樓下冰室

Open Now

Now Closed

放lunch時間都係唔好周圍走啦~~近近地喺附近食少少野之後繼續做野啦！！呢間野不嬲係我哋嘅飯堂~~平時唔想行落嚟食仲可以叫外賣添啊！瑞士汁滷水雞髀🍗 呢個係每次一定要必食~~真係超級入味~~雞髀大大隻之餘仲要超級滑身~good!為咗方便食用我哋切到好似雞扒咁hahaha 奄列多士~真係超級足料架 多士焗到超級趣博博~~而且蛋入邊包住大量火腿 yummy!!蛋味仲要超級濃郁㗎！~焗肉醬熱狗🌭️ 呢個既外表就較為失望！ 不過味道其實唔差~熱狗超級大條而且仲加咗大量嘅肉醬同芝士 熱狗迷一定要試一試啦最後帶多個金橘話梅同阿華田脆脆！我就最鍾意飲熱飲依家個天氣凍凍地飲就真係一流~

放工去荃灣揾個同學攞點東西，就在她家樓下的樓下冰室食個晚飯。得他推介，特地來試試這裏的瑞士汁雞翼和瑞士汁雞髀。   冰室來說，這裏極度寬敞，座位也很多，是一間新格調的冰室。侍應姐姐也很勤快。 因為忙了一天，所以如狼似虎點了招牌的瑞士汁雞翼和瑞士汁雞髀，還有蔥花差蛋飯和一個西多，很邪惡。 招牌果然是招牌，瑞士汁雞翼是雞全翼，三大隻肥美飽滿，雞脾大大隻，雞皮油亮亮，閃閃發光。瑞士汁濃稠而帶甜，雞翼和雞髀都煮得好入味！   朋友是西多控，新鮮炸起淋上蜜糖就最好食。這裏的西多唔算厚，但內裏層花生醬就好飽滿，食落有陣陣花生香。   最後個差蛋飯好大碟，賣相極之誘人。叉燒同蛋法滿滿地蓋過了一整個飯。豉油應該是用上了瑞士汁豉油，所以甜甜地送飯好好味。還有彈上那點點蔥花，令成個飯睇起嚟更靚。我不能說這個飯有100分，但對於餓極了的我倆來說，這個飯絕對有85分以上。   兩人埋單不過$150 ，絕對飽肚又抵食！絕對係有一間有質素的新派茶餐廳！

暫時我嘅搵食地圖喺荃灣來講都係新手一名，有時放咗工會喺荃灣食個晚飯先至返屋企，今次比我搵到一間抵食又好食嘅冰室，就喺熊貓酒店對面。室內裝修充滿懷舊招牌裝飾，霓虹燈矚目耀眼，食物價錢平！《麻辣脆雞粒 》$38麻辣味道刺激，脆雞粒酥脆可口。《招牌瑞士雞髀 》$28話明係招牌當然一定要試吓啦！瑞士汁夠晒甜，雞髀肉嫩多汁，就算減緊肥都忍唔住要連皮食。《蕃茄薯仔爽脆墨魚鬚鮮牛肉泡飯 》$50我見到門口寫住地表最強蕃茄湯底，果然蕃茄湯底非常濃郁味道好，蕃茄薯仔天造地設的一對，爽脆墨魚鬚入口鮮味彈牙，鮮牛肉嫩滑，如此香濃的湯底伴泡飯，滋味無窮！《炸韭菜餃子 》$32最近愛上炸雲吞炸餃子一類的小吃，餃子炸得香脆，一咬開十分飽滿的韭菜餡料，味道滿分。《德國什腸 》$34幾款不同款式的德國雜錦腸腸，啱晒鍾意食肉腸嘅朋友，可以食到不同口味。《粟米雜果沙律 》$48學生開聖誕party必食的雜果沙律就是這個味道，粟米、蘋果、雜果感覺清新健康。《忌廉紅豆冰》懷舊冰室飲品又點少得紅豆冰呢？加上忌廉入口雙倍柔滑，朋友的新鮮菠蘿冰甜度適中，清新怡人！

