村爺爺龍蝦湯.泡飯.燉湯專家

Open Now

Now Closed

食晚飯除咗可以叫小炒小菜送飯之外，仲可以有另一個選擇就係湯同飯喇！我叫左椰子花膠竹笙干貝雞湯，加10蚊可轉套餐，包熱飲、菜、飯，好抵。一見到成個套餐已經覺得好滿足好豐富，湯嘅上面已經見到有椰子絲同杞子，雞有哂翼同脾，足足有半隻，絕對唔係d頭頭尾尾，湯面亦無浮起厚厚嘅油，幾真材實料同健康。 店鋪好細心備左刀叉、膠手套，方便食客可以手撕用各種自己嘅方法去食雞，以小店黎計確實想得周到。最後我食哂雞飲完湯，飯未食完已經飽哂。ps.好在6點入座，6:30已經好多人排緊，似乎係附近嘅熱店。

村爺爺龍蝦湯.泡飯.燉湯專家尼間村爺爺，真係很旺，基本上幾點去到都會有機會排長龍，所以當日都不出我所料，晚上六時半左右，門外已有接近二十人係到排隊！因為尼到既燉湯味道一流 而且價錢唔貴！只需另加 $10 就可轉為套餐，而且包油菜、白飯同埋飲品#花膠螺片雞煲翅餐 尼個雞煲翅既價錢七八十蚊，但係材料好充足！有一梳翅群，好多片花膠同螺片，加上半隻雞！雖然只得半隻雞，但本身已經調好味，而且食落無雪味，雞肉份量一d都唔小，食落好滑一d都唔嚡，雞肉配上辣椒豉油，雞肉即刻變得好惹味，醬油嘅比例一流😋#村爺爺龍蝦湯泡飯 我選擇左龍蝦湯，相比起其他，呢個湯雖然要過百蚊，但絕對超值，而且入面有好多海鮮🦑🐙🦐🦀個湯到左之後，真係好大碗，我第一時間飲一淡湯，湯好鮮味，飲落唔覺有味精，應該係用龍蝦🦞煲，真係好抵食！除左有半邊大龍蝦同一大隻帆立貝外，仲有花膠，肥牛，青口，蜆，仲有好多海鮮係底！呢個價錢可以食到咁多海鮮同埋食到半隻龍蝦🦞，真心推介可以一試

見朋友時不時就去村爺爺食湯飯，想試好耐，今天終於有機會去試我地二人去食，下午茶時段！不用等位，座位任揀，建議各位不要坐近門口，因這幾個位無乜冷氣，夏天會食到出晒汗我叫了花膠海鮮雞件龍蝦湯泡飯（$88)，老公叫了下午茶的咖哩雞翼飯（$38),再加兩杯凍飲，每杯加$3,埋單共$132雞翼飯好大碟，一D都唔似下午茶，但老公話雞翼有酸味，唔知係唔係變咗但佢都照食晒！我的湯飯都好味，花膠少量，海鮮都算多，但龍蝦湯底咸咗少少！整體都係好食的

之前見有飲食雜誌報導介紹村爺爺，今日去完果欄買水果，見都係附近，所以就去幫襯喇。去到村爺爺，時間尚早，好好彩唔使排隊就入得喇。小弟同女友叫左花膠螺片雞湯翅套餐同真盛村爺爺龍蝦湯泡飯。套餐杯飲品好大杯，咁大杯既跟餐飲品已經好少地方有，真心覺得抵贊。花膠螺片雞湯翅有成半隻雞，湯濃得黎好香好清甜，花膠，螺片同翅都好多，唔要餐$68蚊真係好抵，要餐加個飯，菜同飲品都係加$10。同真盛村爺爺龍蝦湯泡飯，湯好濃郁既海鮮味，有半隻龍蝦，一隻大扇貝，青口四隻，好多既白蜆同花膠螺片，仲有兩大塊豬腩片添。依個餐既價錢就高一點，$128連一碗白飯。不過其實份量都多都食唔哂。食飽飽走，門口已經好多人排隊。不過真心覺得好食兼抵食，雜誌果然無介紹錯。

想去果欄所以喺附近食午餐，之前喺度食個晚餐今次就睇吓午餐有冇優惠先原來真係有午餐嘅，不過我就覺得個餐牌有少少複雜，因為實在太多選擇啦如果有選擇困難症呢就真係會諗好一段時間囉不過我呢一心想食龍蝦湯底，又覺得炒飯飲晒啲湯先至最正，我就叫咗豬肚金菇同木耳做餸啦。對比起本身個午餐我就帶多咗一個餸，有冇叫多一個餸會送飲品，都係落單阿姐講，最後睇返餐牌先知。所以唔好錯過啦。飯嚟到啦，原來湯飯裏便嘅飯同埋啲湯會分開上嘅，我又覺得幾貼心。因為我幾欣賞啲飯幾好咬口。不過龍蝦湯底呢，如果就咁飲就有啲咸，同飯一齊食嘅話呢就啱啱好啦。下次經過開我都會再試吓其他，值得食既

