Cow Cow Fresh

平時會喺深圳食潮汕牛火鍋，而家唔使返大陸都有高性價比嘅潮汕牛食，喺旺角三百幾蚊就有得任食多款靚牛部位，仲有海鮮食一嚟上就有個手切牛肉圈枱，有齊吊龍、五花趾、雪花、匙柄同牛胸油，一次過試哂啲稀有部位，仲可以任添，另外仲有美國牛同羊肉叫，牛肉大概淥 8-10秒就可以保持到肉質鮮嫩，作為主打，啲水準都相當唔錯湯底揀左佢地招牌嘅牛骨湯底，唔好睇佢咁淺色以為會淡口，飲落去係超濃郁套餐包左一盤海鮮拼盤，有龍蝦、蠔、鮑魚等等，大大隻蟶子皇，啲海鮮都幾新鮮彈牙熟食推介生炸南乳雞翼同咸蛋黃炸魚皮，又香脆又好味，避風塘粟米都唔錯其他火鍋配料、飲品同甜品都應有盡有呢個自家製嘅港式奶茶好飲餐廳係新開，所以好企理好乾淨…Read More

今次我地黎左旺角食一間新開既潮汕牛肉放題火鍋，上網見到佢d牛幾靚，野食種類都多，就過左黎試下啦✌🏻B餐潮汕牛肉放題（$338）我地就揀左B餐，湯底揀左招牌潮汕牛骨湯，食潮汕牛就最夾啦，每位先送上海鮮拼盤，有鮑魚，桶蠔，海蝦，沙白，個海鮮拼盤幾新鮮大隻，沙白冇沙又鮮甜，而自助區都有沙白可以任攞🦐🦪然後牛圈都隨即送上，佢有齊吊龍，五花趾，雪花牛，胸口油，同埋匙炳呢d都係潮汕牛肉最常食既部位，除左胸口油之外，其餘淥10秒就食得，仲教你用個三上三落手法去淥，牛肉好嫩，又香牛味，全間店都充滿住果種牛肉香味，除左潮汕牛之外，平時既火鍋肥牛都有，不過我地就冇叫到，因為潮汕牛已經好正🐮佢地都有好多唔同熟食，頭盤小食有麻辣鳳爪，雞腎，同魚皮，其中我最鐘意係雞腎，好爽脆，而魚皮就唔太岩，唔係太脆，似d滑既啫喱口感，避風塘粟米都係我鐘意既一款熱食，粟米好甜，個避風塘又夠惹味，仲有幾款炸丸都唔錯，有個南乳雞翼佢炸得ok，不過我覺得南乳味唔夠，重味d就更好🌽🐥自助區都有勁多野食，大部分諗到既菜類同丸類都有，主打就係沙白同青口，仲有幾款手工餃，自助區前可以見到有個師傅處理d牛肉，乾淨衛生🥟飲品區好有驚喜，有一枝枝既紅酒白酒任飲，而岩我飲既一定係香滑奶茶，其他基本既罐裝飲品都有，雪糕雪條都有幾款揀，笨nana香蕉雪條就最過癮🍷🍾🧋🍌呢間潮汕牛放題主打既牛都幾靚，可以食勁多，熟食就中上，係魚皮我唔鐘意，同埋雞翼可以再進步，自助區個手工餃同海鮮都有誠意，唔淨止得菜同丸類，飲品有奶茶呢下加分，紅酒白酒係幾特別，完全預料之外，雪糕就都有足夠選擇😄…Read More

