澳門咖喱王新鮮腩

Open Now

Now Closed

T06 必食獲獎川醬干炒牛河（$49）即炒，夠鑊氣，香味十足。份量以下午茶來說尚算合理。牛肉大約有四至五片，唔韌有咬口但無咩肉味。河粉滑，炒得夠乾身，而且條條都上哂色。川醬辣味十足，十分惹味。整體不錯，不愧稱之為「必食獲獎」。T04 法式紅酒牛腩飯（$49）呢個十分失望，餐廳話哂以牛腩作賣點，但係呢碗紅酒牛腩真係唔得。一上枱見到啲牛腩咁瘦，立即心知不妙，試食一件，肉質又韌又柴，而且又無肉味，同煲湯瘦肉沒有分別。前後有四件，件件都一樣咁差。另外碗白飯都不是太好，偏濕，軟淋淋。下午茶包熱飲一杯（凍飲+$3），如果兩款都係同價錢，絕對食牛河好過牛腩飯。