民聲冰室

Open Now

Now Closed

今夜選了這間人氣盛的小店用晚餐。環境 - 大部分也是室外用，但我們早，故可以坐入店內。尚算OK的。服務 - 老闆聲大大的，但有禮貌。其他靚靚女侍應也好態度。不錯。食物 - (1) 肉餅 - 鬆軟多汁，咸蛋又正。有點像台灣的蛋黃肉。很好送飯﹗(2) 羔蟹水蛋 - 很甜美。不過蟹很細，蟹味不足。整體來說也不差。此店為住家飯之選，便宜而好味。

星期三，天色漸見晴朗，人也變得精神起來。是日太座在銅鑼灣工作，完事後與筆者會合，正躊躇在何處晚膳。原本屬意嘅大球場一帶，交警虎視眈眈，於是轉戰大坑。大坑食肆不少，只要用心行每一條巷，都極可能覓得心頭好。今次嘅心水就係位於房屋協會對面嘅「民聲」。到達時，門外頗熱鬧的，由於舖面細小，大部份老饕都於門外開枱用膳。沒有餐牌，取而代之係服務員拿一塊大膠版，上面寫上了各款菜式，慳水慳力，但人多嘅話要等一等先可以攞到。我們只是簡單的點了三款小菜。鹹蛋蒸肉餅($45)，筆者被其賣相吸引，一般肉餅係一底扁平的，而這裡卻有如上海菜中嘅獅子頭方式烹調。不過與其話似獅子頭，不如話似一座山，鹹蛋黃則有如黃昏的太陽般倚在山頭上，是故筆者以「日落西山」為題。味道方面，經調校嘅肉汁底有點甜味，肉餅中嘅肥肉比一般嘅多，再加上蒸肉餅嘅時候落咗足夠嘅水，所以食落寧舍嫩滑，而且有很香嘅豬肉味。美味嘅食物，通常會冇咁健康，愛美嘅女士可能抗拒呢種肉餅。帶子豆腐($45)，一共有四隻帶子，味道鮮甜爽脆。簡單嘅豆腐配以豆豉、香蔥、蒜蓉等調味料，打一個薄茨汁，送飯一流。豆腐相信係一般街市貨色，可用筷子夾起，但入口唔太滑了。椒絲腐乳通菜

第一次去民聲食飯.見到人多,所以去幫襯.到了後,點了出聲的青蟹蒸水蛋.D蛋好滑,又有蟹味,送飯至岩.另外又點了幾乎枱枱都點的咸蛋蒸肉餅.肉餅好鬆化,但唔知係咪太多人叫,賣哂瘦肉,剩番好多肥肉!我們吃了一半就放棄了!講到這間店最不濟的要算是碗白飯!好硬,好似未熟咁!仲要賣$15一碗!!!D飯咁難食,D餸幾好味都失色啦!

We have been craving the foods of this cafe and have driven there for 4 times this week. The door was closed, not lights were on. What has been going on - the cafe has not opened and has not got any 'sign' or 'announcement'

去得呢類餐廰，都係為左有點住家菜 feel，所以都唔會期望好精緻的餸菜。兩個人叫左三個餸，一個飯，好在叫一個飯咋，d 餸碟頭大，真係食哂啱啱好捧住個肚走~因為睇食評話肉餅都有 d 肥豬肉係入邊，所以放棄左佢，冇叫到。口水雞：對兩個人黎講都幾大碟，個汁好惹味，只係估唔到竟然有少少辣，但接受到，最正係下邊仲有 d 粉皮，夾埋個汁食一流，不過粉皮好少，多返 d 就好啦。雞肉滑，嫩得黎又唔會見到 d 骨紅色，好味~~又唔肥~~推薦呀!!炸蝦餅：比想像中遜色，因為蝦餅比較 thin，咬口差左，蝦的鮮味唔重，而且食得多都幾熱氣。建議唔好比客人點沙律醬，點甜酸汁會好 d ~~水蟹蒸蛋：正﹗蟹汁落左去個水蛋度，仲可以食埋蟹肉。不過隻蟹細細隻其他無咩肉食 (咁當然啦, 唔同用大蟹蒸咩) 蟹肉仲好似有少少梅添。呢個餸我覺得做得幾出色，只係有 d 必定會發生的問題就係個水蛋外邊會比較老，要食到中間先有嗰種好滑滑的口感。隻蟹仲好多膏，真係值口票價﹗我覺得以質素黎講好抵，當然環境無咁好啦，要平就總要犠牲少少野~~哈~~有機會會再去 !!

