澳門咖喱王新鮮腩

Open Now

Now Closed

T06 必食獲獎川醬干炒牛河（$49）即炒，夠鑊氣，香味十足。份量以下午茶來說尚算合理。牛肉大約有四至五片，唔韌有咬口但無咩肉味。河粉滑，炒得夠乾身，而且條條都上哂色。川醬辣味十足，十分惹味。整體不錯，不愧稱之為「必食獲獎」。T04 法式紅酒牛腩飯（$49）呢個十分失望，餐廳話哂以牛腩作賣點，但係呢碗紅酒牛腩真係唔得。一上枱見到啲牛腩咁瘦，立即心知不妙，試食一件，肉質又韌又柴，而且又無肉味，同煲湯瘦肉沒有分別。前後有四件，件件都一樣咁差。另外碗白飯都不是太好，偏濕，軟淋淋。下午茶包熱飲一杯（凍飲+$3），如果兩款都係同價錢，絕對食牛河好過牛腩飯。

黃色經濟圈 never dies！Hong Konger 不能放棄，亦不會放棄！我們要盡力維護 "黃色經濟圈" , 雖然未必條條街都有 "黃店" 但盡力吧，問心無愧！位於 佐敦白加士街 的「澳門咖喱王新鮮腩」 就是一間已賣靚牛腩 & 澳門咖哩 , 響曬朵的黃店，曾經幫襯過都發覺不錯，當日又再去幫襯 ~澳門咖哩薯仔招牌牛腩飯： 咖哩好不好？上枱就知道！上到枱嗅到咖哩香，應該就冇錯 .... 吃個一啖之後，覺得難以定斷是什麼派系的咖哩，我就個人而言就定它為「港澳式咖哩」，咖哩薯仔煮得入味，牛腩也煮得軟綿入味，一食就食得出是一起煮的，而不是分開煮，這就正確； 味道上也不錯，香料上的調配也不錯；只是略嫌，炒香料的時候未夠準繩，火喉也未能完全精確，因此炒得未夠均勻 .... 但整體上味道不錯 ~本篇完 ~

係佐敦搵野食，見呢間餐牌幾吸引就入左去叫左個滋補花雕醉雞泡飯個花雕湯底唔得，酒味太濃帶苦味，苦味蓋過左其他味道，都湯唔出個湯鮮唔鮮，味精勁唔勁另外個雞亦都唔掂，睇落係靚仔既，但肉好鞋口，痴牙，冇雞味食用感受太差了就算再食呢間，都唔會點呢個泡飯

平時吃開清湯牛腩，聽朋友話尼間同正九差唔多水準，甘就約左同事一齊去試下。晏晝去無咩客，坐定定就嗌左清湯牛腩粉試下先，等到幾分鐘就送上尼啦！真係比碗牛腩嚇親！！！！10成肥！！！牛肥糕河？牛脂肪河？叫人點食！！！5舊都係肥糕一舊肉都無！！！湯底一般，白蘿蔔味重！尼碗野甘都夠膽死比人食，就知間野有幾黑心！朋友叫左個咖喱飯，咸左少少，牛腩肉質好鞋口，超級一般，大家樂真係好過佢多多聲！！係澳牛附近做大陸客多，一次性生意！垃圾劣食

好奇點解澳門咁多牛什舖🧐同埋牛腩店一定要加澳門兩個字？澳門牛腩係咩特色？澳門咖喱薯仔招牌牛坑飯咖喱稀杰度正常味道香濃牛坑一咬即開 有牛味所有野都合格啦每次見人食乾炒牛河就會想食唔知大家會唔會都係咁😆見到碟底都乜油炒得河粉條條分明唔會一舊舊牛肉又唔會死硬死淋咖喱飯同乾炒牛河都算係咁經過諗唔到食乜會再黎—————————————————————————————————-————————————————-

一個人收工經過佐敦求其食餐便飯餐廳裝修同普通茶餐廳差唔多叫左咖哩牛脷飯 $62 晚市野飲加8蚊。咖哩同普通茶餐廳唔同， 偏重薑黃味、唔會太辣。有少少似港式咖哩mix中東咖哩。個咖哩汁夠香夠濃，好岩送飯。牛脷煮得好淋身，唔太靭。牛脷份量夠哂女仔食飽。見到隔離枱好多人叫清湯牛腩同咖哩牛腩。下次再黎可以試埋。

69元的咖喱牛腩飯。經過佐敦，見到呢間主打咖喱牛腩試一試。茶餐廳格局，唔諗咁多就要一個招牌既咖喱牛腩飯。口味基本上是港式咖喱與巴基斯坦咖喱之間，咖喱汁深色得黎帶點瑩光黃色，好稀好水。牛腩都有好多件，都入味，但好可惜切既方向錯晒。牛腩要橫切唔可以直切，變左一條條好長既肉絲好靱，痴晒牙，食到最尾果兩舊直頭感覺到捱埋佢….我叫外賣，唔知服務。有點失望，話就話招牌菜收成69蚊一個飯，只係普通茶餐廳質素。試一次就夠了…..

