潮發魚仔店

Open Now

Now Closed

📍同幾個舊同事約咗喺西灣河食飯，揀咗間新開慨潮州打冷小菜館，位置方便，裝修新淨，坐得舒服，唔收茶錢又唔加一，真係幾抵💡🍴叫咗一枱餸，款款都幾有驚喜：🦐南澳蝦醬啫啫魚卜芥蘭 一上枱就聞到蝦醬香味，魚卜滑溜唔腥，芥蘭爽脆，蝦醬唔會太鹹，啫啫煲仲熱辣辣，好吸引。🧆普寧炸豆腐 外層炸到金黃香脆，入面豆腐滑得嚟又有豆香，配埋甜酸醬汁，簡單但好味，幾啱做前菜。🦢鹅三寶（鹅肉 / 鹅肝 / 鵝腸） 三款鵝製品一次過試晒，鵝肉嫩滑唔鞋，鵝肝香濃唔膩，鵝腸爽口有咬感，配埋醬汁一齊食好夾。🌀生醃花螺 花螺新鮮，醃得啱啱好，唔會太重味，醬汁微辣帶出海鮮鮮味，食落去好爽口，幾開胃。🔥潮發小炒皇 材料夠豐富，有蝦仁、魷魚、腰果、青紅椒同芹菜，炒得夠鑊氣，香口惹味，送飯一流。🥬鹹排骨春菜煲 排骨鹹香入味，春菜煮得啱啱好，湯底清甜，食落去有啲似屋企煮嗰種感覺，好窩心。🦪潮州蠔餅 蠔仔大粒又新鮮，外皮煎到香脆，蛋香濃郁，咬落去啖啖蠔肉，食完真係好滿足。🍲蠔仔肉碎粥 粥底滑溜，蠔仔鮮甜，肉碎加埋芫荽香味十足，一碗份量唔少，暖笠笠好舒服。📝呢間新開潮州菜館真係幾有水準，菜式有傳統味道又唔失創意，價錢親民，

我好鍾意食鵝片鵝腸，朋友介紹呢度超級正宗又好味嘅潮州菜。果然冇介紹錯，呢度嘅鵝片同鵝腸真係非常之好味！！滷水雙拼叫咗鵝片拼鵝腸，鵝片都算新鮮嫩滑切得都好厚切好有口感。未試過食咁爽口彈牙嘅鵝腸！！下面再配埋滷水豆腐同花生，唔使另外叫。滷水豆腐吸飽秘制鹵汁，表皮微皺卻內裏柔嫩，切面如白玉嵌著深褐鹵紋，入口好有豆香。另外叫咗個小菜同埋炒嘢：黑椒薯仔安格斯牛柳粒，牛柳粒煎得焦香，黑椒汁裹著飽滿肉粒。薯仔吸足黑椒的辛辣與牛肉的濃鮮。乾炒安格斯牛河，安格斯牛肉切得好厚肉，配埋豆芽脆嫩、韭黃清甜，河粉滑韌、牛肉香嫩，好有鑊氣。

今次嚟到筲箕灣搵潮州菜，見到網上好多人推介呢間潮發魚仔店，梗係要一試！餐廳有兩層，樓下已經坐滿，幸好上到去二樓，環境都幾整潔舒服，店員態度都OK，招呼得體。主打鵝片拼鵝腸（$198），份量十足，鵝片厚身，滷水味夠晒入味，底下仲有滷水豆腐同花生，食落層次感豐富，啱晒鵝迷。潮州蠔餅（$128）蠔仔份量唔少，蠔🦪有大有細，配上粉漿、雞蛋一齊煎，外脆內嫩，帶有潮汕風味。方魚肉碎粥（$68）胡椒味突出，粥底滑溜，配料有大地魚乾、肉碎、蔥等，鹹香兼帶鮮味，飲完暖笠笠好有驚喜。同埋佢一碗都幾大碗，可以分到四小碗👍豬油炒菜心（$108）就最啱送飯，豬油渣香脆，菜心新鮮，賣相都幾吸引。整體來講，筲箕灣呢間潮發魚仔店真係值得一試，鍾意食潮州菜嘅朋友唔好錯過！

