村爺爺龍蝦湯.泡飯.燉湯專家

Open Now

Now Closed

今日買咗飛去油麻地睇戲，條街冇乜人，架車早左好多到。有啲肚餓於是睇吓附近有啲乜嘢特別餐日廳。見到呢間OpenRice村爺爺好多人like，於是特登行多幾條見，去試一試佢個下午茶。Tea time 人唔係好多，坐低之後當然叫佢最多人推介個龍蝦湯飯唔係好餓兩個人可以一齊食一碗, 可以叫兩個餸, 帶咗個鯇魚腩，同埋牛丸。嚟到畀佢個份量嚇一嚇，好大碗湯，有一隻手掌咁大，飯係分開上。tea time 兩個人食一個都好足夠龍蝦湯好好香好鮮甜，反而魚, 牛丸唔算特別，不過不失。食完埋單都係$61，之後急急腳走返去戲院睇戲 XD

之前係呢度食過龍蝦泡飯，覺得佢啲湯真係好好味今次決定過嚟試佢個燉湯。點了招牌之一的『花膠螺頭雞煲翅』，上枱嘅時候嚇死我，賣HK$68有成半隻雞咁多，仲有一個螺頭同兩塊翅，真係超抵食！！👍👍👍唔怪得呢間舖成日都咁多人係度排隊啦。講返個湯真係好正，好似飲緊平時媽媽煲嘅花膠雞湯咁，好足料，煲得又夠火喉，如果好耐無飲湯，想嚟飲啖足料靚湯呢個價錢都相當合理。雞無斬件，不過已經煮到好“淋”，所以好易夾，而且佢有提供膠手套比你用手撕嚟食，好方便。如果驚得個湯唔夠食，其實可以加錢配套餐，會有埋飯、菜同餐飲。

叫左下午茶龍蝦湯泡飯 賣相比68蚊嘅極上龍蝦海鮮泡飯差左唔止10倍 我唔明係咪因為龍蝦湯所以樣衰d 湯面成陣浮沫 好似打邊爐煮得太多果陣野 平時煲湯尼d唔係會撇走曬佢咩真係好樣衰咯個賣相本身淨係想試吓湯底鮮唔鮮味 但其實好伏仲廢過普通車仔麵湯 比佢咸少少其他菜同泡飯嘅飯都算還可以 不過絕非可以吹到天花亂墜 普通車仔麵嘅菜都係差唔多姐下午茶黎講都要48蚊cp值絕對唔算高淨係求其擺件龍蝦殼係上面已經可以吹奏成咁我真係睇唔透😑

我地食嘅餐係下午茶，好似6點前去食。因為有啲餓，所以諗住一陣都要去食飯咁就食小小野先！本來棍食前面翠華，果到環境好靚，不過佢果到好清潔定點！之後選擇呢間，我叫係下午茶的炸蝦炸蠔，幾好食，係好食，不過好細份，一份根本好似冇野到胃，諗住叫多個，但係朋友話一陣食飯再食之後指指張單，嘩⋯6@仲要加一，我朋友已經冇食野飲野囉！環境方面有啲細窄去廁所要就住就住。雖然服務好好，不過以今次經驗，我應該唔會再選擇呢間。

今晚本來想過海吃飯，但因近來的遊行活動，所以決定不過海了，朋友建議不如去吃湯飯，附近有一間食泡飯聞說好多人排隊，還有好多明星食過，我們怕排隊排得太耐，所以今晚早少少食飯，六點就已經來到，幸運地因為太早，所以沒有人等位吧，我們可以直入去坐。入到去原來都有好多人早過我們開始食晚飯，我們入到去已經高朋滿座，這裡地方不是很大，這裡侍應都不是很多，牆上還有很多明星光顧的照片。聽聞這裡的龍蝦泡飯很受歡迎，所以都圍繞著龍蝦泡飯來點選，後來我點選了一個澱.龍蝦湯泡飯，朋友就選了一個花膠雞海鮮龍蝦湯泡飯。我的澱.龍蝦湯泡飯上枱，飯和湯是分開上的，龍蝦湯入面有半隻龍蝦，還有青口，藍青口，扇貝，蜆，魷魚，生菜等，湯的味道是好有海鮮味，還有一些龍蝦的味道，但龍蝦味不是想像的濃，湯頭感覺不是太夠味，湯的熱度不夠，只係暖暖的，這樣已經令我對這個泡飯大打折扣，龍蝦還算爽口彈牙，其忚海鮮都好新鮮，可惜因為湯不夠熱，就算放些飯一齊食，都覺得不是太好吃，好失望，可以話名不符實。朋友的花膠雞海鮮龍蝦湯泡飯，入面得一塊花膠，還有一些蜆，青口，菜，朋友都說龍蝦湯不夠香濃，一塊花膠很孤寒，泡飯不是那麼出色。我們一路食，一路說，慶

