村爺爺龍蝦湯.泡飯.燉湯專家

Open Now

Now Closed

今日同先生book左去附近唱k去之前去附近食個午餐先，地鐵站出去行左陣就見到呢間村爺爺，我地都比個龍蝦吸引到🤤🤤間野都唔少人，但唔洗排隊好快入得去食，但要搭台我同先生都各自點了龍蝦湯米線🍜🍜我點左墨魚仔同埋豬肚，先生點左魚腩同鯪魚球個賣相其實幾唔吸引，但飲啖湯都有好濃郁的龍蝦湯味😯😯好香亦都唔會太重味精！👍🏻但啲餸就真係一般了😪墨魚仔諗住細細粒，點知大大件又厚，又硬，連先生都咬唔開😪豬肚都一樣太大件，如果切細件少少會好d但魚腩係唔錯幾滑的！個湯底係救返成碗野🙁

去油麻地試近排火紅嘅龍蝦湯泡飯，平日7點去到尚餘兩三張枱，係小店形式經營，入到去見有吾少媒體報導，食完真係抵讚！首先可以選龍蝦湯底配不同泡飯，也可以選豬骨湯底配不同飯/米線/面。食材看得出係以健康養生為主，並不是一般茶記黎黎去去都係嗰幾尾。我就要左個鮮雞豬肚虫草花湯，加10元仲可以配米線同一碟菜，非常抵！湯底係由豬骨煲10幾個鐘得出黎，我飲湯去，試得出係好有火喉，好真材實料，好鮮，食材方面都好高質，有好多虫草，呢個湯底配合豬肚真係啖啖回味，價錢只係48+10 , 去邊度揾呀？大讚！朋友叫左個餐廳主打龍蝦極上海鮮泡飯，Wa ! 呢個湯底真係無得頂！非常濃郁！好香龍蝦味！會飲上癮！一定一定要試！海鮮份量都吾少，可見真係用心制作，希望小店日後擴充都得保持質素啦！

之前同frd去食，因為網上好多人推介，所以期望有啲高，結果係食物味道無咩特別，寧願食返普通車仔麵。但最失望係我個frd一心諗住試吓個龍蝦，點知落完單等咗15分鐘先出黎話無，原因係龍蝦未解凍，要等好耐先得，所以叫我地轉第二樣，仲有好多款餸都無得叫，真係無下次！

間唔中都會行過依間村爺爺燉湯店，次次都勁多人排隊，今晚終於有機會試到，非常滿意！嚟到就梗係要食最香噴噴嘅龍蝦湯泡飯啦！龍蝦湯泡飯一共有八款，d湯底全部都係用龍蝦熬製好多個鐘而成，款款都好吸引！最終我揀左極上龍蝦湯海鮮泡飯，湯底好香好濃，聞到都開胃啊～ 同想像中唔同嘅係，雖然叫泡飯，但d湯同飯其實係分開上嘅。碗湯好大碗，料好中，仲可以見到個龍蝦頭㗎！裡面仲有好多款海鮮，魚，青口，魷魚，八抓魚，同埋其它貝殼類等等，完全滿足曬我依個海鮮迷啊！除左個泡飯，我地仲order左一個墨魚手指拼魚腐嘅小食，不得不強調，佢個醬料真係好好味！望落雖然同普通嘅酸甜醬差唔多，但食落真係好有驚喜，我仲忍唔住同一舊墨魚手指沾左好多次添啊！

唔想食西餐於是走左去食泡飯夜晚七點左右去到餐廳 唔洗等位 舖頭都差唔多坐滿曬 門口有個疑似老細嘅人係度招呼客人 舖頭入面貼左好多雜誌訪問合照揀黎揀去最後點左鮑片鮮雞龍蝦湯泡飯 大概五分鐘就有得食龍蝦湯的確有龍蝦味 入面嘅菜好多 連埋湯一齊食好正 雞肉好滑好滑 鮑片放落去竟然幾夾 成碗味道都好正 不過食食下覺得有啲似火鍋湯底味😂碗飯比較黏 可能係驚放落湯會散如果下次食 我會叫麵 因為泡飯真係好飽好飽好飽結論係 村爺爺高質抵食可以一戰