今日打完波同朋友搵嘢食😬發現筲箕灣有間好好食既潮州菜館🍴餐廳乾淨闊落而且選擇多😋質素重要係幾高👍🏼-🪿自選滷水兩拼我哋就揀咗鵝片同埋墨魚😋肉質柔軟多汁鵝皮油潤🪿而且食落口散發淡淡嘅香醇味道🤤墨魚厚薄均勻🦑口感爽彈得來非常鮮味-🦐小炒王鮮嫩嘅韭菜花炒得非常爽脆👍🏼加埋大大條蝦乾同埋彈牙鮮蝦🦐仲有脆卜卜腰果同鹹香菜脯😋材料豐富之餘鑊氣十足-🐟魚飯（烏頭）魚飯有好多種魚可以選擇🐟而我就私心推薦烏頭😋烏頭魚魚肉夠厚👍🏼厚得黎肉質細滑而且滲出好香嘅魚油🤤-

過海做嘢做到肚餓，突然勁想食打冷！朋友話筲箕灣新開咗間潮發魚仔記好正，梗係要去試下啦。一去到電車路，遠遠就見到大大個招牌，完全唔使搵。入到去，環境幾光猛闊落，坐得舒服，完全唔似一般打冷鋪咁逼夾。坐低就梗係叫幾道招牌菜啦！鵝片鵝腎雙拼一上枱，嘩，啲香氣撲鼻，鵝片夠入味，鵝腎又爽脆，好快就俾我哋清哂，好味到無得彈！跟住嚟嘅潮州蠔餅都冇得輸，煎到金黃香脆，入面啲蠔真係大到嚇親，啖啖肉又鮮甜，真係超誇張！最後叫多碟豬油炒菜心，雖然係簡單菜式，但食得出有鑊氣，菜心清甜爽脆，食完好滿足。

今次同朋友去咗筲箕灣(近西灣河地鐵站)試咗一間熱門嘅潮州菜 + 打冷專門店「潮發魚仔店」。呢間餐館開咗冇幾耐，但當日平日夜晚去都要等位，證明喺當地居民之間非常受歡迎！客人有老人家，亦有年青人，氣氛都好熱鬧👍🏻我哋叫咗以下幾款推介菜式： 1. 南澳蝦醬啫啫魚卜芥蘭煲 $168 魚卜鮮甜，充滿膠質，蝦醬嘅鹹香味滲透每一啖食材，芥蘭煮得嫩綠爽口，再加上啫啫煲嘅香氣，配白飯一流！ 2. 沙茶醬芥蘭安格斯牛肉炒河粉 $138 呢道菜完全係正宗潮式風味，沙茶醬香濃撲鼻，牛肉嫩滑，河粉炒得乾身又唔油膩，撈住沙茶醬食，一啖接一啖！ 3. 鹵水鵝肉三拼 (拼墨魚同鵝腎) $198 鹵水汁調味岩岩好，鵝肉嫩滑，墨魚爽口彈牙，鵝腎脆而不韌，三拼嘅配搭好豐富，份量都唔少，幾抵食👍🏻呢間餐廳無論係出品定氣氛都非常值得一試，特別係想搵正宗潮州菜嘅朋友，呢度一定會啱你口味！下次再去有機會試埋其他特色打冷菜式！🔥 🍽️ 潮發魚仔店筲箕灣筲箕灣道192號地舖

呢間餐廳環境光猛企理，主要食潮州菜為主，我地叫左鵝肝半份，鵝肝厚實又嫩滑，口感滑溜，小編最愛之一，加埋滷水豆腐同花生底。呢度必食推介係炸蠔餅，脆炸蠔餅唔係好厚料，用左大大粒圓潤既蠔肉，平時食既蠔餅蠔肉比較細粒，呢度既比較飽滿大粒，咬落好有口感足料。沙嗲芥蘭炒牛河用左安格斯牛肉，沙茶醬味濃郁，河粉比較幼滑細條炒到入味份量都好大碟。鵝腎叫左一份，鵝腎用左大隻鵝肉既腎食落比較煙韌彈牙同大片。呢度仲有各式新鮮魚類放響門面附近供客人選擇。

