海景海鮮酒家

Open Now

Now Closed

今日一行8人，先去荃灣楊屋道街市買海鮮-西澳龍蝦$180/斤約2斤-愛爾蘭聖子$160，8隻-台山桶蠔$118-龍躉頭腩$5/両，2斤半共$200-爆膏膏蟹$240/斤，約$380-扇貝$80/斤，8隻$150-花螺$118/斤再開車入流浮山，原本目的地後邦記，無訂位無位。行去對面海景酒家試一試，果然有驚喜。屋企人指定要豉油王龍蝦，酒家呀姐話未試過咁整，一試正到不得了，個個讚不絕口。$240/斤爆膏薑蔥膏蟹真係爆曬膏，個個都話未見過咁多膏，真係一分錢一分貨。豉汁炒聖子師傅掉啲殼，冇墊返啲殼落去用個細碟上，無乜睇頭，但味道不錯。蒜蓉粉絲蒸扇貝就最抵食蒸得又好食台山蠔今次細隻得滯，咬起上嚟無乜口感，但炸得都ok。 白灼花螺大隻得來冇乜口感。可能一次過上了幾個海鮮花螺就攤凍晒。又值得一提嗰個龍躉炆頭腩都好超值又好食。加咗個咕嚕肉同白灼唐生菜唔錯。買料$1510咕嚕肉、灼唐生菜+5罐汽水+加工費共$1140共$2650個個覺得好超值👍👍👍再去元朗食飯個B 仔涼粉。

為左慶祝母親節我地一枱8人黎左流浮山食海鮮！呢間已經黎左好多次，有時係自己買料，有時係食佢地啲料。今餐同樣好高質！豉油蝦又係勁高質！啲蝦好新鮮，肉質彈牙，份量又大！個蝦頭仲有唔少膏，食落勁香勁爽🤩龍蝦伊面啲龍蝦勁彈牙！而且勁大份，我地八個人都食唔曬要打包走！呢到既魚同樣勁新鮮肉質好滑，配埋冬菇同西芹食真係好夾🤣扇貝好新鮮好大隻！最後每人四百幾蚊埋單，平時會平啲既，今次母親節先貴番啲；但食物質素同味道真係好高質！推薦！一定會再番黎架！

海景的水準一直都沒變,非常美味😋😋環境設施清潔,坐得舒服。今日我吔得兩個女孩子,伙計的服務態度好好,不會強迫你叫多啲,只會為你想會不會太多👍👍去流浮山一定去海景😋

老細請食飯梗係要就腳揀返元朗附近啦！今次揀咗流浮山，流浮山最出名就係食海鮮啦！咁有同事食開有相熟嘅海鮮舖頭，梗係去幫襯下啦！今次去咗呢間海景海鮮酒家，都係散嗌嘅total係人均$400左右一個海斑兩味咕嚕肉炸生蠔椒鹽鮮油蒜蓉蒸鮑魚蒜蓉粉絲扇貝海鮮炒飯海鮮湯豉油王海中蝦整體好夠鑊氣！最好食嘅係海斑兩味同豉油王海中蝦！基本上呢兩款都係流浮山每一間餐廳都有嘅嘢！佢鑊氣夠用猛火去走油再炒，基本上係冇得輸！所以今次係非常之滿足！大家有機會都可以試吓呢間！

今次第一次嚟到流浮山食海鮮🦞估唔到又幾抵食喎！侍應會推介啲當做時令海鮮俾我哋啲嘢大大碟，又夠新鮮🏊🏻唔單只係海鮮好食，啲中菜小炒都炒得好夠鑊氣。聽到隔離枱嗌左碟鹹魚炒飯🐟平時鹹魚雞粒炒飯就聽得多，淨係鹹魚炒飯真係未試過……試左又真係幾好食，啲飯粒粒分明又好煙韌。相都影唔切，因為已經俾人分曬黎食😵‍💫埋單每人三百幾蚊，都食咗成6-7樣海鮮 (龍躉，鮑魚，奄仔蟹，大蝦，元貝，蠔豉）加小抄😋

流浮山的小店，每碟的份量足夠。龍躉兩食：龍躉炒西芹，龍躉的肉質鮮味，另外一是香煎焗龍躉骨， 龍躉骨被炸得香脆，很美味。豉椒炒蟶子，和別的店不一樣，已沒有外殼了，每一口都是鮮甜的聖子肉，好吃。而我最欣賞的，便是奄仔蟹，金黃色的蟹膏看下去以10分吸引，一口咬下去，蟹膏的香味在口腔裏四濺，10分有滿足感。酥炸生蠔也10分好味，外面的脆漿不厚，好肥美。蒜蓉粉絲蒸帶子也是一絕，我最喜歡吃的是粉絲，因為他吸收了帶子的鮮甜，蒜蓉的香味，很美味呢。

