百利冰室

Open Now

Now Closed

好耐都冇去過傳統冰室食嘢，百利冰室都算係港島區幾出名嘅舊式茶餐廳，每次經過都好多人排隊，而我對上一次嚟都好似係幾年前，今次特登再嚟食，排隊依舊，但係值得等嫁😋👍🏻𝐈𝐧 𝐦𝐲 𝐭𝐮𝐦𝐦𝐲😋⠀1. 蕃茄湯牛肉通粉 配凍檸茶($52) ❤️⠀份量好多好足料，有菜有肉有椰菜花，仲有啲橙，相信係佢令到個湯底更甜更好飲，個湯真係不得了👍🏻👍🏻 so far係我食過茄湯入面最好食嘅，唔係普通有鮮茄味咁簡單👀 好有驚喜絕不誇張🥰⠀2. 蕃茄雞脾煎蛋飯 配凍奶茶($47) 依個蕃茄汁同上面唔同，會多小小蕃茄嘅酸味，個人鍾意茄湯多啲😛，不過雞髀肉都幾滑，煎蛋就不過不失啦.⠀📍 百利冰室西灣河筲箕灣道216號地下

其實舊式茶餐廳有好多間，我同我個仔係最鍾意食舊式茶餐廳嘅人，我哋食親都經常被不滿意，一係就食物嘅風味一係就係價錢，好少話兩樣都啱。呢間百利就係我哋其中一間兩樣都達到標準嘅餐廳。茶餐廳老字號不在話下，食物質素及價錢完全係高CP值。每次帶啲新朋友嚟食佢哋個個都會再返轉頭，到現時為止從未有一個人話唔好食。可能你覺得我誇張，但呢個真係事實，如果你未試過又啱啱經過西灣河嘅話絕對係首選👍🏿。最後想提一提你間百利係唔做晚市，好早就已經收檔，所以大家要食只有係早餐、午餐或者下午茶，唔會有晚市。千祈唔好去錯隔離個名好似嘅第二間茶餐廳。

保留傳統港式冰室的味道沒有花巧沒有跟上潮流 但就堅持傳統的做法真傳統冰室真係越嚟越少希望呢種舊式味道可以繼續承傳😗雖則係舊式茶餐廳 但店員都好nice又好客落單姐姐真係好了解我呢種嫌尖客人😂超貼心和藹地問使唔使轉多士 -> 🙋🏻‍♀️要！奶茶要多奶少奶? -> 🙋🏻‍♀️少奶！三文治要唔要烘底? -> 🙋🏻‍♀️要！我經常要記住落單時要加要走的呢度都一一照顧周到 超貼心☺️特餐 | $39 (轉多士加左$1)火腿奄列 雖然簡單但好多地方食到的奄列都係乾爭爭全熟又油呢個就好高質 一點都不油膩薄薄的熟蛋外層包住裡面半熟蛋漿同滿滿火腿呢個奄列我俾💯 薄多士亦重手揸滿牛油😆另一樣普通但出色的係餐肉通粉忌廉湯超濃厚 好夠味落足忌廉煮而唔係就咁用雞湯或無味滾水hea你真係好少食到咁有誠意的茶記通粉🤩熱奶茶 叫左少奶 茶底的茶夠香醇就算少奶都唔澀咸牛肉蛋治烘底 | $38 (配熱飲)又係出色之作 咸牛肉份量多又夠香 味道勁出炒蛋炒得剛剛好 多士再烘脆一點就完美啦

經過電視推介下，這間餐廳天天早上都有很長的人龍在門外等候，今次特意到裏面吃早餐，叫了特餐，有通粉奄列多士再配一杯飲品，餐肉10分厚比起其他茶餐廳薄薄的一片這份10分滿足。通粉的湯10分濃郁美味。難怪10分多人排隊都要吃。

