樓下冰室

Open Now

Now Closed

今日生日小聚會，當然就去我同朋友都好就腳嘅荃灣區啦，我哋都好鍾意食這間的瑞士雞翼，佢開咗新嘅分店係熊貓酒店附近，所以我哋就諗住今次試新店，結果沒有失望，都有驚喜。入到去不同嘅裝潢都十分之懷舊而且新舖更加大，可以容納更加多人，可以不用等位就可以入座。今次我就叫左我最愛的瑞士雞翼加沙律和薯角，一個娃娃菜和一杯華田脆脆。瑞士雞翼入味又好淋身，但又唔會太咸。沙律第一次在這裡食，味道都唔錯，唔會好多沙律醬，岩我。薯角夠熱又脆，再配杯濃郁華田和增加不少口感的脆脆，勁滿足。娃娃菜都十分鮮甜份量大，而且上面仲有不少菇好味道夠入味。

開張左一排，趁無咁多人去嚐鮮。招牌係瑞士汁雞肶，咁就一定要試啦。嗌左1號餐，蛋公仔麵+雞肶轉豬骨湯，再嚟多杯紅豆冰。上菜幾快，唔洗幾分鐘就有得食。先食麵，味精都幾勁，同埋湯底好鹹。再嚟雞肶，好香，但食落去都係勁鹹，問題係雞皮好鹹，啲汁好鹹，但雞肉無咩味？！唔係巨肚餓都淨係可以埋單走人，所以無下次

樓下冰室，我細細個就聽過呢個名架啦（誤）路德圍本店好出名位於大窩口熊貓酒店對面既呢到竟然開左間分店近近地，就當然要一試啦==============================裝修格局都好有舊時冰室既情懷而且坐落都好舒服食物選擇應有盡有搞到選擇困難既我都諗左好耐但佢寫招牌菜係瑞士雞脾同蕃茄通粉就叫呢兩樣啦瑞士雞脾食完之後，一個字：真不愧係招牌！未上台已經聞到豉油香聞落去以為會好咸但食落又唔會，咸度係岩岩好更加正既係佢食落會有淡淡既甜味同各種唔同既香料味令人停唔到口雞皮已經鹵到變晒色吸晒豉油既香味雞肉非常之嫩滑薯角都炸得好好外層非常之香脆而且入面唔會乾水，仲保留到水份所以會食到好香既薯仔味蕃茄炒蛋通粉又係不負招牌菜之名！睇下個湯底幾多蕃茄隨便撈都係成啖蕃茄！而且唔會太酸，酸酸甜甜咁好開胃炒蛋都係一絕唔會炒太熟或太生令佢保留到綿滑既口感而且入口之後蛋香不斷爆發麻辣脆雞粒炸得非常非常非常非常之好咬落口係好爽，好脆，好正味道都調配得好好老實講，比我想像中辣好似我咁食開辣既朋友，就一定要試下佢有幾香辣但冇食開既就要小心Ｄ啦金黃香脆既外層仲有保持到口感既雞肉完美既絕配熱朱古力出街食過咁多間，最

間茶餐廳新開星期日去食個下午，裝修好特別，但食物唔得。兩個人入去，兩個伙記企在我地個位的入口吹水，我行到過去仲要同佢講唔該借借。坐低檯面污糟，又無俾杯水。我出聲要水，但杯水好多油(我忍唔住照左張相)……西多士+熱華田: 西多士味道ok, 華田淡淡地。雞亦沙律+熱華田: 雞亦入味，但沙律好凍，而且味唔得。多數新開quality 都會好d，我都有d意外。但如果只靠裝修，在荃灣這個咁多野食既地方就要小心。希望係因為新開張未熟手啦！

公司附近新開一間冰室，當然不會錯過呢！午飯時間，特別多人，我和同事都等了十分鐘才可進去。甫入冰室，發現餐廳裝潢設計很特別，很有本土文化色彩，充滿風味。先來看看menu,款式選擇都可以，招牌菜式是瑞士雞髀飯。我自己今次就選了自家製免切叉燒瑞士雞翼煎蛋飯。份量很多，叉燒亦大塊，價錢合理。至於同事則選了午餐set, 蕃茄通粉配豬仔包，另外加一杯凍飲。同事覺得這裡的蕃茄鮮甜，與平時吃開的有不同，不落味精，值得推介！此外，這set午餐，份量多，價錢都是四十多元，抵食！整體來說，菜式味道不錯，是等候時間較長及座位稍為較逼，若下午時段來吃，應會坐得更舒適呢！

上篇食評中(https://www.openrice.com/zh/hongkong/review/%E5%8F%AA%E5%9B%A0%E6%9C%89%E4%BD%8D-e3165995)提到，23-9-2018（Sun）晏晝嚟到時太多人冇食到呢間，咁前曰（24-9-2018 Mon）中秋節我放半曰，就一個人嚟食啦，嚟到時都有人等位㗎，喺門口等嘅時候，嗅到瑞士雞翼味，等咗３分鐘左右就有位，被安排坐有欄杆嘅二人位，睇睇menu，都幾多選擇，我揀咗$48.00嘅自家製免切叉燒瑞士雞翼煎蛋飯，要熱奶茶。好快，熱奶茶到嚟，個飯亦好快到嚟，看似好大碗，其實唔係啦。瑞士雞翼係大大隻，顏色亦靚;免切叉燒唔大舊，食落，係全瘦，但嚡同幾乾，蜜味唔多夠;瑞士雞嘅瑞士汁味道好濃，太濃喇，不過係啖啖肉嘅;飯就唔多，但豉油太多，變咗幾鹹。最後杯熱奶茶，我冇加糖，囗感滑，但茶味淡咗啲。味道係2.38分，抵食係2.75分服務K嘅，個後生仔好有禮貌。環境:同路德圍嗰間一樣行懷舊風，我坐嗰個有欄杆嘅位感覺幾安全，但有啲座位比較迫。