56
12
6
8-min walk from Exit B, Fo Tan MTR Station continue reading
Telephone
2697 3656
Opening Hours
Today
16:30-02:00
Mon-Sun
16:30-02:00
Payment Method
Cash
Other Info
Open Till Late
TV Broadcast
Signature Dishes
椒鹽豆腐 椒鹽墨魚咀 馳名沙田乳鴿 雞粥 蟶子皇
Review (74)
Level3 2016-12-13
2013 views
今日發現原來火炭都有大排擋相比起市區真係買少見少其實好多好食既野都在大排擋未入坐已經話送椒鹽豆腐唔送我都會食好香口雞粥好正難以形容既感覺覺得係全世界最好食既雞粥天氣凍食碗粥百般滋味在心頭菜恰到好處成碟食晒魔鬼魚就參差一點唯一食唔晒乳鴿熱騰騰一口接一口第一次食墨魚咀好似雞軟骨咁好好味4人套餐食到好滿足離開 continue reading
(The above review is the personal opinion of an user which does not represent OpenRice's point of view.)
Level1 2016-10-29
2027 views
星期六係火炭工廠區玩氣槍后,係附近食晚飯,同行朋友本身之前係中大讀書,佢推介了泰源。當時大約下午6點鐘到泰源,完全不用等位,但發覺有部分枱留起來,職員話有戲拍,後來發現係bobby 同大陸演員徐崢拍戲,第一次一路食飯一路睇人拍戲,好過癮。當晚叫左個兩人set, 有豉椒大蜆、椒鹽墨魚咀(用西蘭花鮮魷換)、雞粥同金牌燒乳鴿。另外,職員送了椒鹽豆腐一蝶。所有食物都好好味,除左椒鹽墨魚嘴,好油, 食左部分就無食。 continue reading
(The above review is the personal opinion of an user which does not represent OpenRice's point of view.)
Level2 2016-09-21
2287 views
玩完wakeboard就過黎拆餐勁嘅,去到門口一心R佢送瀨尿蝦,可惜失敗,只係送左穌炸豆卜。5個人坐低左,居然一口氣嗌左個8餸套餐再加送嘅穌炸豆卜,一共9個餸,最後就更係眼寬肚窄食唔晒啦。但都好抵食!要讚下個乳甲,juice又夠味,唔點野都好好味,肉又唔hi,食左3/4隻仲有穌炸9肚魚,唔會炸到好粉,熱辣辣入口好正,穌炸墨魚咀就麻麻地,炸完出黎唔太脆,可能翻炸卦。到菜啦,翠肉瓜同通菜都煮得太爽口,我個人中意lum身啲,由其是通菜。另外仲有牛肉粉絲煲同魚香茄子煲,不過太飽,最後外賣拎走。第2日食,都ok,係粉絲煲喊左小小。茄子煲至於送嘅炸豆卜都好好味,夠乾身唔會好多油!HappyEnding continue reading
(The above review is the personal opinion of an user which does not represent OpenRice's point of view.)
Level2 2016-04-29
4039 views
請小巴司機指路,最近火炭大排檔的站叫我落,佢突然大嗌「玻璃屋落嗰個到喇」,我完全唔知佢叫緊我,原來火炭人都叫火炭熟食市場「玻璃屋」!行近就明,因為夏天天氣熱,大排檔開咗冷氣,掛了很多厚的透明膠布阻止冷氣流走,遠睇真係似一個燈光火通明的玻璃箱~舊同事早到先點菜,我下坐低已經有得食:蒜茸粉絲蒸蟶子──冷氣好猛,我遲到十分鐘左右,碟原先熱辣辣的蒸蟶子已經吹凍晒,筷子一夾,覺得面頭的粉絲有點乾硬化,但炸蒜好香好夠味~燒乳鴿──唔知係咪又關我遲到事,乳鴿皮咬落唔脆~蝦醬炒通菜──兩個字:好食!炸豆腐──早聽過泰源會送炒麵,隔籬枱真係送炒麵,但侍應大佬送咗碟炸豆腐畀我哋,咪睇佢外型又大又細鬼五馬六,外皮係好脆囉,裡面好嫩滑,咬落熱騰騰,係四碟餸中最出色的一味~要加餸,請侍應大佬介紹,佢sell炒蟹,但我食親蟹都整損嘴,大佬轉而sell蒸白鱔,但同行有舊同事唔食鱔,最後我哋點咗避風塘炒蝦。避風塘炒蝦──辣椒炸蒜等配料勁香勁惹味,但很遺憾,蝦肉完全唔入味,想食得有味,麻煩先啜吓蝦殼,至剝蝦肉食,或者直接夾炸蒜料落蝦肉到一齊放入口,咁就有味嘞~冷氣勁,愈食愈凍,想叫味熱的、濕的嘢食,聽見隔籬枱叫蠔仔粥,我哋又叫。蠔仔粥──真係「粥」,而唔係預期的潮式湯泡飯式。蠔仔勁多,啖啖都係,但冇應有的鮮甜味,粥底就好綿滑~總結,下次來食,都係叫番鑊氣小菜好啲。你叫侍應大佬介紹,佢梗係sell海鮮,但泰源的海鮮未見很出色,堅持叫番小炒 e.g.豆豉鯪魚油墨菜、薑葱煀桶蠔,應該會穩陣啲~ continue reading
(The above review is the personal opinion of an user which does not represent OpenRice's point of view.)
