講起鵝頸橋街市，原本只係諗起濕漉漉同埋熱，今次完全改觀！冷氣夠凍、環境算乾淨企理，充滿熱鬧嘅大排檔風情。全場得一個廚房，當全場爆滿出菜需時，最重要係全部即叫即炒，餸菜一道道陸續上枱，熱辣辣，反而令人有種慢慢食、慢慢嘆嘅節奏。每道菜嘅份量都超大，價錢親民，鑊氣夠味道正，絕對係令人會想再encore！煎蠔餅 必食之選！份量多，蠔仔大大粒，每一啖都食到鮮甜肥美嘅蠔仔。粉漿厚度刪好，煎到金香酥脆，入口「索索」聲，但唔油膩，正！椒鹽九肚魚 炸粉夠薄，完美鎖住九肚魚嘅水份。一啖咬落去，外層香脆無比，裏面嘅魚肉好似豆腐花咁，入口即溶！蜜糖豬仔骨 每件超大舊，仲可以按人頭安排。外層帶少少焦香，肉質好淋滑，輕易離骨，加埋蜜糖汁，超滿足！ 炸子雞 (半隻)雞皮炸得夠脆，色水亦好靚，但雞肉有少少過火，食落稍為乾身。翠塘豆腐食咗咁多香口嘢，呢個正好平衡返。蒸蛋同豆腐好嫩滑，加上魷魚同鮮蝦粒，幾鮮味吓。福建炒飯裡面有齊雞肉、蝦仁、香菇等材料，芡汁味道及濃稠適中。芝士西蘭花係龍蝦伊麵嘅芝士汁，濃郁creamy，如果可以切細舊少少，會更易入口同索汁。…Read More
XO腰果蝦乾銀魚$118雖然佢個樣同配料都似小炒王，但大家小心唔好叫錯🤓。 個人覺得呢個小菜無小炒王咁鹹；XO味唔濃；炸到脆卜卜嘅銀魚幾大條；另外仲有蝦乾、腰果。唯一缺點係韭菜花切得太短，有D難夾。
濕炒牛米（$68）
豉椒炒蜆（$88）
金針雲耳蒸滑雞（$78）
菜心炒牛肉（$78）
對比起其他大排檔，呢度環境通爽，都幾乾淨，地下唔會濕笠笠黐笠笠，同埋坐得到舒服。第一碟上嚟嘅係蝦醬炒通菜，蝦醬味濃郁，唔會好鹹，食落啱啱好
第二碟上嚟係生炒骨，比想像中幾酸吓，不過連埋啲肉一齊食，中和到，啖啖肉，份量都幾多。跟住就係椒鹽鮮魷，就咁食幾好食，個醬係生炒骨個汁黎，點完醬之後反而覺得唔夾，好似食緊咕嚕魷魚🦑茄子🍆牛仔骨原本睇個名伏伏地，點知上到嚟好惹味，送飯一流，茄子好食，入晒汁，牛仔骨拖過油，口感好正
一黎到已經好大陣炒焦左既焦味，跟住都試左一啖，滿口焦氣味
第一次係大排檔會食到焦味炒飯
整體小菜好食，炒飯唔得