🌟🍴 【西灣河 •潮發魚仔店 】 🍴🌟 📍 潮發魚仔店筲箕灣道192號地舖🍖🥟🍟🥚🍰🍲🍇 • 🥪🍓🍤🍪🍜🍡🍹 潮州家鄉炒米粉 🍜炒米粉香氣撲鼻，米粉爽滑Q彈，配料豐富，有蝦仁、叉燒同青菜，炒得乾身又入味！🔥 調味啱啱好，帶點鑊氣，令人一試難忘。😍 8.5/10椒鹽九肚魚 🐟九肚魚炸得金黃酥脆，外皮香脆，內裡嫩滑，椒鹽調味香辣適中，微麻嘅風味好開胃！🌶️ 每咬一口都係滿足感！😋 9/10鵝肉（雙拼） 🦢雙拼鵝肉真是一個驚喜！🐾 燒鵝皮脆肉嫩，汁多味濃；滷鵝入味，肉質軟滑，滷汁香氣四溢。🥄 配上酸甜梅醬，完美！😍 8.8/10鵝腸 🦴鵝腸爽脆可口，處理得乾淨無腥味，炒得火候剛好，保持彈牙口感！🥢 調味簡單卻突出食材鮮味，超讚！👍 8.7/10潮發小炒皇 🥗小炒皇真是一個大滿足！🦐 蝦仁彈牙、魷魚爽脆、腰果香酥，配上青紅椒同芹菜，色香味俱全！🌈 醬汁微甜微鹹，超下飯！🍚 9.2/10新鮮菠蘿咕嚕肉 🍍咕嚕肉酸甜開胃，菠蘿清新多汁，豬肉外酥內嫩，醬汁濃稠掛得均勻！🍖 甜酸平衡得宜，令人一口接一口！😋 8.6/10海鮮砂窩粥 🦑粥底綿滑，煮得夠火候，海鮮新鮮到爆！🦞 蝦仁彈牙、帶子鮮甜，仲有

呢晚收工同屋企人黎到筲箕灣食潮州打冷😍😍一大班人最岩食小菜😌平時好少去到咁遠，但地點非常方便一出地鐵站行5分鐘就到了🥰店舖環境又大又舒服仲有兩層添呀，門口位置擺左好多新鮮食材☺️店員服務都好細心，上餐都好快🔥我地點左6樣小菜，潮州家鄉炒米粉、椒鹽九肚魚、鵝肉+ 鵝腸（雙拼）、潮發小炒皇，呢幾樣基本上都必點架啦😆佢地火喉真係好夠～所以小炒類一定要嗌！而鵝肉鵝腸勁多汁，又爽口，吸收哂滷水汁，好岩撈飯🤤🤤椒鹽九肚魚，一d都唔油膩，好香口食到停唔到口😋菠蘿咕嚕肉，外脆內軟，就算慢慢食擺耐左都唔影響食物質素～出色！🥰海鮮砂窩粥，期待已久～好足料，有蝦、魷魚、蠔，粥底好鮮味，潮州粥特色係點滾都保持住粒粒米飯～好有咬口🤤🤤💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡潮州家鄉炒米粉椒鹽九肚魚鵝肉+ 鵝腸（雙拼）潮發小炒皇菠蘿咕嚕肉海鮮砂窩粥💛💛💛💛💛💛💛💛

朋友約我嚟呢度食飯，佢話有間幾正嘅潮州菜叫我過嚟試吓。離地鐵站好近，離遠已經見到好大個招牌。餐廳都幾大間，有兩層，裝修好新，晚餐都算多人。餐牌有好多菜式，除咗傳統嘅潮州菜之外，仲有啲比較新穎嘅菜式和小菜。鵝肉三拼有十幾款可以揀，我哋揀咗鵝片、墨魚片和紅腸。拼盤好大碟，鵝片肥美，肉質鬆軟。墨魚片爽口彈牙，紅腸真係好耐冇食過！仲有好多花生做伴碟。潮發小炒皇而家越嚟越少地方有小炒王食，有韭菜、蝦仁、芽菜、腰果、炸芋絲等等唔同嘅材料，食落去層次分明，鹹中帶點辣，好有風味！蠔仔肉碎粥有分一碗或一鍋，我哋叫咗一碗，但一碗嘅份量都好大碗，大概一個湯碗嘅份量。蠔仔鮮甜，加入肉碎，仲有芫荽嘅香味，好大粒嘅蠔仔好滿足呀！沙茶醬芥蘭牛肉炒煎米粉底（安格斯牛肉）餐牌上面原本係炒河粉，不過咁啱河粉賣晒，轉左尊米粉底，有驚喜喎！沙茶醬香濃，安格斯牛肉軟腍，芥蘭清爽，煎香咗嘅米粉底好酥脆，好有口感。

