百利冰室

Open Now

Now Closed

當然唔係第一次嚟呢間懷舊冰室，今次主要食佢嘅懷舊沙翁同埋飲奶茶。🥧☕️沙翁大約有手心咁大，都算幾大隻，個面鋪滿砂糖，外觀都幾吸引。✋🏼☺️切開時feel到空氣感十足，裏面差唔多係空心嘅，但又靭靭地咁，只係靠一啲類似麵筋嘅物體連住。😳不過食落就發現個皮係一啲都唔脆嘅⋯ 🙂‍↔️ 同埋油油地咁⋯🙂‍↔️而奶茶就夠滑，但就冇咩茶味。😝食咗俾錢時順便問個收銀：「我比較少食沙翁，但頭先食嗰個，面係唔脆嘅，請問沙翁本身係咁？定係啱啱出爐先會脆？」😳收銀回覆：「沙翁本身係咁㗎，好似油炸鬼咁，係唔脆㗎。」👀咁我唯有答佢：「哦～ 原來莎翁係唔脆嘅⋯」😳其實我心諗：油炸鬼都有分脆同唔脆㗎喎⋯🤔不過佢咁答，我咪咁聽囉⋯🫠

有網友推介這間位於西灣河的冰室給我，見今日天氣不錯，又一於去試吓！😎早餐有兩款，還有茶餐、特餐、午餐、三文治餐、湯麵餐及出前一丁餐，選擇真不少；但因今次過來，主要想試試推介的茶廳，套餐包括有火腿通粉、牛油餐包、西煎雙蛋及咖啡或茶，餐包改多士添加一元，煎蛋改炒蛋，飲品要了茶走。🤗多士香脆，牛油也不少，雖然不是厚切，但也相當不錯；炒蛋比較熟咗少少，唔夠香滑，但味道不錯；通粉未至太腍，但如再爽身一點更好，火腿分量超多。🤔茶走香滑，煉奶味濃郁，但可惜茶味偏淡，可能熱奶茶會更好。☕️價錢$38加$1，明顯比較澳牛平了不少；水準不差但又未至於專程過來食。😬#百利冰室(香港)地址: 香港西灣河筲箕灣道216號地舖電話: +852 25605214

嚟食野好多好多次啦，今次終於的起心肝寫下食評。首先嚟個沙翁。沙翁炸得恰到好處，外表鬆脆，內裏鬆軟，充滿疍香，甜度適中。跟住係，最喜愛嘅蝦多士。蝦多士好多舖頭都有做，但係間間嘅做法都唔同。有啲地方係多士上面擺隻蝦，而呢度係成舊厚厚嘅蝦膠咁樣炸。非常足料份量十足，滿足感爆燈。蝦多士甘香鬆脆，配埋蕃茄同沙律醬唔會覺得油膩。再嚟個蕃茄濃湯肥牛烏冬，蕃茄湯底味足，去搭肥牛同烏冬都好夾。加埋個茶走，好滿足嘅一餐。

我本身住新界，一年有.二/三次過西灣河，間中都會去食，以往2大2細，坐細卡位都ok，今次帶埋工人姐姐，第一張飛，拎飛時門口果員工已經講［你地5個人呀，4個人就快啲］，我地都講我哋可以等，果時，幾張大卡位都坐滿，幾張圓檯就每張坐2/3個人，等了大約半個鐘，一直都不停入1/2人，佢地係冇諗過留檯，所以一直都等唔到，直到有張4人卡位一齊出嚟先叫我哋入去，我就話依張太細坐唔到5個，我話我地等長卡，或一張圓檯啦，之後我地行去門口等時，近收銀處有張長卡位有一邊食客離開，我就問員工，可以先比小朋友同工人姐姐坐低，幫佢哋叫埋野食先我再出去門口等另一邊位，果收銀就話我地食阻住人，我再話咁妳又不停放人，我點等到位，佢就補一句，《我地要做生意架嘛》，原來多人嚟果啲就唔係生意。

