權發海鮮酒家 (Closed)

重陽節同親戚飲茶，食左勁多野，勁飽。乾炒牛河，d粉碎濕濕，調味ok。牛仔骨炒麵，勁正，牛肉骨肥肉勁甘香。魚香炆伊麵，辣辣地正。叉飯，叉燒半肥瘦正。豬腳仔，好入味。紅油抄手，勁辣！好多蝦彈牙好食。素粉果，粟米雜菇好爽。甜品流沙煎堆仔，入面係芝麻餡，甜甜地正。

端午節同阿爸阿媽飲茶，難得放假都咁早起身，去嘆下茶先，元朗有n間茶樓，想飲平茶要黎權發，地點唔易搵，雞地人就會知喺邊。食個魷魚鬚，唔知係無早無人叫，好大碟，唔厚粉，炸得好香，唔係萬年油。再黎個豬手，上次食過好食，今次唔得，少左芫茜，唔夠薑，豬手唔爽。飯碗叉飯夠飽肚，叉燒鬆化，夠甜夠咸，飯散d無飯味。唔夠喉再炒多碟野，豉椒牛河夠多汁，好大碟抵食。三個人都係食左百零蚊，平呀

冬天好像就離不開打邊爐、燒烤、雞煲，繼上兩次雞煲之後，今次輪到了打邊爐～山長水又遠黎到美食之都元朗，任食火鍋才$128～超抵食～～食物選擇都幾多，丸類很多，牛肉片、豬腩片，還有很特別芝士撻～最特別居然有一次排隊拎片皮鴨～還有每位送新鮮鮑魚一隻～～飽魚仲識郁下郁下架～最特別係呢間既豬腩肉居然比肥牛好味⋯完全無食到肥牛⋯就係拎豬腩肉食～呢個價錢咁多選擇都算幾可以～

一家人出街食飯，落左樓下權發酒樓，見到有新甜品---- 燉椰皇，想試下。問個侍應等幾耐到，佢答十五分鐘。差唔多食飽飽就落單啦。點知等左二十分鐘都未到，就問個侍應，佢話廚房唔出，我都冇辦法，轉頭又講要再等多十五分鐘。等了又等，十五分鐘過後，個椰皇仲未出現，再次問侍應，佢只係問要幾多個椰皇，就走左去，完全冇回覆。再等多五分鐘，仍然未黎，諗住埋單走人，點知無侍應理我地，可能怕我地又催單。結果。呢個椰皇由落單到到達需要九個字時間。味道方面，不過不失，唔算特別出色，唔值得等咁耐。唔食好過食

呢間野對我黎講真係又愛又恨，野食唔貴，宵夜時段可以算平，是日靚湯的足料程度什至可比鴻X，但以一半價錢享受，係好抵。我推薦烏雞海螺瘦肉湯同冬瓜盅。兩款湯都十分之足料入味，正氣，份量夠。冬瓜盅更係一大個原盅燉，足足夠4個人飲，每人兩碗。另外小菜都抵食，亦多海鮮類揀，每碟都係80蚊左右，兩個人叫兩餸一湯仲可以打包，可想而知夠晒份量。我地今次另外叫左個本地龍蝦跟芝士伊麵底，龍蝦夠肉地，味道就不及過江龍蝦啦，但勝在有芝士伊麵底搭救，都夠晒味。美中不足的是某些staff的態度，大部份staff算nice, 係其中一個員工俾左個好差的經驗我，詳情不再說了， 不過明顯唔識咩叫以禮待客，食到條氣頂住就好無意義，最後我無同老細投訴，希望老細會自己發現問題員工，作出應份的指引啦。

同細妹食生日飯~ 佢話想食乳豬~ 於是揀o左去呢度食小菜~6個人每人揀個餸...好開心咁食o左餐~呢度星期六都幾旺場...滿座...好彩有訂位~BB豬個皮真係好脆~ 而且比乳豬仲要少d肥肉~ 不過就細碟少少lor...炒蜆味道都幾好~ 但係好多殼...唔OK...蓮藕餅都煎得好香口~ 味道又唔太咸~不過我地初時以為係會將d蓮藕mix埋落d肉度...哈哈~芝士粟米翡翠豆腐好好味~ 係炸過o既玉子豆腐~ 雖然唔係好滑...但係面頭又有d菜...又炸過...外皮脆脆地加埋好多芝士汁真係好好味~西檸雞炸粉好薄~ d汁夠晒酸~ 唔錯~蒜子莧菜份量都ok~ 另外送o左紅豆沙或麥米粥~ 後者好足料~ 又唔太甜~ 侍應服務都好好~ 出菜又快~ 如果o係元朗...人又多要搵地方食飯我都會揀佢~ 

