Video
6-min walk from Exit A, Mei Foo MTR Station
continue reading
Telephone
36909223
Opening Hours
Today
07:00 - 22:00
Mon - Sun
07:00 - 22:00
Above information is for reference only. Please check details with the restaurant.
38 views
自從「翠河」無做，轉咗呢一間「歡樂食堂」，其實都有兩、三年，但作為美孚街坊，真喺一直以嚟都無幫襯過，皆因睇過，老婆話佢啲早餐無特別喎，所以，就無幫襯過。最近，因同老婆各自有小組，我返到嚟美孚先11:30am，趕得切嚟食早餐，當晏晝飯。格局跟以前「翠河」一樣，不過，明顯有翻新過，牆身加咗好多玻璃，天花加咗啲紅線，燈光又光猛咗，感覺醒目啲。餐具放晒晌枱面，最好喺有個大膠盒冚住，比較夠生嘛！雖然接近12:00pm，但佢哋嘅早餐供應到11:45am，比坊間大部份茶記都遲多少少，就喺遲多少少就夠啦，所以，目測見唔少客人都趕晌截單前嗌早餐，就當午餐食，都平一截架。港式早餐 A4. $39唔花巧就揀番最抵食嘅港式早餐系列，當中梗喺以懷舊沙嗲牛肉麵最合心水，仲配埋炒滑蛋、牛油餐包，賣$39晌呢區算抵食之一，同區好幾間茶記賣$42左右。份炒滑蛋掂喎，睇樣已覺得炒得嫩滑，又富蛋香，而牛油餐包可以轉方包，但餐包夠懷舊嘛，夾埋啲滑蛋一齊食，仲流住蛋漿，正呀喂！呢排食得多唔健康嘢，所以，公仔麵就轉意粉，心裡好過啲。啲牛肉唔錯，好腍滑，有肉味，個沙嗲唔算勁濃嗰啲，但都夠晒味，而且，份量算多，試過有啲茶記俾得幾片咋。熱奶茶呢個喺嚟茶記嘅標準動作，只有茶記啲奶茶沖得好，而眼前呢杯未叫最好，都算得上屬中上水平，有茶香，茶奶夠平衡。今次呢個早鳥午餐性價比真喺高，因為$40都唔使，最緊要都喺質量具備，食得夠飽又好味。佢哋又唔會趕客走，仲可以慢慢嘆埋杯奶茶先。
continue reading
朝早趕返工最緊要快！上野速度超快，嗰碗粟米火腿通粉熱辣辣，個湯底清清地，不過不失啦，炒蛋加牛油麵包夠晒飽肚！奶茶就正常茶記水準，茶味夠唔會得陣奶味。趕時間又想飽肚，呢個早餐組合真係穩陣之選！
continue reading
卡位好坐座位與座位之間 距離好闊九龍區餐廳嚟講竟然咁鬆動有空間非常舒適晚餐時段很多選擇晚飯套餐好大份隔離枱蒸魚好大碟好適合一家人嚟食一個人都有好多選擇選擇了芝士焗豬扒飯好足料厚切豬扒醬汁好多芝士又多拌飯一齊食好正
continue reading
這餐廳裝修都算好，食物都不錯，價錢也可以，餐牌上都好多選擇。即炒粉麵，每款$49供應時間14:00至18:00T16 蝦醬揚州炒飯T17 咖喱牛腩飯 T18 芝士茄汁焗豬扒飯T19 乾炒牛河T20 艇妹鮮蝦炒銀針粉咖喱牛腩飯份量足，味道不過不失，服務不差，地方舒適，咖喱牛腩都算可以。（一般茶餐廳，咁嘅價錢，唔好有太大期望）特餐有7款選擇，11:45開始供應P1 羅宋湯通粉P2 雪菜肉碎湯米粉P3 懷舊沙爹牛肉湯公仔麵P4 蜜汁叉燒湯意粉P5 照燒大切豬扒配稻庭湯烏冬P6 避風塘雞翼（少辣）配韓式芝士辛辣麵P7 脆炸雞髀（少辣）配芝士出前一丁餐配 火腿奄列 + 丹麥奶油多士或牛油方包即做炸雞髀，份量亦足，外脆內軟又多汁，比我想像中的好，好味。再配埋芝士出前一丁麵真係好邪惡！總結：平民餐廳，食物不差，不過不失，價錢合理，服務友善，座位舒適，地方清潔，不嘈雜，但未算雅致，出餐速度可以。
continue reading
再次中伏，是日晚餐食最平民的梅菜蒸鯇魚，$85，梅菜和魚完全無味，魚又蒸吾熟又霉爛，不知存放咗幾耐…. 一個咁簡單的家常菜，做到咁差嘅水準，吾怪得知冇夜市啦。再者，已經同店員講咗枱布好臭，但是仍然用，實在好難再次幫襯😡😡😡做食店，食品質素係最基本，好難想像冇難度嘅家常菜都可以做到咁差，吾好成日話人哋北上消費，價錢已經無得比，現在連食物、環境都做到咁差，真係自己整死自己，吾柢可憐。要爭氣，都要自己做好先，否則，死路一條
continue reading