熊本牛鍋 (永勝商業中心)

Open Now

Now Closed

🔍尖沙咀山林道21號永勝商業中心2樓A號舖*「高質日式火鍋」-熊本牛涮鍋.我同郭富城一樣好鐘意打邊爐架哈哈XD。一路食一路忍唔住大叫左幾聲：「好抵食呀！」冇諗過任食呢個價錢竟然會有咁高質素架！日本直送極上A4黑毛和牛套餐 (成人$298，小童$228)叫左個雙拼湯底 (另加$15) ，叫左馬來沙爹風味同埋蘿蔔豚骨濃湯，一個清湯一個濃湯，滿足到同枱唔同口味既朋友。呢個套餐係最頂級個款，所以價錢係可以order埋另外個三款肉類。一場黎到當然要試個最頂級既！首先由最基本既肉開始試，牛肩胛入口比較un，肉質有少少似肥牛，但都唔會話淥完就好鞋口。下一個level就係牛小排，油脂分佈平均，唔會好似肥牛咁一大條肥膏係側邊，已經覺得同牛肩胛比係贏左。到終極大佬極上A4黑毛和牛，OMG真係入口即溶！將片肉係鍋入面拖幾秒就可以放入口，幸福既感覺會浮出黎，完全覺得呢個價錢超值呀！仲要係任食呀！幾大到食到夠本！大力推薦大家要黎試，靜靜雞講：平日夜晚黎食就唔洗同人迫架喇。其它食物例如雞肉同埋蔬菜、丸類等等都係自助形式既。食幾多拎幾多，唔好浪費呀~仲有少少熱食例如雞翼同飯。另一個賣點就係任

過兩日去旅行，提早慶祝父親節，朋友推介呢間牛涮鍋，就同我前世情人拍拖食火鍋！原來係一間係山林道既樓上舖，而價錢相當抵食$298一位就食到A4黑毛和牛火鍋放題！左：蕃茄薯仔豚骨濃湯老豆最喜歡既蕃茄薯仔，蕃茄味勁香濃！右：蘿白豚骨濃湯味道比較清甜，我喜歡蘿白！分別有三種牛可以食：美國牛肩胛，牛肉味濃，唔會韌！美國頂級牛小排，脂肪分佈剛好，好香牛肉味，好淋！😋最後食埋A4黑毛和牛，係黎至鹿兒島，食完真係返唔到轉頭，感覺係入口即溶，一個字店內唔算太大，但坐得舒適，而且整潔！飮品方面，有果汁，汽水基本野，但有佢地有自家製既五花茶和夏枯草，我飲左五花茶，好飲又唔太甜，重點可以清熱！自助火鍋配料多選擇而且新鮮，佢地既水餃、韮菜餃、墨魚滑亦好好味！由於食得太多牛，不能食到太多配料！仲有咖哩、炸雞、白飯。（好想食，其實在食唔到咁多野）至於甜品有我最愛既haagen dazs雪糕，一早留定個肚仔食一杯最愛既朱古力味既雪糕，完美地為呢一餐畫上句號!我淨係掛住d牛肉，忘記左佢地有黑毛豬豚肉架，好淋好香肉味！

打邊爐一定要食靚牛，任食放題打邊爐就最化算了.有不同的套餐供大家選擇，今日一於試吓日本直送的黑毛和牛.飲品種類也不小，有自家製的涼茶、有韓國飲料也有港人最愛的可樂.配料有不少蔬菜有粟米蕃茄南瓜等.也有十分有益的秋葵.雞肉也可以自由地領取.餃子細細粒每啖一口.最想不到的還有咖喱飯添.嚴選牛肩胛、肉味夠濃.肉味十足的豚肉.這就是美國頂級牛小排，十分之香滑也是放題任吃的.到了最矜貴的日本黑毛和牛，一睇就知十分之新鮮油脂分布平均，入口即溶.

今日朋友帶左我去熊本牛涮鍋去食打邊爐放題。一入到去朋友預先訂左位，所以即時就可以入到去了。點餐方面，我哋聽咗店員嘅推介叫咗個鹿兒島A4黑毛和牛套餐。佢嘅肉類，即使係和牛，係任叫任食的，有乜需要即管出聲，快夾妥，抵讚。另外佢出面有自助bar，飲品，甜品哈根大師雪糕，蔬菜同前菜任拎任食，正。鍋底方面，佢有好多款揀，我地揀左鮮龍蝦濃湯拼泰式冬蔭功湯。鮮龍蝦濃湯不錯的。肉類方面，呢一個餐配上了鹿兒島日本和牛，比一般美國或者澳洲和牛更有口感更有肉味更少肥膏更健康。當然佢其他豚肉，牛小排等都不錯的。太多好野食唔晒咁多野，下次一定要帶定一大個胃來再大吃一餐!