餐廳有優惠，凡於晚上7:45離場的客人可以優惠價$298享用火鍋，但星期六日呢啲日子每位客人要另加$10。我哋5:00左右到達，有得坐梳化位，坐得鬆動的，限時150分鐘，👌🏻。餐廳keep住有客進場，似乎生意唔錯。一坐下，先來一大個擺滿不同部位牛肉的圈圈，套在爐邊。吊龍、雪花、五花趾、匙柄和胸口油五款先嚐。個陣係打卡位，但個人覺得除了胸口油，其他每個部位的味道分別不明顯，牛味亦不重。反而後來的海鮮盤有點驚喜，有大大隻蠔、鮑魚、蜆和蝦。蠔🦪夠大隻，味道鮮甜，鮑魚質素都唔錯，蜆和蝦便普普通通。係自助夾夾區那邊，基本邊爐會出現既食材都有，特別少少既有大大粒雞子、鵝腸、魚肚、水蓮、准山、極長蟹柳、3款餃子……另有飲品區、熱食區和雪糕櫃。以任食系來講，食物質素基本合格，唔錯唔錯😃仲有不同食材可掃QR code落單，落單後，食材通常在5至10分鐘內便上枱，未有漏單情況。餐廳服務算很不錯，應對快而有禮，主動提點淥牛要點，又時不時主動來加湯，收碗碟又快，又會主動問要唔要即棄圍巾等。最後埋單連加一，每人339，👌🏻👌🏻唯一餐廳要關注一下的是：我當日用餐時，地下較滑，行的時候真的要加倍小心😅是次用餐先在open rice平台訂枱，再享用了餐廳提供的早離場優惠（150分鐘邊爐需在晚7:45前離場）（訂唔訂枱都可享用此早離場優惠），除此優惠外，已沒有其他優惠，真金白銀自費。…Read More

今日同男朋友慶祝紀念日諗住食好啲 就去咗食放題我哋平時成日都好少上大陸所以都有啲想食呢個潮汕牛肉見到呢度可以任食可以唔使上去都食到我哋叫咗個海鮮潮汕牛肉套餐$338一位一嚟到就已經上咗個牛肉圈拼盤 同埋海鮮拼盤啲牛肉有最熱門嘅部位 吊龍 五花趾 雪花 匙柄 同埋胸口油全部都唔錯 而海鮮拼盤有蠔 沙白 蝦 同埋鮑魚出面自取都有好多豐富嘅配料佢嘅韭菜餃都十分驚喜沙白都係任食㗎 出面又任拎唔嬲最驚喜嘅係竟然紅白酒都係任飲下次真係同成班friend嚟先…Read More