正，呢個豬求其湯飯味道好，份量O K，飲晒成碗湯都一D冇口渴，有下次，幾條野有咁嘅質數，對得住大家，湯係好飲，其它豬腰同豬膶都合格。其它两種湯底未誠，下次試埋日式㗎理先

其實睇開Openrice都有留意到呢間｛村爺爺｝勁多好評所以咁岩放工經開油麻地就黎試下！鋪面其實都係好簡單既茶餐廳style 不過就貼哂老闆同眾星既合照～睇落都幾溫馨野食方面就叫左2個湯泡飯同一個小食～鮮雞鮑片什菌龍蝦湯泡飯個湯真係非常之濃郁！好香好鮮味！特別係啲什菌都吸哂啲湯既精華 好好食～對於愛菇之人真係非常喜歡～鮮雞同鮑片加埋個湯就更加出色～吉列黃油雞脾泡飯呢個就用左豬骨湯底 比較清啲～但都好清甜～對海鮮敏感既人可以揀～個雞脾不得了～個皮好香脆 但啲肉仍然有肉汁 唔會好dry黑毛豬片配墨魚其實開頭以為係炸😂但個黑毛豬都幾正～一半肥一半瘦 加埋個醬又幾好食😁

之前已經聽講村爺爺龍蝦湯好出名,今次慕名而來,lunch time黎到,好彩都仲有位,見到meun,都有好多種建議搭配。我同朋友揀左黑毛猪鲜雞雜菌龍蝦湯泡飯,和牛油鹵水牛筋牛肋條泡飯。加7蚊仲有送 響鈴或者炸魚皮，送熱飲。黑毛猪鲜鸡雜菌龍蝦湯泡飯，好足料，豚肉雞肉鮑魚菇金菇，肉質唔錯，唔會有冰鮮既感覺，所有野份量都好多。龍蝦湯好濃郁果然名不虛傳，我將一碗白飯到晒落去，，用龍蝦湯撈飯真係一流，白飯吸收晒龍蝦湯味。而龍蝦湯就好似龍蝦嘅精華咁，加埋雜菌，味道有所提升。和牛油鹵水牛筋牛肋條泡飯，本身睇餐牌和牛油好似好油膩咁，上到枱飲落唔會有呢種感覺，湯有娃娃菜豆卜，飲飲清香。再試埋重點鹵水牛筋牛肋條，估唔到呢度除咗做龍蝦湯出色之外做牛都咁特別，牛筋爽口，加埋咖喱汁有微辣勁，好食。牛肋條好淋。為 湯飯點綴了。整體來講龍蝦湯泡飯同其他湯飯都做得好出色，材料新鮮，滷水牛筋炆得好好。

湯水係養生調理的好方法，我係繁忙的都市人，工作忙，食無定時，湯水顯得更加重要，尼間村爺爺燉湯專家，正是我杯茶，我選擇左黑毛豬鮮雞肉野菌龍蝦湯泡飯，有餸有湯有飯，加三蚊仲有杯好正嘅凍奶茶，加個蠔油油麥菜、健康配搭👍尼個龍蝦湯泡飯係好正，湯和飯分開，可以兩種食法，濃濃嘅湯底，好鮮甜，飲落去就感受到係老火湯，好多材料才熬出這精華湯底，我先試泡飯、然後再分開食，都好好味，黑毛豬好正，好薄，肉質鮮嫩，好有嚼頭，好有肉味，鮮甜，菌類好新鮮，好爽，鮮雞肉好滑，好正油麥菜好爽脆，無青味，少油，健康好味

這幾天吃得濟濟的，走過油麻地，就想選擇清淡的晚餐，但眼見幾間都是辣、辣、辣！所以最後選擇了這間以龍蝦湯泡飯著名的餐廳。環境雖窄，但服務員禮貌不錯。我選擇了素菜龍蝦湯泡飯，湯相對朋友叫的雞肉魚龍蝦湯泡飯真的較少油。抵讚！生菜青綠，但略嫌豆腐，腐皮太多，可轉換為其他素菜種類，效果更佳。朋友的雞肉魚腩龍蝦湯泡飯，魚味鮮、雞肉不會太老，且當中仍有金菇、素菇作配菜，簡直足料，約$50一碗，確是抵食，值得一推。

