泰源大排檔

好耐冇入過火炭，今日特登走去朋友個band show，黎到火炭就毫不猶豫去咗泰源大排檔食雞粥同乳鴿，對上一次黎應該有10年。原來而家個大排檔都已經全部包好晒，有晒冷氣，所以夏天都唔會特別熱。我哋一行九個人，自然會叫乳鴿同埋沙田雞粥，其他仲有個蠔仔粥(個味同雞粥其實一樣)，沙嗲金菇肥牛煲，豉椒炒蜆，椒鹽豆腐，蝦醬通菜，西蘭花炒鮮尤，薑蔥魚雲，椒鹽墨魚咀。鑊氣同水準都唔錯，同10年前差唔多，亮點係個椒鹽墨魚咀，味道啱啱好，係送啤酒嘅良品。最後埋單每人$130左右，價錢以大排檔來講唔算特別平，但係一啲都唔貴，都算值得去。

泰源食宵是我以前讀大學必體驗的活動之一。今日我和一班舊同學們在附近做完運動後一起回來體驗一下。 我們一到門口就有位叔叔立即招持我們入座，但十個人被安排坐張大概能容納六個人的枱，真的坐得超勉強。加上枱與枱之間迫到企一企起身便撞到鄰座🙈不過周圍沒更大的枱容納我們也沒辦法。只好坐得親密一點吧。不過這店的菜真係抵既。這個餐($950) 食到個個都飽晒。明明大家因爲做完運動後都餓到不行。人多餸多，枱面幾乎沒餘位🤣個人最喜歡的一定是雞粥。又香又滑，水和米的比例完美。仲有好多件雞。食完立即添多碗。👍🏻蜆光是看都知超大份，而且大部分都有蜆肉。豉椒夠惹味。椒鹽九肚魚沒有不愛的理由。脆口的咸香其實唔點汁都夠味。西檸雞稍為遜色。炸粉不均勻。肉少兼肉味欠奉。有進步空間。西蘭花炒得幾清淡。硬度適中👍🏻。豆腐都算是外脆內滑，可是椒鹽味並不突出。墨魚咀幾爽口。但我已經很飽，食了一口就投降了。這個蔬菜粉絲煲意外受歡迎。裡面各款菜都齊全。煮得幾淋而且入味。湯也煲得清甜👍🏻這個蠔餅又是食唔晒。蚵仔的量很多。但我嫌煎得太乾。想沾魚露濕潤一下，但又變得太咸。🤔🤔另外我們帶了個蛋糕，佢地都好好人幫手雪藏，又借我們打火機。服務算

係天寒地凍的晚上，男朋友好甜心咁黎接我放工。為左解決呢個又凍又餓的situation，我，决定去食呢邊比較有名的大牌檔。先叫左一碟椒鹽鮮魷！椒鹽鮮魷的重點係炸得唔會太油膩同時唔可以太乾，呢到做到水準以上。另外，餐廳送左一碟椒鹽豆腐，豆腐炸得外皮香脆入內軟滑，都係水準之上。男朋友話想食下小炒皇，份量都唔少，不過就油膩左D啦，食落味道平平。天氣咁凍，當然要叫多份沙嗲肥牛粉絲煲，汁唔算特別濃，不過肥牛、金菇及粉絲的份量都幾多幾抵食。==============================鍾意我的分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

友人突襲沙田，諗唔到食咩之際，諗起以前入沙田係去食雞粥，咁就同佢地去啦。火炭依幾間大排擋，以前去津津較多，後來花先生話泰源好味道啲，所以今日就同朋友去泰源。我讀書既年代，一坐底就會送雞粥架⋯⋯ 依家無依支歌仔唱喇！咁唯有自己叫。粥底好綿，雞好滑，正！乳鴿兩隻，脆皮入味，略嫌有少少乾。豉椒炒蜆，份量都唔少，夠惹味。最緊要無沙！椒鹽白飯魚，香口野，唔會唔好食啦。原本話無雞粥送，但會送碟炸豆腐，無左影！最愛係雞粥！

