熊本牛鍋 (永勝商業中心)

Open Now

Now Closed

2019年5月2日星期四近排工作非常繁忙,為咗慰勞吓辛苦嘅自己同埋老婆。訂咗一間朋友介紹嘅火鍋店。火鍋店近佐敦地鐵站位置方便。訂咗夜晚七點鐘，座位都幾寛敞。做嘢咁辛苦梗係揀咗和牛套餐。呢個時候一定要豪一豪湯底就揀咗一個鴛鴦鍋馬來沙嗲風味同埋蕃茄薯仔䐁骨濃湯。除咗之後佢哋都有幾多其他嘅打邊爐嘢食。可以話應有盡有。外觀都唔錯比一般嘅放題火鍋更加優勝。乾淨企理。店員不時添加新鮮嘅蔬菜嘢飲嘅種類都唔少。雖然冇啤酒不過有下枯草方便食火鍋嘅下下火。仲有我最愛嘅cc lemon 呢兩個湯底我就比較喜歡沙嗲湯底，非常好味火鍋食材亦都非常高質素。火鍋食材影真有驚喜，差唔多試晒所有嘅野，黑椒牛丸墨魚丸包心貢丸芝心獅子狗。個人最鍾意嘅係呢度嘅魚皮餃同埋韭菜餃。配沙嗲湯底非常好味我同老婆打算試晒所有嘅牛肉睇吓有咩分別。第一樣是嘅牛肩胛。味道唔錯冇雪味。值得稱讚第二樣是豚肉。味道唔錯下一款食嘅係價錢208一位嘅牛小排。牛肉味香濃。同和牛比唔會入口即溶，但牛肉味最為強烈最後一樣是嘅可以話係呢一間餐廳嘅主打。日本和牛。入口即溶。牛肉味雖然冇美國牛小排啊咁強烈，但係入口即溶已經值回票價。強烈推介一定要試呢個食飽飽再整

上網睇到有人介紹呢間新開張既火鍋放題🥘好似幾正咁！$298可以食到日本直送既極上A4黑毛和牛，90分鐘自助放題🍢今日一於帶埋朋友去食餐飽先🤭🤭🥘間餐廳係山林道既商業大厦上面。上到去都幾多人食喎！揀左二款湯底:蘿白豚骨濃湯同蕃茄薯仔豚骨濃湯🍲一白一紅湯底。個湯底都幾濃郁，夠哂味道。有三款牛肉選擇:極上A4黑毛和牛🤤肉質鮮美，幾嫩肉。滾幾下就食得，蕃茄湯都夠哂味，唔洗再沾豉油都得。美國頂級牛小排🥩牛既味道濃重啲，食落都嫩。唔錯豚肉蔬菜丸類餃類就可以出去自己仼夾喇！有爆醬貢丸，一咬即刻流哂啲汁出黎，好誇張！鐘意食芝士既，就唔好錯過：芝士魚腐同芝士獅子狗 🧀夠哂芝士味呀！飲品除左汽水果汁仼飲，仲有自家製五花茶夏枯草添，可以降下火😆食飽飽，仲有haagen dazs 四款雪糕🍦仼食🤤正呀。有我鐘意既朱古力味同曲奇🍪味😍😍

外地友人想食火窩，便相约往尖沙咀！我們選了山林道食熊本牛涮鍋湯底選了木魚昆布湯，不錯昆布是較少有的，湯底好！也選美國牛肩胛套餐，此自助式是可任叫的牛肩肉，肉嫰，一淥即食，正呀！各款精選丸子，多款內有餡子，及食材鲜，肉質好！不知不覺中吃了不少啊！而熊本自制五花茶及夏枯草凉茶濃度高，甜又適量，讚，我共飲了多枝！而還有餐前小食，及多款雪糕、任食！好！這夜友開開心心說此火窩真不錯！熊本火窩的菜疏很新鲜及多類火窩材料也源源不绝供應，店的服務員也细心專業與客介绍倾談！好的服務。

約了幾個朋友聚會，大家都在油尖旺區工作，所以就揀了尖沙咀區，貪佢地點方便又多野食。這間在山林道的熊本牛涮鍋，以任飲任食火鍋為主，而且肉食有分不同等級，視乎自己喜好及價錢高低而選擇。湯底主要以日式為主，亦有泰式冬陰功及馬來沙嗲等。除了和牛外，其他食物都是放在外面自助取用，所以唔怕漏單，自己食自己夾。食物款式主要是蔬菜雜菌、麵食、丸類等加工食品，款式正正常常。飲品就只有汽水及茶，還有涼茶可以下火。湯底要了昆布及沙嗲，前者味道較清，後者則較濃及咸。A4和牛油脂均勻，肉質入口溶化，牛脂甘香且肉腍；牛小排肉質較有咬口，肉味則一般；牛肩胛就最普通，有點似外面的任食質素。最後當然唔少得Haagen daz 雪糕啦。

