樓下冰室 (Closed)

貼地好味茶記 - 樓下冰室荃灣路德圍14-18號B舖Shop B, 14-18 Lo Tak Court, Tsuen Wan港鐵荃灣站 A1 出口, 步行約5分鐘**必食瑞士雞脾?!!!!瑞士汁雞脾 -肉很入味且軟林，正!!甜甜的瑞士汁味道剛好，不會太咸，肉質軟滑!!蕃茄滑蛋螺絲粉 -多蕃茄肉，味濃且甜‧蛋方面十分軟滑!!綠椰冰 - 較普通，只有少許椰汁味道菠蘿冰 - 很多菠蘿肉，不會過甜，很不錯。個人認為菠蘿冰比綠椰冰好飲茶記FANS，絕不能錯過。******************************For business and other inquiries please email me at**Contact : athenamm2016@gmail.comBeauty Exchange Blog:My BlogFB: My FBIG: athenamm2016

因為近期食素的關係 所以選擇不多 記得樓下冰室茄通酸甜 不比勝香園遜色 今日就對自己的胃好點 去食滿足的一頓 平日的關係 沒有人潮 不用排隊 立刻可入坐 位置是較為窄 而冷氣開得蠻大 平常來到瑞士汁雞脾可說是必叫的今日只好忍一忍口 轉戰茄汁炒滑蛋通粉加蒜蓉脆豬 再加凍檸茶 脆豬先到 分量大 香脆蒜蓉味足 果腹的好選擇 檸檬茶 茶味夠 不太甜 主角茄通到 炒蛋浸在湯內 嫩滑 茄蓉湯酸甜剛剛好 通粉軟硬適中 唯一缺點通粉不太入味 會有點烚通粉水的味道 價錢合理

平時放工去荃灣行都會間中去呢間樓下冰室, 平時都是晚上18:30左右食所以從不用等位今天第一次中午1點去, 外面都有7,8個人等緊位, 好在今天同朋友2人等了10分鐘就入得去蓄茄炒蛋是每次必點的, 我也會選貴一些48蚊餐有多隻瑞士汁雞脾平時18:30前去落單是下午茶包飲料...今日得飲料半價, 我決定食完再出去買野飲朋友唔肚餓陪我食所以叫了個西多士, 落單阿姐好似有D驚訝佢叫了西多士中午太好生意, 個個待應都好忙.....就連我呢條蕃茄意粉都睇落好"混亂"咁平時必叫小辣但今日有少少喉嚨痛唔敢叫,  不過保持水準蕃茄味濃, 蛋滑平時晚上食的雞脾好似比較入味D, 中午都OK ge朋友的西多算"大舊", 不過分3包糖槳整出來好麻煩, 客易整到成手都係朋友食了一個就話唔多想食... 我喉嚨痛都要去試下!西多士炸得太耐, 又乾又硬, 入面的花生醬又乾又無味....果然唔好食可能因為午市太忙, 西多士多要另外幫我地整.....下次唔好中午叫呢D野平時食都覺得幾好, 今日中午真係差了好多....下次都係少人D的時間先會再來

平日晚上懶得煮飯，都會選擇近近地，到荃灣路德圍一帶覓食。多得住荃灣的朋友推介，今晚來到樓下冰食試試傳説中的瑞士汁雞翼及茄麵！雖然坐位較迫，但梳化椅算住得舒服。圖文餐牌，一目了然。瑞士雞翼這裡的瑞士雞翼汁做得很出色，雞翼很入味，色澤很好，值得一試。蕃茄濃湯公仔麵加$8豬潤香濃的茄味令人垂涎！先來一口湯底，蕃茄味濃郁，除了用茄膏外，還可吃到蕃茄蓉。改選公仔麵，有掛湯的作用，所以吃落每條麵身都沾上茄湯，很讚！除了爽口的豬潤，其他配菜還有雜菇、滑蛋、腐皮。吉列豬排飯炸豬排脆漿不算厚，唯豬排炸得有點乾。面上淋上茄汁，很開胃。不過不失。紅豆冰悶熱的天氣來杯透心涼的紅豆冰可即時降温。椰味清香，紅豆煲得未算綿，但不算太甜，而且紅豆份量算多。

