炳記茶檔

Open Now

Now Closed

叫咗豬扒麵, 雞翼麵, 熱奶茶, 熱檸茶麵-可以用差形容, 煮麵水唔夠熱同煮唔夠時間嘅產物。兩碗都係咁。簡直浪費咗個丁麵(未有人排隊, 都已經咁)豬扒-有咬口,係硬果種, 個汁正常。雞翼-係鹵水,但係又唔似傳統嘅鹵水汁又唔似瑞士雞翼, 佢有自己嘅獨特味道, 但係就未入味。奶茶-普通(好多連鎖茶餐廳都好過佢),海防道街市任何一間都好過佢。除非好鍾意坐喺街邊後巷,否則完全唔值得專程過嚟甚至排隊。我唔理解點解咁多人話好食, 莫非我嗰次係個廚師失準,定係我去錯呢

其實已經係食咗十幾年嘅街坊，以前幾日唔飲佢杯奶茶會心思思掛住，有朋友黎大坑一定會帶朋友黎飲佢杯奶茶，而家做咩搞成咁，好失望........以前d公仔面好好食，係唔知點解，大家都係公仔面，但自己係煮唔到呢隻味道，係佢會好味d。而家食，只不過好普通。午餐肉煎的都ok香嘅，但唔知道係咪煎定先，擺到凍咗.... 荷包蛋流心係good嘅。奶茶真係大不如前。。。 以前奶茶味香濃，而家飲落去得苦澀味。係換咗老細定點？ 

【炳記茶檔】，因為陳奕迅經常黎而我認識的。🕰️炳記的營業時間通常是07:00～15:30（週二到週日，*週一休息，五好撞門釘XD (不過我自己去zor 3 次先成功吃到) 推薦:1️⃣炳記的凍奶茶被CNN評選為“四大奶茶王之一”。唔怪得知陳奕迅成日過嚟飲奶茶啦～落單果陣，老闆中會問你「洗五洗少糖」，我自己覺得好好飲，入口絲滑，唔會奶味太重或者茶底太濃，講真20蚊左右一杯，仲有呢個質素，響香港已經非常抵飲！2️⃣烤多士烤好嘅多士淋上煉乳，簡直酥脆，配埋凍奶茶，將煉乳嘅甜度大大降低。3️⃣雞翅：個雞翼係非常之入味😏 ⚠️: 大家要留意番始終係茶記，所以個環境就唔會話係好Grand，同埋我哋食緊嘅時候都會有好多雀仔喺周圍，有啲雀仔直程會停響你張櫈隔離，怕雀仔嘅人士就要自己考慮一下啦。

大坑名物了吧，今日咁啱早到。見唔洗排隊，決定一試。先說結論吧，很普通的一間茶記。豬排有味道，可惜醬料很厚重，而且口感冰冷。雞翼的話略為有點血水味味。如果不用排隊的話，可以試試。要排隊的話，就可以三思了。

香港人，第一次黎食，表示可一不可再，吃過一次就足夠！不要慕名而來，隨便找家街邊茶餐廳也好吃過這個茶檔！一碗黑椒豬扒公仔麵/雞翼公仔麵 ~$30 ，三文治~$20，奶茶一杯$20，老實講價錢便宜地道，同樣亦吃到坐路邊的風味！ 但.... 食物質素有夠差的！黑椒豬扒肉質硬實帶老，咬下去感覺雪藏很久的豬扒，沒有口感可言；滷水雞翼完全不入味，外皮有醬汁但內在就是普通雞翼肉。 如果來到要我推薦的，三文治跟奶茶還可以接受，但真的試一次就好，不值得浪費時間來排隊。最後，完全唔明白點解被旅客完全追捧，明星效應？食環境氛圍？我真不懂... P.S. 星期六大約1pm，排隊排左20分鐘，坐低等野食等左10分鐘。#炳記茶檔地點：大坑施弼街5號地舖

好普通既茶檔，豬扒麵好普通，奶茶好普通，多士好普通，所有野都唔難食，但好普通。如果住果頭，落街食個麵係ok既但如果特登搭車去，仲要排長龍，就真係可以免喇。周圍既茶記都做到呢個水準。

唔知大家去過大坑炳記未呢？ 陳奕迅就曾經講過一句：「無食過炳記，等於未嚟過大坑」，連美國CNN都品評過炳記嘅奶茶係香港四大奶茶王之一，身為香港人嘅你又點可以唔試吓呢？.凍奶茶 $20首先介紹下佢哋嘅奶茶🧋，茶底香濃富茶味，茶味濃而不澀，淡奶用囍牌淡奶，為奶茶增添濃厚奶味同口感。甜度不會過甜，建議大家唔好少甜/少冰，反而影響奶茶嘅完美比例。.豬扒麵 $28 雙併雞蛋 $34除咗奶茶之外，依度嘅名物仲有豬扒麵🍜。黑椒豬扒滷過再拎去煎，質感鬆軟，唔會太韌，豬扒亦醃得夠入味，帶有少少黑椒香氣，唔錯。.雞翼麵 $28 雙併香腸 $34另外就叫咗個雞翼香腸麵，滷水雞翼都幾大隻，滷水味正常，雞翼都煮的好嫩滑，但就唔算特別岀色。.奶醬多 加咗煉奶同花生醬嘅烘底多士🥪，味道正常，唔算話太驚豔，當係試吓香港嘅懷舊情懷。.如果有太高期待過嚟試炳記，有可能會令你失望。奶茶固之言係出色，食物味道其實都唔差，但當然出面嘅食物會有好多茶記會比佢做得好。但係，依種舊香港🇭🇰💭嘅鐵皮屋已經買少見少，趁佢哋仲喺香港🇭🇰，點解唔珍惜依種本土文化呢？

