盛記粥麵

Open Now

Now Closed

想清清淡淡食粥但又怕粥麵舖好頹😅 見到呢間比較光猛乾淨就試一試😚 果然有驚喜呢 可以一試粥麵 仲可以選擇套餐🥰 加上小食飲品岩曬三心兩意既人🤪 特別推薦係因為用料新鮮有誠意 係不錯嘅平民小店 💰⭐️ 招牌狀元及第粥 加魚腩🍲一見到好大碗好足料🥰 粥底好滑好棉密唔會過鹹👍🏻 裏面嘅料主要係十分豐富豬雜🐷有粉腸豬潤豬肚等等 食得出新鮮口感爽口💕 加上魚腩好鮮味好嫩滑 🐟 清清地但好滿足⭐️ 蔥花蝦米炸兩 🌯油炸鬼新鮮炸起熱辣辣🔥外面嘅腸粉薄薄一層👍🏻 香口得黎唔加太多醬都好滋味😚⭐️ 蠔油冬菇 🍄冬菇大隻好厚肉❤️ 蠔油味煮得好入味🦪⭐️ 養顏桑寄生蛋茶 🍳桑寄生嘅甜度適中🌱溫暖而清甜 加上蛋感覺好滋補🥚

係呢區剛整完骨，想食個粥，易消化呀麻。OpenRice 下，見呢間咁多好評，又唔貴，試下囉。叫左豬潤粥 + 店主推介雲吞湯 + 薏米水豬潤粥, 豬潤夠哂滑, 粥底非常棉. 有少少乾貝. 真功夫煮出黎, 唔好講少. 最緊要係咩?? 就係味道好之餘，食完完全唔會口渴. 非常難得囉.湯雲吞, 有料到. 入面堅係大大隻蝦肉. 自己睇相, 真心大粒仲要唔係蝦碎，係原粒蝦呀！ 湯底好味，清埋. 薏米水, OK, 唔會太甜, 有蜜棗, 潤喉. 呢間無得輸. 

媽媽要去寶靈街買嘢，買完就去醫肚，喺附近兜咗個大圈後媽媽話要食雲吞麵，於是就同佢嚟咗盛記。估唔到下晝兩點幾間舖頭都咁多人，不過好彩啱啱有人埋單。今次點咗個淨雲吞、北菇滑雞粥、蠔油冬菇、炸両同埋一碟菜芯。淨雲吞一碗有8粒，超抵食之餘，媽媽都覺得好食到問我有無得買生雲吞拎返屋企。蠔油冬菇夠哂入味又夠淋，仲要滑一滑，真係好好味。北菇滑雞粥比想像中大碗好多，雞嘅份量都好多又夠滑。最後嚟到嘅係炸両，即叫即整之餘，望落去碟炸両晶凝通透閃令令，食落仲脆卜卜！食到我哋兩個飽到上心口都係$170。

佐敦食「盛記粥麵」平日中午都好多人，好好彩好快有位。叫了個粥粉麵套餐，盛記艇仔粥熱辣辣的，10分足料，包括有彈牙的魷魚，魚片，豬潤等等。好啱心大心細的我們，粥底淆得好綿密好滑，好難得。另外加了$26有個豬潤腸粉，腸粉的皮拉得好薄，豬潤熟得啱啱好，好好食。另外有人也叫了個豬潤粥，豬人份量10分充足，有成6-7片，好好食再加點胡椒粉都不錯。我叫了個牛肉腸粉，牛肉份量好多，不會馬虎。另外熱薏米水也是足料之選，有大半杯都是薏米餡料仲有粒大的蜜棗，加$5就有喺必點知一！另外加$10有個桑寄生蛋茶，不會太甜好滋潤，食埋隻雞蛋就滿足了。

想吃簡單清淡一點的午餐，選了招牌的雲吞麵及較少見的魚片米。兩碗粉麵的面層都舖蓋著一層厚厚的油雲吞餡料係足料嘅，有好大隻蝦，但味道偏鹹，好彩麵夠爽口，不帶鹼水味；而魚片米，米粉選用較幼身的米粉，而且似係煮的時間過久，食落口有點過腍，而魚片勁多骨，有幾片更帶有腥味。🤢

佐敦雖然沒有什麼特色出名的連鎖餐廳，但勝在好味小店特別多，而且每間都不會令人失望，這次這間粥店就很有驚喜了。豬膶粥叫了一碗豬膶粥，豬膶吃落非常粉嫩，而且一點也不硬，火候剛剛好，而且大大片的，又厚身，吃落非常有口感。加上粥又熱又鮮甜，男女老少一定喜歡。鯪魚球鯪魚球比想像中大隻，吃落飽肚，加上他的醬汁非常野味，吃落很開胃。魚肉鮮香，而且很彈牙，口感不錯。鮮蝦腸鮮蝦腸大大碟的，腸粉皮好煙韌，加上很滑口。鮮蝦大大隻的，而且非常爽口，原隻大蝦，非常有誠意。炸兩腸粉皮一樣滑口，油炸鬼炸得香脆，非常好味。

