榮記(東成)飯店

Open Now

Now Closed

同老婆特登嚟食晚飯，叫咗黃金蝦($48)、蒜香蟹飯($48)同生炒骨($40)。生炒骨先上，酸甜汁幾好味，排骨唔係包好多粉漿嚟炸，亦做得唔錯。黃金蝦就一般，我哋嫌用得太少咸蛋黃，唔夠咸蛋嘅香味同咸味。最後到蒜香蟹飯出場，炒飯底，上面放上炒好的蟹就算，啲飯吸收唔到蒜頭同蟹嘅味，所以有啲失望，不過$50都唔駛，已經收貨有餘。喺大排檔食飯點可以唔飲啤酒，叫咗一支嘉士伯($15)，俾碗去飲，幾過癮。

看過其他食評說得不錯，昨晚二人第一次去吃晚飯，地方很大，頗乾淨，叫了炸腐皮卷，黃金蝦，豆豉鯪魚油麥菜。第一碟拿來的是椒鹽蝦，我們說叫的是黃金蝦，侍應不想換，我們堅持要黃金蝦，她才肯換給我們。炸腐皮卷—很好，餡料很新鮮，雖然是炸的，卻一點都不油膩。黃金蝦—非常好味，蝦很新鮮，沾了咸蛋黃來炸，很入味，又香口，連蝦殼也一齊吃了。豆豉鯪魚油麥菜—一般，油麥菜略嫌老了少許。侍應是全女班，服務不太好，要舉高手大聲叫才會有人理你，不過大排檔，也不會要求很好的服務。總括來說很好，一共$134，下次去試菜膽雞。

來清真惠記食晚飯，因太晚就只有羊腩外賣，當然唔多夠啦，所以就在這裏炒返兩個小菜食，我們叫了椒鹽九肚魚、椒絲腐乳通菜和啤酒。椒鹽九肚魚- 外皮唔會太多粉，但炸得好脆，內裏的九肚魚就更是好味，又新鮮，送酒就真係一流，有點像薯片一樣，食完還想再食。椒絲腐乳通菜- 通菜很新鮮，但腐乳汁落得太多，食到尾就太濃味了。因只有我們兩個，不能叫太多，下次要約人來這裏再食過。

$48個蒸蟹飯,個人覺得好抵食.雖然不是糯米飯,但炒底飯再加咸蛋蓉"釣"味,又有另一種感覺.蟹就正常size,實肉多膏,有Ｄ睇頭.自己都試過整蒸蟹飯,都幾多工序,這個收價算"平"架拉.油鹽水泥"魚孟"$55,有8大條.仲要新鮮到係個魚缸即撈即剷,好過好多地方.

11時多先食晚飯,想不起還有甚麼好食的小菜館營業,就到鵝頸街市碰碰運氣!!估不到門一開,熱鬧到不得了,人客坐滿大半個場.隨手就叫了菜膽雞,美極煎蝦,蠔餅同肉絲炒麵,再加兩枝啤酒.菜膽雞唔錯,半隻雞都幾大碟,芥菜膽變了油麥菜,都幾夾味架.蠔餅亦是少有的好食,美極煎蝦同肉絲炒麵都夠脆口.整體是有水準的,獨獨是出菜比較慢.

近來喜歡多吃一點大排檔晚飯, 記起鵝頸的大排擋表現不錯, 與朋友帶著白酒同行先點一個白灼蝦, 基圍蝦大細適中蝦肉爽口鮮味略嚴辣椒豉油欠了半點辛辣; 節日期間客人不小炒鱔早已售罄唯有改點一個炸子雞和茸蓉蟹飯, 炸子雞比想像中香滑討好只是外皮有點香脆不足; 茸蓉蟹飯份量不小而且茸蓉十分香口, 可惜蟹仔沒有蟹糕而且味道偏重. 服務方面比一般大排擋有禮貌.

3月23日因為惠顧惠記的食品,而又借用這間店子的位子,故此順理成章也試試這裡的出品.試了芥蘭炒鮮魷~上檯時熱辣辣,正!芥蘭是粗身那種,上街食飯通常都用呢種貨色,在家就通常選用幼身的,可能粗的賣相好一點吧,咬一口,碧綠之中藏著爽脆,而鮮魷亦都做得剛剛好,不會過靱,而且好快就被各人吃掉,受歡迎程度可想而知!白灼蝦~蝦仔細細隻,呈粉紅色,因為唔想落手去掉帔殼,所以用口來做,咬落去D蝦殼卜卜脆咁,好得意,同平時個D好唔同,蝦肉本身都算幾鮮甜,不過可能較細隻既關係,所以食食下都無咩心機食喇.咕嚕肉~個人認為都幾好食,個酸甜汁做得唔錯,肉球方面都不賴,只是略嫌不夠脆口.最後到來的是酥炸腐皮卷~呢個亦是香口之作,炸得脆卜卜,內裡的材料好多,咬一啖就趺晒落個碗到,雖然食時有點狼狽,不過仍然是值得一試的菜式!飲飽食醉,成班麻甩向某君來個興師問罪,不過唔好以為係好嚴肅個隻,而係好爆笑個種,好彩我食飽左停晒手,如果唔係,笑到下巴甩之餘,亦都好驚變左一個肥大噴壺呀!兩間加埋食左六十五蚊,真係抵食夾大件呀!

