澳門咖喱王新鮮腩

Open Now

Now Closed

上次吃过他们的咖喱薯仔牛腩饭，十分滋味，食过返寻味，今天专门去再吃。门口写着不同款式的粉面饭，主要是以牛为主，其实心中已决定吃什么了。差不多打烊了，但捧场客不少，幸好近入口处有一张小餐桌。再次看了菜单，今天决定试试他们的清汤牛腩。牛腩和白饭分开上，先试牛腩汤，味道清甜。汤内有5件厚切牛腩和3件萝蔔，牛腩已经煲了很久，很腍很嫩，而且很有牛味。吃时把饭泡在汤內，白饭会更好吃。下次要点汤饭，并加点钱改成崩沙腩，相信味道会更好。听他们说炒河粉也是招牌菜，有机会试一下。

今日去佐敦食晏 原先係想試下bookmark左好耐嘅同路人餐廳 但因為實在太多人所以再揾揾有咩好味見到呢間食店招牌吹到咁大再睇睇d評價 先知原來都係同路人黎就入左去食了見到個menu 其實都好多野食但第一次黎到 冇理由唔試下佢嘅招牌菜 - 澳門咖喱薯仔招牌牛腩飯等左3分鐘就上菜賣相都幾唔錯 咖哩就好粵式 偏好黑椒味 冇椰子味亦都冇乜甜味 個人唔係好呢種粵式咖喱牛腩都燜得好淋 一咬就鬆 唔um唔癡牙但係有一點要講嘅係 個份量真係少左d真係對唔住呢個價錢跟餐凍檸茶 甜度適中 有檸檬酸澀味 正常發揮埋單個飯65蚊 但係份量真係少左d覺得唔太抵食

餐廳的菜式種類很多，最吸引我的一定是牛腩🤩 點了一款清甜的牛腩飯和一款味道濃郁的咖哩‼️👅▫️❥$𝟱𝟵 招牌新鮮牛腩飯🍚 牛腩肥瘦相間，放入口中不費力氣輕輕用舌頭就能把牛腩化開‼️🤤 好好吃‼️👅👅👅 湯底看上去很清淡，其實味道濃而不濁，鮮甜不膩，好好喝‼️👅👅👅 ▫️❥$𝟲𝟱 招牌咖哩牛腩飯(另+10轉印度薄餅) 這裡的咖哩真的很濃郁，不帶辣味不是辛辣的口感‼️ 牛腩同樣的軟嫩，入口即化‼️👅 印度薄餅沾上濃濃的咖哩汁，美味又不會膩‼️😽 牛腩份量也不少，非常滿足‼️👅👅👅

星期六返完半日工，同同事去到佐敦見到呢間一直想試好耐食嘅新鮮咖喱牛腩嘅餐廳，仲要竟然唔使點排隊🤣即刻衝入去！。入到去見到裝修都幾蒲國feel 下，牆壁上掛左唔同而且好有特色嘅畫，而且牆上面啲主題係細細格磚仔，好有澳門feel💛枱同枱中間都坐得舒服，好少茶餐廳可以做到唔逼夾😚。🥔澳門咖喱薯仔招牌牛腩飯呢個係黃咖喱，椰香味重，香濃😚而且想讚一讚佢啲牛腩煮得稔👍🏻而且係用牛坑腩，唔會有筋腱太難咬，重牛味，不過攞嚟做咖喱有啲哂料😝。🍝川醬乾炒牛河今次叫左小辣，上枱嘅時候已經聞到好香鑊氣，個樣又好吸引，拿拿聲拎起筷子食返啖，哇哇哇！色香味俱全！首先，牛肉件數唔吝嗇，牛肉爆香！第二，每條河粉食到係鑊度炒到均勻，辣到啱啱好！💛

We have been here a couple of times. The taste and quality of the food is consistent and good. The texture of beef brisket is tender and juicy for the clear broth and spicy dishes. However the curry beef brisket taste quite common like any other cha chan teng. The flat rice noodles with sichuan spicy taste is also very good. Ambience: Like any cha chan tengService: Good and promptPrice: Value for money Verdict:

