金利銀輝茶餐廳

本人（一人）今天晚上約7:20到此茶餐廳打算食晚飯，原本一位中年男侍應安排我到一張小型卡位，然後一位中年女侍應聲稱該卡位已有人訂座。當時餐廳內另有兩張四至五人的吉枱，但最終該名女侍應安排我坐一張放在廚房門口的木製小摺檯，而摺檯上放滿一大袋待取的外賣。當時我揮手表示不接受並即時離開餐廳，因為感覺作為顧客不被尊重。明明有其他吉枱，但竟然安排我坐在廚房門口的一張小型摺檯，而這張摺檯明顯是員工用來放置外賣。…Read More

喺美孚新邨嘅金利銀輝茶餐廳，我哋一行四個人嘅晚餐體驗不錯。餐廳就喺地鐵站出口附近，好方便。入面嘅裝修係本地舊式茶餐廳風格，感覺好親切。叫咗5個餸，生炒排骨嘅酸甜味道恰到好處，排骨外脆內嫩，啖啖肉感，味道不錯。椒鹽白飯魚炸得金黃酥脆，又唔會太油，食落去真係過癮。西蘭花炒鮮魷嘅西蘭花爽口，鮮魷夠彈牙。不過，梅子蒸排骨就有少少失望，排骨有啲雪味，影響咗整體口感。至於鹽焗雞就咸咗少少，不過份量都算係足夠，2至4人食都冇問題。值得一讚是上菜前送上一鍋熱辣辣足料例湯。員工嘅態度真係無得頂，好有禮貌，仲主動提供加湯同埋清理枱面嘅服務。整體嚟講，呢間茶餐廳嘅食物同服務都係值得推介嘅，下次有機會一定會再嚟！…Read More

Lee 間在區內出曬名，根本唔我宣傳😎食咗好多年都未寫過，所以今次留個記錄🩷 電視節目效應，呢幾晚都買茶餐廳外賣俾屋企人食（琴晚個芙蓉蛋飯同埋魚香茄子飯冇影低相），今晚嗌咗小菜西檸煎軟雞同埋家鄉蒜蓉蒸茄子，例湯係合掌瓜，再加白飯同凍檸茶，盛惠$177。兩盒小菜嘅份量足夠，蒸茄子第一次叫，夠焾夠味好送飯，西檸雞係情意結，外賣返到屋企先食其實已經唔夠脆，but it’s ok! 食兒時回憶。個例湯有誠意，有成4件合掌瓜，成餐飯嘅蔬菜比例頓時增加！ 唔覺得個湯有味精，所以飲得好舒服。…Read More

真係地道茶餐廳格局，一張張圓枱，有時需要搭枱。裏面乾淨企理，做街坊生意，我都係朋友介紹先識嚟。番茄薯仔排骨螺絲通粉呢個早餐，只有星期六日先有得食，好矜貴🤭湯底好重蕃茄豬骨味，明顯熬製咗好耐，啲湯飲落口好甜。螺絲粉煮得唔淋又有少少彈牙，加埋蕃茄、薯仔、排骨，非常足料！食完滿足有飽肚！誠意推介～…Read More

金利銀輝茶餐廳位置一啲都唔起眼/唔係有街坊帶路一定唔會行到入去嗰個位仲要係去搵嘢食裝修都係一般茶餐廳格局入面都算乾淨企理同好光猛一坐低伙記就擺低大大碗湯/大碗到飲都飲唔晒✨白飯魚煎蛋白飯魚都真係算多同大條/係唔好彩夾中一個位成舊都係鹽✨蒜蓉粉絲蒸大聖子 $58/隻都叫大隻嘅/不過上咗檯擺咗一陣先食就略嫌熟得際✨生炒骨冇咕嚕肉嘅關係所以都照試咗生炒骨整得幾好/件件都掛汁/唔係濕立立同個汁好水咁價錢方面最多人評論抵唔抵食方面個人覺得呢間茶餐廳係咪好貴又唔係/好平又唔係只能夠講收呢個價錢都公道嘅最起碼食物係對得住個價錢其他嘢就見仁見智啦🥢金利銀輝茶餐廳 (美孚)🇭🇰美孚美孚新邨第6期蘭秀道25-27號地舖…Read More