每次經過荃灣的樓下冰室，都見到門外有很多人等位，今天經過的時候，不用等位，便入去試試。餐廳以蕃茄湯通最為著名，所以他們的logo就用了一個蕃茄作主題。牆上掛了幾款餐廳必吃：雪糕紅豆冰菠蘿冰緑椰冰紅豆冰咸檸七蕃茄湯通粉瑞士雞脾鮮茄湯通粉套餐（$42 +$10轉咸檸七）鮮茄湯通粉可選配牛肉、豬潤或义燒，通粉亦可轉其他粉麵，另外還有火腿牛乳炒蛋和茸蓉牛油脆豬仔飽。番茄湯味很濃郁，亦可以吃到蕃茄塊，但如果可以將番茄去皮和去蒂就比較好一點，只是覺得既然主打的菜式是蕃茄湯，可以做得更好。通粉口感爽彈，牛肉有五片，但有少少靭，牛乳炒蛋份量一般，亦不算太幼滑，火腿一般貨色，豬仔飽外脆內軟。咸檸七，除了有咸檸外，亦有三片鮮檸。咖哩牛腩飯（$45）份量驚人，咖哩牛腩多到滿瀉，白飯亦很大碟，以份量計算可得滿分，味道方面就一般，薯仔很好味，咖哩牛腩則沒有太大驚喜。套餐可選配餐飲或餐湯，我們選了蕃茄湯，味道和蕃茄湯通粉的湯底一樣。調味樽仔是可樂樽外型

今日係荃灣買完野 朋友話知道附近有間冰室好似唔錯 所以就黎左呢間冰室 平日夜晚八點幾接近九點 但都幾乎爆滿 裝修又幾有懷舊茶餐廳風味 睇黎唔錯啵我同朋友叫左一個餐 蕃茄濃湯通粉配牛乳炒蛋 另外配一款小食個蕃茄湯底真係無得彈 又濃又稠身 通粉份量都唔少 炒蛋嫩滑又香牛乳味 配合個蕃茄湯更加將味道提升 呢個蕃茄通果然係呢度既招牌菜 小食我地就揀左瑞士雞翼 瑞士雞翼最重要就係個汁 呢度個汁好甜岩岩好 我同朋友都喜歡呢個甜度同稠度 煮得好入味 好耐都冇食過咁好味既瑞士雞翼 呢個餐$48黎講真係好抵食 一個人食既話真係會幾飽厚切牛乳炒蛋治件蛋治唔係講笑 真係好厚身 啲蛋食落同個通粉既炒蛋有小小唔同 講嫩滑通粉裡面既炒蛋略勝 但蛋香同口感呢個蛋治更勝一籌 更加食得出本身既蛋香味雞湯浸什菇娃娃菜連續幾日都食得太豐富 我想食返多小小菜 所以就揀左呢個菜 入面除左娃娃菜仲有三種菇 雞脾菇 秀珍菇 鮮冬菇 份量好多 個菜用左雞湯浸 清清地都幾好味 但就切得有啲大棵 食起上黎有d狼狽 如果切細小小就會更好 朋友都對呢味菜幾欣賞 仲話如果平時自己食lunch想清啲 又想食多啲菜 就咁叫呢個都已經夠哂紅豆冰紅豆

都係睇這裏咁多好評，就試下，無諗過瑞士雞翼咁好食雞髀同雞翼對比，雞翼最好食，當然雞髀其實都唔錯。雞翼瑞士汁味濃，放在枱上我已聞到瑞士汁味，流曬口水了。一口咬落去，雞翼內既瑞士汁嘅出黎，咸咸甜甜， 味道十分正。另要特別講講雞翼尖部份，可能是濃濃的瑞士汁，所以雞翼尖部份特別入味，好想買1打雞翼尖回家食的感覺。整體來說係食咁耐瑞士雞翼最好食的。睇好多人話蕃茄湯通粉很不錯，但我食落就覺得都好食，但沒有大家講到咁好食。湯不算好濃，食到蕃茄肉，湯上還有炒蛋，整體還好吧！好可愛既胡椒粉可樂樽，忍不住照張相。環境乾淨且裝飾特別，牆上海報還帶點懷舊feel。

