潮福蒸氣石鍋 (Closed)

早前的韓式的多重蒸氣鍋紅極一時，但由於本人會覺得咁多的海鮮一起蒸時，最底層的應該會蒸過龍不夠鮮味，所以一直沒打算試。反之近來出現了很多中式蒸氣鍋專門店，他們都是打著新鮮真味為主，以每次只蒸一海鮮。所以今次去了家附近的潮褔試試。海鮮種類繁多，全部都是新鮮的，海鮮檔上就列出今天供應之種類及價錢，很清楚。選好海鮮就回座位上等。而餐桌上就有個用籐做的蓋，蒸氣就是從煲底的氣口出。店員會先把米、南瓜及排骨放入鍋內，再加上蒸隔就展開鮮味行。- 南非龍蝦我們選擇以蒜蓉來清蒸，需時五分鐘。很快就蒸好便馬上品嚐，果然肉質十分彈牙又清甜，加上蒜香細作調味，不失龍蝦之原味。- 南非鮑魚食肆建議以陳皮蒸，所以別無他選下就試試。這需時六分鐘。蒸出來陣陣陳皮香，而鮑魚肉質亦彈牙。- 花竹蝦尺寸長度足有成人手掌之長，這需要蒸五分鐘。不過就沒有加調味料來蒸，但是清蒸更能食得出海鮮真味，果然在沒有調味下，反而更鮮味，肉質爽口彈牙，不錯。- 南瓜排骨粥這鍋粥吸收了剛才的海鮮精華，南瓜亦滾到爛，完全溶於粥中，食落帶甜味，排骨肉質也非常軟腍。一鍋大約有六碗，能食得飽飽。…Read More

最近新興海鮮蒸氣石鍋，之前有雜誌介紹過都很有興趣試食，適逢住家附近有一間新開張的酒家，主打蒸氣石鍋，便到來一試究竟。每一枱都有一個蒸氣石鍋，上面有一個疑似"草帽"的蓋，細問之下原來是用籐織的蓋，蒸煮食物時不會産生「倒汗水」；石鍋看不見水，因為枱底放置了一大瓶蒸餾水，再泵出來製造蒸氣的。 點海鮮可以到餐廳內的海鮮櫃，店員會將所有時令海鮮陳列出來讓客人自行揀選，然後就在客人面前秤一下重量，不會「被呃秤」。自助醬料區： 拍青瓜海蜇：吃蒸鍋前先來個小吃，青瓜夠爽脆，醬汁較酸，很醒胃的前菜。 生劏大龍𧄌：點了一件約10兩的龍𧄌，盛惠$200，上菜前先切件再加了一點薑蔥，大約蒸約6分鐘，蒸煮後的龍𧄌肉質有彈性，魚皮有很厚的膠質，非常清甜。 清蒸和牛：揀了細份量的清蒸和牛片，其實還可以揀和牛粒，不過店員說和牛片較好吃，盛惠$198，其實蠻抵食的，雖為細份量，但仍非常大碟，三四人分享都夠。 清蒸和牛其實還是第一次食，以為用蒸的方法煮和牛會帶不出牛肉的香味，但原來清蒸把牛肉味都鎖住了，而且肉質非常嫩滑。 油脂分佈均勻： 清蒸北京水餃：一籠有八隻，似是新鮮包製的，水餃皮薄如紙，餡料擠得滿滿，肉夠新鮮，真是工夫之作。 生煎翠肉包：食過清蒸石鍋，想吃一點澱粉質飽肚，要糯米飯又好似太飽，所以試這個生煎翠肉包，$48就有半打，大件夾抵食。餡料似菜肉包餡，包底煎得很脆，咬下去仍是熱騰騰的，肉汁夠多，不過飽邊很厚身，不過酒樓貨尚算不錯。 蒸氣石鍋餐牌的有正價八折，埋單比想像中便宜，另外點了其他海鮮及小菜折合二人$7xx，都蠻抵食的。…Read More

