂啲嘢食都唔錯唔會太鹹😋…查看更多

心血來潮想食滷水大埔中心有間滷水店招牌鮮明遠處就見到平日都有很多人排隊所以今天決定去試一試買了百幾元的滷水份量不算多但勝在不錯吃加上配有三款醬汁可以有同的配搭豆腐$12 兩件豆腐很大件滑滑嫩嫩的加上酸辣汁很惹味柱醬牛腱例 $55很出色牛腱肉紋理多牛筋q軟不會有渣加上滷得入味不用額外沾汁都很好味😋😋😋鵝腸$30 每兩$15鵝腸洗得很乾淨沒有騷味而家脆脆的很有口感鵝肝$25（隻）吃得出有鵝味外面吃的非常粉爛禮記的完全沒有很有咬口而且軟軟的軟硬適中鴨舌$15一両鴨舌本身都貴一両有十多條其實算超值鴨舌肉質爽脆加上滷汁餣得出色而且不會有雪味配醬汁或單食都非常滿意禮記潮州滷水鵝專家 (大埔)大埔安慈路4號昌運中心地下30號舖…查看更多

假日去完大埔踩單車, 經過大埔中心就買D外賣番屋企加料~見到呢間門面幾光鮮既滷水店, 都幾多街坊幫襯~店員姐姐好好人, 因為我好少買呢D, 所以佢都有介紹下, 同埋比我慢慢睇~見到掛晒出黎既滷水已經覺得好吸引, 半隻滷水鴨都係75蚊, 所以就叫左半隻試下啦, 話晒招牌呀嘛!另外有屋企人唔食鴨所以叫左半隻貴妃雞~打開個盒已經覺得原來半隻鴨份量有咁多! 其實6個人都好夠食, 認真抵食!半隻鴨會跟1個滷水汁同1個酸汁, 我個人鐘意2個都點晒, 酸酸地好開胃!鴨都幾多肉, 我鐘意食鴨胸位, 因為淡淡肉, 肉質唔鞋口, 滷水汁好味!覺得唔錯喎!另外貴妃雞睇落有D細盒, 不過係因為我見師傅起左好多骨,連個雞殼既骨都起埋, 好細心!雞肉帶咸味, 基本上唔加薑蓉都好好味!…查看更多

Weekend唔想自己買餸煮飯咁辛苦，決定買啲滷味返屋企當晚餐。時不時經過呢間禮記潮州滷水鵝舖都見到好多人排隊買，味道應該唔差，決定試一試。呢間净係可以外賣自取，無堂食的。黎到一定要試一試招牌滷水鵝先啦，要咗半斤64蚊，分量都唔少，有好多肉，同埋無乜邊邊角角位。滷水鵝好入味，肉香四溢，配粥配白飯都好正。仲要咗二兩鵝腸，一共30蚊。鵝腸口感爽脆，滷水香味十足！二兩一個人都唔係好夠食，因為真係食到停唔到口，下次一定會去買多啲！老闆仲推介咗佢地嘅新品——滷水牛展，都相當唔錯架！牛展筋軟肉嫩，亦都非常之入味。呢間嘅滷水汁唔會太鹹，味道香濃，幾啱我口味。同埋值得一提嘅係，佢地嘅辣椒油都好好味，配上滷水牛展一流。下次想嘗試其他滷味~…查看更多