因為雜菜也是腐竹豆卜而已，所以我點了咖喱肥牛飯。來飯時待應好像差點忘了我的存在，要我看一看才提點上飯。飯很大，真的一個人吃的有足，咖喱有點辣，好大碗，38塊算是這樣。

話說 我個best friend 話我個樣殘左好多，問我搞咩黎？🤧🤧鬼咩，呢排成日ot，瞓得咁少，梗係無咁靚靚啦🥺🥺所以佢話要帶我去補一補，潤一潤元氣喎💪🏼💪🏼我叫左💁🏻‍♀️鮑魚乾貝花膠雞煲翅一上枱 俾佢份量嚇親😱😱😱有原隻鮑魚，大大塊花膠之外，仲有成半隻雞😱😱不得了個湯好鮮味濃郁，飲完咀唇會痴埋🤣🤣朋友仔就叫左💁🏻‍♀️花膠螺頭雞煲翅一樣份量十足👍🏼👍🏼‼️份量十足，味道濃郁，大滿足😋😋食完即刻元氣滿滿🥰🥰

朋友帶我黎食 泡飯  之前都見有賣廣告今日專程黎試下龍與鳳!就叫左佢最出名既龍蝦泡飯! 個飯有半隻龍蝦 肉多鮮甜好好食!而且仲有其他海鮮好似青口，八爪魚仔，魚肉等等。 價錢不貴$70左右 又食到龍蝦湯  真係無介紹錯

有睇開阿叔👴🏾嘅亂噏，都知我上次已經介紹過呢間港式小店嘅椰子🥥螺頭花膠雞🐔煲，又抵又好食🤤。我係一個好有口齒嘅阿叔，話咗要再嚟食佢嘅 #龍蝦湯飯，呢日去開油麻地，當然要言出必行啦！😏.叫咗「殿·海鮮龍蝦湯泡飯」($98)，未食齋睇就已經嘩嘩聲😲，非常足料嘅湯飯，海鮮有半隻龍蝦🦞，一隻扇貝、三至四隻青口、好多好多嘅蜆同魷魚🦑。乜都唔使講，先嚟一啖龍蝦湯先，濃郁嘅味道，又係好味到喊😭，配飯或烏冬一樣咁好食。主菜龍蝦肉肉質結實，味道都尚算鮮甜，有少少蝦膏添，至於其他海鮮，其實味道都唔錯😊，講真呢個價錢，你未必食到一級海鮮，但總算滿足到一眾鍾意食海鮮嘅朋友。今餐阿叔依然好滿足，飯真係食唔晒，不過就飲晒成鍋湯囉！😆😆😆

夜晚9點，一行四人，本想去食糖水， 但朋友心血來潮想試下村爺爺， 大家共叫了一個花膠雞套餐，一個川芎白芷魚湯套餐，三杯凍飲品，兩個小食！ 嗰個侍應阿姐話我們叫得太少，唔可以一定要叫多個套餐， 真係搞錯呀， 仲話一定要一次過點菜，不能分開叫， 叫了咁多咁當然食唔曬啦！ 原來而家先知道係唔可以外賣只能夠堂食， 外賣要收多一倍價錢！ 之後有個侍應阿姐就拎住本非常污糟嘅餐牌，仲話上面寫得清清楚楚！嗰D顏色字幾乎係同色系！ 由嗰一秒開始，所有樓面都留意住我哋張枱有冇偷雞打包！ 而家最谷氣嘅，就係根本他們冇設到每人平均最低消費係幾多！ 坦白講又唔係好食，真係一次過！