琴日放工去接老公收工 , 佢話好想食村爺爺 , 上次佢帶我去食 , 排隊等左近半個鐘 , 仲要搭枱坐添 , 老公介紹我食花膠雞燉翅飯餐  , 半隻雞(成件)上枱  , 雖然有手套提供 , 但坐位空間有限 , 2隻手撕開雞件比較狼狽 , 老公梗係要出手相助架啦 , 但用力都要技巧 , 有幾下"扯開"既動作差D整到對面食客 , 所以老公話想去食, 我話食雞既要佢幫我撕雞 , 不過今次我見有日式咖哩飯 , 我唔食得辣 , 日式咖哩基本唔辣既 , 所以我食呢個黃油飯餐 , 我個飯黎到我添少少咖哩汁比老公試味 , 我大安旨意想撈汁落晒飯時 , 老公叫我停手 , 話個汁幾辣下 , 我試左一少啖就覺得幾哽 , 老公叫店員比個甜豉油我 , 我就當食煲仔飯咁....其實有紅蘿蔔同薯仔 , 但部份浸住咖哩汁 , 我唯有唔食果部份啦 , 不過都夠晒飽LU  

這間放係list 好耐之前有幾次weekend 晚上經過都見到一條好長的隊伍估唔到weekend lunch time 人流係唔算太多 十二點幾去都可以立刻入難得唔洗等位 就叫得豐富些😂🦐極上海鮮龍蝦湯泡飯 （$68）套餐要加$10 附送油菜，飯同熱飲一杯海鮮有好多款 魷魚 青口 蜆仔 🦑🐚超級足料 湯加埋飯一起食 每口都會好鮮甜 🥥椰子螺頭花膠雞煲（$78）椰子味唔算太重 湯底清甜反而雞係有驚喜 雞肉超嫩滑😍🐤南乳雞翼 （$28/4 隻）新鮮炸成 超脆口南乳味都算濃 但有些貴以這個價錢食這頓飯都算抵食但如果要排個幾鐘 就未必好值得同要預左位置有些逼 坐得不太舒服

見網上大力推介村爺爺嘅燉湯同泡飯，忍唔住大熱天時都要去試下試😬😬可能我5點半左右到，時間較早，未開始排隊，坐底后無耐就開始見到有十五六個人在排隊了😏我地2個人，分別點左花膠螺片雞煲翅餐和村爺爺龍蝦湯泡飯花膠螺片雞煲翅餐 $78雖然只係幾十蚊價錢，但材料卻十足！賣相及CP值都十分高🥳🥳🥳花膠好多片，螺片有3-4條，翅群都有3件加上半隻雞，材料真係唔講得笑👍🏻+10可以變套餐，加個白飯、油菜同餐飲，勁抵😆本身雞肉係已調好味的，不得不提唔多超眼嘅醬油（應該係舖頭自己調配）雞肉配上醬油后，雞肉即刻變得好惹味，蒜香、辣椒同醬油嘅比例一流😋😋😋😋凍🍋茶好大杯呀🤩村爺爺龍蝦湯泡飯 $128呢個湯雖然過百蚊，但絕對超值，半邊龍蝦放係面同一大隻帆立貝外，底下材料仲有6隻青口，2-3片大大塊腩肉，花膠同好多蜆，仲附上白飯一碗呢餐食到好包...下次同埋屋企人再黎食過😬

朋友食過一次 介紹我哋嚟好可惜我哋食嗰陣無哂龍蝦 但都仲係好好食我就嗌左個村爺爺上素龍蝦湯泡飯 雖然係無肉嘅但個湯底由龍蝦淆出嚟 有好香好龍嘅龍蝦味啲枝竹 豆卜完全索哂啲龍蝦味 仲有啲飯加落個湯到 好似每粒飯都比濃濃嘅龍蝦味包住咁另外個frd食左個吉列豬扒龍蝦湯泡飯塊豬扒好大塊超抵食值得一試！

