皇家寶 星級私房海鮮菜 (Closed)

日日收工搭車都經過青山道見到呢間新開咗不久的私房菜，今日終於約咗班同事去試吓，長沙灣呢區越來越多新餐廳，絕對係一個搵食的地方一行五人，好夜先嚟到好在唔使等位首先來一個平時好少食嘅焗魚腸，用雞蛋去焗，一啲都唔腥臭，不過味道就唔係我喜歡的了，冇乜太大味道天氣凍梗係要食返臘味煲仔飯，不過賣相就麻麻哋，好少餸，但係味道就不錯，臘肉爽口彈牙再來一個田雞煲仔飯，香噴噴，食得出田雞是新鮮生劏的這個就是廚師極力推介，豬膶蜆煲，真係未食過第一次，味道幾好，豬膶同顯的鮮味夾埋一齊好新穎，都幾特別值得一試，只是啲硯使得不太乾淨有小沙最後來一個羊腩煲，268,不過份量就比較少，每人得兩舊真係唔夠喉，其實味道是不錯的，真是羊腩，不過比出邊來說分量真係少了一點不太抵食…Read More

第一次食完野行過比佢香味吸引左，心諗下次要試下係咪真係咁好食！今次三個人諗食咩嘅時候，第一時間諗到皇家寶！呢間野係食小菜...門口寫住星級私房海鮮菜添～好似好勁咁...價錢中價位，開到凌晨三點入面唔大，有時兩三個人可能都要搭枱...本來叫普通炒蜆，但店員話豬膶炒蜆香啲好味啲...同埋平時唔食豬潤嘅人都食到！因為豬潤係碎粒上！黎到食落真係香啲同埋出邊好少咁樣炒！呢個香煎豪餅都係冇得輸！非常香口入味...但係正常好熱氣😂最後叫咗個龍躉炒飯，啲魚炒到啱啱好!個飯都係好好食...我平時鍾意食麵多都食咗兩碗～Ps:同埋不得不提！店員服務超好...未食完蜆但店員見到隻碟有一半蜆殼都即刻幫我地換碟!同埋個炒飯一到馬上用另一個碗幫我地裝飯！平時呢啲服務都係去飲宴先有...所以一定要讚…Read More

由於第一次寫食評所以！食左3次才決定寫食評！第一次見舖面真心係唔會吸引到我入去試呢間’小型酒樓‘，由於新開既關係，最後我都去左一試。結果食店開3個月我就食足左3次，3次食都係不同既小菜，也有令人回味的菜。而我個人最推就係「佢既招牌菜：豬潤抄鮮蜆」個人覺得用心煮岀食材既美味亦因為第一次食既菜色，所以比我感覺創新而新鮮。加上坐得舒適，真正感受到中菜的特色。樓面都好識做，一叫即做所以價錢都合理及值得。開心晚飯，熱熱鬧鬧而且老闆好好人，用心經營，食岀人情味特別讚賞：菜單手字真係好靚…Read More

以前見到間舖裡面黑忟忟，望到都唔敢入去食…… 見到裝修好，好光猛，好乾淨，又有優惠，於是入去試下!$10個菜真係無花無假，係平時正價份量! 炸豆腐凍左都唔淋，好食! 啫啫龍躉頭腩係堅龍躉，無魚目混珠! 火喉夠又唔咸! 正! 土魷肉餅煲仔飯，飯焦剛剛好，係個豉油教得麻麻…… …Read More

一家人去食晚飯，路過見到新開冇幾耐，但係又幾多人，所以就決定一試！:)見到餐牌之後，發現好多野食都係深水埗區比較難揾到嘅，就好似魚翅撈飯同煲仔飯 （冇錯！係夏天都有供應煲仔飯！）！ 一家人去食，試左唔少菜式，老闆推介嘅脆皮龍江雞外皮香脆，肉質超嫩，老闆話係用新鮮雞整六個鐘烹調出來嘅！而魚翅撈飯更加係不得不提，用料豐富！魚翅、花膠絲、冬菇絲等等，十分之有香味！價錢仲要超抵，300蚊唔洗就有成8至9碗左右。 芝麻蝦新鮮彈牙，醬汁不肥膩，高水準！！而涼瓜燜倉魚就偏咸左D，老闆話下次可以落單時叫淡D！另外，而家仲做緊特價菜，10蚊就有一碟指定小菜，真係好抵食！環境算幾衛生，服務態度幾好，值得一試！…Read More

原來深水埗都有特式私房菜, 菜式特別用心煮, 推介係豬潤蛤,很特別, 原來豬潤配蛤係得ge重要係可以咁鮮味, 一定要試,超正, 腸粉蟹,腸粉吸晒蟹的鮮味, 好惹味, 腸粉最好要多d , 好食到唔夠食, 蝦多士係用新鮮蝦肉..夾上芝士, 正...甜品煎馬蹄糕,煎到外脆內軟,好香口不太甜, 好好食.菜式 配搭好特別,有用心煮的食店,食材有水準,店員服務好,會再來 …Read More

路過長沙灣，深水埗個頭， 好似諗極都無頭緒食咩… 見到呢間鋪頭寫住星級私房菜，又未去過，決定試一試。見到menu入面好多野都好想試，但兩個人肚容量有限，結果叫咗：蒜米雲耳，蜜餞脆蝦球，竹笙木耳浸時菜同荷葉飯。雲耳蒜香味濃，但醋味唔會過份嗆喉，好開胃，一舊接一舊好快就食完， 不過可以雪凍佢就更正。蜜餞脆蝦球：好好味！！好有日式嘅味道， 上面仲有木魚絲tim~ 大大啖咬落去嘅感覺好滿足竹笙木耳浸時菜： 蝦球夠濃味， 呢個菜又夠清淡，非常好~荷葉飯：配料足， 有火鴨絲， 瑤柱，冬菇等等， 飯又炒得夠乾身， 男朋友吃得津津有味食飽飽繼續係店內坐下。鋪內的店員都比較上一輩的， 但佢地非常有禮貌同熱心， 會介紹你地咩好食，又會幫我地斟茶換碟。之後老闆仲介紹我地食佢哋嘅招牌菜：豬潤海蜆煲， 可惜我地已食飽，但聞到隔離枱飄來嘅香味都想試下 希望下次同多d人再試下其他招牌菜先…Read More