出開荃灣...唔知食咩好...咁就 OPENRICE 睇睇有冇好推介...揾到間在附近...樓下冰室...必食 ~ 瑞士雞脾...必食 ~ 蕃茄濃湯...見到話要等下位...咁諗住應該掂啦...我就決定去試下...可惜...只有嘆...我真係唔識欣賞...個度既位窄到呢...衰過茶餐廳...二人枱...放兩個餐就真係有點難度...要移來移去...食得真係好唔方便...我地點左兩個...一個唔駛諗就係必食個兩樣...另一個就要左豬骨湯底...吉列豬扒...老實說...48蚊...真係冇諗過唔包飲品...加錢要兩杯凍奶茶...埋單咁就114啦...雞脾上枱...色澤係好夠... 不過食落就麻麻...似食鹵水...未有食到瑞士甜味雞脾唔夠嫩滑...肉質好鞋口...令我有點失望... 蕃茄濃湯公仔麵...蛋好滑溜...湯底好似羅宋湯咁...飲落好普通...會唔會係茄膏煮架???其實好普通...有點名過其實的感覺...豬骨湯通粉...平凡到不得了...張枱太細了...唔想再影落去...吉豬冇獨立影...豬骨湯通粉後面就係吉豬啦... 坐得唔舒適...應該唔會有下次...價錢又唔係特別平...好難

Date: 20Aug週末食飯要排隊是常識吧🤓還好不算等太久，2個人等了約5分鐘就有位了！yeah!↑牛乳炒蛋蕃茄湯通粉+瑞士雞髀：蕃茄湯一如既往的濃郁，最喜歡是它有著蕃茄肉。牛乳炒蛋即使和蕃茄湯一起吃也能吃得出牛乳味，可想而知它真的加了牛乳！（是的，是很廢話，但確實很多聲稱加了牛乳炒的蛋根本吃不出半點牛乳來🤷🏻‍♀️）美中不足的是瑞士雞髀遲了很多才送來，基本上是通粉有通粉吃，雞髀有雞髀吃，好像吃著2個餐（還好是蕃茄湯，又有蛋🙈）雞髀非常入味，熱辣辣（應該是剛好做了一批，眼見旁邊的剛坐下來雞髀就馬上送上，反而要等意粉）雞肉完全熟透卻保持嫩滑，值得一試！↑蕃茄焗豬扒飯（朋友點的）

因其個個都成日話要食米線食下食下嗰個酸辣湯底都已經食到厭晒而且係夏天嘅時候更加冇晒胃口今晚今日見到呢間有番茄湯底嘅通心粉食所以就叫左一個鮮蕃茄濃湯通粉套餐一個套餐裏面有牛乳炒蛋或可以選擇滷水雞髀或者雞翼甚至可以選擇其他豬扒或雞扒我當然選擇了他們的招牌瑞士雞髀瑞士雞髀十分大隻有如一個斧頭般大而且色水夠濃又不會鹵得太過火致肉質過老而主角番茄濃湯通粉餐廳用上新鮮蕃茄新鮮炮製而成絕非街外的化學罐頭食品，不過其中的牛乳炒蛋竟然預先放進湯內所以簡直好似叫咗另一個餸咁變成左番茄炒蛋咁樣嘅味道

見到咁多好評特登去試下, 好似雞脾好出名, 叫左個蕃茄通加瑞士雞脾。$48冇野飲, 加埋凍飲$57。荃灣茶記來講都幾貴。雞脾幾好食好濃味, 蕃茄通就不過不失, 我覺得我對佢期望太大了。 同埋呢知性價比麻麻。座位方面好迫好窄, 2人卡位會比出出入入既人撞到, d 單又亂, 我另外叫既牛排放左係隔離枱好耐人地話冇叫之後扮拿返入廚房又比返我 來到凍晒又乾晒。。。我下次唔會來。