三月十五日(星期日)還未吃完雞蛋仔,拿著紙袋一口一口的吃著雞蛋仔之際,原來已經到達了下一站民聲冰室了!我在openrice search過它出名的是咸蛋蒸肉餅!而且賣樣特別,看到網友的相片是金字塔形的!到了,原來店子面積小,多數是出面坐的!還是等位!不要緊,反正我們還在吃著雞蛋仔,等等也好!多點時間消化!見到很多人吃豬扒,不過我們覺得有點肥膩,都放棄了!等了10分鐘左右,有位了!想拿menu點菜,叫了waiter,還要叫多次才有!因為只有兩個waiter serve食客!而且水也沒有一杯!好了,拿到了menu,見到沒有很多選擇,問waiter,小菜是晚上才有的,那麼就點了一個咸蛋蒸肉餅和义燒炒蛋飯不出一會咸蛋蒸肉餅就到了!不是太金字塔形,吃下來果然不錯,比平時在家中吃到的滑!我們都頗喜歡呢!而且飯也軟稔稔,頓時有家庭的感覺!!!不錯!!但是义燒炒蛋飯卻變成了义燒煎蛋飯...算吧!义燒都算不錯!但是份量比較少,只有六七小塊,汁也不太濃,整體上一般,比平時茶餐廳水準還要遜色吧!整體只有ok,因為只覺得咸蛋蒸肉餅稍為出色,但未見太特出,亦不須要專誠前來試!不過經過附近都不失一個家常便飯的好選

早已看過有關民聲的食評，毀譽參半，大多不滿意服務，但據聞食物美味，相信可以一試。放學後，我和三朵小花到來，冰室內祇得三幾張檯，而門前露天則放了很多摺檯，膠圓椅，這晚坐滿了人，祇剩唯一一張在菜檔後的摺檯，餐牌很獨特，用一個約半呎高一呎闊的wyteboard 寫滿了二、三十個家常小菜，價錢由三十多元起，我們點了三味：蒸肉餅 $45，炸蝦餅 $39 和豉汁帶子蒸豆腐 $45。炸蝦餅很快就送來，我們要了白飯，炸蝦餅熱辣辣，約有八、九件，有沙律醬伴碟，咬一口，很彈牙和有蝦味，可用來佐酒，跟著蒸肉餅也送來了，這裏的蒸肉餅賣相頗特別，像一座塔，塔頂有一粒鹹蛋黃，味道和軟硬度都很好，頗像我為家人煮的味道。兒時曾吃過很多種類的蒸肉餅：有我最愛的馬蹄冬菇蒸肉餅，鹹蛋蒸肉餅，水蛋蒸肉餅，梅菜肉餅和土魷蒸肉餅等，懷念的同時，亦佩服上一代的智慧，一碟蒸肉餅便解決一餐，做法簡單，無骨方便幼兒食用，剁好後放飯煲同蒸，省時省柴火，成班馬騮每人分一塊落碗，連碗碟都洗少隻，你估亞媽咁容易照顧你？談了一會，豉汁帶子蒸豆腐來了，有四粒帶子，豆腐沒有變酸的味道，亦很嫩滑。埋單 $153，頗大眾化的消費，而且服務不錯，會再來。