有一排無食蒸氣鍋, 發現原來青衣開左間潮福, 我知旺角點經常排隊, 所以咁近屋企有間一定要去試下. 呢度就響長發商場頂層, 大大個名唔會搵唔到.預早訂定7點, 唔洗等可以直入, 編排卡位位置, 酒樓都有卡位個人非常滿意, 坐得好舒服. 另外一貫蒸氣鍋既草帽鍋.安頓完侍應叫我們可以出去揀海鮮, 海鮮價格一覽表清楚易明, 種類都幾多.原來8:30前入座8折, 8:30後入座7折, 抵好多."日本大元貝"$68隻, 確實非常大隻, 入面元貝都好大粒, 味道鮮甜爽口, 底層有粉絲, 海鮮精華完全吸收."花竹蝦"$38/兩, 又係好大隻, 成隻筷子咁長. 肉質爽口彈牙, 夠晒肥美, 蝦頭既膏好鮮味."南非龍蝦"$98/隻, 每人有半邊, 開邊後仲好多肉, 鮮甜爽口, 呢個價錢非常抵食."南非鮑魚"$68/隻, 雖然唔算太大隻, 但肉質夠飽滿肥美, 彈牙鮮味濃.另外響餐牌再叫肉類"四寶丸"$98/8粒, 分別有蝦丸, 墨魚丸, 豬肉丸, 鯪魚丸, 粒粒都夠大粒, 蒸完夠爽口彈牙."清蒸什菜"$78, 什菜有生菜, 娃娃菜, 菜心等, 清蒸點D豉油已經夠晒味, 清清腸胃.最後仲有生果送, 西瓜唔會太甜, 夠清涼爽口.呢度全程有侍應幫手蒸野, 所以唔洗自己郁手, 非常好. …Read More

一直都好想試潮福那個蒸氣鍋, 經常見到廣告, 那個好像越南帽子的鍋蓋很有趣, 而廣告又寫到了可以鎖住蒸氣那麼特別, 今日終於約到朋友去吃啦.青衣店有落地大玻璃望到商場, 很有氣勢. 店子有一個海鮮檔, 友人很喜歡吃海鮮的, 立即走去選. 如果吃蒸氣鍋, 八點前埋單有8折, 八點後入座有7折, 計番都幾平. 先點了一隻特價龍蝦, $98/隻生蒜加炸蒜鋪面, 因為新鮮所以很爽口, 龍蝦肉一撕即成隻脫殼, 啖啖肉好味.個鉗呀, 蒸完有少少水份係入面, 精華咁, 好鮮甜竹花蝦, 2隻共6兩, $228一想到蒸氣鍋一定要吃蝦啦, 定律黎. 侍應推介吃竹花蝦, 友人又爽快說好. 侍應隨手在水池中拿了2隻, 見到幾大隻, 磅完才知每隻比特價龍蝦更貴. 貴的原因是真心好大隻, 用竹簽穿著大到好似食緊雪條咁. 竹花蝦雖沒有小蝦般爽口, 但獨有的蝦甜味是小蝦不能比的. 雖然銀包滴著血, 咁好味大隻, 就偶爾豪一豪啦. 美國石蠔, $116, 2隻石蠔逐隻計. 美國石蠔很大隻, 蒸完味道比較淡, 就是吃啖啖肉的口感元貝, 2隻, $136其實呢度的海鮮都好大大份, 元貝是加蒜蓉粉絲蒸, 炸蒜味道有點搶, 撥開後吃很鮮甜. 元貝己經切了帶子位, 吃得方便. 群邊位很乾淨, 吃下去比元貝肉更有鮮味龍躉, 10兩, $180很少吃龍躉, 所以沒有太深印象. 今日試完真係要推介一下. 魚肉一排排在蒸架上, 熟了的賣相很油潤很雪白, 望到都流口水, 感覺魚油已經充份流落一會兒的粥底裡. 吃一口魚, 皮底骨膠原爆重, 吃完個咀唇都有少少黏. 我原本沒預計魚肉咁好吃, 所以都沒仔細看是什麼部位, 還是龍躉每個部位都咁好吃呢??蒜蓉蒸勝瓜, $78友人最後又加點了一個蔬菜, 我就飽到吃不下了. 勝瓜拿到來, 有點驚訝, 好大盆, 塞都滿一滿. 熟蒜鋪了面, 雖然味道還是有點搶, 但依舊撥開了就ok . 勝瓜蒸的幾淋身, 味道清新. 份量很多, 如果有半份就好了.南瓜排骨粥, $60最後是戲玉, 我們一早點了的排骨粥己經預先放了在爐底. 沒有加水的情況下, 竟然己經變成粥. 呢個爐都幾神奇. 粥底幾香, 主要都是南瓜的香味, 海鮮味道就不重. 八折後埋單八百元左右, 是竹花蝦有點貴把價錢拉高了, 其他都不錯.…Read More