見到主打蕃茄濃通粉眼看下差太多台台也會叫一碗所以今日跟風都係叫咗一碗不過今次今餐就跟咗吉列炸豬扒齋看這個湯底顏色已經知道冇叫錯完全唔係其他茶餐廳果D化學蕃茄汁一入口濃濃鮮茄係甜酸衝擊著每一寸味蕾而且我仲跟餐加左＄8加配鮮牛肉輕輕走油的嫩滑牛肉再放入熱辣辣的番茄濃湯底下令成個通粉昇華湯底唔單止有新鮮的蕃茄香味仲更加有甜甜的牛肉鮮味另一樣出名食物就係此店的鹵水雞翼一份滷水雞翼有三隻雞全翼色水比平時的深少少不過其鹵水味比其他更濃而且成隻超大而且有肉最後叫多咗杯紅豆奶茶（+$10）粒粒紅豆十分飽滿

有時唔太肚餓,無乜胃口,又想快靚正, 喺香港最好食個常餐, 好少會難食, 今次黎到呢間冰室, 見到有我鐘意食既雞脾, 仲有賣相好吸引既蕃茄湯粉, 望左陣餐牌就點左呢個套餐, 有瑞士雞脾+炒蛋+番茄湯螺絲粉。黎到發現炒蛋係放喺碗蕃茄湯螺絲粉上面, 感覺唔多好,心裡打左個折扣,其實分開上枱會好好多, anyway個蕃茄湯底好濃好好食, 炒蛋浸住啲湯,真係搞到味道麻麻,蕃茄湯蓋過晒蛋味。至於隻雞脾都有少少失望, 味道可以,有味唔會太咸, 但肉質唔夠嫩滑。整體黎講都可以,但唔好太高期望

晏晝2點有多係荃灣放lunch, 特登老遠去到呢間"樓下冰室"食嘢。位置好闊落，裝潢帶點懷舊感覺。冰室嘅推介，款款都好吸引，睇到都流晒口水我點左：番茄濃湯通粉配瑞士雞髀($48)蕃茄濃湯通粉個湯底堅濃，熱辣辣勁正！又唔會好鹹或者重味精，加上佢通粉軟硬適中好爽口！湯底仲要係越食越濃嗰隻，無誇張..因為佢D蕃茄溶左落湯會再"傑"左..jesus..我成個湯飲晒！！至於牛奶滑蛋，第一佢mass夠, 其次真係好香，有少少生生地，更加滑溜溜咁！！瑞士雞髀（跟餐）好夠份量，雞髀皮同肉都好嫩，仲有佢嘅豉油汁同出邊嘅有少少唔同，我覺得好似甜啲同埋有少少甘甘地。平時食開嘅茶餐都$4X，食完仲要唔係特別飽，呢到成個餐通粉加雞髀先$48，勁夠食，好滿意。另外加左杯綠椰冰（跟餐加$11)本應唔知咩嚟，但係飲完覺得值得一試。佢其實係杯類似紅豆冰嘅嘢，但係其實係綠豆+椰漿，味道方面冇紅豆冰咁甜，但綠豆味都好香，夏天黎講係幾清新嘅！！本應同店員講要少甜，但係佢哋話全部都係椰漿，冇得少甜，由此可見應該冇額外落糖水，like！飲飽食醉呀真係，個日食完lunch出job, 係巴士訓得好甜wahahah 一定有下次

荃灣呢條街大把嘢食，今日就無啦啦俾人拉咗入嚟食瑞士雞翼。每次嚟冰室必定揀常餐。呢度嘅常餐係番茄湯通粉再配搭一個餸，咁我係叫咗瑞士雞脾咁。我真係唔明啲人點解會叫雞全翼囉，都唔知點食好，所以醒目嘅我就梗係叫啖啖肉嘅雞髀啦。瑞士汁味道係夠晒香濃，但比起其他冰室嘅雞髀嘅 size 係細啲嘅。友人唔食番茄，於是轉咗做豬骨湯通粉，配多士奄列。多士係厚多士嚟嘅，仲搽上咗滿滿嘅蒜蓉醬，每一啖都好好味。火腿奄列都比平時嘅嚟得大份，所以平時超大食嘅友人都食飽咗。