好耐無去飲茶食點心, 見到好多食評都話權發既點心抵食, 今日一於去試下, 2點去到都好多人吓, 要撘枱, 原來1:45已經係下午茶時間。 都有好多點心選擇, 我哋叫咗咖哩蒸土魷、鮮蝦菜苗餃、煎蝦米腸、芋絲餅、山竹牛肉、燒賣、雞扎, 雖然係下午茶特價, 啲點心一啲都無欺場, 大大件。 咖哩蒸土魷夠入味、菜苗餃入面隻蝦都幾大隻, 啲蒸嘢唔錯, 不過碟煎蝦米腸同芋絲餅就麻麻哋 。  2碟都唔熱, 蝦米腸有啲硬, 芋絲餅就唔夠脆, 有啲失望。 我見好多人食紅荳沙, 本來我都想試吓, 不過實在太熱, 都係走人。  2個人埋單都係 $100, 又真係好抵喎, 唔怪之咁多食評話佢抵食啦。

最近忙得很，連飲茶都少左，今日黎左權發飲個下午茶，張點心紙又多左幾款新野喎。蛋煎糯米雞蛋漿包住糯米雞煎香，好脆口，新款又好食。蜜糖脆麻花好好彩新做起，好脆又有蛋香，糖漿再多點更好。芋絲炸春卷一絲絲芋絲，少少五香粉調味，炸得香脆。潮州粉粿粉葛，花生，芫荽加上調味唔錯，粉皮又唔黏口，好味。黑椒蒸大腸蒸得好淋好入味，黑椒都幾辣好刺激。沙薑豬手好鐘意佢個汁，有芫荽，南薑，辣椒等，豬手爽脆，點汁食真係好正。椒鹽魷魚鬚呢個太炸啦，燶哂，粉又厚，勝在好大碟。醬汁蒸鴨掌好入味又蒸得夠哂淋，芋頭吸哂啲汁好味。蓮容蛋黃包上枱熱辣辣好軟熟，蓮容不過甜又滑，大大粒鹹蛋黃正呀。好彩坐到中間枱，冷氣夠涼。如果坐近門口好熱㗎，上次仲有蚊咬添。

之前來過權發飲茶，發覺這間酒樓的價錢是超低價，好像時光倒流十年八載般，故今日帶位朋友來試試。潮州蒸粉果($6.9)，包着沙葛粒、芹菜、蝦米仔和花生，材料雖然簡單，只要配合得好，原來是最好。蟹子燒賣皇($11.9)，清楚吃得出由蝦粒、肥豬肉粒、瘦肉粒組成餡料，有口感，但稍鹹。陳皮紅豆沙(超特價$3.9)，今次紅豆沒有之前這麼多，紅豆够稔，吃到"起沙"的感覺，甜度適中。茗茶每位$5。下午茶特價單定期更換，雖大同小異，都算有少少新鮮感。

雞肉炸雲呑(超特價$4.9)，蝦肉炸雲吞便吃得多了，雞肉是第—次嘗試。大件夾抵食，熱辣辣脆卜卜，雞肉餡都OK。南乳花生豬手($11.9)，花生和豬手都稔兼入味，可惜今次調得超鹹。芋絲脆春卷($6.9)，脆卜卜的春卷皮包着很多芋絲，芋絲稔稔的，似預先蒸過後才包起來炸，口感都幾好。以這個價錢，要求都不能再多了。

今日難得放假，就約埋朋友一齊去tea一tea...輕鬆下～於是就揀左位於雞地既「權發」因為之前同屋企人飲過，覺得幾有元朗風味⋯⋯兩點幾去到，唔算多人⋯等左陣就有位了，雖然係搭檯  朋友好體貼叫左壺普洱～同推介試下呢度既黃金糕+粉果迷你珍珠糯米雞---因為有少量蝦米、臘腸、咸蛋, 所以入口有陣陣既咸香味, 很有港式茶樓風味足料燒賣---粒粒都有鮮蝦、豬肉, 口感十足可媲美正中印尼糕點的黃金糕---入口煙韌, 口感係一絲絲的, 有點像"白糖糕"粉果---因為本人麻麻地好芫荽同中芹...所以覺得唔係太好食...(因為以為佢係潮州粉果先叫的)

