歡樂食堂

Open Now

Now Closed

自從「翠河」無做，轉咗呢一間「歡樂食堂」，其實都有兩、三年，但作為美孚街坊，真喺一直以嚟都無幫襯過，皆因睇過，老婆話佢啲早餐無特別喎，所以，就無幫襯過。最近，因同老婆各自有小組，我返到嚟美孚先11:30am，趕得切嚟食早餐，當晏晝飯。格局跟以前「翠河」一樣，不過，明顯有翻新過，牆身加咗好多玻璃，天花加咗啲紅線，燈光又光猛咗，感覺醒目啲。餐具放晒晌枱面，最好喺有個大膠盒冚住，比較夠生嘛！雖然接近12:00pm，但佢哋嘅早餐供應到11:45am，比坊間大部份茶記都遲多少少，就喺遲多少少就夠啦，所以，目測見唔少客人都趕晌截單前嗌早餐，就當午餐食，都平一截架。港式早餐 A4. $39唔花巧就揀番最抵食嘅港式早餐系列，當中梗喺以懷舊沙嗲牛肉麵最合心水，仲配埋炒滑蛋、牛油餐包，賣$39晌呢區算抵食之一，同區好幾間茶記賣$42左右。份炒滑蛋掂喎，睇樣已覺得炒得嫩滑，又富蛋香，而牛油餐包可以轉方包，但餐包夠懷舊嘛，夾埋啲滑蛋一齊食，仲流住蛋漿，正呀喂！呢排食得多唔健康嘢，所以，公仔麵就轉意粉，心裡好過啲。啲牛肉唔錯，好腍滑，有肉味，個沙嗲唔算勁濃嗰啲，但都夠晒味，而且，份量算多，試過有啲茶記俾得幾片咋

朝早趕返工最緊要快！上野速度超快，嗰碗粟米火腿通粉熱辣辣，個湯底清清地，不過不失啦，炒蛋加牛油麵包夠晒飽肚！奶茶就正常茶記水準，茶味夠唔會得陣奶味。趕時間又想飽肚，呢個早餐組合真係穩陣之選！

卡位好坐座位與座位之間 距離好闊九龍區餐廳嚟講竟然咁鬆動有空間非常舒適晚餐時段很多選擇晚飯套餐好大份隔離枱蒸魚好大碟好適合一家人嚟食一個人都有好多選擇選擇了芝士焗豬扒飯好足料厚切豬扒醬汁好多芝士又多拌飯一齊食好正

這餐廳裝修都算好，食物都不錯，價錢也可以，餐牌上都好多選擇。即炒粉麵，每款$49供應時間14:00至18:00T16 蝦醬揚州炒飯T17 咖喱牛腩飯 T18 芝士茄汁焗豬扒飯T19 乾炒牛河T20 艇妹鮮蝦炒銀針粉咖喱牛腩飯份量足，味道不過不失，服務不差，地方舒適，咖喱牛腩都算可以。（一般茶餐廳，咁嘅價錢，唔好有太大期望）特餐有7款選擇，11:45開始供應P1 羅宋湯通粉P2 雪菜肉碎湯米粉P3 懷舊沙爹牛肉湯公仔麵P4 蜜汁叉燒湯意粉P5 照燒大切豬扒配稻庭湯烏冬P6 避風塘雞翼（少辣）配韓式芝士辛辣麵P7 脆炸雞髀（少辣）配芝士出前一丁餐配 火腿奄列 + 丹麥奶油多士或牛油方包即做炸雞髀，份量亦足，外脆內軟又多汁，比我想像中的好，好味。再配埋芝士出前一丁麵真係好邪惡！總結：平民餐廳，食物不差，不過不失，價錢合理，服務友善，座位舒適，地方清潔，不嘈雜，但未算雅致，出餐速度可以。

再次中伏，是日晚餐食最平民的梅菜蒸鯇魚，$85，梅菜和魚完全無味，魚又蒸吾熟又霉爛，不知存放咗幾耐…. 一個咁簡單的家常菜，做到咁差嘅水準，吾怪得知冇夜市啦。再者，已經同店員講咗枱布好臭，但是仍然用，實在好難再次幫襯😡😡😡做食店，食品質素係最基本，好難想像冇難度嘅家常菜都可以做到咁差，吾好成日話人哋北上消費，價錢已經無得比，現在連食物、環境都做到咁差，真係自己整死自己，吾柢可憐。要爭氣，都要自己做好先，否則，死路一條