街坊系列 – 澳門咖喱王新鮮腩💛🈲限聚令已經令各行各業受到重創最近佐敦封區😭更令小店百上加斤小編決意出走佐敦💪🏽幫助同路人------------------------------環境: 舊式粉麵檔設計🛠️啲枱全都可以移動♻️靈活性大座位大約有25-30個到🪑清潔功夫做得唔錯🧹感覺都乾淨小編最怕粉麵檔枱同地都好油🤭P.S. 有好靚既文宣🇭🇰------------------------------食物: 早餐A+熱咖啡($36)🤗豬仔包🍞烘得太乾,麵包亦唔實淨成個感覺似食麵包皮😅黑松露炒蛋🍳合格夠滑身黑松露品質一般😅整體唔夾沙爹牛肉麵🍜份量幾大碗沙爹非常香濃🥜花生炒得好香麵質岩岩好😋軟硬適中牛肉品質唔錯🥩爽口唔韌P.S.搞到小編想試下名物清湯腩😍------------------------------服務: 中規中矩,無讚亦無彈🈴------------------------------環境: 6 /10食物: 5.5 /10服務: 6 /10地址: 佐敦白加士街63號地舖人均消費: $ 40 - $ 60

😋 清新橙皮咖喱 🥡 外賣自取9折<皇室印度健康蔬菜咖喱牛脷飯 $65>每片牛脷都沾滿橙皮和蔬菜粒粒，甜甜酸酸的，咖喱清新又不膩，絕對可以一試，敢講係史無古人的味道！Ps 雖然名為「皇室印度健康蔬菜咖喱」，但不論味道或外貌都完全無印度咖喱的痕跡😂😂<招牌清湯牛腩飯 $60>白蘿蔔吸盡湯汁，入晒味。湯汁比較咸，可以用作伴飯。牛肉方面，今次選擇了普通牛腩，肉質普通，整體一般，不過不失。期望大，所以落差感大😓

下午茶時間去試一試佢招牌清湯腩， 茶餐價49加杯野飲，唔跟餐就話會大碗d,但無野飲。我就唔要餐，想食飽d。一出到來，我見到d肉已經心知不妙。雖然我無加錢叫坑腩爽腩姐，都唔洗俾呢d部位我架！ 食落好柴，好散，無口感，仲要好薄！ 好似將正常一舊牛腩分2-3份切，好呃秤！😩😩😩 河粉有陣怪味，湯好普通，唔鮮甜。 好失望！ 同埋份量好少，食幾啖河粉就無晒，咁樣收49？ 隔離街有間35蚊牛腩河都俾佢好食又大份量好多。 好啦，伏已中， 本身想試埋佢咖喱牛腩同干炒牛河，但我好怕再失望，算啦都係唔試了。 性價比真心低，唉，好耐無食過咁失望既牛腩。 🥲🥲🥲

佢係牛頭角有另一間分店，都係專食牛腩。大大份，用料好足，食完好滿足。入去既時候差唔多6:00pm，職員好好，提我盡快落單，因為6:00pm後就要加$8。✨味道68分，服務不錯，價錢實惠。.🔸招牌澳門咖喱薯仔牛腩伊麵($69)難得見有餐廳食伊麵係招牌，即刻嗌黎試，伊麵份量好多，咬落唔會太稔。牛腩都稔，但未到超軟熟，薯仔都煮到好稔好入味。咖喱夠香濃，始終覺得好想咖喱送白飯😆.🔸口水雞飯($55)麻麻辣辣，好香，好開胃，雞唔算非常厚肉，但勝在夠嫩滑。

疫情下嘅新春佳節，沒有開的店較多，行下行下，見到呢間澳洲咖哩牛腩，試一試。我倆又唔係好肚餓，share 咗一個招牌咖喱薯仔牛腩飯$65，假日加錢飯品貴啲。個牛腩同薯仔都算幾好味，薯仔好琳，牛腩可以炆耐啲，可能新年開市不久。個飯便好大鑊飯的那種。個紅豆冰甜咗啲，不過都好多，細細豆及煲得好琳。地方都有少許澳門葡國feel. 下次也許可以再試一試！😊🌸

會話係不過不失嘅一個早餐🙈脆豬唔脆，炒蛋都係唔多滑，但喺接受範圍內🙈沙嗲牛肉麵ok，以用牛腩做招牌嘅餐廳黎講我會expect 更高💩但其實都比大部分茶餐廳好：唔會太老/太多筋，有牛味。沙嗲偏辣但惹味，會想keep 住食😋好大杯奶茶，但偏澀同嚡口下次應該會黎試下牛腩，聽講真係唔錯🤣