酒樓的裝修還算好，就是地毯有些不乾淨。第一道是甜薄撐，不是太甜，而且花生和椰絲也算多。第二道是燒賣，肉質都算是新鮮，粒粒飽滿，挺好吃的。第三道是潮州粉果，用料十足，非常豐料。第四道是糯米麥粥，甜度適中，麥米彈牙，花生夠稔，豐料糖水。第五道是南乳花生豬手，豬手夠稔夠入味，又不算肥，比較健康，花生也很稔。第六道是煎腸粉，腸粉很滑，很好吃，而且也煎得很好第七道是灌湯餃，我們點了兩個，這個沒什麼特別，但是用料也算挺好，起碼沒有內臟什麼的。第八道是馬拉糕，馬拉糕非常鬆化，軟綿綿的。以上為星期六下午茶的特價點心紙，非常抵食。我們吃了九個點心也才＄110，已星期六來算都已經是幾平喇。而且茶錢也是＄5，價錢非常實惠，可以說是街坊價。

探訪完同事新居後，第一次來這間元朗權發，由元朗西鐵站慢慢行過來，約十分鐘，都唔算遠，好少來這邊，多了很多新樓，附近亦相繼開了很多食肆， 鍋貼大蝦球，我話似蝦多士多D，好正 屬小食類，超好味鮑魚仔 超勁膽固醇的 椒鹽鮮魷 我至愛 脆卜卜燒雞現在去 快餐店晚飯都要你五六十元，話這裏超值都絕對啱啩！

見上次新春都無加價，母親節又黎碰下運氣先，同樣無加價，不過今日無左特價點心，計返下午茶點心價錢，比起其他茶樓都算係咁。豆沙煎軟餅，面底沾滿芝麻好香口，煎起即刻上碟所以熱辣辣好好食，豆沙不太甜，凍食會變得有點硬，還是趁熱食好。炒米粉，碟頭大，不算油，料亦下得頗多，炒得夠鑊氣，乾身好食。馬拉千層糕，咸蛋的咸香加上馬拉糕軟熟香甜，又係好好味，不過凍左變硬又濕左就麻麻。珍珠糯米雞，有雞肶肉，蝦，瑤柱同肥豬肉等，混入紅米增加口感，味道唔錯，飽肚之選。

很厭倦到新元朗中心那兩間酒樓飲茶，於網上無意中搜尋到這間位於雞地的新酒樓，本來對這酒家沒甚期望，甚至連酒樓的名字也覺得很老套，心想又是那些平價酒樓，應該都是一般水準而已，但看看食評又好像不錯，還是親身試試虛實!酒樓沒人帶位的，要自行找坐位，不過十一時多到達，也有3數張4人吉枱，不用等位實在太好了!看看點心紙，早茶優惠居然到中午12時，比平常的酒家足足延長了1小時，而且特價點心種類也多，所以就點了數款試試.茗茶每位: $5潮州靚粉果 ($3.8) 每人限點一籠粉果外皮很黏，一夾時也黏着傍邊的粉果，以致內饀倒了大半出來，外皮不太好吃，但內裡餡料很足，也有香脆的花生，而且不會太鹹，以$3.8來說都ok.羊城菜肉包 ($6.8)一籠三件的菜肉包即蒸外皮鬆軟，而且不會過厚，肉饀比菜還要多，而且肥肉不多，個人幾喜歡.臘味糯米飯 ($10.8)臘味不多，但糯米飯軟硬適中，以$10.8來說做足功課.自選孖寶 ($16.8)鳳爪排骨飯賣相不錯，但我沒試吃呢!蟹籽燒賣皇4粒飽滿的燒賣單看賣相已一流，爽口蝦肉加上豬肉的燒賣是賣飛佛!家鄉釀茄子 ($8.8)釀茄子也是大大件的，剛炸起很味呢!桂花椰汁糕 ($7