Video
8-min walk from Exit B, Olympic MTR Station
continue reading
Telephone
23701234
Payment Methods
Above information is for reference only. Please check details with the restaurant.
家庭式經營嘅禤師傅私房菜係不少食家嘅口袋名單，由禤師傅親自操刀下廚，擁有逾 50 年中菜及酒店行政總廚經驗，功力相當深厚，而禤太負責每日採購同樓面，原店於上年結業，早前宣佈另擇新址重開，新店還未有機會到訪，來回顧一下舊店的出品！店內以游水海鮮作招徠，需預先訂位，但舊舖環境仲地踎過熟食中心啲大排檔，一路食一路好多飛飛，相信新店衞生情況會有所改善。
⋄ 豉汁蒸蟶子皇
蟶子皇粗到手指公咁 🤯 豉香十足又唔死鹹，火候蒸得剛好超彈牙，最後留返啲蔥撈飯吸晒豉汁精華，Jap 爆！！！！好 L 正 😍⋄ 椒鹽瀨尿蝦
每檯必點，手臂咁大隻嘅新鮮瀨尿蝦，有咩理由唔好食 ⁉️ 原隻拆出嚟鮮甜得嚟啖啖肉好爽，炸蒜鹹香惹味 🤤 不過價錢有啲肉赤，成 $300 一隻都幾奢侈，但嚟到又無理由唔食招牌，呢啲糾結位我明，我真係明 🤷🏽♀️
⋄ 鹽焗奄仔蟹
隻隻爆膏但焗得有啲過火，肉質偏乾，鹽焗嘅香料入到味 🦀 整體 not my style，下次都係食返肉蟹/ 膏蟹開心啲～⋄ 椒鹽九肚魚比平時食到嘅細件，九肚魚非常嫩滑，份量有點少⋄ 黑椒牛仔骨煲
水分太多，牛仔骨無焦香感但都夠腍，黑椒味唔夠濃，爭少少鑊氣⋄ 金銀蛋上湯豆苗
湯汁濃郁，豆苗嫩綠無渣，正常發揮啦 菜品水準不錯，點菜時建議問吓當日有咩靚嘢，揀返師傅拿手嘅菜式；海鮮高質但價錢偏高，時價記得問清楚價錢先落單，普遍定價係貴過西貢同布袋澳，三個女仔食咗成 $2700 都幾誇張，呢個價位大把選擇，咁嘅環境嚟講我哋覺得唔值，一大班人嚟可能會好啲（？）而且店內只收現金，食之前記得撳定錢 🤣📍 𧝁師傅私房菜大角咀中匯街 57-69號 中星樓 地下5號舖
continue reading
預定枱未算好困難，⚠️最好預約訂位及菜式 (可whatsapp)🥢冰震鮑魚爽 彈牙，亦可配豉油芥末🥢椒鹽瀨尿蝦招牌菜式 瀨尿蝦好厚肉 好好食，食完一隻都有少少飽😂不論打卡味道都好好，店員及店內都有教點拆🥢豉汁蒸聖子爆多蔥 不錯但又未至於必嗌🥢咕嚕肉皮脆幾好肉 好夠味🥢油鹽水浸北寄貝北寄貝好肥美 加埋湯同粉絲好食，不過小心湯比較辣🥢油浸筍殼魚多肉炸得好好 香口而不會油膩🥢鹽焗奄仔蟹多膏有肉 整體黎講好食，可一可再埋單8個人$6640 平均$830一個人 (我哋有帶酒 帶6支或以上會免2支開瓶費)
continue reading
我以為私房菜一定係樓上舖，仲要係有少少隱蔽嗰隻，原來地舖都可以。朋友介紹大角咀禤師傅，試下囉有咩唔好啫。 冰鎮鮑魚：都大隻嘅，唔知點解伴青瓜 椒鹽瀨尿蝦：呢個真係好大隻，足足有一隻前臂咁長，但係除左大隻，肉質方面我唔識品評，本身唔特別鍾意食瀨尿蝦 辣酒煮花螺：普遍香港食辣野嘅通病，唔夠辣 黃金魚魷：一開頭以為係椒鹽鮮魷，走去問人拎汁。幾香口但係無乜咸蛋香 椒鹽九肚魚：偏硬，不是外脆內軟 避風塘炒蟹：大隻嘅，都厚肉 魚唇扒豆苗：魚唇幾入味嘅，豆苗方面不過不失 薑蔥魚腩煲：同行嘅朋友無乜人識欣賞，可能怕多骨 豉椒炒花甲：大隻嘅，但係多沙 整體黎講份量都唔細，特色海鮮類好似都係用銀色兜。質素幾平較，但係食物方面除左瀨尿蝦大大隻，好似無乜記憶點。 同枱唔逼，但係同其他枱好近，兩枱之間背對背唔需要伸手就可以觸碰嘅距離。當晚後面有一枱好嘈，成餐飯全場人4-5枱客就邊聽佢地講野邊食飯。
continue reading
- 海鮮唔夠新鮮，仲有啲霉- 應該炸嘅油鑊唔夠熱- 出嚟嘅餸菜嘅做法同我認知嘅不一樣, 廚師只係門外漢- 用餐體驗唔係好理想，非常失望，唔會番轉頭P.S:每人最低消費$450。
continue reading
長沙灣兼善里被收購後，收到風禤師傅已重出江湖，於大角咀選址重開，便立刻訂枱食個開年飯😍新店比舊店大一倍，寬敞之餘更乾淨企理，坐得舒適ჱ̒⸝⸝•̀֊•́⸝⸝)🌟椒鹽瀨尿蝦招牌的椒鹽斑馬瀨尿蝦水準一如既往地出色👍🏻蝦殼入哂椒鹽味，蝦爪炸到脆卜卜，酥脆惹味，絕對不能夠浪費；蝦肉巨大又鮮甜，食到大家嘩嘩聲🤤🌟豉汁蒸蟶子王蟶子僅僅熟，肉質軟滑，鮮甜彈牙；豉汁的調味也剛剛好，不會搶去蟶子的風頭，就連蔥花也很好食，大家都很投入地jap jap jap，美中不足爭碗白飯！🌟蒜蓉粉絲蒸扇貝扇貝勁大隻又厚身，雖然蒸得稍為熟了一點；不過軟滑粉絲才是主角，配蒜蓉甜豉油，食到lam lam脷😋⭐️避風塘炒蟹肉蟹大隻份量多，味道較似薑蔥炒，正常大排檔發揮；下次可留肚叫另一招牌—油鹽水象拔蚌🤭⭐️砵酒焗生蠔生蠔勁大隻，有一層炸粉衣，內裡十分juicy！開頭仲以為海鮮食唔飽，但食到呢道我地開始飽飽濟濟🙈⭐️薑蔥麻辣魚腩魚腩外層炸過，有一層薄薄的粉漿份外香脆，啖啖肉只有大骨！表面沾滿麻辣的味道，比想像中辣，帶花椒香而且後勁凌厲🔥雖然咸左少少，送酒一流🍻🌟魚唇扒豆苗豆苗意外地好吃( •̀∀•́ )✧ 豆苗清甜、新鮮爽脆；魚唇軟腍入味，好似花膠咁膠原滿滿勁黏咀💯🌟豉油王炒麵飽到上心口既我已經食唔落炒麵，不過收到報告都話有鑊氣同好食既(•̀⤙•́ )/四人眼闊肚窄合共消費 $2480，人均六百便可以吃到新鮮靚海鮮，喺市區都食到新鮮好味道🙌🏻同行友人食完都話要帶家人試，誠意推介🤎
continue reading