星期六番完半日，係附近搵左間同事推薦既「澳門咖喱王新鮮腩」😂作為黄店食家，我都真係好少係公司附近搵黄店食（最多去既係逸東food court），今次終於係佐敦落腳食💛澳門咖哩薯仔招牌牛腩飯 $65個名又有澳門，又有咖喱，又有腩，仲要有埋招牌，應該夠哂招牌菜la! 食落好唔錯既，D牛唔會太un，係黄咖喱黎，個味好香好濃好惹味👍🏻另外一讚佢D薯仔煮到好淋😳我好鍾意！同埋飯既份量都幾多，又夠熱。女仔食可能叫少飯會好D滋補花鵰醉雞泡飯 $55一開始揀佢係因為我好想食湯飯😂老實說我覺得賣相一般。食落個醉雞係真係好夠酒味既，你唔會食完佢醉既😂（起碼我無），但我因為平時無乜飲開酒，就覺得酒味濃左D，鍾意濃D酒味既朋友仔可以試😳個湯好好飲，唔係味精湯，唔會好咸～我達到我既目的食左好好食既泡飯～其實佢外觀同內籠同一間普通既茶餐廳分別不大，服務都正正常常，我覺得都值得黎試吓！尤其係香港唔算多澳門菜食～都有特色！

通常出佐敦嘅目的就係去飛個靚髮，又可以喺嗰頭搵吓有咩值得食嘅小店。而某日放工飛完髮都成9:00，快快就選擇咗bookmark 咗好耐但未試嘅呢間清湯腩。Bookmark 嘅原因係因為知佢都係少有用新鮮騸牯牛嘅清湯牛腩。一般情況我都會揀食崩沙或爽腩，不過當晚去到已得返普通清湯腩河（$49）食到，無問題照殺。唔駛等好耐有得食，腩嘅份量都幾多，雖然係一般牛腩位但望上去都十分靚仔，每件都帶上適量嘅脂肪位，肥瘦分明。脂肪帶濃濃嘅油香味，肥仔得嚟但又好難忍口，而腩肉都一樣係好濃牛味，無腥羶感，而且咬落唔會有渣，口感爽滑，好食。湯頭嚟講，飲落就係最純粹嘅牛肉牛骨湯味 - 無太多調味料嘅修飾，樸實嘅清甜，仲有一絲絲蘿白嘅清甜味夾雜喺入面。而的確蘿白都已經炆到透晒，吸晒湯汁，呢啲細微位就已顯得成碗粉嘅出色。最後成個湯都差唔多清晒，就我嚟講亦唔會覺得有口渴之感。但最後杯凍奶茶亦有少少驚喜，雖帶尾段少少澀，但整體茶嘅甘香都好突出，唔會太重奶，啱我口味。雖然佢哋仲有出名咖喱嘅食法，但每次見到清湯腩真心唔想錯過....

係佐敦搵食時見到依間之前有人推介過既牛腩店，見咁岩無咩人就一於入去試下佢。入面環境光猛，同埋當日無咩人，兩個人都有得坐四人枱，所以都坐得舒服。而最有趣既係竟然播緊英文歌，雖然有d違和感，但d歌幾好聽首先就叫左依個招牌川醬干炒牛河，佢一上枱就聞到佢陣香味，雖然係下午茶餐，但都幾大份同足料，食落唔會好油，而且炒得都算乾身，同埋d河粉仲feel到佢有d彈性唔會淋晒，味道香濃帶辣，但又未至於辣到要即刻飲水，而牛肉份量雖然唔多，但都幾大舊，同埋都夠淋，整體個炒河係幾出色，唯獨可能個人唔係太食得濃味野，所以食完會有d膩既感覺。另外仲叫左個都係招牌既清湯牛腩河，依個又係都幾大碗，河粉煮得岩岩好，就算夾起都唔會斷開，而主角牛腩雖然都唔係好多，但又係大大舊，佢連埋d蘿蔔都煮到好淋好入味，另外個清湯底味道都適中，唔會過咸或蓋過牛腩既味，而且好鍾意佢有一大匙既蔥，加埋一齊食令到成碗牛腩河更加香同好味，整體黎講係一碗令人好滿意既牛腩河，而且連埋飲品先＄49，性價比非常高，一定會再番黎食！

星期日四圍都多人食飯，為獨這間有位，就求其入去試下，叫左個咖哩崩沙腩飯，以往係第D餐廳食都係非常鐘意食崩沙腩，呢個部位是最好食，於是叫佢實無衰，真係希望越大失望更大，好快就到枱，一睇完全唔似崩沙腩，完全無腩，小小脂肪都見唔到有，好瘦好瘦既材皮肉，心諗係咪俾錯仲衰過牛腩，一啲爽既感覺都無，鞋過鞋底，一吃痴晒牙，不能接受，最大問題個飯，睇上去係粒粒分明，靚米，但一食落去真係無意中有幾粒飯硬過沙，差啲牙都咬崩係咪啲飯擺到生冷鋼？唉。。。埋單$74走人