喺尖沙咀行行下唔知食乜好，咁啱有人喺到派傳單，望落幾吸引咁就決定上去試下！原來係新開張！上面嘅裝修都幾靚！朋友話俾多少少可以食日本A4黑毛和牛喎，所以我哋揀咗 $298嘅set，可以食晒咁多款嘅肉！湯底方面要咗雙併，白蘿蔔豚骨濃湯同埋木魚昆布，兩個都淡淡哋可以試真啲肉味！唔知遲啲有冇壽喜燒湯底揀呢？個人食日式火鍋比較鐘意甜湯底！豚肉偏瘦同埋係薄切，一唔小心淥太耐，就好容易變韌或者好鞋口~牛肩胛都比較瘦，肉味唔算太濃，可以叫一兩碟！牛小排嘅雪花分佈均勻，牛肉味比較重！唔錯！可以食多幾碟！A4黑毛和牛有入口溶化嘅感覺，超正！可以無限encore！出面嘅食物bar款式唔算多，但勝在好整齊同埋refill得好快！醬料區域都好簡潔，有蔥花蒜粒辣椒等等，仲有啲咖哩同炸物同埋有白飯任裝😂😂除咗一般汽水，呢到仲有隻自家制嘅夏枯草，好好飲！甜品方面係Häagen-Dazs雪糕，不過唔係獨立包裝，係一大桶俾人「畢」嘅！當日有四款味道可以拎，分別係cookie and cream、chocolate、strawberry and cream同埋peach！P.S 略嫌張枱太細放唔到好多嘢，連「畢」走啲泡嘅工

吃貨朋友又拉住我食火鍋今次去咗間位於山林道食呢條街依家都開咗不少餐廳我地當咗人地既正門做後門🤣😂因為店家無打開門口，見到都有人問係味後門黎價錢由$158 至$298 如果揀最平個個餐，係尖沙咀黎講都算抵呀飲品櫃有自家製夏枯草👍🏻👍🏻 打邊爐好燥熱嫁其實🙈不過款式唔算好多自助區左手邊係丸類，約有7款仲有雞肉，我好鐘意打邊爐食雞肉，有得任食👍🏻正呀！醬油調味區右邊係蔬菜類熟食邊面，有炸芝士條 同日式咖哩牛肉芝士條好邪惡但有點油膩我地叫左龍蝦🦞湯同昆布湯底有7款湯底可選擇，但期間限定同龍蝦湯就要加錢龍蝦湯味道夠濃食食下，會愈煲愈濃肉方面揀咗牛肩胛肉味重，油花不算多，口感偏爽口，所以食得多唔會好油膩最後仲食Haagen Dazs雪糕做總結好可惜cookies and cream俾人不哂咁滯🥺🥺

早兩日同朋友去山林道飲野，見到這間以任飲任食A4黑毛和牛的日式火鍋店廣告，今日就同老婆去試一試。我們揀了最貴的和牛餐，除了和牛還可以食到幾款平套餐的肉類。湯底有多款，我們要了沙嗲及昆布湯，昆布湯就比較清新，不會蓋過牛肉的味道。先來的A4和牛紋理較清晰，肉質亦較腍，油脂均勻；其次的是牛小排，肉腍但油脂較少；最後的牛肩胛肥油較多，肉色亦不夠鮮艷。其他任食都是以自助形式在外面任取，食物款式不算多，只有丸類、蔬菜及粉麵，反而炸麥樂雞及日式咖哩醬較吸引。飲品就有汽水及茶，還有自家製的涼茶。雪糕是haggen daz，有四款味道，可以任食真係非常滿足。