同一晚Openrice聚會﹐惠記的菜差不多食完﹐我不停問重有冇野食﹐因為惠記的野食唔對我的口味。等左一陣﹐終於有隔離榮記的小菜上臺。芥蘭鮮魷﹐鮮魷確實新鮮﹐非常爽口﹐芥蘭亦好味。咕囉肉﹐好鮮甜﹐肉質不太硬﹐我鐘意食較淋身的﹐所配的青椒和紅椒亦不馬虎。白灼蝦﹐我從來冇見過灼熟了是這樣顏色的蝦﹐蝦殼是一點點紅色的﹐而且好細隻﹐旁邊食友說是這樣的﹐我估唔係掛﹗﹖酥炸腐皮卷﹐裡面的素菜好清且爽口﹐外面皮脆﹐不算油膩﹐我好似吃了三件﹗整體是叫了菜太少了﹐份量不足﹐而且唔係好好坐﹐所以食完我都即走。圖片是白灼蝦﹐不知是那位食家拍的﹐可能是MM 。

永遠是被作戰狀態的食家們圍著的咕嚕肉和生券骨, 味道算不錯, 酸甜味並存又適中, 但不是件件脆口, 旁邊的亞妹還說有幾件煮唔熟, 酥炸腐皮卷炸得乾身脆口熱辣辣, 另一味芥蘭炒鮮魷對我來說是較少碰, 是因兩味主角也是較難消化的東西, 又因懶惰關係, 白灼蝦只吃了一隻就放棄了, 所以不能給這兩味作評了。

因為要拿幾張檯吃惠記的食物，所以也順手試試這裡的小炒水準如何。只叫幾味，分別是芥蘭炒鮮魷、白灼蝦、咕嚕肉同酥炸腐皮卷，三檯都是一樣的。小菜熱辣辣，普遍好夠鑊氣。芥蘭炒鮮魷不錯，芥蘭鮮嫩爽脆，在我們那檯不大受歡迎，所以吃了不少。事後與隔離檯的食友談起，沒有留意到，原來魷魚也鮮味同好受歡迎，在她們那檯是轉頭清晒；白灼蝦50蚊一斤，看樣子不錯，所以每檯來一斤。其實蝦都算新鮮，不錯，不過就知是不是吃起來麻煩，不是很受歡迎；咕嚕肉是萬眾其待，熱辣辣夠鑊氣。個人覺得不錯，是枚頭肉不是肉片，甜酸平衡得幾好，只是不夠脆口，同檯的專家是不太滿意。同場加演生炒骨，給大家發現原來味道是差不多的，其實同時要吃及煮這兩味，要做出分別也是幾考功夫的。至少生炒骨是吃得出有骨落地，個人而言都算收貨，但之後與食友談起，發現吃到不熟的咕嚕肉，如屬實，真的要扣分；酥炸腐皮卷亦好有水準，外皮炸得脆，不油膩，餡料豐富，令人吃完一件又一件，是每檯都差不多吃清的菜色，是不容錯過。其實還叫了豆腐的，但卻漏了單。老闆是不住的道歉，算數啦！啤酒姐姐是嘉士伯﹝眼見呢條街都係！﹞，所以都未飲過第二隻啤酒。當然少不了的，還有食友們的靚紅酒了。

在rewind 該晚Openrice版聚(23-3-05)映左的相時，其中一張係叉燒(多謝牛油果從第二檔買返來)，隔離有碗花生，係喎，醒唔起tim，有少少遺憾。除了惠記的指定動作外，亦都可以試到隔離既美食，包括清蒸蝦、西蘭花炒鮮魷、咕嚕肉及、炸腐皮冬菇雜繪粒卷，皆因菜式係主人家點，都係憑賣相及食既時候段估名堂。蝦唔駛點辣椒豉油也顯得清甜，屬於細蝦，食左好多都好似仲有剩，冇牙力啦；鮮魷只係食左穌，正身冇食，感受唔到cheap兄所講：「好新鮮…」，西蘭花洗得好乾淨，兼佔染左鮮魷既味道；咕嚕肉通常我會試配角，好多時都會比較生的，不過肉就整得已相當不錯，但係T小姐話麻麻地，各有各既口味；腐皮卷炸得好香口，內裡既料有冬菇粒、豬肉粒，筍絲，熱度剛剛好，應該唔會就咁包住腐皮咁生炸到熟，否則內裡好熱，但外面就會濃，還要讚下砌件既師傅，可以的料沒有這麼容易跌出黎，好野好野。這麼多人的聚會，幾時又會有呢？