樓下冰室

Open Now

Now Closed

因為之前去旅行食西餐食到怕，超掛住香港快餐，於是收工拉住同事陪我去附近冰室食野😆樓下冰室裝飾好懷舊，有六七十年代既地磚，招牌，好有香港特色😎一黎到我地諗都無諗即刻叫咗佢招牌瑞士汁原隻雞翼，鹵得好入味，一咬落去成口瑞士汁，甜甜地又唔會太鹹，味道啱啱好，雞肉又唔會嚡，可以話色香味俱全😋蕃茄濃湯螺絲粉配牛乳炒蛋我叫咗三餸，有鮮牛肉、自家製叉燒同鮮菌！蕃茄湯底超濃郁，酸酸甜甜好開胃，連埋啲餸就更加鮮甜😋牛乳炒蛋好滑，唔錯，難怪咁多人嗌咖哩牛腩飯牛腩燜得好腍好入味，不過就略嫌瘦咗啲，如果可以肥少少就更好食🙈咖哩味相對迎合本地口味，徧甜，但總括黎講都係唔錯既🙂華田脆脆幾特別，表面有層朱古力脆脆，但相對徧甜。不過華田甜度適中，所以中和餐，值得一試😊

雞髀的分量幾大，色澤又黑又光亮，仲聞到好香濃的瑞士汁味道，真係好期待呀😙。食落都無令我地失望，瑞士汁的味道完全滲入曬雞髀入面，微咸帶點甜，味道好濃郁，配合埋滑溜的肉質，搞到我地都爭住食呀😝。抵食👍..既然來到蕃茄湯專門店，梗係要試下佢嘅特濃蕃茄湯通粉😋。茄通內有好多蕃茄切粒，配埋炒蛋同通粉一齊食，口感好豐富。湯底係自家制煲煮，味道幾濃亦好有新鮮蕃茄的味道👍。美中不足的係食完喉嚨有少少渴😣

是日返夜開工前黎荃灣幫朋友買啲野🙈搞掂正值放飯時間🍴還掂要早餐都未食一於黎食下茶餐醫下肚先🤪-位於荃灣荃薈廣場既樓下冰室☕️雖然距離大窩口站比較遠🙈但趁空閒散下心散下步☺️由B出口過天橋經大廈街同大窩口道行過黎都算方便😆呢度以六七十年代老香港冰室外觀設計☺️內裡充滿著老香港既舊日風情☺️🇭🇰牆身木架放滿著一系列既懷舊飾品水牌☺️亦盡顯香港地道傳統特式😆呢度高質抵食既午市套餐🤤🍴吸引到唔少上班一族及學生哥放飯黎幫襯😆但適逢Lunch Time空間會較為逼比較多人🙇🏻‍♂️要黎食既朋友們記得預早少少時間等位啦🙇🏻‍♂️-特色鮮茄濃湯通粉配牛乳炒蛋套餐(追加鮮牛肉)小肥叫左至愛既鮮茄濃湯通粉😋🐮仲有醒腦醒神既凍咖啡🤤另外配多一款小食亦夠哂足料抵食😋😆以濃郁鮮味無味精既蕃茄湯底🍅🐮通粉有咬口啖啖濃郁茄香之餘🤤🍅而追加既爽口滑牛片亦夠滑嫩Juicy🐮🤩再配合牛奶炒香既奶滑炒蛋亦夠哂豐富足料🤤🥚而奶味較重既凍咖啡☕️走左甜亦帶出郁咖啡香☺️為醒腦醒神的開工日做充電準備🔋🤣😢-瑞士汁雞脾呢個套餐包埋既小食🤤🍗將雞脾配以濃郁既瑞士汁老火熬煮🤤🔥十分入味既雞脾食落肉質滑嫩之餘😋🐔🍗啖啖濃郁瑞士汁甜香甚為回味😋☺️

樓下冰室,鄰近於悅來酒店,裝修以舊香港特色為主,因價格都較便宜,所以全日人流都多哩度招牌早餐有蕃茄湯底的通粉,湯底較濃,幾受歡迎今日叫了個魚柳,珍寶腸,炒蛋早餐,份量都大,魚柳炸得脆口,炒蛋好滑,但珍寶腸煎得過火了,皮硬肉乾