唔知道大家記得tempo以前有個廣告係係茶餐廳拍嘛？ 我一直懷疑就係係依間冰室拍 不過依度一路路無咩人幫襯 我都只係食過一次仲記得以前櫥窗有好多糕點 例如蛋撻 第一次亦係最後一次 我記得蛋撻係凍食嘅最近冰室大變樣 除咗門口裝住菜式模型嘅廚窗仔 同埋地板磚頭 真係唔同晒啦不過宜家依度多咗好多人幫襯 而食物質素真係唔錯~~~~~~~~~~~~~~~~~~~~~~~煙三文魚🍅番茄意粉(應該都係$48包飲品)同行友人 食意粉唔中意太淋 佢第二次食依個餐 應該係比較高質的意粉 同味道應該唔錯 不過我無食就唔講咁多 🐷豬排·西多·沙律下午茶($48連熱飲)本來想叫牛排 但係畀左豬排😮不過豬排質素好 唔係啲cheap肉同埋佢應該淺炸？ 脆脆地另外西多就正常 裡面有花生醬 個人覺得用厚方包同炸得淺色啲會更好食沙律有薯仔 水果 同碎蛋平時啲茶餐廳點會有碎蛋🤩依度食物用靚食材 又乾淨企理 餐具同檯面啲醬料都好乾淨 👨‍💼員工態度都唔錯 落錯單係太忙啦 同佢double confirm 淨係confirm 西多 沙律 無講牛排😅 隔離臺好多人食焗飯 等我下次又試下先～

一早起床就去食早餐，不知去哪一間食好，思前想後都係去百利餐廳，到達百利餐廳門外，有很多人在排隊等位，沒想到餐廳都要攞籌，好像酒樓一樣，我攞了籌號在等，等左大約20分鐘左緊，就有位可以食早餐了，百利餐廳出品水準可以保存到，難怪做到這麼多人等候都要在這裏食， 我叫了一個特餐，特餐有火腿炒蛋奄列，餐肉通粉，仲有餐飲，我叫了一杯奶茶，奶茶香滑，點解奶茶可以沖得這麼香滑，還用黑白淡奶，火腿奄列，火腿夠多，蛋夠香滑，餐肉通粉，有兩件餐肉還有好多通粉，這個早餐真是大滿足了。

我每次喺大潭水塘行完山，搭巴士落返西灣河，都會黎百利冰室食個下午茶，因為佢嘅嘢食實在太好味！-我每次都會叫番茄湯肥牛通心粉佢個番茄湯 好 濃 郁！完全唔係買盒地門番茄湯溝水嘅湯而牛肉方面，你係可以揀普通牛柳肉定肥牛我每次都會好犯規地揀肥牛，因為肥牛配番茄湯，一肥一新鮮酸甜，個湯可以balance肥牛嘅油脂，食落好正！麵食方面，其實佢本身餐牌係寫公仔麵嘅，但我每次都會同staff講話要轉通心粉因為本身肥牛已經係偏油，如果再食公仔麵應該會太膩，通心粉則啱啱好-我亦有食過佢嘅雞湯通心粉同蝦多士，可惜無影相雞湯通心粉個雞湯好滑，食完亦唔會好似啲味精湯咁好口渴蝦多士都好好食，舊蝦膠好大塊，大大啖蝦肉好正！-特別講下佢店外櫥窗嘅玩具擺設非常有懷舊風情每次喺店外排隊等候時都會望下佢啲玩具！

有人話百利冰室好多人排好多人食，可能老字號，就即管試下。個蛋幾靚又足料，個包有少少冷，普通，個蛋就幾滑內裡足料。湯味夠濃，通粉冧，有完整一片午餐肉。算系咁，但可能期望過高，或者岀名在炒野/大大塊豬扒？常餐普通茶餐廳水準。