O曬嘴😑九點鐘到餐廳，所有魚都賣曬，唯有隨便點了口水雞飯。結果，口水雞的醬汁完全不對味，飯裡只有幾片沾了芝麻醬的生菜。雞肉又少又硬，皮還肥厚得讓人難以下嚥。最糟糕的是那碗白飯，硬得像沒煮熟一樣，甚至像隔夜飯。連杯水都帶著一股化學味，像是拖地水一樣。平時我出門吃飯從不會只吃飯和菜，但這次真是破戒了，實在受不了。最後寧願忍著肚子餓回家煮公仔麵。這樣的經歷真是讓人無語，只能說有杯奶茶還算過得去。買個教訓，以後唔敢再幫襯！🫠

今日去咗美孚找人聚舊，經過呢間歡樂食堂。第一次食，感覺唔錯喎！西檸雞賣相幾好~醬汁酸甜得嚟又清新，我個人最驚嗰啲太杰確喉嚨嘅汁，所以覺得呢個水準幾好。肉絲炒麵個炸麵底超正~個芡汁啱啱好，我覺得可以多啲添。腐乳通菜係好食嘅。好食極都係咁上下啦，度度都差不多，可能我個人鍾意馬拉盞通菜嗰種再惹味啲。酸菜魚先係我今日強烈推介嘅嘢酸鹹恰到好處，嫩滑得嚟，諗住入口都粉粉哋但係又彈牙喎。今日我留意到樣嘢我見到個店長都幾有料。可能係好細微嘅指令同埋舉動，就已經睇得到佢係做到嘢嘅，帶到班細嘅。我試過去過啲餐廳，嗰個店長同啲職員一樣咁頹廢，但係呢個都幾有個人魅力，帶到啲團隊精神出嚟。

今日去咗餐廳度食飯，食嘢時同同事傾計冇為意，留低咗個銀包，之後先發覺唔見咗，個人好緊張，職員不但同我講話佢地搵到，攞咗去警署，仲安慰我唔好緊張直到攞返個銀包，真係好好人

每周餐牌唔同，可以加佢WhatsApp ，佢地果頭像每周更新一次又飯又麵，不過多數都系飯多。每款都大大份，仲包是日例湯、餐飲。我今次就一試叉燒炒瀨粉。瀨粉口感偏淋，唔夠爽口彈牙。叉燒每舊都又大又厚，份量都好多。整體味道，唔夠入味，用瀨粉搭配完全系唔夾。如果可以轉做其他麵底，應該會天好味！

今日第一次食美孚茶餐廳～歡樂食堂，叫咗一份下午茶餐，招牌吉列魚柳配奶油豬仔包，魚柳炸得剛好，外脆內軟，而旦熱辣辣，奶油豬又脆又香！餐廳是重新裝修，坐得舒服，整體不錯！

服務態度差到死，門口個牌寫收10點鐘，9點入去個收銀就驚死你幫襯咁，講話9點9要走。有客人幫襯個收銀就同啲同事講又多2件，其實咁趕收舖不如改早結束營業時間。一路食一唔吹人埋單，痴線。

最近成日都要喺美孚附近做野，一到中午就會想食呢間歡樂食堂既籠仔飯✨✨✨初初係見人地食緊有個籠既飯幾得意又叫黎試下，一試難忘，大大籠蒸飯，飯底有荷葉，蒸一蒸個飯有荷葉香，飯剛好熟，面頭個餸每日都唔同，有時係肉餅，有時係排骨，有時係冬菇雞。。。日日唔同。我暫時都係食過唔同既肉餅，都好正！不過❗️並唔係日日都有籠仔飯，有次黎到原來嗰日無，有少少傷心，不過當日叫左佢個常餐，雪菜肉絲米配炒蛋多士，一樣咁好味。📍籠仔榨菜馬蹄蒸肉餅飯 $54另外，為咗想知佢地今日有無籠仔飯，我真係加左佢鋪頭個電話，事關佢Whatapps頭像就係當日餐牌，佢話每星期會update，暫時我見Whatapps餐牌同當日現場餐牌既菜式都係一樣既。