Level4 2016-04-13
3380 views
作為一個正常香港人,一般都不會為吃大排檔而特意走到火炭,但由於星仔這個遊客今次跟父母來香港,而老人家又只愛吃中菜,所以即使適逢香港59年一遇的寒冬,我們也決定拜訪位於火炭的泰源。******************************泰源位於火炭山尾街,距離火車站比較遠,但大排檔出面其實就是巴士總站。由於天氣寒冷,大排檔周圍即使拉上膠簾以擋風,但食客都不太多。畢竟當晚氣溫只有約三四度,膠簾也幫助不大,幸好食店入面還有一個用鐵皮搭出來的房間,所以我們當然也選擇坐進房間內,才感到沒那麼寒冷。由於我們一行七人,侍應就推介這個套餐($750)給我們,當中上下的餸菜可稍作調換,另外還多送我們一個豉油皇炒麵。 豉油皇炒麵(免費)粉麵份量頗多,絕沒有因為免費而減少份量,調味適中,麵條有油光而不會有過於油膩的感覺。 金牌燒乳鴿乳鴿有三隻之多,以此價錢都頗為划算。乳鴿皮入口微脆,肉質不會過鞋,整體不錯。 沙田雞粥雞粥一大窩,每人都分到一碗,雞粥煲得頗綿,雞味雖然不算非常突出,但也能到嚐到雞香味。 椒鹽山水豆腐椒鹽豆腐炸得外脆內滑,椒鹽份量適中,非常香口惹味。 京都骨雖說骨,但比較像豬扒多一點,肉多骨少,而且每一件都非常軟腍,配上酸酸甜甜的醬汁,非常開胃。 椒鹽墨魚咀平常吃墨魚咀,一碟份量都很少,這裡整碟都放滿墨魚咀。墨魚咀椒鹽味適中,炸粉不過厚,不過由於天氣冷,當日食客不多,餸菜同一時間上桌,以至當我吃這道菜時,炸漿已變腍,影響口感。 豉椒炒蜆炒蜆份量都不少,絕沒有殼多肉少或殼肉分離的情況,蜆肉亦不覺有沙,算是不錯。 清炒白菜仔除了夏天大雨水會影響菜價,其實最近冬天寒冷也令菜價上升,難得這碟炒菜仍份量十足,不過略嫌白菜仔油量多了一點。 油浸龍利魚龍利魚機乎佔了整個碟面,可見其份量。龍利煎至外表微脆,肉質嫩滑,說時遲那時快,整條龍利已經被我們吃光。煎蠔餅煎蠔餅份量超多,驟眼看蠔肉份量也頗多,不過跟椒鹽墨魚咀同一個問題,由於全部餸菜同一時間上枱,煎蠔餅很快就變冷,令炸粉變腍,感覺格外膩滯。蒜蓉粉絲蒸扇貝($35/隻)扇貝上堆滿大量蒜蓉和粉絲,粉絲入口軟腍,扇貝很香蒜蓉味,肉質爽口彈牙,味道不錯。食物本身味道不錯,可惜因為天氣冷,食客少,令原本上菜快這特點,變成一個缺點,相信如果天氣不是太冷,餸菜不至太快冷掉,味道不致影響如此之大。雖然侍應解釋廚房有十個爐同時炒菜,所以不消一會餸菜就一起上枱,但如果店方能考慮食客數量,而稍緩上菜速度將會更加好。 continue reading
(The above review is the personal opinion of an user which does not represent OpenRice's point of view.)