村爺爺龍蝦湯.泡飯.燉湯專家

Open Now

Now Closed

尋日見到朋友打卡，就諗起之前吾想排隊所以無試，今日就決定係佢地一開門就到，應該吾駛等啦😆😆😆12點食午餐其實係未肚餓😅叫左佢地話嘅第一位，花膠螺頭雞湯，加10蚊有菜有飯有飲品，另外加個撈麵，墨魚手指魚腐撈油麵。先講個油麵，個汁好夠味，如果鍾意濃味就好啱，佢配果個吾知咩湯，只係少少咸味嘅清湯。墨魚手指同魚腐都幾好味。主角黎啦，花膠同螺頭係吾會好多，雞就好多，應該有半隻，但肉好鞋，但個湯係好味嘅，但最出人意表係個白飯，因為吾太餓，食左少少油麵，加雞同湯已經飽飽地，但心諗吾好咁浪費，就食少少，點知一食就覺得好好味，係，竟然平時吾多食白飯嘅我，真係覺得個飯好味，有飯味原來係咁解😂😂，所以食左個好飽好飽嘅午餐，埋單百幾蚊，好抵，吾怪得成日要排隊啦！

去年午市時間經過已經見到大排人龍, 今次趁下午5點幾晚市未旺即刻試下!選擇好多, 花多眼亂, 最後揀左一碗響螺雞湯配菜及鮮雞件米線($51), 同一碗墨魚手指魚腐龍蝦湯海鮮米粉($68),一上菜望見大大碗已經震撼, 份量足唔孤寒, 湯底飲得出真材實料無味精,鮮雞件食落有雞味, +$3完全值得墨魚手指同魚腐都炸得香脆, 勁多蜆肉同青口食到好飽, 5點幾食完夠頂成晚, 惟一不足係座位空間較窄, 出入易與人碰撞.難怪咁多人排住隊食! (6點15食完已經見門口開始排隊)

呢間龍蝦湯泡飯連黃秋生都推介㗎😍叫咗個極上海鮮龍蝦湯泡飯，龍蝦湯勁濃郁又鮮甜😋入面海鮮超足料，有扇貝，青口，魷魚🦑蜆肉都超過10粒！仲有生菜墊底，吸哂海鮮同龍蝦湯嘅鮮味🤤不過想食龍蝦肉就要叫個貴d嘅餐啦😂.👍🏻推介：極上海鮮龍蝦湯泡飯（$68)😋指數：8/10

旺角區抵食夾大件之選。一看到店門外的小人龍，就知道是村爺爺的店，若然人數較少，等待時間相對不長，這次我們是2人前往，等了若5-6分鐘就入座，餐牌花多眼亂，不知從何選擇，但看到周邊的顧客大都選椰子雞湯，所以我也不例外，男友則選了雞煲翅。雞湯很快就送到我們面前，鐵鍋是滾燙的，小心燙手，半隻雞泡於湯中，很有冇份量，椰子湯配以杞子及龍眼，十分清甜易入口；至於雞煲翅湯底則較為清淡；因為刀不夠鋒利，就算有膠手套提供，吃雞也吃得有點狼狽，但這樣吃也就真的較有風味，建議可給顧客選擇是否斬件，方便顧客。每次來村爺爺泡飯店，都不是吃泡飯，而是吃它的雞湯飯，價廉物美，值得一吃再吃！

嗰日突然間勁想食雞窩，就突登上網搵一搵，點知隔離街就有啦，真係好彩啊。嚟到門口，前面有五個人等緊位，真係好想食就決定排隊啦。排隊嘅時候職員會比餐牌我哋揀定食物，咁一到我哋嘅時候就有得食啦。朋友叫咗個花膠螺片雞煲翅，而我就揀咗椰子螺頭花膠雞煲加多個飯同埋菜，一坐低兩三分鐘左右食物即刻送到，好有效率。仲要好足料，真係有半隻雞。雖然俾埋刀我哋，但係難啲將啲肉分開，我自己就覺得兩個煲嘅味道都唔太大分別，如果椰子湯啲椰子味再濃啲會更加好味，有雞湯撈飯真係可以食多幾碗！

有朋友分享呢間村爺爺，咁啱今日黎旺角聽講座，聽完肚仔餓啦，就諗起呢間村爺爺。油麻地地鐵站A1出口，係翠華前面少少街口轉右就會見到。有好多選擇，黎到好多自選已經賣曬，店面不大，但相當爆滿。簡左豬求其龍蝦湯飯同吉列雞扒龍蝦湯米線。豬求其一d都唔求其，有豬潤、豬粉腸、豬腰等，好新鮮入味。d湯濃郁得黎又唔鹹，配合d飯，幾好。不過由於豬雜本身入味，覆蓋左龍蝦湯的味道。如果想試純粹特色龍蝦湯底，建議唔好簡呢個。另外係吉列雞扒龍蝦湯米線，有青口、蜆等，時菜份量亦十分足夠。雞扒外脆內軟，點埋醬真係一流！大大件，毫不吝嗇。至於龍蝦湯米線，龍蝦味足夠，海鮮新鮮乾淨，真係睇得出俾心機煮既。價錢亦相當划算，真係一分錢兩分貨。服務員態度好好，個男店長斯文有禮有型。整體體驗好好，如果舖頭可以再擴大d舒服d就更加完美！