 牛涮鍋其實係香港好多年歷史，今日有幸可以同男朋友去一間叫熊本牛涮鍋。位於山林道，唔算難搵，地點幾就腳。入到去後即刻有人招呼我地，禮貌滿分～安排好坐位後我地好快諗好食咩，難得有Ａ４牛食，咁梗係試下啦！價錢仲唔太貴。仲可以較多選擇，可以翻點豚肉，雞肉，肩胛甲，頂級牛小排。仲有一部分自助配料區。稍後會一一介紹！湯底，可以點兩個湯，只係都加多十五蚊。非常抵，我地點左一個辣同唔辣，分別就係泰式冬蔭公同埋和風味噌湯～隔左一陣好快拎到黎，聞就幾香，試落之後都唔鹹！唔錯～我好怕太鹹既湯。A4黑毛和牛　鮮紅色肉色，雪白紋既油脂，賣相相當吸引。厚度拿捏精準，太厚會難熟，太薄會煮完唔知去左邊。味道好滑口，做到入口即溶既效果，好好食！我地翻叫個陣個賣相都係咁靚仔，唔會因為第二三次叫而愈出愈肉酸！頂級牛小排　褐紅肉色搭配少許油脂，冇結霜。肉質比較硬，但係味道不輸和牛！雖然牛小排用煎既烹調比較好，但係薄切用火鍋煮熟味道都可以好好味，肉質咬落去幾有咬口。份量都唔小氣，夠哂兩個人食～牛肩胛　牛肩胛向來都係燒肉同牛涮鍋既熱門貨～肉質向來以有彈性以見稱，咁當然要一試便知龍與鳳啦～味道果然名不虛傳，肉質腍滑少羶味，灼三幾

今次由男友挑選餐廳，因為他實在太太太喜歡吃火鍋放題了(超級食肉獸🙈)，所以特地找了家新開張的牛涮鍋，試試它的性價比如何;)90分鐘自助放題•日本直送極上A4黑毛和牛套餐 $298這家牛涮鍋如其他店，提供不同質素的肉類放題，包括牛豬雞~ 顧客可根據自己想吃的肉類選擇相應套餐。我和男友都貪心想試全部的肉，就決定選最貴的$298 A4黑毛和牛set!!!!!A4黑毛和牛油脂分佈均勻，入口融化，油而不膩!! 喜歡油香的朋友一定要選!!!! 我和男友共吃了8碟🙈美國牛小排少了和牛的油香，可是多了牛肉味~~ 牛小排的肉質嫩滑，比較之下是我自己最喜歡的肉質👍🏻牛肩胛是看得到的瘦和少油脂，本以為又是另一張「沙紙」哈哈! 想不到比坊間的牛肩胛滑和軟，絕不是令人討厭的口感;)若大家是預定座位，再like熊本的facebook專頁，可以+$58換購刺身盒和海鮮盒呢 刺身盒是刺身食用，包括大蝦、大顆帆立貝，三文魚和赤貝。我很喜歡吃帆立貝，大大口咬下的厚厚帆立貝很滿足呢❤️另外要下鍋熟吃的海鮮也不欺場~ 特別是有大半手掌般大的鮑魚!!! 象拔蚌也是很新鮮。當然若海鮮和刺身也可以任吃就更好了哈哈除了牛肉外，熊本還有

今日同左friend係尖沙咀行完街就係附近食野聚下朋友見呢間牛涮鍋都幾唔錯就一早book左食佢！我地揀左個日本直送極上A4黑毛和牛套餐！湯底揀左鴛鴦湯蘿蔔豚骨濃湯好清甜馬來沙嗲風味濃香提早訂位仲送左刺身拼盤同海鮮 真係幾驚喜A4黑毛和牛雪花都幾靚薄薄一片滾兩滾就食得入口即融牛味仲好重最重要係可以無限encore!自助區有唔少火鍋配料任揀有蔬菜、丸、麵食、菌類打邊爐又點少得食蝦滑新鮮手打蝦滑彈牙到不得了沙嗲湯底都烏冬超級正熟食有咖喱牛肉同炸雞翼雞翼外脆內嫩好好味雪櫃有包裝罐裝飲品同豆腐花仲有自家制夏枯草清下熱氣啱野我地打完邊爐飲一飲下下火食完仲有4款口味嘅haagen dazs雪糕真係好滿足