今天突然相約朋友去食飯，我們剛巧在沙田諗住近近搵下晚餐，凍凍地就去了火炭食暖粒粒雞粥，乳鴿泰源都出名，我們又試下食。大大碗雞粥，又熱騰騰雞件又滑剛剛好，乳鴿每人半隻好野味。

夜空中雖沒有最亮的星，月亮也只代表了一半，情景是否美就只在乎仰望的人心裏所想的。大排檔就是可以令你有無限想像空間，我總覺得大排擋自由自在，不受時間打擾，也不受狹窄的環境而感到朿博，你可以大聲笑大聲叫。大排檔鑊氣也永遠是香港地道之作，高溫小油快炒香氣四溢，這應該生生不息世代相傳！這夜我們在火炭尋找大排擋風味，一到步就感受到叔叔的熱情招客，一論嘴介紹他的食肆，我們沒有推辭就試這家吧！豉椒炒蜆味道一般，蜆肉細仲有沙，的確有點失望金牌燒乳鴿略嫌火喉不夠西蘭花炒鮮魷有鑊氣魷魚新鮮爽口豉油王炒麵有豉油香，味道中規中矩生滾沙田雞粥粥底都好綿好香，雞就一般般啦！廚師海鮮小菜推介二款二人世界餐可供選擇我們離去時全場滿座，都話大排擋風雅多人喜愛架

今天全家入馬場玩，黃昏離場時，十分肚餓，又要計劃食晚食咩餸。可是今天MTR不提供馬場站列車服務，要來到火炭那邊搵食。沿著拗背灣街出口，來到這區有名的冬菇亭／大排檔，目標是雞粥，乳鴿。不是地膽，誤打誤撞之下，來到這家餐廳。有冷氣，我喜歡，還有膠帳篷阻擋路邊癈氣。　家人點了几款菜式後，先去洗手間，才開始今晚的美食。金牌燒乳鴿  肉質及味道正常。椒鹽鮮魷　魷魚炸皮不厚，而且炸得剛剛好，面灑椒鹽，很惹味。椒鹽山水豆腐　炸豆腐要沾上中間的香蒜辣椒才會更好味。雞粥　　　大大窩雞粥，與期望的生滾雞粥有出入。這個雞粥的粥底偏白，没有浮出雞油。而雞件的切口平滑，雞肉及雞骨是平口。母親大人會煮雞粥，知道生雞肉滾出來的雞粥是什麼顏色，更知道雞肉和雞骨煮熟後會變成什麼模樣。看著這窩雞粥，大家心照了！　可能是雞件問題，雞粥味道很淡。豉油皇炒麵　　每條炒麵顏色很平均，夠鑊氣。有芝麻，豆芽，韮菜，還有傳統的蒜蓉辣椒醬。不過更喜歡浸在雪白的粥內，一同撈粥。粉絲蝦煲　有菠蘿的蝦煲，沙嗲底，有沙嗲肥牛粉絲煲的感覺。鹽水浸蜆  有蜆有粉絲　喜歡這清清的湯底，但更喜歡蜆殼可以做筷子托。小白菜　這晚餐的膳食纖維。今晚埋單六百多

今日發現原來火炭都有大排擋相比起市區真係買少見少其實好多好食既野都在大排擋未入坐已經話送椒鹽豆腐唔送我都會食好香口雞粥好正難以形容既感覺覺得係全世界最好食既雞粥天氣凍食碗粥百般滋味在心頭菜恰到好處成碟食晒魔鬼魚就參差一點唯一食唔晒乳鴿熱騰騰一口接一口第一次食墨魚咀好似雞軟骨咁好好味4人套餐食到好滿足離開

星期六係火炭工廠區玩氣槍后，係附近食晚飯，同行朋友本身之前係中大讀書，佢推介了泰源。當時大約下午6點鐘到泰源，完全不用等位，但發覺有部分枱留起來，職員話有戲拍，後來發現係bobby 同大陸演員徐崢拍戲，第一次一路食飯一路睇人拍戲，好過癮。當晚叫左個兩人set, 有豉椒大蜆、椒鹽墨魚咀(用西蘭花鮮魷換)、雞粥同金牌燒乳鴿。另外，職員送了椒鹽豆腐一蝶。所有食物都好好味，除左椒鹽墨魚嘴，好油, 食左部分就無食。