今晚黎左呢間裝修得好有特色嘅冰室開飯, 充滿老香港風味就連天花都掛左好多仿昔日香港嘅老招牌Menu 列出佢地嘅招牌特色主食自家製叉燒滑蛋飯無論係飯定餸, 份量都超大｡ 個蛋炒到半熟狀態, 口感好滑溜｡ 叉燒大大舊, 半肥瘦, 肉質較嫩, 加埋秘製甜豉油簡直係無得彈番茄濃湯通粉配牛乳炒蛋湯底係超濃厚嘅番茄湯, 入面仲有大量嘅茄蓉, 酸酸甜甜嘅味道令人特別開胃｡ 雞蛋同樣炒到半熟滑蛋狀態, 令口感鬆軟綿密｡ 通粉仲可以轉做螺絲粉、意粉、米線、公仔麵、湯飯添招牌瑞士雞髀冰室嘅招牌小食, 雞髀呈深啡色, 上枱時額外淋上瑞士汁, 肉質非常腍, 而且夠晒入味焗芝士西蘭花看似健康但又邪惡, 西蘭花夠淋身, 加入白汁芝士一齊焗, 又點會唔好味呢 !?!西多士令人難以抗拒嘅小食, 西多士炸到金黃色, 乾身唔油膩, 牛油慢慢喺西多上溶化, 中間夾左層花生醬, 而且仲要係粗粒花生醬, 食起黎更加香口咸檸七呢度嘅咸檸用上新鮮檸檬同咸檸檬, 味道甜中帶咸, 而且加多左份清新嘅檸檬味, 夠晒清凉解渴

都唔係第一次食樓下，對佢D小食一直念念不忘，今次再黎試下D新野先。裝修依然咁靚，員工又好服務，食物選擇仲多到試唔晒!炸韮菜餃子 $32睇相都見佢炸得漲卜卜，白裡透綠，皮好脆唔乾唔硬，仲有D沙律菜感覺冇咁熱氣添。麻辣脆雞粒 $38個名同個樣都好辣，但我都接受到，係好香好入味。大大粒，完全冇多餘既粉漿。鮮濃茄牛肉燴意粉 $50好大碟，D菜係熱嫁! 醬好多好夠唔會食到最後乾晒。牛肉都好多，有肉質。厚切牛乳炒蛋治 $22個蛋好厚呀! 真心正，雖然唔算好香白奶味，但真係好滑，正!胡椒豬肚滑雞泡飯 $52個碗好靚好大，勁足料，好香胡椒味，雞肉真心滑同多肉少骨。$52勁抵，就咁食個晚餐都得

冰室既野飲真係好重要，今日熱飲凍飲特色飲品都叫左，睇下真功夫 😎檸檬菜蜜，檸檬幾新鮮，菜蜜唔會死甜味。新鮮菠蘿冰啲果肉都真係新鮮，唔會好似出面咁用罐頭。忌廉紅豆冰：重點普通一間冰室入面既一個幼腳bell shape透明杯竟然裝住杯驚世飲品 😱 由下而上描繪呢杯絕世懷舊多層次飲品就要由紅豆冰最重要既紅豆開始。大大粒每顆飽滿得黎又煲到起晒沙既紅豆佔左高身杯既四成，用飲筒插到落底細力吸一啖就會出現奶豆黃金比例。雪白色既奶底一半有冰，雖然唔係碎冰，反而令佢淡得冇咁快。重點係杯上既忌廉金字塔，凍、滑、香，將成杯紅豆冰昇華到另一個層次。潷一啖食，再飲啖黃金比例紅豆冰，同熱辣辣既美食就最夾喇 🤤美食方面都要講下招牌雞脾！色水夠靚，入味，同早幾個月食過都係咁高質。今次試新野：芝士蒜蓉多士，正喎！芝士味唔夠蒜味出，但都唔錯，好脆 蕃茄通粉又係必食既，一如以往咁正，湯都飲埋，大家要多多支持高質食品！ 👍🏻👍🏻