前排去咗旺角彌敦道628號瓊華中心9樓嘅「牛牛鮮」，試咗佢哋嘅火鍋放題，人均$201-$400，性價比真係好高！牛肉質素同牛骨湯底真是一個大亮點，食材新鮮，飲品仲要任飲，環境同服務都好掂！以下同大家講講點解呢度咁值得一試！環境：旺角夜景，氣氛夠chill一入「牛牛鮮」，即刻覺得好有驚喜！餐廳喺9樓，落地大玻璃窗望出去係旺角夜景，燈火通明超有feel。店內走簡約中式風，木枱木椅加啲牛牛公仔裝飾，幾得意又唔誇張，坐低食飯好舒服。枱同枱之間夠闊落，唔會逼夾，幾個朋友一齊食放題好自在，氣氛一流！食物：牛肉嫩到飛起，火鍋料超豐富火鍋放題選擇多到爆，食材新鮮得令人讚嘆，尤其係牛肉質素，絕對係全場MVP！牛骨湯底同其他火鍋料都好正，飲品任飲更加係錦上添花！以下係試咗嘅幾款心頭好：手切肥牛「牛牛鮮」嘅手切肥牛真係無得頂！每片牛肉油花分佈靚到好似畫咁，薄得透光，喺牛骨湯底涮幾秒，入口嫩滑又juicy，牛味濃到爆！試咗唔同部位嘅肥牛，牛肩同牛肋條各有風味，肉質軟腍到入口即化，食完一碟即刻想再嗌！牛肉控食完真係會喊出黎咁感動！海鮮拼盤海鮮都好掂，有帶子、大蝦同青口，全部新鮮到一個點！灼一灼，帶子甜美、蝦肉彈牙、青口肥嫩，帶住陣陣海水鮮味，雖然好食，但牛肉同牛骨湯底真係搶晒風頭！火鍋料：麵條同肉丸火鍋料選擇多到誇張！有唔同款式嘅麵條，例如粗麵、幼麵同米線，煮完吸晒牛骨湯底嘅精華，口感煙韌好正！肉丸仲係一大亮點，有牛丸、魚蛋同墨魚丸，每款都彈牙juicy，食落好有咬口，配牛骨湯底超夾，食到停唔低！牛骨湯底牛骨湯底係今次嘅重頭戲！湯底熬得濃郁無比，牛骨香氣撲鼻，飲落去濃而不膩，帶點微甜嘅牛肉精華，簡直係火鍋靈魂！配手切肥牛同火鍋料，鮮味提升到另一個層次，食完一碗湯仲想再添！仲有其他湯底選擇，例如麻辣同椰子雞湯，夠晒多元化！甜品：雪糕甜品係各款雪糕，味道好濃郁，有朱古力、雲呢拿同芒果味，食完火鍋食一球雪糕，冰涼解膩，簡直係完美ending！任飲飲品飲品真是一個大驚喜，全部任飲！有茶（凍熱紅茶、綠茶）、酒精飲品（啤酒好冰爽！）同汽水（可樂、雪碧等），選擇多到飲到飽！凍檸茶同水果茶特別清新，解膩一流，配火鍋同牛骨湯底真是一個絕配！服務：貼心周到，似返自己屋企服務真是一個大加分！店員好有heart，隨時幫手加湯、換碟，仲會同你講點樣涮牛肉同火鍋料先最好食，仲教你牛骨湯底點配食材，超貼心！全程笑臉迎人，食飯好似喺朋友屋企咁舒服！總結：牛肉控同火鍋迷必試，旺角放題靚選！「牛牛鮮」真是一個驚喜！牛肉質素嫩滑多汁、牛味濃郁，牛骨湯底濃香撲鼻，絕對係火鍋界嘅王者！加上火鍋料豐富、任飲飲品多到爆、環境靚同服務貼心，$340喺旺角真係超值！想同兄弟姐妹大啖食牛肉同火鍋，呢度係不二之選！…Read More

最近聽到好多人介紹，呢間新開嘅牛肉火鍋牛肉非常新鮮，一直都好想搵機會嚟試吓，但係呢度一位難求，今日終於book到位嚟到試吓啦。食新鮮牛肉，最好就係揀牛骨湯啦。因為可以食到牛肉最鮮嘅鮮味，呢度嘅牛骨湯唔係太濃，試咗一啖感覺好清甜，推薦大家試吓。一開始佢就俾咗個海鮮拼盤，賣相非常靚好適合打卡，而且所有海鮮食物都好新鮮，我自己最推薦嘅就係呢個南非鮑魚，因為除咗好大隻之外，食落非常彈牙，而且洗得好乾淨，平時自己喺街市買鮑魚又貴又難洗，呢度真係好方便呀黎呢度最重要梗係食牛肉啦，我最推薦嘅就係呢個吊龍，佢有教大家淥8秒已經可以食，食落口感非常好，而且牛味好濃郁，仲可以無限叫㗎，真係好推薦。除咗牛肉同海鮮之外，呢度嘅熟食都好出色。我就最推薦呢個南乳雞翼，雖然係炸嘅，但係食落一啲都唔熱氣，而且南乳味好重，同埋第一次食到炸雞翼嘅雞肉都咁嫩滑，就算飽一定要叫一隻嚟試吓啊。除咗食物好出色之外，呢度竟然仲有紅白酒任飲。而且仲係全支比你自己針，啱晒鍾意飲酒嘅人啦。我覺得如果同朋友聚會，或者拍拖都好適合嚟呢度。…Read More