又係去返大坑,食野.聽聞呢度有間肉餅幾好食..就去試下.去到都係一間好細既店,d野都舊舊地.我地座張枱係唔平既..斜左一邊嫁..好多數人都係座出面.不過呢度d人.個樣真係幾凶下嫁..勁平民粗粗魯魯咁黎到更係叫個蒸肉餅先見到只係得一個餐牌..就叫埋豆腐煎帶子不過都等10幾分鐘.黎到..個肉餅唔錯..不過唔見佢有隻咸旦係上面...之後黎埋個豆腐..豆腐好滑..但帶子就冇咩味同得3粒..小左d...呢度飲野都幾大柸下..$40一個都ok 啦.ps.另一插曲..就係我影相個陣.影下周圍啦.冇啦啦有個人行埋黎.係佢地d伙記.話仲咩影佢地..你可以影出面.影到佢地個樣.唔多佢..佢地係行古惑既.一陣你區放上去.比人點相唔多好..之後佢地仲搵人.影返我轉頭..點我相咁..佢老板娘都話影冇咩問題..講真..係覺得你呢度ok 既先影下你間鋪.特登易你個樣仲咩呀過真係怪

地方, 服務, 食物都極唔得, 算啦, 難得咁個讚, 都係傳媒胡亂吹噓既後果.星期日咁既地方都 咁爆, 啲人.....?!招牌肉餅, 撈得太多水, 肥膏, 粉, 令肉餅應有既texture蕩然無存, 食落去滑潺潺, 認真嘔心, 調味又過甜, 完全pass唔倒as一道麻甩佬菜. 40分好啦, 肉餅尼咗, 問佢要個碗, 叫咗4次先有，　前後１０分鐘，　肉餅同飯都凍哂班廚房檔老闆娘無到，　叫極都唔聽，　出菜又亂，　唔惦!啲枱又良久無人清潔, 枱面既漬，認真倒胃出菜同收碟同一個位，衛生負一百分. 大家細心睇吓，污糟碟後面個碟魚係我既．．．冬菜蒸馬頭，亨！內外都唔熱既！呢碟野足足等咗我１個鐘，開頭點梅菜’魚完’魚，點時問我，十分鐘等唔等，我話等，２０分後鐘話我聽無，有無詬攪錯！咁轉馬頭魚，催咗６次，等咗４０分鐘，老闆娘有幫手催，但班廚房完全無反應，到佢鬧先有，不過內外都凍，魚鞋身，應該係雪藏貨，而且個士油我完全無興趣撈飯，可想而知, 0分呢餐食咗一個半鐘既明星茶餐廳，背脊骨落．．．

年廿八, 去行花市前, 當然要同大傻瓜醫飽個肚先喇... 呢次再去上次食過果間民聲冰室. 我地好好彩, 去到等左唔夠一分鐘就搭左張檯, 因為張張檯都坐滿人, 所以有位就坐, 唔好理咁多. 好... 言歸正傳, 因為係一張四人檯, 所以你搭人檯時, 人亦搭你檯, 未叫食乜已經有一對夫婦推住架bb車來搭檯. 呢晚我地叫左蒜茸豆苗, 炸蝦餅, 同埋菜膽雞. 而佢地就叫左蒸肉餅, 蒜茸豆苗, 炸蝦餅, 加個菜心炒牛肉.... 雖然我地叫先, 但係佢地個蒸肉餅唔洗五分鐘就送上, 預先蒸好o既招牌菜係唔同d o既... 佢地都好多野講, 知道佢地係上網搵呢間來食, 所以一開口就叫個蒸肉餅... 雖然個肉餅好肥膩, 蒸出來d汁都有好厚油, 佢地一路食一路話要keepfit, 但最後個男人就連汁都撈埋, 人地食完個肉餅我地d餸都未到... 真離譜. 好了, 等了20-25分鐘, 我地個炸蝦餅終於都到喇, 8件一碟, 開頭仲以為佢係誤會左一張檯叫左兩碟就一碟上添, 點知幾十秒之後又上一碟, 熱辣辣, 咩都好食喇, 之不過呢個蝦餅只有口感, 但蝦味就無... 有趣o既唔係我地o既feeling,