不簡單的粥麵店最近想吃清淡一點，路過這間盛記粥麵，看它整潔企理，便入内一試。枱與枱之間有透明膠相隔，令食客甚為放心。點了一個餐廳招牌-頭抽蝦籽蝦球撈粗，極度足料！全碟佈滿蝦籽，所以香味十足！粗麵夠乾身，不油膩，撈勻後都會發現每一啖粗麵都能沾到蝦籽，而蝦球都甚有份量，亦夠爽彈。同時送上上湯一碗，雙重享受。所有正價粥麵飯都可加錢搭配小食，我加$33配了一個蒜香南乳炸雞翼拼炸鯪魚球，每樣兩件，可以多試一點種類。炸物最重要夠熱，兩款都炸得脆卜卜，鯪魚球彈牙，與蜆蚧醬是絕配組合，炸雞翼加上炸蒜，香脆惹味。我還點了一杯招牌凍薏米水，有生熟薏米，還帶少許薑味，不會過甜，真是沒想過會在粥麵店喝到這些心思飲品！

今日口淡淡， 好想食碗粥舒緩下，佐敦收工後，就去食呢間粥店，有粥粉麵之餘仲有小食叫了一份套餐「艇仔粥+炸兩+薏米水」艇仔粥 好足料呀！有魚，豬皮，魷魚，粥底好棉滑，而且唔會好咸，味道岩我口味「懷舊炸兩」油炸鬼夠脆口，腸粉皮夠薄又夠滑食炸兩一定要夠脆先好食薏米水嘅顏色好深色，一睇就知好足料薏米味好濃，而且又唔會好甜作為菜控，點都一定要叫返碟油菜食下先「蒜香炸雞翼」炸到好脆口呀不過外層炸到乾左啲！同埋未算好juicy，不過味道就好惹味～

佐敦都有幾多嘢食，今次又去返上次食過嘅小店，質素依舊唔錯，難怪午市座無虛席啦。招牌狀元及第粥 $52🥣個粥都幾大碗，個粥底好綿，好香，熱辣辣，小心燙口。料都豐富，有豬心，豬肚，肉丸，豬粉腸，豬膶，啲料全部都新鮮，冇異味又唔腥，豬心爽口帶嚼勁，最愛豬膶，口感柔軟又帶爽脆，甘香好食。黃沙豬膶撈麵 $48🐷豬膶真係又正又好食，所以叫多碗豬潤撈麵🤪，麵條幼身爽口有蛋味，豬膶用雲吞麵湯底淥熟，索左湯嘅精華，味道比粥底更好食😋麻辣紅油鮮蝦雲呑 跟粥加$34🥟雲吞個皮薄又爽滑，餡料滿滿，有爽口彈牙嘅蝦🦐係入面，連埋帶少少辣麻辣紅油一齊食，好惹味。🥬蠔油生菜 跟麵加$10份量都ok, 翠綠又爽甜，🥰桑寄生蓮子蛋茶 跟粥或麵 加$10最後再要埋個桑寄生蓮子蛋茶補下身，重點係只要加十蚊就有一碗喇😳，點可以唔要埋佢呢？熱辣辣，味道唔太甜，仲有原隻雞蛋🥚，正呀🥰

盛記粥麵 - 佐敦#今日去咗佐敦行街,跟住就喺附近覓食,我哋入咗去間粥麵店,餐廳以長方形設計,乾淨明亮,每一座位之間用一膠片隔開,防疫意識非常強,食物質素不錯,令人驚喜。1.招牌狀元及第粥：大大碗,熱騰騰地搬到桌面上,粥底綿密,各種材料份量十足,腌得非常入味,豬潤厚切非常滑、豬心大片而爽口、肉丸大大粒而非常彈牙、粉腸入口即溶。2.盛記招牌雲吞麵：皮薄餡料豐富,鮮蝦和豬肉的比例配合得非常好,鮮虾爽口鮮甜,雲吞細細粒一口一個,湯底不加味精,由大地魚熬制而成,鮮味十足,再配上韭黃,吃起來簡直令你大快朵頤。3.鮮蝦腸粉：腸粉薄薄外表,晶瑩通透脹卜卜,內裏包滿着爽口彈牙的原隻鮮蝦,虾大大隻,份量十足,腸粉入口煙韌,蘸上店舖自家秘製的甜豉油來食用,美不勝收！4.蒜香南乳炸雞翼拼炸鯪魚球：*雞翼充滿南乳香味,炸到金黃色,外脆內軟,美味。*鯪魚球如乒乓球般大,外脆內香,魚肉鮮滑,而且非常結實,配上蜆芥醬汁食用,提升了鯪魚球的鮮味,越吃越香。