那天，我們去朋友新家，朋友介紹我地呢間泡飯，只記得好熱，要排好鬼死耐!入到去點餐，搞亂左少少，但最後都上返岩哂俾我地，老實講，成個魚頭咁上，對於我呢尐唔食魚頭既人黎講都幾恐怖😝 全部都係加10蚊變餐:川芎竹芷魚頭湯套餐 $68 一放底好大陣藥材味，我呢尐虛不受補，唔岩我，但應該好足料~姬松茸魚頭花膠 $68我記得我呢個無魚，係雞(但張單...),anyway~ 總之就係無魚頭，應該係姬松茸煲雞，都幾濃，但都有藥材味，好在唔算太重，唔係我應該搞佢唔掂...及弟咸蛋芥菜湯 $58朋友之前叫個個賣哂，唯一一個無魚頭既XD 我估佢既諗法同我一樣 haha!墨魚手指拼魚腐 $32Overall,我唔太好，因為太多藥材，如果你鍾意藥材味你一定會鍾意食，佢足料既，而且跟餐都係加10蚊有菜有飯，係抵食既! BTW,凍飲加3蚊

已經係第三次黎！😆 頭兩次黎都排左一個鐘左右🤧但今次可能因為下午六點就到 所以唔洗排隊直接入 好爽😍叫左銷量Top1既花膠螺頭雞煲翅 ($68+$13 白飯 菜 凍飲）同極上海鮮龍蝦湯飯($68)🍤平平地有雞湯同龍蝦湯飲☺️味道濃郁☺️個海鮮龍蝦湯飯真係有好多海鮮🤩好多青口、蜆、扇貝☺️啖啖肉😍岩晒中意食海鮮既朋友😋—btw個人中意雞煲翅多d 因為個人prefer無咁重口味 比較鮮甜 仲有半隻雞食 美中不足係d湯好快凍 如果可以keep住煮就好喇☺️ps.食完真係好飽😖—會再幫襯！☺️

已經唔係第一次食村爺爺，每次一想食湯飯就諗起佢。佢嘅湯底味道濃郁又不會太鹹，飲落順口，不知不覺就會飲晒。今次帶咗煲雞，每個餐有半隻雞，雞好滑而且仲有雞味，唔似一般煲湯雞。另外豉油應該加咗蒜去煮，好惹味。要注意嘅事，因為湯飯比較熱，夏天食的時候盡量唔好坐門口位，因為熱風會不斷吹入嚟，幸好凍飲夠大杯。

一向都喜愛食湯飯，貪佢唔使咬又有湯飲🤪🤪(懶人隊長）😂😂。平時我多數係食紫菜湯飯，不過來到村爺爺，就要試下佢嘅龍蝦🦞湯飯啦。✌🏻✌🏻✌🏻✌🏻睇食評個個都話要等位，我當然都唔例外啦！不過我等左10mins 唔使就有位。。Lucky~~✌🏻✌🏻✌🏻今次我揀左墨魚手指魚腐龍蝦湯泡飯，未食過揀招牌應該無死系列😂😂😂。。而我家姐個食肉瘦囡就食南乳雞翼龍蝦湯泡飯。。一來到，即刻飲啖湯先。唔錯喎，好飲，飲落無味精。。而且仲有好多海鮮，咁怪得咁鮮味啦！讚。👍🏻👍🏻👍🏻 我覺得個魚腐係好食嘅，索晒啲湯，而且好林。好好食。不過墨魚手指我真心覺得麻麻地，有啲硬所以放棄左。😝😝😝 至於個南乳雞翼，因為我家姐個囡太大食又唔Happy Share 俾我，所以我無食到。。但貎似唔錯。😎😎BTW, 我地額外叫左碟菜，好貴又麻麻地，其實可以唔使叫，因為湯飯都有菜，可以慳返。

［跟黃秋生搵食］ 後而爆紅的村爺爺泡飯😜店舖細細我哋去嘅時候唔需要排隊，平日的晚上10:15. 今次叫了殿•龍蝦湯泡飯💰98hkd ,另外還有花膠螺片雞煲翅 💰68hkd 本身呢個係湯，但係加$10就有油菜➕白飯➕熱飲凍飲加$3！咁良心價點會唔加😜 呢個泡飯CP高！控制係$100之內都可以食到龍蝦🦞 而$68可以食到半隻雞的確幾抵食👍🏻屬小型雞。大家嘅湯底都好有味，龍蝦湯嘅海鮮味出，而雞湯嗰隻雞味都好出😂唔好話我講緊廢話🙈雞湯入面亦都有花膠等等嘅材料，花膠略嫌較硬，不過呢個價錢來講質素成正比的。龍蝦肉質有彈性且有膏，其他配料有蜆，青口，魷魚，帶子，尚算新鮮，整體而言以這個價錢來說已經很不錯！有時吃得多燒肉炸雞打邊爐，都可以來試試這個正氣的泡飯😆😜 📍 村爺爺龍蝦湯.泡飯.燉湯專家 (油麻地)油麻地砵蘭街72號地下