最鍾意就係食任食火鍋，可以瘋狂咁食肉！呢間日式任食火鍋竟然仲可以任食和牛，我諗食三四碟都可以回到本！佢總共有四款套餐可以揀，如果你揀最貴果隻黑毛和牛套餐嘅話咁就和牛，牛小排，牛肩胛，雞肉同埋豚肉都任你食。換言之就係食貴啲果個套餐會包埋任食平啲嗰啲套餐嘅肉，感覺上都會多花款啲，唔係淨係食死一隻肉！佢而家仲有個優惠like facebook之後加$58就可以有海鮮同刺身食！抵食到爆！今次叫咗個鴛鴦鍋，一面係沙嗲另一面係昆布，昆布湯底比較清淡，啱啱好可以中和返沙嗲味！除咗肉類係任食之外，佢同其他嘅火鍋店差唔多，都有唔同嘅蔬菜同埋丸類。估唔到佢個咖喱係咁好味，好香濃，牛肉都好滑！另外佢呢度除咗汽水之外，佢哋仲會有自家製嘅五花茶同夏枯草，完全唔會有飲緊糖水嘅感覺，味道啱啱好，仲會有少少回甘！呢份黑毛和牛睇落就知道超好食，油脂分布平均，呈雪花狀。食落有啲入口即溶嘅感覺，好香肉味！呢個豚肉都好唔錯，肉質幾腍！無論牛肩胛定係牛小排味道都係一流！呢間野啲牛好掂！食完正餐咁梗係要食返d甜品啦！呢個價錢竟然仲有Häagen-Dazs嘅雪糕，超級抵！好可惜過去嗰陣竟然冇士多啤梨味！

山林道出名多嘢食，花多眼亂下，諗左好耐都唔知食咩好，發現好耐無打邊爐，就上黎呢間樓上店，十下十下！識叫一定係叫 日本直送極上a4黑毛和牛套餐，因平時去cow氣cow陣 要成400-500蚊先食到！呢度300蚊有找呀！湯底方面，就叫左出邊好少有嘅木魚昆布湯底同期間限定嘅先龍蝦濃湯！裝修都幾雅致！食物選擇款式多基本上想食嘅都有，例如芝心獅子狗，蝦滑我就最欣賞！仲有自家製嘅涼茶！打完邊爐都唔會覺得熱氣！美國頂級牛小排有肉味，脂肪分布得幾平均！日本直送和牛油脂分布比較多，食過返唔到轉頭！同美國牛比，真係高下立見！平時一田都賣好貴！呢度係任食！叫返4，5 round 回曬本啦！好正係甜品有哈根大師！平時叫兩球都50蚊！我食左4球！回曬本！下次會直接放棄x陣，x角，因為呢度性價比太高呢！

想和女友去打邊爐，看到尖沙咀近佐敦這間牛刷鍋，開店不算長時間，幾乎在OPEN RICE上一致好評，就一於去試下！餐廳設於舊式商業大廈之中，門外裝修並不顯眼，餐廳大廈的入囗實在不易發現；餐廳是樓上鋪，電梯門一開，就看到餐廳了，室內裝修新淨企理，坐位還算有空間感，感覺舒適。日本直送極尚A4黑毛和牛套餐 ($298)選最貴的套餐，就會有齊餐牌上所有的各款牛肉，另外還有多款配料放題任食，今次主要想講豚肉、美國牛肉和和牛。先選湯底，可以選擇兩款湯底。馬來沙嗲風味 番茄薯仔豚骨濃湯湯底本身沒有太多配料，不過很快豚肉就已經送到，可以一試湯底的味道。豚肉雞肉豚肉配合沙嗲湯底，湯底濃，惹味香口，其實不用醬油都夠味，番茄似茄膏味，比較淡味，但是還不錯。雞肉出邊任夾，肉質不俗，配合湯底味道都不錯，不過沒有太大驚喜。嚴選美國牛肩胛這款美國牛脂肪分佈相對較平均，脂肪不算太多，配上十分足料的湯底，牛肉和在火煱中稍稍融化的脂肪，滿布了湯底的精華，用筷子夾把牛肉挾出火煱，再沽上一口打邊爐必備的醬油， 既有牛肉的香味口感，又有濃烈(特別是沙嗲湯) 湯底的味道。美國頂級牛小扒這款美國牛脂肪比例較高，膏的紋理非常清晰，配上

