Video
5-min walk from Exit B2, Tsuen Wan MTR Station
continue reading
Opening Hours
Mon - Sun
12:00 - 23:00
Above information is for reference only. Please check details with the restaurant.
Signature Dishes
呢間太垃圾，人生第一次寫食評。是咁的，今日我就叫左個叉燒拉麵，我女朋友就叫左個雞排飯。兩個都飲凍檸茶。好啦一黎就已經比漏叉燒仲要等左勁耐先黎,份量方面叉燒得2小塊仲要開半，食完都唔飽，女朋友就話個雞排又少汁又難食，個飯係乾淨淨一d汁都無。杯檸茶先係重點，個杯唔知係咪無洗，勁多油，我個杯仲要無落糖水，後尾問佢要，個女待應仲要問番我咁你依家想點啊，真係好無耐。最後我同女朋友杯茶真係飲唔落，太污糟比錢走人。同場有兩個人係門口睇左勁耐睇到我地食行左入黎，我同女朋友都心諗唔好入啊，唔想再有人中伏。呢d鋪頭應該唔會有熟客。。。。
continue reading
荃灣一向出名多野食, 平又好貴又有, 都好多選擇。有時候花多眼亂, 都唔知試邊間好。最近小女要keep住睇中醫, 由荃豐中心一直行, 都見到唔少食店(細舖仔)當日睇完醫生, 同男朋友近近地去左荃昌中心呢間拉面店試下。因為見價錢平, 又可以食到日本野, 就抱住一試既心態入去, 發現間野都唔錯!於是我地前後黎左兩次呢間野食日本野第一次我地食既時候, 叫左餃子拉面和豬軟骨拉面，連野飲都係$46由於佢所有野都係即叫即做，所以都等得比較耐。餃子：外皮好香脆，剛剛好唔會燶，肉餡都幾多，幾好味！唯獨佢最後先上，拉面都食得7788了。豬軟骨：豬肉幾夠腍，味道好夠，軟骨都好夠軟唔會覺得硬。有ｄ肉汁落左落個湯底都唔錯啊！拉面：這個價錢既拉面，都估到唔會似得80幾蚊既日本拉面，然而呢隻拉面都唔錯！起碼冇咩簡水味，又有d彈牙，而且份量都幾多，男朋友食完都話好飽。湯底：雖然是淡淡的豬骨湯底，但意外地喜歡。湯底清清地又飲到豬骨味，唔會覺得好溜，湯又可以飲得晒（雖然都是味精調味，唔好飲咁多好ｄ. XD)第二次吃的時候，有諗過想試下食滑蛋飯，不過最後都係簡返拉面，想食多次先今次我地叫左炸蝦和照燒雞扒拉面：炸蝦：今次個炸物反而第一件就上～唔洗好似上次餃子咁等咁耐。即炸好夠脆，熱喇喇的，又不會太多炸粉！蝦肉又夠彈牙，蝦肉又多，真係好好味啊！照燒雞扒：雞扒反而冇咩特別，好普通。雞肉味好淡，冇咩味。唯獨雞皮有少少脆同燒烤味。至於拉面，同之前食既味道一樣，保持到水準既。我見店內仲有其他小食，價錢唔算貴，都幾吸引！可惜我地要戎口唔食得。。。好返有機會會試下佢Ｄ小食呀！覺得佢食物質素同價錢都好合理，覺得抵食過味x拉面...下次黎覆診，我地會黎試埋個滑蛋飯，不過唔知會唔會又被炸蝦和拉面吸引左呢XD"
continue reading
已吃了兩個多月，足料好味，有日式大店水準，外賣定食及拉麵，外賣盒保溫清潔，煎雞比吉X家更好味、更有wok氣，拉麵麵質好，湯不會大鹹，份量足，相對40多元是超值!有誠意有水準!
continue reading
行開荃灣，記得依度有間食咖哩唔差的，諗住同朋友試下，點知食咖哩間野唔見左，原來轉左做日本餐，見佢新開張，就同朋友入左去試下，坐低睇餐牌叫野食，真係好多選擇，好多野都想食，跟住有個侍應就同我地推介左佢地嘅招牌菜滑蛋豬扒同鹽燒鯖花魚，我地自己就再點左個鐵板牛舌同鐵板金菇牛肉卷，由於我地太肚餓冇影到相，侍應推介嘅招牌菜，果然冇介紹錯，個滑蛋豬扒竟然係用沙鍋上嫁，上面仲有d蔥，同飯分開上，真係好吸引，唔同其他店鋪個d就咁將豬扒放係飯上面搞到d飯濕哂，個鯖魚都燒得好香，而個兩個鐵板，真係好鐵板有聲又有好香嘅鐵板味，聞到都流哂口水，睇得出師父有用心制作唯一係野飲方面有進步空間，成餐飯我同朋友都食得好開心好滿意，一定會再黎食其他野值得一提嘅係服務員嘅態度真係好好，好有善，仲同我地講，唔夠飯可以免費添飯嫁
continue reading
今次嚟到番崎搵食！自從喺Openrice set咗居住地區做荃灣～佢就會提示附近有咩新開餐廳～而今次就嚟到呢度挑戰新嘢～店外有黑板餐牌～款式都多主餐牌以小食為主海鮮炒烏冬 （$58）因為想食烏冬～但晚餐拉麵轉烏冬要加＄5有點唔抵～所以叫了單品嘅炒烏冬。材料都幾豐富～有青口、蜆、帶子同蝦！青口算乾淨～肉都實～口感可接受蜆有幾隻連埋殻的～冇沙～不錯帶子係急凍帶子～冇味道而且個心有少少凍～解凍不足！蝦尚算彈牙～普普通通～反而洋蔥非常好味～味道清甜！炒烏冬夠穫氣～烏冬有咬口而不太油膩～不錯！食物質素不錯～但店內滴水問題嚴重！一定要盡快處理呢！
continue reading