經過西灣河這間出名冰室，早上、中午要排隊，見下午茶時間有位，就幫襯下。叫了茶餐，有午餐肉麵、牛油方包、火腿奄烈、奶茶。全部都很對辦，兒時冰室的裝修和味道。侍應招呼殷勤，很有舊時的人情味。

最近我去咗百利冰室，呢間茶餐廳真係好有懷舊感，無論係裝潢定係菜單都好吸引🥰💫 💫蝦多士 $78 呢個蝦多士真係唔可以錯過！外脆內軟，蝦肉鮮嫩，配上香脆的多士，簡直係完美嘅組合😋 每一口都令人驚喜，蝦味濃郁，仲有少少香草味，食完仲想再來一份！而且搭配一杯凍奶茶，絕對係最佳選擇。 💫凍奶茶 $25 凍奶茶係香港人嘅最愛，呢杯奶茶真係好滑順🥛 加上冰塊後更加清涼，夏天飲正好！雖然有啲人話飲完會肚瀉，但我覺得只要唔飲得太多就冇問題啦🤣 甜度適中，非常解渴！ 🎵🎵🎵Indulge in the classic flavors of Hong Kong at 百利冰室, where the shrimp toast and iced milk tea create a delightful culinary experience. Perfect for a casual meal or a quick snack, this spot captures the essence of local dining culture.

住筲箕灣咁耐都未試過，成日見到排哂隊，因為西灣河同筲箕灣之間，今日同老公行過終於試左搬左黎3年今日終於試左，估唔到係真係食返細個既味道，老實價錢唔貴，我叫左特餐通粉係忌廉湯好好味，叫左凍啡味係唔係捷榮，真係自己沖，見到好多野都想試，不過唯一缺點係佢開6:30-17:30，同大家留意佢員收現金，常餐茶記飯餐我最後仲買左沙翁，見到d餐都有心整唔係hea,筲箕灣必推雖然見d人話員工冇禮貌個人認為幾好態度，姐姐仲同我地講笑

個阿姐係咁俾人插隊，你拎左飛仔等位係完全無用的，因為個阿姐鐘意俾邊個入就邊個入。一時又係下張係到你，一時就話叫你等陣，鋪頭出面條路又窄，根本等吾到。如果想俾錢攞氣受就慢慢等慢慢食。

不嬲都中意食百利粟米肉粒飯炒飯底(炒飯底加15)。今日同爸爸黎飯晏晝，佢食粟米牛肉粒炒飯白飯底，我食粟米肉粒飯炒飯底。我碟粟米肉粒飯炒飯底嚟到之後已經聞到燶味！炒飯仲有炒燶野既黑色一點點！叫侍應埋黎話要換，就話炒飯係咁嫁啦(炒飯有黑色一點點係正常？有燶味係正常？)。最後老闆娘黎將炒飯換左白飯仲話叫以後唔好叫炒飯底禾。經典黎啦— 埋單既時候老闆娘堅持炒飯底15要照收！話因為我分左一啖去我爸爸隻碟叫食左？話說佢換個白飯俾我既時候，我爸爸已經指住係佢碟個啖飯話「啦，我唔會食既放心」諗住大家君君真真。最唔君真係邊個就自己知囉。炒飯失手米炒過囉。唔洗咁趕客既。

六十幾蚊一個餐有湯有嘢飲仲要炒底焗豬扒飯. 好有誠意。 味道濃鬱。 過羅宋湯有好多料， 唔係淨係用番茄醬開。 好抵食呀！！奶茶又香又濃。 ,員工服務又好態度。 仲要好夠冷氣添