尖沙咀區內一向林立有質素的食肆,包羅街邊小食,至優質中菜,更不用懷疑的來自世界各地一些有名氣的西餐廳,或是地方特色菜;在這各適其式的美食當中,山林道有好幾家以供應高級海鮮為火鍋食材的店子甚有名氣,以致帶動了整體街道湧現了一批不同風格的火鍋店!在此當中,有家叫熊本牛涮鍋的,以限時任食牛涮鍋為主打,好友與我在嚐過後,皆覺得性格比極高!食店採用西餐廳式的座位設計,而且座距之間亦較寬鬆,有柔亮的燈光,充足的冷氣與抽氣,給人的感覺甚舒適!90分鐘的限時火鍋,有多個套餐組合;和好友們商量之後,決定選取鮮龍蝦濃湯及木魚昆布湯底而成的鴛鴦鍋;先說那鮮龍蝦濃湯底,基本上是在西餐廳喝到的龍蝦餐湯的濃度,味既鮮且帶甜,無論用來涮牛肉之類還是海鮮之類都非常合適!而木魚昆布湯則十分清新鮮美,用之來涮食物可突顯其本味!美國牛肩胛,肉質較密集,脂肪相對少,所以肉味較濃,用龍蝦湯底來涮更突顯其本味!美國頂級牛小排的脂肪比例略高一些,用龍蝦湯底涮過後,入口時肉味與綿滑度都並重,相比牛肩胛更討喜一些!而日本A4黑毛和牛的脂肪比例更高,用木魚昆布湯來涮也能突顯其油潤甘美的口感,那種以油份包圍了味蕾的厚重感覺,被木魚昆布湯的

今日去接男朋友放工傻佬話想打邊鑪岩哂我啦，嘜都有得食呀嘛會合埋朋友先行到去山林道見到哩間火鍋店既招牌，寫住話二樓新開張😚😚😚我地就最鐘意試新野，一於走去幫襯先，哩嗰大厦好似新開裝修？lift口好新淨🥰🥰🥰上到二樓好得意，要按門鐘，然後職員會開門我地四個人岩哂啦，嗌哂四種肉類火鍋🍲「黑豚肉」「美國牛胛肩」「美國頂級牛小扒」「極上A4黑毛和牛」四嗰人嘜都可以試下牛同豬係放題形式我地嗌左兩種湯底，加左$20要龍蝦湯底同埋木魚昆布，一款濃味，一款清淡既。然後就可以去夾野食，有「咖哩牛肉」熱食既，仲有飯配埋飯。「牛丸」「墨魚丸」「貢丸」「鮮雞肉」「萵筍」我地試哂四款肉類，一致覺得「極上A4黑毛和牛」係最正，其實其他都好okay🥰因為我地鐘意牛味重啲既，而「極上A4黑毛和牛」真心好重牛味，而且雪花分佈平均現場有嗰職員負責切啲肥牛，好似凍肉舖咁，好新鮮呀加錢既龍蝦🦞湯底堅係重龍蝦味，好似真係有隻龍蝦係湯度最後仲哈根大雪糕🍦不過就無我最愛的士多啤梨

今日去左尖沙咀食打邊爐放題，小店有家的感覺，我們的揀左日本直送極上A4 黑毛和牛套餐 $298，可以任食和牛之外，仲可以食美國頂級牛小排、嚴選美國牛肩胛、豚肉同雞肉。湯底我揀左兩款，泰式冬蔭公湯同和風味噌湯，湯底濃郁，我同朋友各有喜好，可以選鴛鴦鍋就最好不過。另外可以自取蔬菜、丸類、選擇都多質素都好好。牛是新鮮即刨薄片，我最愛美國頂級牛小排，牛味濃而且肉嫰，值得encore 再encore！而和牛就入口即溶。除左任食仲有任飲，飲唔品有驚喜，自家製涼茶唔甜解渴又可清熱氣，推介。最後食杯Haagen Dazs 雪糕好滿足，最愛濃濃的比利時朱古力味同焦糖脆餅。

十萬間熊本野 有熊本放題 熊本燒肉唔知係咪同一個集團不過今次就決定試呢間新開既熊本牛涮鍋晚市90分鍾放題可選2個湯底叫左一個沙嗲 一個蕃茄薯仔豚骨濃湯最後叫左一個牛小排套餐所謂叫牛小排套餐 唔代表你只可以食牛小排仲可以食埋上面2款者係豬牛及牛肩胛而出面亦有飯菜及其他蔬菜類俾你任食仲有雪糕及飲品我覺得牛同豬都好爽口同行有個專做肉廠既都話係靚牛咁所以真心覺得好同埋因為都算小同新店我地一開始唔知個leaflet點order待應都講解得好詳細同埋環境乾淨寧靜下次同朋友幾個傾計 岩唒!