對上一次嚟旺角，未行到真正呢間村爺爺泡飯，就已經比前一個街口嘅村爺爺車仔麵吸引左入去食，今次終於一心一意黎試個泡飯！星期日夜晚大約10點左右，好彩人唔算太多，等左大約10分鐘，已經可以入去吃了南乳雞翼 ($28/4隻)其實計返都要$7 一隻，但係相比其他雞翼，佢呢度個南乳味好重，而且新鮮炸起，又脆又熱辣辣，黎e度必食！花膠松茸干具雞煲翅 ($98 + $10轉套餐)將飯轉咗做上海湯麵，分量比飯好似少咗啲，但係咁嘅價錢，有半隻雞🐥，而且有好幾舊花膠，仲有啖雞湯飲，已經心滿意足了。餐廳仲好窩心添，會比手套客人用嚟撕開啲雞件，方便食🥰殿。海鮮龍蝦湯泡飯 ($98)一嚟到已經比大大隻龍蝦🦞吸引左我目光而且望到佢個湯都好足料，有帶子,青口,魷魚,仲有蜆肉！雖然有少部分蜆肉有沙影響左口感，但整體都好好！ 不過可能我坐近風口位個湯好快就吹凍左😭總括而言，性價比超高！超抵食，大大推介

星期六中午經過油麻地附近，經過村爺爺 見到門口啲食物貼圖好吸引，就排隊去試啦排左大概15分鐘就可以入座鋪頭面積吾太大，有幾張3人台，大多數4人台為主。花膠螺片雞煲翅$68足足有半隻雞，再加埋3、4片花膠 螺片切成條，大概都有3、4條，湯好甜$68呢個價錢係吾包飯的，加10蚊可升級成一個套餐，有一碟油菜、一碗白飯、一杯飲品。店家會提供刀叉俾客人切雞食，如果想豪邁啲都可以帶手套 直接手撕黎食，不過隻雞浸係湯度其實都幾熱😂😂姬松茸魚頭花膠煲呢個同雞煲翅大同小異，只係主角換左魚頭。呢個本人就覺得稍為遜色，吾係話吾好食，不過就無預期中咁正都有3、4塊花膠，仲有一個大魚頭，啲湯就無雞煲翅咁濃味咁有鮮味。中午都有午市套餐，大家經過都可以試下

第二次去食了🐷7點幾到，等左5分鐘有位👍🏻鋪頭細細，係逼🤢坐低個時要好小心😂因為同隔離個個差唔多係貼住咁坐😂員工方面：態度係咁上下啦。我哋每人一個雞湯，另加10蚊轉餐🤩（飯，菜，飲品），下面有收據可參考😃而且可以加不同的配菜，例如響鈴😍炸魚片等等。上菜好快，5分鐘內到齊曬😊👍🏻食物方面：半隻雞大大份好飽，湯香，配白飯正！仲有辣椒粒鼓油，雞點落去再配飯😭❤️生菜幾大份但唔係太新鮮，有啲位黑黑地，冇食曬。加3蚊轉凍飲，凍檸茶🤨冇咩味，譚仔嘅仲好飲😂

去油麻地睇戲 搵左呢一間村爺爺龍蝦湯泡飯試一試我叫咗佢哋招牌嘅龍蝦湯泡飯轉米線好大份入面好足料 有一個龍蝦頭 魷魚幾舊 仲有好多蜆肉聖子等等飲啖湯先 佢個湯係好重龍蝦味 真係飲到用龍蝦頭煲嘅另外仲叫咗個炸魚皮 點落啲湯度吸晒湯汁食非常好味總括嚟講整整個米線CP值好高 60幾蚊食到咁飽 又有咁多海鮮 可以去邊度搵呀！

終於有機會一試村爺爺的泡飯❗️好多種唔同款式的配搭，睇到花多眼亂最終都係決定一試殿。龍蝦海鮮湯泡飯💪🏻💪🏻成碗有好多海鮮配料，青口，扇貝，蜆等等一黎就梗係試一啖個湯先好濃的龍蝦湯味，一黎就忍唔住飲左幾啖，點知將飯加埋落個湯度仲好食，飯粒吸收左湯的精華，好開胃之後到另一位主角龍蝦🦞，原本仲諗住會用番用黎煮湯的肉會變到好老，但出到黎肉質好鮮甜，另外仲好多蝦膏，價錢又唔算好貴，如果經過開可以一試

店命都寫明係燉湯泡飯專門店，咁就先講下佢個湯。叫咗川芎白芷魚頭湯，七十三蚊。見到個大魚頭加個魚鮫，以為湯頭會好有魚味。實情係有清清嘅魚香，川芎白芷可能落得多，變相甘味好重，但整體湯頭又淡。魚頭同魚鮫肉食落雖然好滑，不過好多位都有血腥味，如果唔係沾一下辣椒豉油食真係唔錯。白煮生菜一碟配有淡甜豉油汁。個加四蚊嘅出前一丁，中間仲係硬嘅。個麵嘅水仲得勁少，自行落埋湯粉後好咸。炸吉列豬排外皮酥脆，肉質都好。可惜外皮油溢味同豬肉嘅羶味真係麻麻。