玩完wakeboard就過黎拆餐勁嘅，去到門口一心R佢送瀨尿蝦，可惜失敗，只係送左穌炸豆卜。5個人坐低左，居然一口氣嗌左個8餸套餐再加送嘅穌炸豆卜，一共9個餸，最後就更係眼寬肚窄食唔晒啦。但都好抵食！要讚下個乳甲，juice又夠味，唔點野都好好味，肉又唔hi，食左3/4隻仲有穌炸9肚魚，唔會炸到好粉，熱辣辣入口好正，穌炸墨魚咀就麻麻地，炸完出黎唔太脆，可能翻炸卦。到菜啦，翠肉瓜同通菜都煮得太爽口，我個人中意lum身啲，由其是通菜。另外仲有牛肉粉絲煲同魚香茄子煲，不過太飽，最後外賣拎走。第2日食，都ok，係粉絲煲喊左小小。茄子煲至於送嘅炸豆卜都好好味，夠乾身唔會好多油！HappyEnding

請小巴司機指路，最近火炭大排檔的站叫我落，佢突然大嗌「玻璃屋落嗰個到喇」，我完全唔知佢叫緊我，原來火炭人都叫火炭熟食市場「玻璃屋」！行近就明，因為夏天天氣熱，大排檔開咗冷氣，掛了很多厚的透明膠布阻止冷氣流走，遠睇真係似一個燈光火通明的玻璃箱~舊同事早到先點菜，我下坐低已經有得食：蒜茸粉絲蒸蟶子──冷氣好猛，我遲到十分鐘左右，碟原先熱辣辣的蒸蟶子已經吹凍晒，筷子一夾，覺得面頭的粉絲有點乾硬化，但炸蒜好香好夠味~燒乳鴿──唔知係咪又關我遲到事，乳鴿皮咬落唔脆~蝦醬炒通菜──兩個字：好食！炸豆腐──早聽過泰源會送炒麵，隔籬枱真係送炒麵，但侍應大佬送咗碟炸豆腐畀我哋，咪睇佢外型又大又細鬼五馬六，外皮係好脆囉，裡面好嫩滑，咬落熱騰騰，係四碟餸中最出色的一味~要加餸，請侍應大佬介紹，佢sell炒蟹，但我食親蟹都整損嘴，大佬轉而sell蒸白鱔，但同行有舊同事唔食鱔，最後我哋點咗避風塘炒蝦。避風塘炒蝦──辣椒炸蒜等配料勁香勁惹味，但很遺憾，蝦肉完全唔入味，想食得有味，麻煩先啜吓蝦殼，至剝蝦肉食，或者直接夾炸蒜料落蝦肉到一齊放入口，咁就有味嘞~冷氣勁，愈食愈凍，想叫味熱的、濕的嘢食，聽見隔籬枱叫蠔仔粥，

作為一個正常香港人，一般都不會為吃大排檔而特意走到火炭，但由於星仔這個遊客今次跟父母來香港，而老人家又只愛吃中菜，所以即使適逢香港59年一遇的寒冬，我們也決定拜訪位於火炭的泰源。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊泰源位於火炭山尾街，距離火車站比較遠，但大排檔出面其實就是巴士總站。由於天氣寒冷，大排檔周圍即使拉上膠簾以擋風，但食客都不太多。畢竟當晚氣溫只有約三四度，膠簾也幫助不大，幸好食店入面還有一個用鐵皮搭出來的房間，所以我們當然也選擇坐進房間內，才感到沒那麼寒冷。由於我們一行七人，侍應就推介這個套餐($750)給我們，當中上下的餸菜可稍作調換，另外還多送我們一個豉油皇炒麵。 豉油皇炒麵(免費)粉麵份量頗多，絕沒有因為免費而減少份量，調味適中，麵條有油光而不會有過於油膩的感覺。 金牌燒乳鴿乳鴿有三隻之多，以此價錢都頗為划算。乳鴿皮入口微脆，肉質不會過鞋，整體不錯。 沙田雞粥雞粥一大窩，每人都分到一碗，雞粥煲得頗綿，雞味雖然不算非常突出，但也能到嚐到雞香味。 椒鹽山水豆腐椒鹽豆腐炸得外脆內滑，椒鹽份量適中，非常香口惹味。 京都骨雖說骨，但比較像豬扒多一