要食到好食同埋有質素嘅牛涮鍋並唔容易，依間位於山林道的熊本牛刷鍋就可以話大件夾抵食，同埋呢度有唔同款式嘅牛肉套餐可以選擇，包括嚴選美國牛肩胛套餐、美國頂級牛小排套餐同日本直送極上A4黑毛和牛套餐。諗起都流晒口水，食到靚野而且價格上面完全唔算貴！尤其是黑毛和牛，入口即溶嘅感覺令我非常難忘。入到你覺得地方好寬敞，四個人亦都唔會坐得好迫夾，佢樓底夠高，食火鍋唔會覺得好焗又熱。出邊有唔同嘅嘢食可以自由選擇，我數過大大話話有大約40款嘅配菜。最令我難忘竟然有日式咖喱炸雞配埋白飯！等緊火鍋滾嘅時候，不妨可以先食一碗飯打底。湯底方面可以自由配搭，每加一款湯底就加$15，我同朋友叫咗蘿蔔豚骨濃湯同埋木魚昆布兩個湯清清地，可以試到牛肉本身嘅味道。醬料喺出面可以自由配搭，我主要都係揀返芫荽蔥同埋辣椒。當然唔少得加埋呢度嘅雞蛋，打埋落啲牛肉，倍感滑溜。

呢間新開嘅牛涮鍋有驚喜！冇諗過喺呢度可以食到咁高質素嘅和牛，同朋友訂左8:00枱，準時到達，準備開動！呢度嘅飲品都係自由可以拿取，令我最有印象嘅係佢哋有自家製嘅涼茶，包括五花茶同埋夏枯草，店員同我地講呢啲係佢哋自己即日煲，唔會有人造色素，同埋好入屋。呢度嘅配料一蘿蘿，最開心可以食到日式滑豆腐，擺喺湯底度加埋昆布一齊食，就係我喺日本食嘅味道！另外有隻沙律芥末丸，食落去嘅時候好有口感，啲餡湧出來，仲有啲蟹籽脆卜卜。烏冬同埋出前一丁出奇地好食，加埋湯底可以食多幾碗。啲牛肉亦都好靚，老闆經營餐廳已有好多年經驗，旗下仲有間西餐廳，所以攞貨係嚴選過，必定有保證。

難得尖沙咀有任食和牛火鍋，即刻約埋朋友試試！湯底分別叫咗龍蝦湯同味噌湯。龍蝦湯鮮味重啲，而味增湯亦唔會太咸。餐廳環境整齊企理有飲品可以任攞亦都有蝦滑、丸類、蔬菜、麵類等任拎，最緊要材料新鮮！特別推介：蝦滑，彈牙新鮮！美國頂級小牛排，肉味香濃，厚度適中，而且口感彈牙，非常美味！日本A4黑毛和牛，肉味最為濃郁，脂肪分布比例均勻，冇得彈！最後甜品，自助任食雪糕，味似haagen dazs最愛綠茶同拖肥雪糕！

這小店剛剛開業數月位置處於尖沙咀山林道因新開關係店名未太顯眼這是一間放題式的火鍋店有四種價錢給客人選擇最貴的日本和牛只要二九八湯底選擇多亦可㨂鴛鴦鍋是次點了和牛放題火鍋湯底則是冬蔭公及木魚昆布昆布湯底很清可吃到材料的原味肉類選擇有牛肩牛小排豚肉等牛肩肉很腍滑牛小排有肉味其餘的火鍋配料可在吧枱自助選取有各種肉丸餃子及蔬菜等我特別喜歡蝦滑彈牙口感甜品是高級哈根大師雪糕值得一提是加五十八元就可加魚生及海鮮今次吃得很滿足開心。以實惠價錢可吃到有質素的食物下次一定再來別要錯過的魚生及海鮮