呢間樓下冰室我每個星期都至少幫襯1次我每次夜晚黎食都全場爆滿架🤯証明佢食物質素的確有保證👍🏻今晚我又黎食喇～～佢既選擇真係好多緊有一款岩你心水～我就最鍾意食佢既「茄」野今次又食我既至愛～🥳焗芝士肉醬意粉 （$52）佢個肉醬唔會似出面有d鋪頭咁hea只係用茄汁同肉碎煮兩煮，只有茄汁既酸味呢個係食得出佢個肉醬係用時間黎熬煮真係食得出香濃💕另外仲叫左個小食芝士煎蛋豬扒包（$35）個包焗到脆一脆入面既芝士仲要係半溶狀態好有驚喜！！但唯一美中不足係塊豬扒有骨如果去埋骨，就岩哂我呢種懶人😝半價加$8飲杯咖啡好鍾意佢呢隻杯佢呢款杯同黑白淡奶杯一樣有一種香港懷舊既味道要食得飽好容易但食得滿足難呢一餐，我好滿足呢～～

.室內環境充滿昔日情懷。.📍奶油脆豬仔包（$16）Crispy Bun with Condensed Milk這裏的豬仔包比街外的大件，豬仔包脆身，加上牛油和甜甜的奶油，應該沒有人不喜歡吧。.📍招牌瑞士雞髀（$28）Signature Swiss Chicken Leg這款瑞士雞髀是招牌名物，雞髀表層滷得十分上色🎨，可是一咬下去便發現雞肉的滷水味不太突出，不夠入味，肉質亦未夠嫩滑，肉量不少，但有點可惜。.📍華田脆脆（$22）Ovaltine Special 華田脆脆是這裏的長勝將軍，甜而不膩，草根個人十分推介。.新鮮菠蘿冰（$22）Fresh Pineapple Ice味道不太突出。.餐牌如下

難得個竹升妹朋友返咗嚟香港，同佢由朝玩到晚，朝早去完飲早茶晏晝行左成日街，又到晚飯時間啦，今次帶佢食充滿着香港特色嘅樓下冰室！先望吓個煮食先，中式西式台式樣樣有，仲有我最鍾意食嘅咖喱啊！係咖喱啊！咁鍾意食咖喱嘅我梗係要叫返個金牌咖喱牛腩飯啦，上面寫明個汁係秘製，所以叫咗個試吓。其實樣樣都好想食😍食品都算平，主食，小食，菠蘿油西多士奶醬多等等等等都有得揀，充滿香港特色👍🏻我自己就揀咖喱牛腩飯啦，只要餐牌上面有咖喱實走唔甩，因為我好鍾意食咖喱😅送到上枱直頭wa左一聲，而家真係好少見到咁足料嘅茶餐廳，我個碗牛腩起碼夠兩個人食，舊舊都係肉唔係薯仔扮㗎！而且夠晒多汁，最鍾意咖喱汁撈飯！佢個咖喱汁真係勁香濃，椰香味更突出！鹹鹹地一啲都唔辣，牛腩炆得軟腍但略嫌偏瘦，飯粒質感煙韌，有飯味👍🏻👍🏻竹升妹就揀左煎蛋免治牛肉飯，重口味啱佢呀嘛🤣我哋share食，免治牛肉茄味同牛肉好match 之餘，相配仲會帶鬆肉效果，帶出肉質鮮美😍撈埋飯真係冇得頂！酸酸味好開胃！呢個不得了喇，呢隻瑞士雞髀好似係餐廳招牌菜，因為見到每枱食客都叫咗隻，我都唔執輸叫返就試吓！28蚊咋！勁大隻勁抵食喎！遠遠已經聞到香味！精粹係香甜

今天和同事一齊去荃灣工作，下午食飯時間到了，肚餓了見到眼前有間樓下冰室(荃灣分店)，樓下冰室不嬲水準都好好，就不思考慮入去食，D姐姐個個都好有禮貌又好笑容。我們叫左吉列豬扒配厚切牛乳炒蛋治及什果沙律$53，塊吉列豬扒大過我隻手掌，真係好少見到咁大塊，炸得好脆又不太油膩，蛋治裏面牛乳蛋有1吋厚，蛋非常滑而且仲好香蛋味，沙津有蘋果、蒟蒻、粟米、薯仔、菠蘿等，全部生果都好新鮮，細細杯沙律汁乾身不拿出水，沙律醬汁好好味。叉燒滑蛋飯$50，叉燒是用半肥瘦所以不嚡口，加上和蛋炒在一起再添上自家製豉油好惹味，有些不足是飯略為腍左DD啦！炸韮菜餃子(8隻)，皮薄饀是韮菜包得脹卜卜，炸得好香口又不油，我見到餃子是D姐姐新鮮自己包，不是來貨的。餐飲可加$10有1杯特飲，我叫左:新鮮菠蘿冰$10，菠蘿是採用新鮮波蘿，甜甜酸酸非常解喝。話梅柑桔蜜$10，話梅味鹹鹹地，柑桔蜜又甜甜地，食到咁飽剛剛好用來消滯。👏🏻👏🏻😋✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