食海鮮不二之選海鮮有好多烹調方法呢間由細食到大次次有朋友係外國返黎都要點名去呢到食豉油王大蝦 啲殼入晒味好想食埋炒球炆骨冇得輸炆骨炸到啱啱好又可以保持入邊啲肉質嫩滑，加埋個芡汁炒球啖啖肉，配埋啲西芹蘿蔔，帶出海鮮嘅鮮味食過好多其他間 都係呢到最出色第一次叫切片鮑魚炒薑蔥，咁樣食法鮑魚唔會怕好un, 正炸蠔，卜卜脆。人均$500有找周邊小菜 aka咕嚕肉蔥油雞鹹魚炒飯炒菜一樣咁掂佢啲生菜係本地生菜，又綠又清甜

叫八樣嘢，大班兩味、龍蝦、扇貝、蜜汁蠔、生炒排骨、生菜、楊州炒飯！收我哋八人加工費$800，$1900百幾海鮮費用，楊州炒飯，生炒骨、生菜加兩支啤酒就四百幾，總共$3260！我問加工費點計出來，佢計嚟計去都計唔到$800出嚟，但係就要收$800，當我哋水魚咁，以後冇幫襯！同佢理論，冇得講，最後都係俾錢走人！大家小心因為佢加工費係冇標示價錢，任佢點講，佢話一斤龍蝦加工費係$150，3斤就收$450！

年多前大sir在一個飯局内，問我肥華，有乜野食物未食過而又好想食，我回應佢話想食流浮山金蠔，呀sir即刻話下次食飯，就去流浮山食金蠔，點知受到疫情及限聚令双重夾擊情況，呢個金蠔宴遲遲未能成事，等到呀Sir發炆憎，最终都忍耐不住公告天下，作實在7月9号在流浮山海景，海鮮酒家舉行金蠔加豐盛海鮮宴，是晚呀sir除了安排食主角蜜汁煎金蠔外，再柯打清蒸菓皮大鮑魚，粉絲蒜蓉蒸大扇貝，鼓油皇煎大蝦碌，羗䓤炒大肉蟹，鼓椒炒蟶子皇(米粉底)，再加一條清蒸大衫班，仲有隨餐附送嘅足料海鲜湯，清炒時菜，飯後生菓，咁嘅菜色該店又煑得相當好味，各出席同事都食得非常開心，都話多謝呀sir萬歲

流浮山的海鮮酒家賣的菜式大同小異，在自己無法判斷下，早就到某網站找出排列第一的海景海鮮酒家。​這家店下午一點半停止點菜，大概三點關門休息，我下午一點才下班，飛車而來。在車上已經想好要吃什麼，紅燒炆斑頭腩本來是我想吃又不敢點的，因為我們只有二人，點一條大魚怕吃不完，點小的做紅燒又怕不好吃，所以打算改吃蒜茸蒸扇貝。然而，侍應推薦紅燒炆斑頭腩，他說這是招牌菜，二人的份量也不會過多，這就不可錯過了！斑頭腩經過油炸，外層香脆，內裡的魚肉不差，但的確不夠鮮甜嫩滑，魚汁略少。重申絕對不是說它不新鮮，但並沒有遠道而來吃到特別新鮮的感覺，而且芡汁不夠，不過這道菜的確是我當天最喜歡，不至於敗掉招牌菜之名。椒鹽瀨尿蝦的炸蒜過咸，蝦肉不能沾太多蒜，但油炸的食物少有不好吃，我連蝦頭都吃掉。瀨尿蝦跟斑頭腩一樣，沒有不新鮮，只是不見得特別新鮮，肉質欠一點爽口彈牙。豉椒炒蟶子是當天最不滿意的菜式，芡汁的味道未能與蟶子融合，吃起來就像蟶子蘸豉汁吃，肉裡未能入味，而且欠鑊氣。朋友質疑蟶子是否新鮮，因為殼已被去掉，而且肉質有些過份結實。酥炸生蠔做出來的效果完全對辦，外層脆而酥化，生蠔美味多汁。唯一美中不足是蠔體偏細小，未能

