Video
Read full review
2025-07-18
554 views
朋友喺港島區返工，搭車經過筲箕灣見到新開嘅潮發魚仔店，一睇個名就知店舖住打潮州菜，今日佢帶我去試下。我哋6點半去到，見到餐廳已經坐滿人要等位。好彩我哋只係等左一陣已經被安排到坐位，仲要係卡位，好開心，坐得舒服對我黎講係好重要。可能因為店係新開，所以店內所有嘢都好新淨，亦都好光猛唔會暗暗沉沉。我哋叫咗蠔仔肉碎粥、鵝片三併、普寧炸豆腐、豆醬炒通菜。蠔仔肉碎粥（一碗）（$68）開頭以為一碗一人嘅份量，點知係一個小窩。2個人每人分到2碗，蠔仔分量多，每碗都分到唔少粒蠔，蠔鮮甜、粥夠味唔會稀。鵝片三併（$238）我哋叫左鵝片、紅腸、墨魚。潮州菜唔可以少啲菜式。呢碟菜由擺盤到味道都好得。菜一上，見到閃令令，好有光澤，唔會乾淨淨。墨魚雖然唔係平時見到橙色邊，但比平時食的更彈牙，鵝片夠味，所有嘢份量好足。普寧炸豆腐（$88）豆腐炸得香脆，一啲都唔油。豆腐夠滑有豆味，我最愛炸嘢唔油而且香脆。要俾個like佢！豆醬炒通菜（$88）通菜炒得夠鑊氣，加埋豆醬夠曬嘢味。食左咁多嘢都唔使$500真係好抵，而且無收加一茶介，非常抵食。
我哋6點半去到，見到餐廳已經坐滿人要等位。好彩我哋只係等左一陣已經被安排到坐位，仲要係卡位，好開心，坐得舒服對我黎講係好重要。
可能因為店係新開，所以店內所有嘢都好新淨，亦都好光猛唔會暗暗沉沉。
我哋叫咗蠔仔肉碎粥、鵝片三併、普寧炸豆腐、豆醬炒通菜。
蠔仔肉碎粥（一碗）（$68）
開頭以為一碗一人嘅份量，點知係一個小窩。2個人每人分到2碗，蠔仔分量多，每碗都分到唔少粒蠔，蠔鮮甜、粥夠味唔會稀。
鵝片三併（$238）
我哋叫左鵝片、紅腸、墨魚。潮州菜唔可以少啲菜式。呢碟菜由擺盤到味道都好得。菜一上，見到閃令令，好有光澤，唔會乾淨淨。墨魚雖然唔係平時見到橙色邊，但比平時食的更彈牙，鵝片夠味，所有嘢份量好足。
普寧炸豆腐（$88）
豆腐炸得香脆，一啲都唔油。豆腐夠滑有豆味，我最愛炸嘢唔油而且香脆。要俾個like佢！
豆醬炒通菜（$88）
通菜炒得夠鑊氣，加埋豆醬夠曬嘢味。
食左咁多嘢都唔使$500真係好抵，而且無收加一茶介，非常抵食。
Post