最近筲箕灣新開了一間潮州打冷小菜館，相隔幾個舖位，已經聞到店裡的滷水香，店面2層高，坐位寛闊，餸菜價錢定值親民，不用茶錢、不用加一，相當抵食，同時也最近成為我同屋企人的聚餐好選擇。👭🍽️😋👍🏻✨ 鵝片（$168），選用質感上乘的潮州鹵水鵝，鵝肉切得厚薄均勻，皮滑肉嫩，每一口咀嚼時都會感受到鹹香甘甜的滷水香，真是越嚼越香。放在鵝片底的潮洲鹵水豆腐和花生，也是充滿特色風味。🪿🥓✨ 潮洲蠔蛋（$128），蠔餅超過10隻蠔，每隻蠔的大小約1蚊銀的大小，新鮮飽滿、無沙無腥。外皮煎得金黃香脆，內裡蛋香濃郁，蠔肉彈牙多汁，難怪是人氣熱門之選。🦪🍳✨ 沙茶醬芥蘭牛肉沙河炒（$138），沙河粉炒得乾身不油膩，鑊氣十足，河粉幾彈牙，沙茶醬舖在河粉上濃郁開胃而且很邪惡，牛肉嫩滑入味。🍝🔥✨ 方魚肉碎粥（$68），潮洲粥的特色是米飯和湯粒粒分明，加入方魚和肉碎提鮮，粥底的魚湯很鮮甜，整碗粥原汁原味食哂。🐟🍲

朋友呢晚帶咗我嚟呢間喺筲箕灣嘅潮州菜館食晚餐🤣$68「方魚肉碎粥」：有一碗同一窩可以揀，我哋揀咗一碗，一碗原來已經好大碗，份量好多🤩；有方魚又有大量肉碎喺裏邊，典型潮州粥，好味🤣$148「潮發小炒皇」：材料包括新鮮爽脆嘅韭菜花、肉質結實嘅蝦仁、蝦乾、脆脆哋嘅魚乾仔、腰果等，全部一齊炒，香口惹味又好食🤣$198「鵝肉拼鵝翼豬頸肉」：好大一個圓碟，份量相當多🤩；滷水鵝肉滷得好入味，鵝肉肉質軟熟🤣；鵝翼都係滷得好入味，仲喺中間斬開咗，咁樣食得好方便🤣；豬頸肉勁腍，又甘香🤣；仲有啲滷水豆腐同埋滷水花生可以食🤣$108「拍蒜頭方魚炒芥蘭」：芥蘭菜新鮮爽脆，加埋蒜片同方魚一齊炒，咁就更加惹味🤣；仲有，份量亦都幾多🤣我哋食得非常飽飽嘅一餐🤣

潮發魚仔店筲箕灣新開主打潮州菜, 當日去爆滿離開時見排長龍餐廳分上下兩層, 建議提前訂座銀菜豉油皇炒麵 $108簡單見不平凡, 是日MVP. 炒得夠哂鑊氣, 豉油平均包覆每條麵, 加左芽菜, 好香涼拌牛展 $68除左厚身牛展, 下面仲有好多手拍青瓜. 加左檸檬調味, 幾fresh 新鮮菠蘿咕嚕肉 $128咕嚕肉調味剛好, 最喜歡佢仲有一排好甜新鮮菠蘿係一邊潮州蠔餅 $128應該用左雞蛋唔係鴨蛋, 所以唔似平時蠔餅個種酥脆, 比較似omelette. 蠔仔量唔少, 無腥味. 蛋漿混左粉漿口感有點軟蠔仔肉碎粥 $68一碗份量唔少, 粥底綿滑配上肉碎同份量唔少蠔仔提鮮筲箕灣筲箕灣道192號

在筲箕灣區，這店價錢偏貴 。點了鵝片、煎蠔餅 。前者Ok，比較淡口，肉有點老，不算太入味 。用豆腐片墊底，約$198 ，真的不平宜呢！蠔餅是水準以下。蠔太大隻（是否韓國蠔？） ，未試過潮州蠔餅用這麼大隻的蠔，比對蠔仔，口感差了，因為蠔仔細弓，蛋包著，比例會剛好；蠔太大隻，似在食蠔。還好蠔不腥。蛋漿明顯混了太多粉，有點乾硬，味道欠了點胡椒粉提味，質感比不上在家煎蛋餅 。而且這蠔餅似非現造，是翻熱（重炸）食物 。吃過既潮州食店來說算差 。沒有回頭率 。

Good 第一次食呢間喺筲箕灣嘅粥粉麵飯嘅好食啲白粥好正，仲要係好入味完全係感受到我用咗好多時間去整嘢佢哋式嗌晒大家揀同埋佢哋嘅雙拼飯都係好食嘅全部都係全場所有嘅雙拼都係滷水嘅足料同埋十足食完都未飽嘅環境好乾淨唔污糟好維修嘢好耐就已經有得食真係食勁飽佢哋都搵到間餐廳唔會話好難先至搵得到有興趣嘅話可以揀呢間我都覺得好唔錯服務質素好價錢會好貴都係嘅潮州菜打冷嘢所以如果有興趣食呢類型嘅朋友就一定要揀呢間呢間絕對唔會令大家錯過