服務好，食物好味，食物推介：酥炸生蠔，外皮脆，蠔新鮮，正！ 蒜容粉絲蒸扇貝，蒜味濃，粉絲大方，與大隻新鮮的扇貝互相輝影，加上豉油，簡直如虎添翼！還有炒飯，炒得好香，材料豐富，包括叉燒、蝦🦐......價格便宜，非常適合的海鮮酒家。

每年都會食一兩次流浮山「海景海鮮酒家」海鮮餐🤤，食材新鮮就必須㗎啦，加埋師傅煮菜鑊氣夠，調味恰到好處，大厨功架火喉一流！鮮魚湯••••••奶白色熱辣辣足料鮮魚湯，熬煮得好鮮甜，味道係好清嘅啖啖原魚香味，無落味精唔會重咸。炒斑球••••••斑球肉質爽滑彈牙🤩每塊都大大舊好好肉地🥳，配上西芹、紅蘿蔔、冬菇一齊炒，超好味！炆斑頭腩••••••十分香口嘅一道菜！斑頭腩先用油炸到脆卜卜，再拎去炆，無多餘芡汁，脆到魚旗都可以食埋之餘，魚肉仍保持嫩滑。豉油皇干煎大蝦••••••入味到想連殼食🤣精華豉油醬汁滲透蝦殼，唔吮嚟食對唔住自己😚蝦身大大隻，肉質鮮甜！豉汁炒蟶子••••••蟶子大隻好厚肉，豉汁炒超惹味😍鍾意佢唔會太咸太濃味，唔會蓋過蟶子鮮味。薑蔥炒蟹••••••味道係對味嘅，不過當日啲蟹唔多膏，偏細隻，滿足感一般。粉絲蒜蓉蒸扇貝••••••係原隻蒸扇貝！唔似長洲呃人切半㗎！店家無落過多豉油，只係俾少少已經足夠提鮮🤤粉絲分量大方，新魚扇貝唔使多講自然鮮甜無比❤️。清蒸鮑魚••••••火喉真係控制得好，鮑魚肉極鮮嫩彈牙！要知道蒸過頭鮑魚會變老變韌，好難嚼。不需要多餘調味，清蒸就足夠回味無窮☺️。酥炸生蠔

同屋企人一齊食海鮮！！！！！！好耐冇食啦～都係同屋企人先會食到既餐廳，自己同朋友真係吾會食哈哈因為真係有啲貴～～哈哈叫左1. 鹽焗蟹2. 炒聖子3. 炸蠔4. 炒菜5. 蒸帶子6. 瀨尿蝦鹽焗蟹係最中意既菜式！不得了 係因為勁多膏！食到真實蟹既味<3好幸福既感覺～瀨尿蝦同炸蠔都係我心中既第二三名次次黎都會食既！！因為全部都係自己係出面揀左再入黎佢幫你煮既所以都真係會好新鮮，但一定吾會平既～其實其他都好好食！因為真係好新鮮所以點煮都係好食😋

誰說海鮮只可以晚上吃？中午吃個海鮮餐、喝口冰凍啤酒，不僅身心舒暢，還有一整天時間慢慢消化，對胃部不會太大負擔。海鮮是在朋友店買的，再來好景海鮮加工。辣洒煮花螺、蒸大蜆、椒鹽賴尿蝦、豉椒炒聖子和蒜蓉蒸蝦，全都做得十分鮮甜美味。特別是辣洒煮花螺和椒鹽賴尿蝦，鮮甜爽口，做得很入味，令人一吃難忘。*海鮮小秘密：細心看，其實花螺上有一個小孔，讓人左手用竹籤固定花螺，右手用竹籤

每年年初一都會跟家人去流浮山食海鮮，真係好好食鮮蝦芝士伊麵，新鮮蝦開邊，清了蝦腸，芝士汁濃味，伊麵吸收了蝦精華，好好味龍躉兩食，西芹炒龍躉魚腩，魚肉厚身，又滑，泡油後仲好食。清蒸龍躉骨，好新鮮，沒有浪費，魚肉味鮮炸腐竹，因為食齋，所以叫了這款，香脆，豆味濃蒸鮑魚，剛熟，好滑又大件，鮮甜無比蜜煎金蠔，最有名的小菜，金蠔大隻，用蜜汁煎封，很香甜，而且不是蠔乾，仍食到有蠔汁，美味蒜蓉粉絲蒸扇貝，大隻，粉絲吸收了蒜汁及扇貝的鮮味