早前因蒸氣石鍋的熱潮去過一次西環的潮福，吃過還不錯。這次同Team的同事說想吃海鮮，由於在葵興那邊上班，便雙雙去了青衣的潮福分店。青衣分店位於長發商場5樓，整個商場的人流也不多，可是正正在旁邊已有另一酒樓在經營，其餘樓層也有食肆，地理位置不那麼好。地方大，座位空間合理，蒸煮也有專人服務；這是潮福最有名的草帽石鍋，蒸爐氣力十足，蒸出來的火候特別好。海鮮明碼實價，即選即秤，絕無海鮮價。各樣海鮮樣樣生猛，花竹蝦超級大隻，還約4兩重，比整隻手掌長出一大截，與左邊的海蝦相比即時高下立見。蒸氣海鮮的餐牌有兩頁，除了價錢，還有建議的蒸煮時間，雖然不用我們自己處理，可是也可參考。醬油茶錢收費$12元，雖然吃海鮮原汁原味比較好，但我那種付了錢便不浪費的心態，卻令我倒了滿滿的醬汁，果真浪費。特價龍蝦只售$98元一隻，切開兩邊，二人只需要點一隻便可，可選擇清蒸或蒜蓉蒸煮；龍蝦即叫即劏，非常新鮮，拆下來的時候還溢出鮮甜的肉汁，肉質爽滑彈牙，都有不少肉吃。花甲皇($168)1斤有16隻，殼太大，令到數量較少，感覺有點不划算，可是味道卻不錯；價錢雖不菲，但非常新鮮，花甲殼都乖乖全給我打開。花甲肉爽，蒸出來還帶淡淡的鹹水味道，就像天然的鹽巴一樣，根本不需其他調味料。美國石蠔($48/隻)用薑蔥蒸約八分鐘，蠔肉鮮甜而不腥，又是不用沾醬汁，所以醬油錢算是巧立名目的一環。順德新鮮污糟雞($148/半隻)肉質相當嫩滑，即使蒸煮時間太久也無損嫩滑的質感。整體味道鮮而且帶微微的紅棗杞子甜香。蒜蓉肉蟹蒸糯米飯($198): 肉蟹頗大隻，鮮甜厚肉，糯米飯滑粒粒分明，沒黏左一起，吸收了蒜香和蟹汁蠻香。比單點肉蟹更划算。八時半前入座還有85折，二人吃海鮮吃得非常飽，每人只需$400元左右，整體算是划算。…Read More

近期蒸氣火鍋這個熱潮可謂勢如破竹, 對於喜歡吃海鮮的我, 更加不容錯過, 最近得知原來潮福已經在青衣開了新分店, 已急不及待要來見識一下。店鋪寬敞闊落，加上裝修簡單企理，有圓檯之外, 也有四人卡位，同其他潮福分店一樣，近門口的魚缸內有多款生猛海鮮之外，另外也設有一個海鮮檔，放滿了各式各樣的海鮮, 當日所見有新鮮生蠔、海花蝦等等，食客可即時選擇自己喜愛的海鮮。是日點了排骨粥, 所以店員會預先在鍋底放入白米及排骨等食材, 當食用完海鮮後, 這些食材就會被蒸汽煮成粥。然後店員會在鍋底上加上一個分隔層，海鮮就會在分隔層之上用蒸氣蒸熟, 而不同的海鮮, 要用不同的時間來蒸熟。先來是生猛龍蝦, 龍蝦已開邊和鋪滿了蒜蓉，蒸熟後肉質爽口彈牙, 夠肉厚, 味道鮮甜，有水準。再來是花竹蝦, 蝦本身都算大隻, 蝦沒有霉味, 是出乎意料的新鮮,蝦肉鮮嫩爽口，好吃 。緊接的是美國石蠔, 單看外表已見蠔肉飽滿, 蠔肉厚身又夠滑, 蠔味好濃郁, 鮮味無比，是高質素的生蠔。也試試南非鮮鮑魚，鮑魚是原隻連殼上, 是日的鮑魚不算大隻，簡單的配合薑、蔥及蟲草花來蒸，肉質鮮甜而彈牙,是滿意之作。點了一客細清蒸和牛，店員將一片片和牛鋪在鍋內蒸煮，原來清蒸和牛也是唔錯, 牛肉肉質嫩滑, 牛肉味濃郁，肉汁豐富, 蘸點醬料提味已經很美味。最後店員翻開分隔層後，之前放入的食材已煮成一鍋排骨粥,有排骨的肉味, 也有其他海鮮的鮮甜精華, 因為放入了白米, 白米同樣煮成粥, 個粥其實都好大鍋。用蒸氣火鍋形式來食海鮮, 確實帶來一份新鮮感, 而且也充滿驚喜和鮮味, 對於海鮮迷來講是一大喜訊, 有興趣的話可來試試。…Read More