去開荃灣做野見到依間冰室環境唔差，樓底又高。所以坐低食個快飯滑蛋叉燒飯有別於一般，炒蛋很香很軟綿加些叉燒半肥瘦，加上醬汁後，吃下去有點甜甜的，混埋叉燒、蛋和飯一起吃，而且份量很大碟，兩個人分著吃也可以！番茄濃湯通粉見到真係有蕃茄肉係入面！蕃茄湯底味道濃郁，好香蕃茄味又唔會好似一般湯底得個鹹字。份量好多招牌瑞士雞脾好大隻好飽滿結實，一上枱已經聞到好香瑞士汁既味道，瑞士汁好好味，少少甜甜好入味，濃厚的瑞士汁，實在好味！這個雞脾， 值得推介！菠蘿冰菠蘿美非常新鮮及濃，誠意之作！華田脆脆比起平時茶餐廳既華田濃，上面再加了阿華田脆脆，很有咬口唔會過甜，脆脆好好食。—

之前試過路德圍果間今次路過就又試下荃薈呢間有咩唔同！就咁望餐牌個樣唔同，不過內容就好似，應該一樣🤣唔確定！🔸今次試左推介 番茄濃湯通粉+餐肉+叉燒 $50因本人唔知點解好鐘意食無益既午餐肉，因為真係好食😆另外樓下冰室D叉燒又好吸引，因為佢真係好淋，一D都唔會乾，又甜甜地！所以好貪心加左兩樣餸😌不過咁大碗食完都飽曬啦，性價比都好高！另一樣值得一提係估唔到普通既通粉都可以煮得咁有口感！👍🏻🔸另外仲叫左個其他地方要下午茶時間先有既 公司三文治 $48無淨睇個價以為好貴，其實佢都係估佢唔到咁大份，勁厚身到支牙簽係淹沒曬，食果陣記得要小心🖖🏻攞返支牙簽出來，唔好食埋🤣個公司治大到係一啖咬唔落，女仔只係咬到一半😆個炒蛋成寸幾厚，勁誇張😱🔸一場來到當然要試下佢哋既招牌 瑞士雞脾 $28瑞士汁甜甜地又咸咸地大人小朋友都應該會鐘意！隻雞脾好入味又啖啖肉，皮連肉食就岩岩好唔會太咸👍🏻唔錯，值得一試！

今天黎到呢間樓下冰室，佢既裝潢實在有特色，舊式香港風格，更有昔日情懷舊式招牌，別具意義！瑞士雞翼坐下之後，先睇睇餐牌，當然order 瑞士雞翼、呢度嘅瑞士汁的確唔錯，甜度適合，醬油香滑，而且雞翼又入味，肉質嫩滑多汁，係一樣不錯的美味小食！豬膶．蕃茄湯縲絲粉之後試下蕃茄湯縲絲粉，味道濃郁更充滿鮮茄蓉，再加上滑滑炒蛋，新鮮爽脆的豬膶，色香美味！焗肉醬芝士薯角一大盤都係肉醬加好多好多芝士，而薯角外脆內軟，真係食過不停了！焗肉醬熱狗🌭️一個大大外脆內軟的包，內有一條長而美味的大腸仔，而成個面都係肉醬加多芝士，又係一個抵食又好味之選！炸韮菜餃子🥟一份有8只，皮脆而餡內充滿韮菜，而且入口更是熱熱的，清清地又幾好味！華田脆脆最後，飲品方面更有多款的特色飲刕，華田脆脆是我必選，係阿華田之上，加上朱古力脆脆，口感有不同層次，更有濃濃的可可之味！