依間舖頭一早想試好耐，但係次次經過都大排長龍，冇乜耐性既我見到都唔想等😩但係今日7點鐘經過，見門口得2,3個人係到等緊，所以就決定一試😎-當等到差唔多有位既時候，會有人俾定餐牌你睇，幫你落定order，因為係即叫即整，所以製作都需要d時間。其實如果排左好耐隊，入到去仲要等好耐先有得食，真係會燥底😂食物主要分2款，一個係泡飯，另一個就係煲仔湯，個個都好吸引，又養生，真係想試勻哂！最後我地決定各嗌1個🙈-見食物份量都偏大，所以我地冇再另加小食，不過見好多客人都會嗌炸魚皮，如果下次再食，一定要試下！首先黎到既係真•魚腩海鮮雞件龍蝦泡飯🦞開頭以為飯🍚係連湯一齊煮，但係原來係分開上。龍蝦足足有半隻，當然第1啖就緊係要試下個湯底，望落雖然有d濁，但飲落係極鮮甜，完係係海鮮既鮮甜味，飲得出係落左心機，功夫熬個湯底出黎。海鮮份量一d都唔少，好足料，都數唔到入面有幾多隻蜆肉，另外仲有青口同魷魚🦑 龍蝦食落彈牙，完全唔霉，會有鉗係側邊俾大家鉗龍蝦食，不過都食到好狼狽，如果可以幫我地鉗一鉗個殼就好喇🤣雞件夠滑溜，食唔到有雪藏味！魚腩簡直冇得頂，吸哂湯底既精華，好滑，一個字，正👍🏻 個湯完全係偷飯賊，送飯係一

聞名已久，終於今天有機會去食啦假期午市去到，有位不用排隊。。。即入難道熱潮過去😂多為遊客，但都有本地客。入到即刻點招牌....花膠螺頭雞煲+$10 有菜、有飯同熱飲加$3轉埋凍飲，雞煲湯底不錯👍🏼，有半隻雞，雞肉還可以...花膠得1-2舊仔，可能煲煲係斷手神啩🙄總評cp 值可以呀⋯⋯第2樣就點左吉烈豬排海鮮🦞湯+半隻龍蝦，點果人不斷叫我劣評😂😂因為吉烈黑豚，外脆超硬，於是我試左1舊，無錯肉係硬，快咬不斷😅見圖吧～食剩左架而湯底有少許腥，唔知係唔係海鮮雪藏關係龍蝦肉ok la

砵蘭街一向給人較為混雜既地方，但開始愈來愈開多左不同食肆，這間見食評評分都不錯，試下係咪真係咁抵食先。位置近油麻地方向，都算方便易搵。正值食飯時間，都見開始有人龍，但不算等得太耐。餐牌都有幾多款式選擇，有d眼花撩亂。我地為左費事食龍蝦剝殼麻煩，選了極上海鮮龍蝦湯泡飯。賣相相當吸引，而且有好多海鮮，有青口，蜆，魷魚，扇貝等。個湯底有濃濃龍蝦味。好超值姬松茸螺頭雞煲湯， 呢個係top 2之選。另外，還有花膠螺片雞煲翅湯，呢個係Top 1之選，必選。聽個名已夠養顏。以上2個雞煲湯都可以加$10就可以轉套餐，配油菜，米線/米粉/飯及熱飲品。3款湯都好味到一滴不剩，全部飲哂

家住新界甚少出城，難得一晚自由行，出油麻地覓食。來到食肆門口，平常這兒排長🐉，今天竟未見人🐉，在門口站5分鐘就可以入座。我要了一個魚腩絲瓜湯飯，清清地，啱我這個減肥人士花膠都唔細舊，對得起這個價錢老公叫了及弟芥菜湯飯，足料粉腸好味整體很滿意，下次等個胃預足夠空間再來試龍蝦和雞㷛

好好食🤤雖然好多遊客排隊 但值得耐心等候因為燉湯全都是真材實料 仲要好足料值錢又唔貴 加碗飯去泡一流 索哂啲精華.龍蝦海鮮泡飯🦞$98有半隻龍蝦 仲有好多魷魚 青口 蜆 扇貝湯底好濃郁 由龍蝦殻餚成 鮮味十足不過有好多生菜🥬鋪底 有點被騙haha.花膠螺頭雞煲🐓$68+$10這個湯相對較清 肉質十分嫩滑好容易就撕開了 略厭皮太厚 好多黃油流出配上辣醬好惹味 螺頭花膠食落爽口加$10轉餐(白飯 油菜 飲料)