今次來到青衣潮福蒸氣石鍋搵嘢食，因為這裏的海鮮種類多元化。場內環境新正，座位設有卡座及大圓枱，家人或一班好友來都適合。每張枱上有一個竹帽形的蒸氣石鍋。海鮮蒸好，負責蒸海鮮的靚姐就立即協助拿出煮好的食物，態度友善，服務不錯。我們只需動口，不太需要動手。餐牌上有標示蒸煮海鮮的標準時間，給客人參考。晚上八點半 後入座可享全單七折。店內的海鮮新鮮生猛，是最當令的，而且各種海鮮份量十足。象蛂蚌$78隻，以蒜泥清蒸，粉絲吸收了鮮味，非常美味。我和朋友的至愛，鮮甜爽口的番薯蜆，$128一斤，約有十二至十三隻，每隻都很大，蜆肉肥美，抵食。南非鮑魚，$68一隻，用蟲草花蒸，頗有特色，鮑肉軟嫩，口感爽滑。花竹蝦$38一兩，一隻蝦約3兩半，蝦肉厚實，裏還有蝦膏，趁熱食最滋味。生猛龍蝦$98隻，兩人一隻都能試到它的鮮味。特色之選----蟲草花蒸鮮雞$148半隻，裏面選用走地雞，肉質鮮嫩，最欣賞加了杞子和紅枣肉碎，雞的咸味撞一點不朮突的紅枣的甜味，口感特別。最後一道是所有精華煮出的排骨粥，裏面有南瓜及珍珠米，在石鍋的底部煮了差不多有45分鐘。粥吸收了我們之前蒸了的海鮮的汁液，非常入味，值得一試。…Read More

我地兩個人叫左半隻蟲草花蒸雞($148) ，一隻龍蝦 ($98) ，一隻象拔蚌仔($78) ，一斤油花甲 ($148) ，叫完之後侍應就話冇啦，係咁多咋，唔叫多幾樣野食，不停推介令到我地覺得有點煩~~~由侍應幫我地放落去蒸同夾上黎比我地，首先食左碟油花甲，一斤大約有16隻左右，有一半都係有沙既，仲要唔係大隻龍蝦不過不失，象拔蚌仔細隻到不得了，蟲草花蒸雞算滑，但應該唔係新鮮雞最後要叫多窩蠔仔粥 ($68) 先覺得飽肚整體黎講，價錢太貴而不值，最後埋單亦冇比返應有既8折我地，要提佢話有折先再改單，種種原因之下已決定唔會再食呢間酒樓…Read More

最近知道青衣開咗新嘅分店，地方較就腳所以又再試一試佢嘅蒸氣石鍋今次青衣嘅分店名稱叫做朝福龍蝦專門店，相信佢哋嘅龍蝦一定唔錯。今次我哋主要食嘅事海鮮，因為睇見都覺得好新鮮好生猛。大大隻石蠔，分量十足蠔嘅肉質好厚肥，非常飽滿花竹蝦，非常新鮮，蝦身亦非常多肉鮮味，經過石鍋蒸煮後，不會過熟，火候調校得剛剛好接着就係元貝，元貝厚實，味道香甜，入口非常爽而有口感，再加上粉絲嘅點綴，更少畫龍點睛鮑魚，鮑魚肉質爽口，一點都不覺韌，爽口彈牙，再配合蟲草一齊蒸，更添層次還點了金菇粉絲，分量十足而且蒜香味濃， 非常惹味好戲在後頭， 粥底經過海鮮等食物嘅蒸煮後，吸收晒所有嘅精華，粥底軟綿綿，味首更非常鮮味餐廳嘅服務非常好非常細心，絕對同一般酒樓不同…Read More