- ¨̮♡︎Cha chaan teng's food is always my comfort food. Went Tai Hang with my friends today and we passed by Bing Kee. The queue was not too long (usually crowded) so we decided to eat here as we were all craving its signature milk tea ☕️We ordered rice vermicelli with egg and pork chop, ham & egg sandwich, salted beef & egg sandwich and iced milk tea. The bowl of noodles was served with some lettuce, adding some greens made it looks healthy🥬 Pork chop was juicy and tender, not tough at all. Not bad

之前一段時間突然爆起來的店聽聞因為Eason成日中意去吸引了不少粉絲朋友去不過有一說一 我覺得出品沒有說特別出色就是平平淡淡普通日常餐如果是奔著味道的話不建議來確實不少茶餐廳比距出色如果是情懷或者想打卡的話都可以來一趟🐷📍：炳記茶檔大坑施弼街5號側

只是有一間茶檔特色嘅食肆。侍應都算有禮貌同好客。食物同飲品不是太出色。豬扒麵豬扒肉質不太腍，只有黑椒味。奶茶茶香不夠濃。反而一件普通嘅牛油多士就幾好味。不過，我諗唔會特登走去再食多一次。

長龍店，經常行過睇到食唔到（我一般懶得排隊）。 今日有機會試到，茶走、奶油多好味！特別提提奶油多，烘得好香，好特別，同外邊有啲唔同，冇留意佢點烘。我諗佢其他多士都好好味。另外食咗啲湯麵湯米， 呢樣就一般唔係太特別，豬扒麵個豬扒肉質一般，不過黑椒汁做得好好味，加煎蛋撈落湯麵度食味道好好，如果塊豬扒肉質靚啲就一流，有啲可惜。街邊茶檔環境可以想像，不過呢啲叫做特色，應該好多遊客會去，我自己都覺得OK，服務態度，環境都冇問題。整體來講，如果唔使排隊，我一定再幫襯。排隊對我來講真係致命傷😵‍💫

香港碩果僅存街邊茶檔，因為名氣太大，有時路過見到冇人都會幫襯吓😂今日七點半落到嚟，仲有位就走咗入去食個早餐。我諗喺呢度食嘅係感受佢嘅風情歷史，而唔係食物嘅味道。八點走嗰時就排滿人講真一句嘅食物味道係一般，本人比較喜歡嘅係雞翼米同埋烘底三文治。今日叫咗雞翼米，雞翼係滷水雞翼，今日煮得幾彈牙入味，米粉就比較硬身淡要落去啲辣又搬埋一齊食，佢啲麵餐有生菜配埋一齊食唔落就比較健康。腿蛋三文治，烘底夠脆，配埋凍奶茶😋豬扒米線，佢啲豬扒都入味， 但屬於偏瘦同硬嘅豬扒😌整體嚟講唔使排隊都可以試嘅，要排隊就會食其他啦。

每次入大坑都會去嘅炳記！👅今時今日，喺香港地想飲一杯順口嘅奶茶唔係必然，周不時會飲到啲伏嘢😩而炳記嘅奶茶，茶同奶比例啱啱好，非常順口👍🏻當然唔可以話係驚為天人，但就係飲過之後久唔久就會掛住，每次飲都有種「就係呢個味道啦」嘅感覺😌至於嘢食，其實都係大路嘢，我就最鍾意嗌奶醬多/奶油多，真係好好食😋雖然每次過嚟都要排隊，不過其實唔會等好耐，一路排一路諗定食乜就差唔多~一排到你嗰陣就會同你落單㗎啦~想食嘅話唔好太遲先嚟呀，佢哋大約三點就截龍❗️每次食都見好多人摸門釘🙈

連續兩日都幫襯，真心奶茶係好飲，豬扒亦夠入味。但奈何兩次都漏單，第一次以為製作需時，結果等咗20分鐘先有豬扒麵；第二次想落單時個伙記叫我等吓，然後就冇再理我，咁唯有嗌過另一個伙記叫嘢食啦。然後大批內地遊客到場，佢哋兩個伙記就殷勤招待，遊客就上食物先，我就繼續久等！封關3年，生意一落千丈，全靠香港人繼續支持先可以捱到今日未執！疫情過後，應該明白唔可以只偏重外來遊客，唔通未受夠教訓？

📍《 炳記茶檔 》大坑施弼街5號側大坑三寶之一嘅炳記茶檔，相信大部份人應該都聽過，佢仲係👦🏻讀書果陣嘅回憶添😝～ 於是食咗n次嘅👦🏻搵咗個weekend帶未食過嘅👧🏻去試吓！呢度日日都好多人排隊，所以我哋12點左右就到咗，唔使等直接入得😏！▫️ 豬扒煎蛋麵🍜 $34呢度嘅名物一定係豬扒麵😙 豬扒嘅肉質都算唔韌，同埋啲黑椒汁都好入味😋！👦🏻慣左倒少少日清麻油再加埋隻煎蛋食，簡單得嚟已經好正！▫️奶醬多🍞 $13呢度嘅奶醬多都十分推介！大件得嚟啲花生醬同煉奶都好多，個包烘咗底好脆口，好食😆▫️凍奶茶🧋$20嚟得呢度冇理由唔叫返杯奶茶！呢度啲奶茶茶味夠晒濃，又香滑，即使好少飲奶茶嘅我哋都覺得好飲👍🏻人均消費 $50 推介度🌕🌕🌕🌕🌑#hongkongfoodie #香港美食 #打卡餐廳 #thefoodie #foodie #foodiehk #foodpics #foodphotography #foodblogger #instafood #香港必食 #香港好去處 #大坑美食 #大坑 #大坑好去處 #大坑必食 #茶檔 #奶茶