之前已經吃過荃灣的樓下冰室，這次工作關係再訪荃灣，決定一再重溫。.晚市依然人流不絕，仿舊時冰室的裝修十分有趣，食物選擇亦不少。.📍自家製叉燒滑蛋飯（$50）Fried Egg with Homemade Cha Siu Rice自家製暗然銷魂飯非常受歡迎😍，叉燒大大件份量多，份量非常慷慨🐖，叉燒有很重蜜糖味🍯，蛋炒得頗滑🐣，再加上點薑蔥和甜豉油，味道也不錯👍🏻。.📍炸韭菜餃子八隻（$32）Deep Fried Chives Dumplings 8pcs餃子一客有八隻，外皮炸得比較硬身，韭菜味香濃。.📍焗芝士肉醬熱狗（$35）Baked Minced Beef & Cheese Hot Dog熱狗剛剛新鮮做好🌭，用上硬身豬仔包，脆皮熱狗腸上鋪上惹味的肉醬和芝士🧀，味道不錯👍🏻，令人開胃。

見近排無黎，難得係附近買旅行電話咭就順道食埋晚餐鐘意呢到選擇多意粉，焗飯，小食，三文治都有上次食過菠蘿油見不錯，今晚再黎多一個剛剛焗熱，外脆內軟原塊牛油入口即溶，好邪惡呀焗芝士西蘭花用上白汁芝士焗，感覺唔會太膩多吃點菜有益炸餃子每次黎都會叫，炸得剛好韮菜餡多，再沾上沙律醬同食 好夾菠蘿冰用上新鮮菠蘿，多一份清爽，有誠意瑞士雞翼配多士沙律雞脾食得多，第一次試瑞士雞翼雞翼更加入味，最鐘意佢地個鮮果沙律料多又好食咖哩牛腩飯咖哩汁微辣，牛腩都夠多最愛已煮到入味又淋哂的薯仔好滋味

今日中午我地去左荃灣一間叫樓下冰室食lunch，入到去見到幾乎坐滿人，真夸張！侍應好就招呼我地坐低，我地點左一個特色番茄濃湯通粉配吉列豬扒，個番茄通粉幾好味，有啲酸酸甜甜幾開胃，吉列豬扒炸得好靚，金黃色賣相唔錯，食落又嫩滑，香口，又點左個冰室炒意粉同招牌瑞士雞髀，意粉炒得唔錯幾好味，又大碟材料又多，價錢唔算貴！抵食！瑞士雞髀就差啲，冇乜味道，但好大只，仲點厫碟雞湯浸什菇娃娃菜，幾好食，味道剛剛好，雜菇又多，總括呢間餐廳啲食物幾好唔錯的，侍應態度OK，價錢亦OK，啱平民化，大家不防去試食下！

今天去熊貓酒店買點東西，順便在附近吃個晚飯，記得之後朋友推介過這家樓下冰室，於是就來一試水準。餐廳裝飾的懷舊香港作為主題，有不少香港的特色設計，位置空間感足夠，而座位亦舒適。主打番茄濃湯通粉，有多種不同的配撘。另外單點選擇頗多，飯類、小食應有盡有。招牌瑞士雞脾先來一隻招牌瑞士雞脾，瑞士一試便知道是真材實料，滷煮入味，口味甜而不膩，肉質軟嫩不乾，醬香馥郁滲透骨肉，有齒頰留香之妙。特色番茄濃湯通粉另一主角是番茄濃湯通粉，湯底濃稠綿密，一呷香濃順喉，但卻濃而不膩，嚐到番茄鮮甜的味道，入面有粒粒番茄粒，並非街外的化學湯底可以比較，另外加了豬潤，剛好熟透而不過老，十分有水準。焗鮮茄豬扒飯熱烘烘的上枱，豬扒肥瘦均勻而又厚達半吋者，肉汁豐盈，甘腴可口，而微酸微甜的鮮茄醬汁，與有誠意的炒飯底十分相襯，每一啖都滋味豐美。焗芝士西蘭花最後也要叫點蔬菜，來一客邪惡的芝士西蘭花，香濃軟滑的芝士覆蓋住西蘭花，香味濃郁同時清香脆嫩。華田脆脆/話梅柑桔蜜華田脆脆一匙入口，頓然遍體生涼，經典濃郁的阿華田，加上脆脆在上面增添食趣。而話梅柑桔蜜，味道酸甜適口，腴而不膩，純粹天然果酸和蜜甜。