百利對我嚟講係一間食感情嘅茶記，大大話話都幫襯咗廿五年以上，咁當然唔係每日啦！現時大約一至兩星期會去一次，而今次就叫咗午餐🥣火腿意粉改麵、佢哋呢度嘅湯麪整得啱啱好唔會太淋味道又但我重點係隻熱狗、外脆內軟、條腸唔係出面一般茶記用嘅雞腸、而係罐頭嗰隻奶茶都ok㗎

路經朋友介紹話呢間食店好耐歷史，仲要長期滿座，不過佢都未食過話想試吓，好彩經過時夠晏唔駛等好耐。但係都成下晝4點，都坐滿人。見到傳統嘅冰室餐牌乜都想食，問問阿姐有乜介紹，佢話個個都食鮮茄烏東，勁強烈推介，我同朋友都係第一次去，緊試試。鮮茄豬頸肉湯烏東 - 豬頸肉燒得好香，個蕃茄湯底超濃。鮮茄肥牛湯烏東 - 肥牛正常，湯底無得輸。好特別，佢哋個番茄湯底落咗檸檬落去㷛，都係第一次見。一定有下次去試吓其他嘢食。

Very classic style Hong Kong diner. The booths, menu, atmosphere are reminiscent of old-time Hong Kong--and the food backs that up. Everything is as you'd expect, food served fast and up to par taste wise. What makes this place unique? Definitely the freshly homemade 沙翁, don't forget to grab some on the way out!

日日都要諗食咩快靚正就係去茶餐廳食既原因平時就係食特餐轉多士 火腿奄列 餐肉通粉 冇🉐輸再飲杯 熱奶茶 成個過程15分鐘內 已可以離開今日就係食呢碗茄湯肥牛烏冬 都幾好食都係飲杯茶記必飲既 熱奶茶 完美既結局

難得來到西灣河，發現在叮叮站前有間貌似歷史悠久的茶餐廳。門前還有玻璃櫃放著玻璃瓶裝牛奶，真的很久很久沒有看到這樣的小店了～近年就連茶記都多了連鎖式經營，偶爾真的很想光顧一下小店，感受一下真正的香港情懷。肉醬雙蛋意粉（$47）當中凍飲加$2，肉醬的味道是茄味比肉味更濃，而且不會太鹹，入口覺得甜甜的帶點酸味，算是很易入口。本來都有考慮過肉醬香腸意，幸好選了蛋，因為本來茄汁底就有腸了～意粉是經典的港式超腍口感，份量很足夠。煎蛋有蛋汁可以混和肉醬，口感會更順滑，感覺還不錯。凍檸茶也是合格之作。附上超長超多選擇的餐牌給大家看看～

打風前夕想去赤柱浸浸水降溫，係西灣河醫飽個肚先，天氣真係太熱唔想再搵，行過見到百利多人等就食佢啦，唔洗10分鐘就入得。叫左2份特餐，餐肉通粉配火腿奄列($38)仲有埋餐包，其中一份就+$1轉左多士。係門口等位既時候，男友突然心心眼望住飲品櫃，原來見到已經唔常見既玻璃樽維記朱古力奶，+$3就可以轉。食物好快就到，奄列漲卜卜，火候岩岩好，不會全熟仲帶有小小蛋汁，火腿份量多。多士烘多脆又唔燶，配埋牛油好正。味道同埋份量物超所值，難怪咁多人等。

懷舊冰室，有全統港式茶餐廳情懷，今次叫咗必點既個特餐，餐肉通粉配火腿奄烈牛油麵包加一蚊轉多士，熱咖啡，老虎乸叫咗 豬頸肉通粉配茶走，另加咗個 買少見少既提子合桃蛋糕。通粉有兩塊特別品牌既午餐肉（好味），通粉唔惗同彈牙，最出色係佢個忌廉雞湯，湯底好正，火腿奄烈有d 過熟但連忌廉雞湯一齊食就變好味，至於塊多士就唔太燶正常味，杯熱咖啡係成個餐既敗北下次都係飲茶走好過。