皇家寶 星級私房海鮮菜

路過長沙灣，深水埗個頭， 好似諗極都無頭緒食咩… 見到呢間鋪頭寫住星級私房菜，又未去過，決定試一試。見到menu入面好多野都好想試，但兩個人肚容量有限，結果叫咗：蒜米雲耳，蜜餞脆蝦球，竹笙木耳浸時菜同荷葉飯。

雲耳蒜香味濃，但醋味唔會過份嗆喉，好開胃，一舊接一舊好快就食完， 不過可以雪凍佢就更正。

蜜餞脆蝦球：好好味！！好有日式嘅味道， 上面仲有木魚絲tim~ 大大啖咬落去嘅感覺好滿足

竹笙木耳浸時菜： 蝦球夠濃味， 呢個菜又夠清淡，非常好~

荷葉飯：配料足， 有火鴨絲， 瑤柱，冬菇等等， 飯又炒得夠乾身， 男朋友吃得津津有味

荷葉飯

食飽飽繼續係店內坐下。鋪內的店員都比較上一輩的， 但佢地非常有禮貌同熱心， 會介紹你地咩好食，又會幫我地斟茶換碟。之後老闆仲介紹我地食佢哋嘅招牌菜：豬潤海蜆煲， 可惜我地已食飽，但聞到隔離枱飄來嘅香味都想試下 希望下次同多d人再試下其他招牌菜先