在荃灣這間樓下冰室裝修得有以前年代既感覺，玩味十足！都幾多人來食既一間冰室！menu有多款唔同既食物選擇，特式小食都有超多選擇！先就選擇左份炸餃子 餃皮內面係韭菜，外賣炸得香脆！蘸上沙律醬都幾香口好味，一份有8隻都幾大碟架！咖哩豬扒飯，豬扒已煎到香香脆脆唔乾身！仲保持到肉質都幾嫩滑，配埋個咖哩汁，都幾惹味架，又唔會太辣的咖哩，濕濕地送飯食係最佳選擇呀。阿華田脆脆，上層鋪滿勁多既阿華田脆脆粒粒，感覺夠哂正！較唔會太甜

荃灣出名多野食睇完戲便順路搵食，路經一間走懷舊路線的「樓下冰室」就入去試試入到去發現最鐘意食既瑞士汁雞翼，原來係尼度的招牌菜，全翼份量十足，咬落去感受到滿口肉汁，雞肉沒有煮得過火而變硬，肉質非常嫩滑滑蛋叉燒飯鋪上滿滿的叉燒同滑蛋，視覺上已好滿足，用料是半肥瘦叉燒，入口充滿油香味美，鮮嫩口感既滑蛋再配上甜豉油，令到這碟飯更加色香味俱全冰室另一美味之選是可配對兩餸既秘製香蔥豉油汁飯，今次揀選豬扒同蓮藕肉餅，厚厚豬扒不但肉汁豐富而蓮藕肉餅炸得香口再配上香蔥油美味無比特色飲品華田脆脆，脆脆入口感覺係超濃郁版華田又香又甜有咬口，可當作甜品去品嚐特別值得一題懷舊之作鮮菠蘿冰，外間飲到嘅菠蘿冰大多數係糖水加冰再加罐頭菠蘿，而這裏飲到的是菠蘿汁底再加上鮮菠蘿絕對是菠蘿控必叫之選。

同事家住荃灣，經常說這間茶餐廳食物有水準，今日去開荃灣，於是落嚟試一試打開餐牌，選擇很多，樣樣都想試，最後決定點了蔥油雞扒飯，呢個飯可以拼煎雙蛋或腸仔或瑞士雞翼或蓮藕餅，最後揀咗蓮藕餅，薑蔥加上微甜的豉油撈滿整個飯，真係好吃到停唔到口，朱扒煎得外皮香脆，內裏依然保留水份，所以一點都不會乾同事極力推介，話必吃瑞士雞翼，份有三隻，深深嘅顏色望落去已經覺得入味，雞翼咬落Juicy, 肉質嫩滑，瑞士汁味道調配得剛剛好，果然冇介紹錯，真係必吃自選呢度有紅豆奶茶飲，一於叫杯試一試，奶茶香滑茶味龍，再配上起沙淋淋的紅豆，美味另外點了一個奄列多士，每篇多事都塗滿滿滿的牛油，一口咬落麵包鬆軟再加上香濃嘅牛油味，正餐廳裝修格局充滿本土風味，連收銀位置，都掛住一個很港式地道用語的牌埋單都只是百多元真抵食

今日又落荃灣做嘢，搵咗好耐都冇位泊。最後就食返呢間樓下冰室朋友講先知原來依間樓下冰室，其實有兩間分店。#胡椒雞飯近排天氣開始轉涼，就想食返辣嘅嘢暖下胃，雞肉幾嫩滑，目測大約都有8至10件，而且胡椒味幾香。#瑞士汁雞髀配沙律及多士 $53依個餐真係勁抵食，雞髀上瑞士汁的顏色上得超靚！大大隻啖啖肉，肉質吾會好梅肉，食落勁滿足！#奶油豬茶餐廳必點之選，即叫即焗拎出嚟嘅時候仲係熱辣辣，食落好脆口！#紅豆冰大約有三份一杯都係紅豆，好綿好軟，奶味都夠重，如果小冰就更加好。餐廳食物質素唔錯，人流都比較多，座位就比較狹窄。但畢竟香港地啲租金咁貴，大家都應該要體諒下。