旺角行完街，原本打算行落佐敦覓食。但行到油麻地見到「村爺爺」招牌，想起先前行經時大排長龍，未有機會試，今日剛好時間尚早不用排隊，馬上轉陣地入去試試~入座後睇過餐牌，真係好多款不同泡飯、燉湯。其後我地㸃了ㄧ個泡飯和ㄧ個燉湯試下。由於每客食物都即叫即煮，所以等待時間長D都明白嘅! 等了ㄧ陣侍應送上海鮮龍蝦湯泡飯時，真係有驚喜，皆因湯碗上的海鮮實在多得很……有半隻龍蝦、扇貝、蜆、青口、魷魚。我急不及待先飲ㄧ口龍蝦湯先，超濃龍蝦味湧入口腔，再食吓隻龍蝦，係新鮮嘅，還有龍蝦膏，好鮮味! 扇貝好大隻，蜆和青口都煮得剛好，魷魚圈份量都好多。另外椰子螺頭花膠雞煲都唔講得笑，原來有半隻雞，再加上用螺頭花膠椰子來燉，好甜又有椰香。我們還叧加了$10配油菜、白飯和檸水。真係食完個雞煲都食唔落碗飯啦！抵食……喜愛湯水的你，ㄧ定要來光顧呀！

想試村爺爺好耐架啦, 因為網上見過佢好多既推介又見到有好多好評, 知道佢出左名日日排長龍, 所以今晚專登早少少食晚飯, 6點零鐘就到左門口唔洗排隊✌鋪頭比我第一印象係好迫, 枱與枱之間接近無空位咁濟, 當然知道佢唔係咩星級餐廳, 我認為如果食物質素好, 小店座位迫少少都可以理解既。黎到當然叫佢既名物啦～殿•海鮮龍蝦湯泡飯$98上到枱, 賣相ok龍蝦夠吸睛, 另外有幾隻貝殼類, 望落去好似幾豐富 第一時間飲啖湯先, 一飲即刻大失所望, 係有淡淡既龍蝦味但絕對唔係鮮甜既, 仲有少少雪藏貝殼煲出黎個陣味湯亦都唔夠熱, 似係攤左一陣個種温度本身我自己好中意飲熱湯既, 所以哩個位就扣哂分啦花膠螺片雞煲翅$68哩個反而比龍蝦湯好, 雞湯味道恰到好處, 雞肉都唔會韌同鞋, 但係同樣地敗筆係湯完全唔夠熱, 如果佢係熱辣辣既話成件事真係會唔同哂, 畢竟你係主打湯飯, 湯要夠熱應該係基本吧? 同埋2個餐上哂之後, 可見成張枱已經無哂位, 都真係幾迫, 哩個質素,價錢同環境黎講, 我諗我唔會再黎食啦。未食過又想試既話, 個人認為雞煲翅可以一試既, 而98蚊龍蝦湯飯用黎打卡係唔錯既, 但唔係為打卡既話外面應

門外長長人龍，等一頭半個鐘先有位Top1龍蝦泡飯海鮮足料，有兩三樣貝殼海鮮、豬肉、花膠（好似係）、半隻龍蝦。先飲湯，期望係濃郁龍蝦湯，但比想像中淡，欠驚喜。螺頭雞煲雞湯入味，附上手套，方便客人撕黎食。餐廳食物份量足，上菜快，不過太多人排隊，味道唔係好吸引，試過就算，未必再幫襯

一心想食龍蝦湯泡飯好耐，但聽聞排隊人龍好長，所以遲遲都未敢去食。終於等到熱潮退減了少少，今日終可－嘗了雖然還要排隊，但已經無以前咁長人龍了。不過要人齊先比入，可以謝絕霸位情況，對於在外面排緊隊嘅人較公平我同黃兔分別叫了:真＜盛＞村爺爺龍蝦湯泡飯＄128 - 賣相吸引有半隻龍蝦（有筷子咁長，略嫌肉質比較鞋），帶子，大量蜆肉（有少部份有沙），青口，花膠，豬肉片等。有點可惜龍蝦湯温度不夠熱，飯落左個湯度變左微暖，可能我地坐在冷氣出風位置，所以湯好快變凍，如果能用保温器皿盛著會更好，更加嚐到龍蝦湯鮮美。真。吉列黑豚龍蝦湯泡飯＄102 - 份量多，吉列黑豚炸得香脆可口龍蝦湯－樣有半隻龍蝦，青口，大量蜆肉等等。不過黃兔食到個湯裡面有膠袋，應該係包裝食物膠袋，好彩不是另一樣野同黃兔食完後有點口渴感覺呢！不過以這個價錢來說，又無加一服務費，可以食到龍蝦已經超值了！