傳統港式冰室喺香港愈來愈少，依間係由我上一輩都有幫襯開到而家，餐廳嘅佈置同裝修都維持以前咁，不過錯嘅位置就較迫依間冰室懷舊之餘，食物品質都中上，而價錢仲好實惠雖然係舊式茶餐廳，但店員都好Nice又好客特餐-餐肉通粉+火腿奄列+餐包+熱茶走$39一食個通粉就好有驚喜，因為個湯底係用咗好濃厚嘅忌廉湯好夠味道同足料，而唔係唔好通嘅雞湯hea你，加埋啲湯又係通粉入邊，吸晒味，真係好有誠意嘅茶記通粉，餐肉仲係兩塊厚後煎香嘅餐肉火腿奄列煎得火候啱啱好，切落去仲有少少單流出嚟，加埋落餐包食就好滿足，不過略嫌油咗少少黎到茶記當然要叫杯茶走，叫咗少甜真係有少甜到，茶底夠晒香醇，加埋煉奶好香滑，飲落一啲都唔澀

在這間餐廳🍞☕️，點了一份傳統叉燒餐包和一杯熱奶茶。說實話，我很難找到一家還能做出傳統叉燒餐包的茶餐廳，所以這次真的讓我興奮不已！😍叉燒餐包是我小時候的最愛，對於香港人來說它是一種傳統早餐食品，味道非常獨特。這家茶餐廳的叉燒餐包很棒，餐包皮酥脆，內裡柔軟，而叉燒肉汁多汁鮮美，非常入味。搭配一杯香濃的熱奶茶，早上真的是一份完美的享受！😋這裡價格也非常合理，價效比高。總之，這是一家非常不錯的茶餐廳，喜歡舊時味道的話，可以來一試！👍

位於筲箕灣嘅百利冰室 係五十年老字號電視📺 飲食媒體都有訪問過佢地所以都算比較出名 有fans嘅冰室長期都要排係門口出面等幾張檯 冰室最紅最多人叫係沙翁 依家好少地方食到🤧其他實野食都係中規中矩 杯奶茶飲親都會肚屙🥴🥴不過佢地嘢食個味 真係舊式茶記嘅味 紅汁白汁常餐湯底都係舊時嘅

今日 平日 大概一點半去到諗住冇沙翁 點知都有咁就試一個 咬落去好濕 個面冇乜砂糖可能擺得耐所以唔好食 上次去大澳食嗰個反而好食啲 事實上佢真係冇以前幾十年前酒樓整多啲咁好食 佢唔夠鬆軟砂糖亦都唔夠 佢唔係炸到金黃色系偏啡 跟住叫咗個常餐 餐肉通粉 其實係冇任何特色真係普通茶記嗰隻 牛油多士同火腿奄列 都係正常茶餐廳水準冇特別話好味 反而凍檸茶個茶底 ok唔會淡茂茂 呢個算唔錯. 所以唔會特登下次再嚟食 因為整體都係普通茶餐廳 嘅味道 正正常常

難得極早出門來到西灣河，當然要享用一下早餐吧！百利冰室是屹立超過半世紀的傳統港式冰室，早上9點的時間來到已經有不少人在等位。裝修很懷舊，但環境頗明亮，還有不少卡座。這裡的特餐不是沙嗲牛肉麵，所以爭扎了一輪才決定選哪個，因為點湯麵餐的話就沒有了奄列多士 😭 不過兩個餐都是全日供應，或者下次再來可以再試別的。🥣特餐 ($38) - 一上桌就在想我的餐肉通粉的餐肉去哪了？原來是掩沒在通粉之中，餐肉是有煎過的喔！面且通粉的湯底應該是忌廉湯來，入口很順滑，每粒通粉也掛了湯，吃落很彈牙。火腿奄列的蛋都幾香滑，火腿都有不少。跟餐的牛油餐包轉了做多士 (+$1) 很香脆，牛油塗得不會很敷衍。不轉多士的餐包看起來亦不錯，另外通粉都可以加錢 ($5) 轉成出前一丁麵。這裡的奶茶入口順滑，茶底很濃又不會澀。不過原來這裡的沙翁很出名，有點後悔沒買到呢