餐廳環境算大，但座位間有少少窄！湯底揀左潮汕牛骨湯滾起牛骨飄香之餘，仲有白蘿蔔，胡椒香味，店員會先上一盤鋪滿5款唔同部位，這款手切牛肉圈亦係餐廳重點，食完可再落單！牛肉方面款式多樣，包括雪花、吊龍、五花趾、匙柄、胸口油等。雪花油花分佈靚，入口嫩滑；吊龍肉質結實，牛味濃；五花趾帶少少筋，口感有嚼勁；匙柄切得薄身，灼一灼就好食；胸口油則油香突出，唔會太膩手工滑果然零舍不同，蝦滑本身都爽滑，混合蟹籽口感十足海鮮拼盤：幾款新鮮海鮮跟上，吾錯另有有熟食小食，個人覺還好自助區都幾吸引，火鍋配料選擇多，有唔同嘅丸類、蔬菜、粉麵等，補貨快。飲品方面選擇都多，有汽水、果汁、茶類，仲有紅白酒最後仲有雪糕櫃，提供幾款雪糕口味，正…Read More

係正宗潮汕牛肉火鍋呀！！旺角瓊華中心試業中🈺襯新開快D去試下❤️‍🔥舖頭都好大 坐得舒服～新鮮牛肉日日即送 即場手切 可以係玻璃窗望到師傅密密切😆海鮮潮汕牛肉放題 $338pp- 海鮮拼盤🪼- 手切牛肉圈🥩呢兩樣一坐低就送埋 海鮮拼盤有蠔/蜆/蝦之類🦪🦐青口都可以落單免費任點！仲有龍蝦🦞可以補$60就有得食 其實都抵牛肉圈就直情好ig-able!! 有齊最正既幾款牛肉部位 好貼心有個牌仔寫返係咩牛肉 仲有建議煮幾多秒最好食😋然後隨時scan QR code免費追加想食既牛肉！好快送到！值得一讚係出面有得任拎既麵竟然有韓國🇰🇷辛辣麵！! 係貴野😍 第一次食放題有我至愛既麵😍同埋飲品種類係超多！！除左基本既汽水紙包飲品估唔到啤酒🍻/somersby apple cider 🍏/ 紅酒🍷/ 各款自家製涼茶/ 冷泡茶🍵都有！！真係飲到食到捧住個肚😆😆非常滿足😌…Read More

瓊華中心抵食推介真心抵仲要150分鐘放題成為$298一位7:45 前埋單叫早食早享受呢個價錢紅白酒任飲出去開一支都唔止呢個數潮州手切牛任食嚟到先上個手切牛拼盤同海鮮吊龍、牛胸油、五花趾、雪花、匙柄仲送海鮮拼盤🤩大蜆、生蠔、蝦、鮑魚蝦滑同吊龍係我最愛唔好同我爭雪糕甜品啤酒任食任飲唔使講最緊要係上菜速度快真係辛苦師傅摩打手係咁切😂下次再睇現場表演牛肉質素真係比滿分每個部位都有唔同口感海鮮又新鮮好彩一早訂如果唔係排晒隊都食唔到😋…Read More