我好鐘意食蕃茄湯通粉，但唔係度度都好味， 有啲會好酸或湯好稀，呢間冰室好啱我口味好多茄肉，湯好濃郁，酸甜適中， 感覺好真材實料， 加埋隻牛奶炒蛋好滑， 令到湯底好似有蛋花咁， 好正蕃茄通粉最佳拍檔當然係瑞士雞翼啦， 絕配好味另外試左豬扒蓮藕餅飯，呢個蓮藕餅外型成個波咁， 味道真係估佢唔到咁出色， 煎得好香脆， 好想送多碗白飯小食辣雞粒有點熱氣， 不過幾夠辣幾夠脆， 份量都幾多， 間唔中食一次唔緊要啦見到隔離飲柯華田脆脆冰好正咁， 果然真係正到不得了， 勁濃華田味， 面頭仲舖了朱古力脆脆至於另一杯菠蘿冰竟然用鮮菠蘿粒， 好似飲緊鮮菠蘿汁咁， 好解渴

又係食港式早餐既時間！約左朋友去荃灣食野，時間早早地最岩都係食早餐。係openrice 見到原來荃灣有兩間"樓上冰室", 兩間都有幾多好評，不過只得一間有早餐。最後我地揀左呢間熊貓酒店附近既，試試佢個早餐。我揀左"招牌鮮茄餐肉粒湯通粉", 配炒蛋同熱奶茶（$36)。朋友一人揀A 一人揀B, 仲加左錢飲阿華田脆脆！食物質素不錯，蕃茄湯都夠濃，蛋夠滑，奶茶夠茶味。偷飲左朋友既脆脆都覺得幾正，下次次可以加錢飲。整體而言up to standard, 經過荃灣可以試試～

茶記中呢間算係裝飾就幾特別，老香港情懷，打咭影相唔錯。 門口招牌寫主打瑞士雞肶，入去叫左個瑞士雞翼同雞肶，味道就唔錯既，甜度足夠滋味。 但另外叫左碟話係要等15分鐘既冰室炒意粉，一拎上枱已聞到蕃茄既酸味，食落就feel到勁甜勁酸既重重重口味，諗住係難得用心既炒意粉，點知無炒過既味道，意粉又唔見有炒燶香，條條意粉都好光滑，似撈意粉咁，但奇怪係成碟意粉熱到出晒煙，唔太正常，似係微波爐高溫叮熱既效果，多過炒出黎。太重味精，越食越反感，一啖意粉一啖凍飲黎解味精，再好既環境都唔想再食。

主打番茄湯嘅樓下冰室已經食過好多次，之前次次都係食蕃茄湯同瑞士雞髀，亦都好多人介紹過。但今次因為唔係好肚餓，所以就冇叫番茄湯，決定叫個三文治食下。佢哋嘅蛋治份量好足好厚，而且生熟到啱啱好，啲蛋唔會太熟搞到乾爭爭，自己額外再加啲鹽，飽肚又滿足。呢個蛋治真心推介！絕對係樓下冰室除咗番茄湯同瑞士雞髀之外，嘅另一好選擇！臨走嗰時發現，原來蕃茄湯通粉餐都可以配呢個滑蛋三文治，以後食厭咗瑞士雞髀，不妨可以叫份食下！

呢日出去荃灣陪女皇睇中醫，之後就係附近商場睇下有咩好食！！睇到呢度既裝修都幾特別，行復古懷舊嘅路線~~重點係呢度嘅主打係我最愛嘅蕃茄濃湯，好難忍得著唔去試試xppp我要左一份“ 特色蕃茄濃湯螺絲粉配牛乳炒蛋同瑞士雞髀”HKd$50，而女皇就嗌左一份“吉列豬扒配粟米沙律、牛乳蛋治”HKd$53，仲要左一份“瑞士雞翼”HKd$33share黎食=）落左order，唔洗5分鐘就經已有得食！！！份量一d都唔吝嗇，好大碗啵！！！蕃茄湯的確幾濃，味道唔錯，滑蛋加蕃茄真係不敗既組合~~~瑞士雞髀好大隻，瑞士汁帶有微甜，肉質唔嚡，食落夠滋味！！而女皇既吉豬餐都好豐富呀！！！尤其係份蛋治！！！超級厚，真係食半份都飽左四成呀~~~“瑞士雞翼”就一份三隻，每隻都係全翼，大大隻=DD 我地仲一人飲左一杯勁濃既華田脆脆添♥♥佢哋仲有下午茶餐，望落都幾抵食，下次經開要trytry先