男朋友講咗想食粥好耐 今日同佢嚟到盛記粥麵 叫咗個北菇雞粥 粥底非常綿 調味啱啱好 啱曬我哋口味 另外我哋仲叫咗口水雞 口水雞個汁辣辣地 雞肉亦算嫩滑 冇諗過喺粥麵店都會有呢種質素同時知道呢度都出名食雲吞 所以我哋叫咗一份炸雲吞 一份有五粒 新鮮炸起嘅雲吞外皮酥脆 而且裏面包裹住非常彈牙嘅蝦仁 好味道 最後要食啲蔬菜平衡下 所以亦叫咗個腩汁菜心 另外不得不提呢度嘅粥麵係可以加配飲品嘅 我哋叫咗個熱薏米水 冇諗過熱薏米水原來帶有濃濃薑汁味 非常暖胃 而且甜甜地加埋啲薏米食 可以當一個中式糖水

以前也常幫襯，堂坐外賣也有，但食物質素愈來愈差，粥跟麵都非常咸，炸兩很硬，除咗意米水還 ok, 店員服務態度尤其差，街坊生意說話一點不客氣，而且座位十分擠迫，應該不會再去了

今日係佐敦揾食，朋友帶左去盛記粥麵，盛讚呢度嘅雲吞麵！街道食店，價錢便宜，有粥有飯有麵，大部份都係即叫即整。招牌雲吞麵，做得比好多牛雜粉面檔好，竹升麵夠彈牙，唔會有過重嘅鹼水味，雲吞皮薄料多，有好香濃嘅大地魚味！炸鯪魚球加雞翼，非常香口，估唔到仲有蜆介汁一齊上，惹味小食。即叫即拉鮮蝦腸粉，大大隻爽口嘅鮮蝦，加上即拉嘅布腸粉，又香又飽肚。檸檬薏米水，薑味濃郁，消暑解渴一流！人均消費幾十元，能夠吃到經典香港雲吞麵和港式小食，實在不錯！

天氣轉涼便想吃熱食，首選是生滾粥！到了佐敦買好聖誕禮物後，行過「盛記粥麵」。餐牌種類多選擇，有粥，粉，麵，飯，雲吞水餃，蒸炸小食及糖水飲品等！我們想起清一點，點了兩個套餐，性價比很高，可以用優惠價錢加配小食及飲品。點了招牌的盛記艇仔粥，粥底綿滑，配料如瘦肉絲、魷魚、新鮮魚片、花生足！粥加上胡椒粉，更惹味！吃後沒有口渴感，證明沒加入味精，不錯！加配了蠔油菜心，菜心軟硬度剛好，不會過淋或過硬，份量大碟，很爽脆！朋友想食生菜的關係，另外點了腩汁西生菜，同樣地青翠脆綠，十分爽口，腩汁非常入味！朋友點了爽滑鮮牛肉粥，生滾粥非常夠熱，鮮牛肉口感腍滑，份量多，粥底同樣軟綿綿！黃沙豬膶腸粉，豬潤厚切大大塊，腸粉皮較厚，十分足料！套餐兩杯熱豆漿，表面可以夾得起豆漿皮，新鮮制作！整體來說，小店用心製作的食物質素不錯，性價比高，簡單暖胃的晚餐，滿意！

為咗唔想耽懶個身，我決定呢個冬天繼續游水，比個機會自己多啲郁動吓，減吓啲肥膏😆 不過喺咁凍嘅天氣底下，堅持每個星期落水，真係一個幾大嘅考慮✊🏽 尤其係上水嗰吓… 諗起就凍🥶 所以我每次去泳池之前，都會食啲熱嘢落肚，暖吓個胃先出發😙琴日 #小秘書 就約埋個同學仔去食個早飯，正當諗緊食咩好嘅時候，同學仔提議我哋早一個站落車，佢話要帶我食好嘢喎🤤 我哋沿住佐敦港鐵站C2出口，行前兩個街口就搵到目的地「盛記粥麵」。餐廳唔算太大，座位之間都有膠板隔住，防疫功夫做得唔錯。同學仔話 #盛記 最出名嘅係 #鮮蝦雲吞，咁梗係要叫碗試吓啦🤤 #師傅 將每粒 #雲吞 都做成bite size，啱哂我呢啲咀細細lady享用😙 再連埋啲 #大地魚湯 同 #韭黃 入口，非常鮮味🤤 另外我哋再加咗個 #牛腩河、#蜆芥鯪魚球，味道仲保留住懷舊風味🤤 #鯪魚肉 打得好彈牙，配埋啲 #蜆芥 一齊食，更加惹味🤤 呢度除咗麵食之外，仲有生滾粥、飯麵之類，不過落水前我都唔敢食太多嘢，所以只好留返下次再嚟幫襯😙哈 以後我哋又多個聚腳地喇🥳