Intro: 澳門清湯腩喺佐敦同牛頭角都有分店，但由於個人唔食咁多牛嘅關係，多數都係食呢到嘅茶餐；而呢一日去演唱會前要早食，就喺呢到叫左個下午茶扒餐～___________________🍽 雞扒餐（配火腿奄列+牛油方包）💰 39 （早茶餐）（包熱飲）⭐️ 7.75/10✍🏻 呢到嘅雞扒一向咁出色，黑椒醃料夠重，黑椒汁都夠濃，煎得唔乾又幾香；✍🏻 牛油方包烘得好香，最緊要係脆，而牛頭角店係無呢塊烘包提供；✍🏻 火腿奄列就炒得算滑，蛋汁流左出黎，但個人喜愛更熟；✍🏻 做下午茶嘅份量岩岩好。___________________🏠 澳門咖喱王新鮮腩📍 佐敦白加士街63號地舖⭐️ 7.75/10___________________

今次第2次食呢間餐廳, 因為1個人求其搵野食, 記得上次食個咖哩牛腩飯, 都算唔錯, 不過以咖哩為名gei餐廳黎講又唔算超水準, 只少佢冇個種令我1試想返轉頭再食gei感覺, 所以今晚叫左第2樣野清湯腩飯 - 呢個個湯好濃味, 不過唔知係咪有味精, 飲完都幾口乾。牛腩係淋gei, 籮白都好甜, 坦白講個清湯腩比咖哩腩更優勝 😂睇食評好似個乾炒牛河都好出名, 下次再有機會就會試埋佢, 不過唔知道同1個人可唔可評同1間餐廳多過1次

話說我有個同事好鍾意食清湯牛腩 咁我哋就走遍尖沙咀佐敦附近究竟有邊度好食呢 路過見到呢一間名叫澳門 但係唔係食澳門嘢覺得幾搞笑，咁就試吓 點知有驚喜喎價錢唔太貴五，六十 有坑腩爽腩 我就食清湯小面唔係少啲面喎 係種面叫小面 分量，剛剛好不過有同事咖喱牛腩 就話感覺比較少所以如果大家去嘅話，都會建議叫有湯既好似抵食啲食過兩次中午食嘅時候，覺得吾錯 不過有一晚夜晚食 啲牛就差好多可能好嘅已經賣晒掛所以如果大家想食嘅話，都係晏晝食比較好

牛腩真的蛮大的蛮香的，肉质嫩嫩的，挺独特的，咖喱微甜，调的味道很不错。饮品选了鸳鸯奶茶，又加了4蚊。打包一蚊。奶茶味道一般般啦，不很香。没想到除夕街上人还这么多，店也大都开着，过年几天就在外面食啦，开心

唔知點解，最近好鍾意食咖哩，早前去西九睇完聖誕樹，之後就專登行去佐敦幫襯澳門咖哩王新鮮腩。之前食過牛頭角嘅澳門咖哩王清湯腩，個 menu 非常相似，於是就毫無懸念咁揀咗澳門咖哩薯仔招牌牛腩飯。呢個飯最大嘅特色係咖哩汁夠香夠濃唔太辣，送飯一流；牛腩份量雖然唔算多，不過都算炆得夠腍夠入味，唔錯，可惜薯仔非常淡，唔入味，亦唔夠腍，應該係炆嘅時間唔夠，呢度要扣分。希望只係個別事件啦，畢竟呢度係以咖哩牛腩聞名呀！

上網見到好多人講呢間咖喱好食，就約朋友一齊去試吓，店入面係普通茶餐廳裝修，坐得有啲逼叫左兩款咖喱牛，爽腩同坑腩，炆得都好食，坑腩比爽腩好，佢啲牛係唔錯，但係個汁真係好好好奇怪，應該落咗好多薑粉，唔會再食

.非常失望的一餐飯！我以為佢個咖喱會好出色點知…. 一啲特別都無同普通茶記沒有兩樣另外叫左個雞飯同肉餅呢兩個就唔係普通….而係唔好食無乜味道… 不過，都有一樣野好食就係個牛肉沙河..好夠鑊氣如果再去，只會食呢樣野佢連杯紅豆鴛鴦冰都係唔好飲.🔻.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

外賣買淨咖喱牛腩返屋企食，仲專登加$30要牛坑腩，牛腩好靭、好多渣，之後用咗壓力煲完就冧咗，但食落都好多渣、好難吞。咖喱味道還可以，不過咁樣既牛真係唔值得買，無下次。