當日打算去伙食工業晚餐，不過太多人，最後就行番落大排檔食，巴士站對出有幾檔大排檔，我同朋友第一次黎食，正心大心細的時候，有個呀叔就企左出門口同我地招手.....半推半就我地就入左呢間叫泰源的大排檔......岩岩好有張細檯，岩哂~ 當日都算熱，不過入邊d冷氣都算幾充足~ 跟住執檯呀叔出場啦.......呀叔d態度呢......食呢d大排檔好似預左要俾佢X咁....早有心理準備，好彩其他伙記態度算正常~ 去大排檔重點係食物同價錢.....小菜平均$80個左右，比我食開果d貴一點，我地兩個人叫左椒鹽鮮魷鬚同蘿蔔牛腩煲，菜黎到時....發覺個煲仔同個碟唔算大，但係一check之後.....份量原來都幾多! 椒鹽鮮魷鬚好多條!!!!!! 堆到滿滿! 蘿蔔牛腩煲塞到成個煲都係! 牛腩份量都好多! 我地唔算大食，見到呢個情況....只叫了一個飯，好彩只叫一個飯，最後食到我地兩個反肚......味道呢?  椒鹽鮮魷鬚好惹味! 蘿蔔牛腩煲更加令我回味，蘿蔔入味，牛腩炆夠香又夠淋......無得頂~ 埋單$180左右，我就對呢兩道菜方面好滿意啦!

香港既大排檔買少見少，係火炭呢到就有一間泰源大排檔。大排檔既特色就係所有野全部都係即叫即整，夠火侯，有地道既特色。呢間泰源最出名既兩樣野就係炸乳鴿同埋雞粥。乳鴿即叫即炸，唔會太乾，入面仲有肉汁，熱辣辣之餘仲好好味，所以好出名，而且唔係bb鴿，都幾大隻幾抵食。另外既就係雞粥，雞粥係真材實料，入面有好多雞，所以d粥都有雞味，只係粥都已經好好味

同朋友機緣巧合黎到火炭, 又唔熟火炭有咩食.. 突然諗起成日聽到人讚既一間大排檔, 就即刻搵地址過黎食~!火車站行過黎大約15分鐘左右, 唔算難搵!行到門口已經有伙記出黎拉客, 好熱情咁招呼我地入去坐好耐無食過大排檔!! 位置唔會太舒服, 張枱係斜既~ 不過黎得食大排檔既人就一定唔會介意!有好多小炒同海鮮揀, 我地費事諗 就叫左個二人餐.. $268其實唔算平, 不過呢度咁出名, 就試下佢既手勢啦落單後好快就有野食啦先黎既係出名既雞粥, 雞好滑好有味, 特別鐘意佢既粥煲得好綿!!可惜雞味同粥味係分開既... 粥有少少淡, 要加胡椒粉一齊食炸乳鴿 .. 由細到大都係最鐘意食乳鴿 (:好鐘意佢炸既乳鴿既香脆度, 皮香肉嫩~! 有質素! 不過比較細隻~原本既西蘭花鮮魷 因為我同朋友都唔想食西蘭花, 改左用白菜炒落左唔少蒜頭, 不過唔夠鍋氣.. 一般炒蜆, 少少辣, 醬汁味道唔錯, 但好多隻蜆都痴埋一舊舊分唔開, 分得開後見到D汁一塊塊應該係炒得唔夠熱 (所以上菜速度好高)椒鹽豆腐 係免費送既! 炸得香脆又唔會乾身, 仲有好多炸蒜粒~ 好味!我地由晚上9:30食到10:30一邊食一邊有好多客人