尖沙咀山林道有不少火鍋店，最近一間新開的日式涮涮鍋店我都光顧了兩次，第一次去吃的時候未知質素如何，所以只點了比較便宜的美國牛肩胛套餐，肉質都不錯，有嚼勁之餘牛味亦頗濃，不過不夠滑。見有日本直送極上A4黑毛和牛套餐，已心思思和老公計劃下一次來豪氣吃和牛。終於這個星期又來了。上次來的時候令我們較困惑是到底哪裡是餐廳正門？其實一踏出升降機看到熊本牛涮鍋的招牌，那扇極像後門的門其實就是正門，有不少食客都有這個困惑，我們也向餐廳職員反映過，職員說始終這個是大廈的計設問題，他們之後會增設指示。我家附近都有好幾間連鎖日式涮涮鍋店，但即使願意花三百大元也只是吃到和牛而已，可是這裡標榜的是日本直送極上A4黑毛和牛！當然要豪一豪！自助區的食物種類也不少，丸方面也有一些特別選擇如包心貢丸、黑椒牛筋丸、芝心獅子丸、芝士魚腐等等。蔬菜方面有冬菇、金茹、雞脾茹、唐生菜、菜芯、萵荀等等，每款擺出來的份量不算多，但勝在refill得夠快，確保新鮮、衛生，這一點我很欣賞。熟食方面有咖哩飯和炸物。飲料任取，最吸引的是甜品，提供四款口味的Haagen-Dazs雪糕~正！注意如果飲熱茶的話，部水機有點難用，可以請侍應幫忙。我

山林道開左間新的火鍋放題，價位抵食，食物質素好，連夏枯草都係自家製低糖，老闆健談！總括黎講間放題幾有heart❤️湯底我地叫左蕃茄薯仔豚骨濃湯🍅同蘿白豚骨濃湯🐷極力推薦蕃茄濃湯！好濃蕃茄味，落咩都好食我同fd預先book位，去佢地facebook share同like加多$58就可以有新鮮海鮮😍豚肉片🐖美國牛肩胛🐂美國牛小排🐂‼️個人推薦‼️食落好滑口，牛味十足A4黑毛和牛🐂火鍋配料好多選擇，而且好多樣我地都encore再encore，例如係芝士竹輪同金菇‼️飲品方面，第一次見放題有自家製涼茶‼️誠意十足雪糕係haagen dazs！開心子！可惜老娘我已經食到好飽，唔夠quota食雪糕，所以唔攞太多😂

今日收工同個朋友黎買野, 聽朋友講附近開左間火鍋, 話說都好耐冇打過邊爐, 二話不說就去左lu餐廳原來仲係試業階段, 所以人唔算多, 不過環境就幾舒適湯底既選擇有好多! 我地揀左兩款(+$15)泰式冬陰功湯 + 蕃茄薯仔豚骨濃湯兩個湯既色都幾似, 左邊係冬陰功; 右邊係蕃茄薯仔豚骨醬料區~急不及待拎野食lu!!仲有蝦滑, 正呀!飲品都唔少喎!夏枯草個人好鍾意飲呢枝, 可以一邊食火鍋一邊清熱飲左兩枝日本直送極上A4黑毛和牛火鍋不得不食既牛! 呢個仲要係日本直送入口即溶, 好高質! 唔夠喉呀美國頂級牛小排睇到D大理石紋路, 見到都流哂口水食落肉質鮮嫩, 正呀嚴選牛肩胛、豚肉牛肩胛肉質夠彈性, 薄片既豚肉都唔錯4式刺身拼盤 + 4式時令海鮮如果預先Book位同Like and share 佢地既FB page, 再加$58就可以有4式刺身拼盤 + 4式時令海鮮好抵呀!!!Juicy~雪糕仲有4款既雪糕Overall 野食高質, 又新鮮! 店員服務態度十分好, 好細心!

今日係尖沙咀有嘢做，做完就 openrice下睇下附近有咩好嘢食，發現原來山林道有間新嘅日式火鍋放題，有新嘢就梗係要試下la。上到舖頭，門口有射燈顯示店鋪名。無錯 la, 就係佢。我地好早嚟，六點鐘，人客不多，不過咁仲好，無人同我地搶，揀咗正中位，方便拎嘢食，新鋪頭裝修新又乾淨，一個字正！坐底先知原來有唔同 set揀，識食當然揀日本A4和牛 la, $298每位又唔貴。仲有好多款湯底選擇，我揀咗馬來沙嗲風味。醬料都好多選擇。😌Bar檯有好多新鮮配料任夾。最好食係佢個芝士獅子頭，芝士多到爆出黎。和牛出場 la, 脂肪比例真係一流，入囗即溶嘅感覺，好好味。另外試埋豚肉，口感都好好，不過我都係鍾意和牛多 d。沙嗲湯味濃，食完唔口乾，我就知佢味精一定唔重，下次會試下其他湯底。嘢飲都係任飲 ga, 好多選擇。我覺得佢有自家製涼茶真係好有誠意，我試咗夏枯草，味道一流，同出面加唔同化學成分嘅感覺真係唔同。最後一讚，佢雪糕都係高級哈根大師，真係好屈機law，正正正。埋單兩個人唔貴，會 encore。