無牛不歡又胃口大嘅, 推介必食旺角瓊華中心新開呢間主打潮汕牛即切即食嘅任飲任食火鍋放題, 分別有三款套餐價錢選擇。餐廳以紅白色做主調, 環境整潔企理, 設有多個卡位, 坐得闊落又舒服。我地揀咗套餐A --龍蝦海鮮拼盤(一份)&潮汕牛肉放題7:45前離座$348 | 8:30後入座$348 ; 正價時段$388(150分鐘)8款湯底供選擇, 揀咗招牌潮汕牛骨湯, 味道清香有甜, 未開動打邊爐已搶先飲咗幾碗。套餐包括了鮮活龍蝦海鮮拼盤一份[七款]每位半隻鮮活龍蝦、一隻爽彈蟶子皇、鮑魚、桶蠔、海蝦、龍躉肉、沙白。先來送上鎮店之寶手切牛肉圈, 打卡感十足, 分別有五花趾、吊龍、匙柄、雪花同埋牛胸油。每個部位都清晰標註咗名稱同埋最佳涮燙時間, 令我地食到最佳嘅口感同味道。牛胸油: 牛脂比例較多, 口感爽滑有油香。五花趾: 牛脂比例較少, 牛肉爽脆彈牙, 食到筋膜嘅韌性。匙柄: 位於牛肋骨之下, 份量稀少, 唔係周圍可以食到。雪花: 牛肉比較比牛脂多, 食落唔會太膩。吊龍: 香滑可口, 細嚼無渣。部份火鍋食材經SCAN QR code落單, 手工蟹籽蝦滑同埋手工墨魚滑: 口感爽滑有鮮味。除了火鍋食材, 更有多款熟食提供。生炸南乳雞翼: 即叫即炸熱辣辣, 南乳味重, 香脆不油, 肉質嫩滑。即炸潮汕牛丸: 口感超彈, 食到鮮甜肉汁。避風塘粟米: 粟米香甜多汁, 配上避風塘炸蒜, 更為惹味。而餐廳更設有自助區, 放有多款火鍋配料, 分別有丸類、手工餃類、蔬菜類、飲品同埋雪糕雪條等……Read More

旺角新开嘅牛肉火锅放题，仲要系鮮切潮汕牛肉放题，梗系要来试下啦。一入来就闻到好香牛肉火锅味，环境干净又光猛，酱料区、自助蔬菜、小食区、饮料区丰富又企理，见到都好有食欲。一上来就有个海鮮拼盤同手切牛肉圈，哈哈有新鮮的蝦、鲍鱼和貝類，睇落好高档次。手切牛肉圈仲夸张，围住个火锅铺满一圈牛肉，吊龍、雪花、五花趾、匙柄、胸口油，樣樣都有。唔夠仲可以任意追加。重點係真係可以隔住玻璃睇到啲師傅係個邊切牛肉同擺盤，新鮮現切，呢個賣相同賣點真係贏曬。7點45分之前離台就338一位，有特色、食物夠出色，長做長有啊。…Read More

新開業火鍋店坐落瓊華中心9樓！裝修簡約光猛，卡位闊落坐得舒服~7點後全場爆滿，記住訂位啊！ 🍲招牌潮汕牛骨湯 必試！用牛骨熬，湯底清澈但骨香濃郁，仲落足料：白蘿蔔、唐芹、牛筋腩。白蘿蔔留最後食，吸晒精華仲要無渣清甜！  🥩手切牛肉放題（B餐$298/位） 師傅即場手切，五大靚位任食： 1️⃣ 五花趾 - 筋肉分明，爽口彈牙 2️⃣ 吊龍 - 脂肪均勻，嫩滑爆汁 3️⃣ 匙柄 - 油花靚到似和牛 4️⃣ 雪花- 牛魔王最愛 5️⃣ 牛胸油 - 脆口唔膩，越嚼越香 貼心位： 每款牛肉有牌子標明淥煮時間 旋轉式拼盤方便打卡兼揀肉 QR Code落單，追加極方便  🦪海鮮拼盤（跟餐送）：鮑魚爽口彈牙，海蝦新鮮～ 💥美國牛板腱：脂肪少但肉味濃 💥手工蝦滑：真材實料有蝦！ 💥咸蛋黃魚皮：邪惡之選！  蔬菜多款：水蓮、皇帝菜新鮮翠綠 自助區應有盡有，有各款手工小食、雪糕 冷泡茶，紅酒/白酒/啤酒（任飲！ …Read More