之前都食過呢間d面類，都ok龍蝦湯都幾濃，味道又唔差咁甘岩我有少少唔舒服。。睇完醫生無咩胃口。。諗起呢間有湯飯咁就諗住去試下佢個湯飯啦今次要左豬骨湯，打開餸個邊無問題。個湯個味都ok。。我要左豆腐蘿白個d清清地，岩哂病左既我。。。但打開個飯個邊真係嚇我一跳。。。居然用一個疑似裝過咖哩既盒用黎裝我個白飯個白飯已經做得好爛飯。上面又有d啡色既飯粒。。但病左再望一望個個飯盒。。我真係完全無哂胃口咁做生意點得架？

呢排食得多西餐，有啲熱氣，行過呢間食店外面貼左同小儀、柳俊江既合照，睇泥幾好食喎，湯飯幾好甘。店內似一般茶餐廳，光明簡潔，侍應有禮。唔講唔知，大有來頭，真材實料，老闆話龍蝦湯用多小時餚製，再配上不同食材，提鮮、提味。我享用左極尚海鮮龍蝦湯泡飯，好有派頭，成隻蝦頭跟埋上枱，非常認真，入面有好多海鮮，扇貝，勁多隻蜆仔，尤魚等，湯味濃郁。加幾蚊就可以配埋響鈴或炸魚皮同飲品。將響鈴浸入湯一浸，鬆脆無炸味。味道好，價錢合理！

本身我個人對湯飯依類食物不感興趣，但礙於近日病左，又約左人出街食飯，無咩好揀既情況下友人就介紹左依間泡飯專門店，咁就試試佢！入到去有職員（我諗可能係老闆黎）就介紹左最推薦既兩款泡飯—黑毛湯豬鮮雞雜菌龍蝦湯泡飯同埋極上海鮮龍蝦湯泡飯，仲簡介下啲湯同用料，我就揀前者，友人就揀後者，加七蚊仲送響鈴/炸魚皮同埋飲品，我就額外加錢要埋凍飲。好快就上菜，大大碗既湯，睇得出用料十足，我碗落左好多黑毛豬，其實即係類似巴馬火腿但放湯版，有少少中西合璧既風味，先試一口湯，味道濃郁，肉味夠之餘真係感覺到陣陣龍蝦湯既味道白飯似係用糙米，口感本身相對較粗糙，但配湯就十分夾整體味道同口感豐富，另我對泡飯改觀不少凍檸檬茶比出面茶餐廳大杯啲啲，響鈴真係夠脆，浸一浸湯再入口感覺更佳。之後見餐牌幾推介自己啲小食，就叫左個南乳炸雞翼，仲配埋泰式辣醬，味道果真一流成餐飯算經濟實惠，絕對推介俾鐘意食泡飯既人臨走時發現佢門口貼左好多之前飲食雜誌有訪問過佢既報導，不過其實我都覺得佢既食物真係有實力既

Lobster head is empty inside, it's just for a decoration, heavy MSG taste.. rice quality was very bad overall taste is so so

早排見Facebook 你like同分享有半價優惠 今日同朋友晚上10點幾嚟到附近，所以決定一試，入到店男店員主動教我地要tag三個人先可以有優惠，仲話叫多款小食會送飲品，勁驚喜，我哋叫左極上海鮮龍蝦湯泡飯同黑毛豬鮮雞雜菌湯龍蝦湯泡飯，只有叫極上海鮮龍蝦湯泡飯先有龍蝦湯頭，加左雞翼薯角同黑毛豬片拼墨魚圈，野食上枱十分快，勁多新鮮海鮮又多，炸雞翼一般油膩左小小呢個價錢簡直係超底。如果呢個時間係附近一定會再黎。