潮發魚仔店

Open Now

Now Closed

**潮州三拼（鵝片、墨魚、大腸）** 鵝片真係無得輸！皮脆肉嫩，滷水香得嚟唔會太鹹，仲有陣淡淡嘅香料味，正到痺～墨魚夠晒爽口，咬落去「索索」聲，蘸少少蒜蓉醋更加開胃。大腸就處理得超乾淨，炆到淋淋哋又入味，個滷水汁撈飯真係一流！ **潮州菜甫涼瓜煎蛋** 呢個煎蛋有驚喜！涼瓜切到薄薄哋，苦味唔算重，反而帶啲回甘，菜甫鹹香脆口，同蛋香夾到絕。煎得外脆內軟，仲有少少焦邊，送粥真係無得頂！ **胡椒鹹菜粉腸豬肚煲** 個湯底飲第一啖已經想encore！胡椒味夠晒勁，飲完成個人暖笠笠，鹹菜嘅酸味平衡得啱啱好，唔會太搶。粉腸同豬肚都煲到好淋，完全冇異味，仲吸晒湯嘅精華，正到爆！ 整體嚟講，呢餐潮州菜真係夠晒地道，味道濃得嚟唔會過火，食完成個人都好滿足！

西灣河新開嘅潮發魚仔店店舖開喺大馬路附近非常好搵新開店嘅關係餐廳都幾企理同平時食開打冷嘅感覺有少少唔同可能新開 所以感覺幾乾淨同埋座位都闊落坐得幾舒服因為兩個女仔飯量唔大今次就試咗潮汕生醃花螺鍾意個靈魂醬汁唔會太鹹 調校出嚟味道啱啱好 唔會太辣但又帶到海鮮嘅鮮味潮州蠔餅呢個係我個人喜好 每次去食潮州菜都鍾意點有蠔嘅食物 蠔餅超大份 蠔仔亦都好大粒 新鮮加蛋香味 好好嘅下飯菜砂鍋海鮮粥點咗細份量 但係嚟到都幾大兜海鮮料十足 食到有魷魚蠔蝦蜆肉等等 好鮮

朋友喺港島區返工，搭車經過筲箕灣見到新開嘅潮發魚仔店，一睇個名就知店舖住打潮州菜，今日佢帶我去試下。我哋6點半去到，見到餐廳已經坐滿人要等位。好彩我哋只係等左一陣已經被安排到坐位，仲要係卡位，好開心，坐得舒服對我黎講係好重要。可能因為店係新開，所以店內所有嘢都好新淨，亦都好光猛唔會暗暗沉沉。我哋叫咗蠔仔肉碎粥、鵝片三併、普寧炸豆腐、豆醬炒通菜。蠔仔肉碎粥（一碗）（$68）開頭以為一碗一人嘅份量，點知係一個小窩。2個人每人分到2碗，蠔仔分量多，每碗都分到唔少粒蠔，蠔鮮甜、粥夠味唔會稀。鵝片三併（$238）我哋叫左鵝片、紅腸、墨魚。潮州菜唔可以少啲菜式。呢碟菜由擺盤到味道都好得。菜一上，見到閃令令，好有光澤，唔會乾淨淨。墨魚雖然唔係平時見到橙色邊，但比平時食的更彈牙，鵝片夠味，所有嘢份量好足。普寧炸豆腐（$88）豆腐炸得香脆，一啲都唔油。豆腐夠滑有豆味，我最愛炸嘢唔油而且香脆。要俾個like佢！豆醬炒通菜（$88）通菜炒得夠鑊氣，加埋豆醬夠曬嘢味。食左咁多嘢都唔使$500真係好抵，而且無收加一茶介，非常抵食。

價錢偏貴，食物質素OK。平日晚飯時段不用等位，樓上果層大枱多，已有幾張大枱客，細枱位較少，得3-4張。潮洲滷水拼盆鵝肉不韌，腸爽，大家不要叫豆腐，因為拼盤有豆腐放底，叫左就唔抵了😆。肉碎粥正常，小碗都夠兩人食，每人可吃2-3碗。炒菜都夠鑊氣。蠔餅不油膩，不過有部份蠔有D腥味。兩個人埋單$482，如果成日食都幾”拿利”，最大問題係無得簽卡，要比現金，價錢已經貴，連儲信用卡積分的機會都沒有，我再來食的興趣不大。

試過開張經過見到裏面冇人，未夠六點半過想嚟食晚飯，佢聲稱裏面訂曬位叫人企喺門口等，三十幾度熱辣辣， 唔想企喺度幫人做紙板公仔，果晚於是唔食走咗。今日經過見下午茶裏面有位就嚟試試，叫咗個42蚊鵝肉飯五蚊加豬髀 總共47蚊，以為好抵食，點知鵝肉嚟到 九成半都係肥膏， 面頭層皮毛多到食唔到，完整豬髀只有一片加幾粒碎，嚴格嚟講42蚊係酸菜半隻雞蛋一片豬畀飯。所以大家唔好俾 42蚊蒙騙。其實42蚊如果做唔到正常鵝肉飯就不如唔好做，一係收貴啲，無謂搞碗唔食得嘅嘢出嚟搵人笨搞到人失望北上消費。

西灣河新開店，第一次嚟食，我哋大約2045到，冇訂位，要排隊入坐，大約等咗30分鐘左右就有位，可惜好多嘢都賣晒。價錢有啲貴，我哋6人，叫咗6個餸。小炒皇必食， 好有鑊氣。 方魚肉碎粥都好味，湯底好正。其他餸都ok，家鄉米粉淡而無味，可以唔洗叫， 鵝六寶裏面嘅豆腐同埋花生係最正， 鵝腸係新鮮所以好爽好好食， 黑色薯仔牛柳， 薯仔牛柳都好淋， 潮州蠔餅就一般般，蛋唔夠香唔夠油。埋單1100左右。冇得碌卡，只收現金。