今晚同班friend去咗旺角瓊華中心9樓嘅牛牛鮮食晚餐，位置超方便，一出lift就見到！環境光猛又乾淨，裝修新潮，枱凳闊落，氣氛勁熱鬧，播住輕快音樂，坐低即刻feel到好有食慾😋。服務員好有禮貌，收碗補食材都快手，仲有自助區擺滿配料，睇到眼都花！手切吊龍🐮師傅新鮮手切，切到薄薄哋，淥落胡椒牛骨湯底煮10秒就食得。味道油香勁重，肥美得嚟又唔膩，牛肉彈牙鮮甜，咬落去juicy到爆💥！真係超有驚喜，牛肉控必試，食完想encore多round～海鮮拼盤🦞有龍蝦半隻、鮑魚、大蝦同沙白，全部即叫即上，煮完湯底更鮮甜。龍蝦肉質實淨彈牙，鮑魚爽口冇腥味，海蝦鮮甜到lam lam脷👅！豪華享受，回本首選，朋友都讚到唔停口～南乳雞翼🍗即叫即炸，外皮炸到金黃香脆，咬落去juicy爆汁。南乳味好獨特，香氣撲鼻，配埋少少辣粉，食落好過癮😍！估唔到熟食咁高質，邪惡但忍唔住食多幾隻，真心推介俾鍾意香口嘢嘅你～整體嚟講，三百幾蚊任食150分鐘，抵到爛！食物新鮮到震，環境舒服，適合同friend吹水聚餐。食到捧住個肚走，下次一定再嚟encore！…Read More

香港竟然有潮汕牛肉任食火鍋放題😮平時食新鮮潮汕牛肉，好多人會走上深圳，依家香港有得食之餘，仲係放題任食，超正！我哋點咗個B餐「潮汕牛肉 x 生猛海鮮放題 」$338/位 ，揀咗潮汕牛骨湯底，濃郁嘅牛骨香氣撲鼻，陣陣牛骨精華，用嚟淥潮汕牛肉，簡直一流！頭盤海鮮拼盤，有齊鮑魚、大蝦、生蠔、龍躉片同蜆，啲海鮮都幾新鮮！生蠔幾肥美，鮑魚爽口彈牙，蜆肉亦都好鮮甜。主角手切牛肉，會先嚟一圈五款嘅牛肉，都幾大盤，圍住個視覺效果一流！包括：-雪花牛：油花分布均勻，牛油香爆發！-五花趾：帶筋位口感爽脆，牛味濃郁-胸口油：爽脆油香十足，好有咬口-匙柄：肉質嫩滑，牛味濃香-吊龍：肉質軟嫩！火鍋配料選擇都幾多，推介「手工蟹籽蝦滑」真材實料，食到鮮甜蝦肉；「黑松露蝦滑」黑松露香氣突出，同彈牙蝦肉出奇地夾！另外鹹蛋黃魚皮都好好食，香脆得來鹹蛋黃味道好濃！…Read More

呢一間新開嘅潮式火鍋放題好有特色，所以即刻決定夜晚去試下啦🥳海鮮拼盤海鮮幾新鮮，有蝦、蜆、鮑魚同生蠔😌。蝦肉爽彈，蜆肉冇沙，鮑魚咬落煙韌。擺盤靚仔，打卡一流😎手切牛肉圈牛肉圈賣相吸引💕，手切厚薄適中。肥瘦均勻，輕輕一淥就食得😝。我自己就特別鍾意吊籠，牛味濃又唔韌🤪飲品選擇超豐富除咗一般罐裝同紙包飲品，重有紅白酒無限飲🤤！白葡萄酒清爽，紅酒醇厚，配牛肉啱晒。自家冷泡飲品都好出色👍，洛神花茶酸甜開胃，冷泡茶解膩一流🤩自助區食物多樣自家包餃即包即攞，韭菜餃同雲吞皮薄餡靚🔥。丸類選擇多，墨魚丸同牛丸彈牙。蔬菜區乾淨新鮮，粟米同生菜清甜。其他熟食小食都keep到水準😜…Read More