26/1/2008 約3pm年初一最後一站勵德拜完年,行落黎見佢門面唔錯又多人食,雖然門外桌椅放到好大排檔咁剛好店裡有人離座所以坐鋪內3個人叫兩碟,西炒飯($38)及牛肉意粉($34)那個像老闆娘的眼光嘴臉實在令人討厭, 3個人叫兩碟也不太過份吧上桌問其拿三隻碗/碟又老大不願意的樣子西炒飯不錯,其中特別在竟用上午餐肉,同平時口感唔同牛肉意粉,牛肉完全無味,無醃過咁埋單個老闆娘差點收多錢,好在我地即刻check單農曆新年這價錢接受到,不過如果平時呢個價錢我唔會黎呢度食茶餐廳大排檔格局收呢個價錢,未免太貴,又唔見得特別好食

jan 19, 09,同友人食完甜品之後,先嚟食正餐,叫咗 : 1) 蒸肉餅-呢個出名嘅地標菜,1定要叫啦-外型望落都幾鬆身,因向高發展.............同平時嘅扁平狀唔同-好心急快d試..........肉無大家黏埋1pat,所以落豆粉嘅份量應該好輕手,裡面其實有大量嘅肥豬肉粒,但入口又唔會有好油膩嘅感覺喎..............個豉油汁帶甜,友人就略嫌整體味道偏甜-但用嚟送飯真喺1流,不過呢碟嘢唔可以成日食因又肥豬肉又鹹蛋黃..........真喺肉餅都變炸彈 2) 豆豉鯪魚油麥菜-正常,小辣因為+咗幾堅嘅辣椒,但比較油 3) 白飯 x 1 - 晚市只提供膠餐牌嘅菜色...........而且全店得1個餐牌,每枱要輪住嚟睇,幾環保 - 因為得2個人,所以無法試其他菜- 其實都好旺場,我要等吓先有街邊枱

十時多，四個人的晚餐對面火x頭要等，最後來了這裡大部份的『送』也沒有了1) 蒸肉餅：雖然肉餅幾多根，但味道非常得，對於我來說其實一個『送』也夠了，果然是招牌菜，過多一陣，聽到連蒸肉餅也沒有了！2) 清蒸黃花魚：幾彈，幾鮮甜3) 鳳爪蒸排骨：我沒有吃鳳爪，其實不太喜歡排骨，只想試試味，但出奇地入味4) 菜心炒牛肉：沒有什麼特別坐外面，我不介意有點寒冷的感覺，只是不喜歡很多坐外面的人也吃煙，但內裡又很像很迫還有，等了很久，而且等飯更久…食完即走

食物不是有太多的選擇，老闆指定了十多種食物，寫在一大塊的餐板上，很特別，青蟹蒸水蛋、蒸肉餅、椒鹽鮮魷，加三碗白飯，埋單169，食到飽飽。水蛋有蛋味，有一隻青蟹，蟹味和蛋味共冶一爐，水蛋很軟滑，一流。椒鹽魷魚雖然是酥炸，但是魷魚炸出來還很鮮軟，炸醬不太厚，高難味但很美味。蒸肉餅軟滑鬆軟，不是一般食的那一種，很鬆滑，蒸得高高的，送了兩碗白飯。這裏的食物分數可以給予90分，但是服務就很有問題，一個字亂，希望店方注意一下這裏的服務了吧。http://icuteee.mysinablog.com/index.php?op=ViewArticle&articleId=1522082

打算去順興，經過見其豬扒就被它吸引入去了。其實入面超細，如果不是落微微雨，我會選擇坐街邊，起碼闊落、空氣清新好多。豬扒通粉-豬扒及通粉是分開上，不用將豬扒浸到腍了。豬扒半煎炸很香口，而且又是厚切，充滿口感，可惜食真點是沒有味道的。通粉是沒有特別，而上湯有點未煮透的殘渣。豬扒包-我以為是脆脆豬仔包，原來是用類似漢堡包的，主角的豬扒面積很細，配角的生菜絲、蕃茄就很澎湃。奶茶全無茶香，味道似是普遍茶包，不是左溝右溝沖出來港式奶茶。本來再叫多一客厚多士，等了又等，只見廚房忙於煮其他，再催促一次時，師傅才動手切麵包，之後又將放抵，做其他事。EQ超低的我，當然立即走人。樓面只得兩個人落單，其客人又多，落完單後又沒有做事後工作，好多客人都自取刀叉碗筷。