本佐日本燒肉料理 (Closed)

好彩有提早book定位，放咗工最快都要七點先出到尖沙咀，我地七點半上到去已經差唔多全full，我地揀咗坐bar枱，呢到除咗卡位，bar枱，出面室外亦都有位置可坐。空間寬敞，乾淨企理，仲有啲日式佈置，環境唔錯👍🏻用平板落單真係好方便，環保得嚟又可以減少漏單情況。除咗燒肉任食，仲提供刺身，壽司，炸物，日式小食，好多款選擇！✨刺身新鮮鮮甜🤤✨炸物全部即炸即上枱，新鮮滾熱辣㗎，唔會一早整好哂凍冰冰咁。佢個炸雙皮奶好好味😋外脆內嫩！✨牛仔骨同肉眼粒都係我嘅必食推介！牛仔骨肥瘦均勻，入口好香油脂味，骨肉易分易離唔痴骨。安格斯肉眼粒，肉質嫩滑多肉汁，一啲都唔韌，一啖一粒，細細粒容易食。呢到嘅肉類多選擇，而且好有質素👍🏻✨細件嘅食物都會細心提供個兜仔裝住燒，唔怕整跌哂落個燒網下面。✨火炙壽司坐吧枱睇住個師傅仔手腳勁快，刺身壽司一腳踢，但依然保持快速上菜👍🏻✨海鮮有龍脷柳，海蝦，元貝，廣島蠔，三文魚頭，活蜆，鯖魚，青口等，全部都新鮮好味👍🏻✨牛油金菇，牛油粟米✨燒菠蘿尾聲必食，酸酸甜甜，消滯解油膩。

早幾日一支公逛過赫德道，坐低食日本嘢嘅時候，留意到對面大廈3樓有人食露天日式燒烤，好妒忌佢哋囉! 今晚捉咗個friend上嚟食番餐燒烤放題。今年好似無咗個冬天，今晚竟然有廿幾度，所以都唔坐出去坐露天位喇，坐吧檯，睇住廚師摩打手整壽司真係大開眼界。一坐低，職員就會捧一份必食的燒肉拼盤和刺身拼盤，咁就可以燒住先，一路燒一路再落單點嘢食。點嘢食好容易，拎住個平板，篤篤篤，好快就有嘢食。放題包一杯飲品，加$30，就可以任飲清酒、啤酒、汽水，梗係加啦。牛係日本A5級數，我哋兩個一個係食肉獸，另一個係牛魔王，今晚實行食肉獸決戰牛魔王。和牛超正，我哋叫咗好多round。刺身好新鮮，甜蝦好鮮甜，三文魚好肥美。豬五花油脂好香。大蝦燒，肉爽彈牙。坐正摩打手廚師之面，無理由唔支持下佢嘅手勢，所以，叫咗幾款壽司。火脊和牛、蝦、三文魚壽司絕對走唔甩。水準唔錯，食得過。輕口味啲就叫咗蟹籽、三文魚籽和海膽壽司。質素同樣高質。大戰咗幾個回合未分勝負，食埋Movenpick雪糕，就埋單，鳴金收兵。

有時都會想去食下燒肉放題，一早已約定今日一定要去食燒肉放題，之前已經電話預約，8點到達，已滿座，一入到去，一點都不覺得好大油煙餐廳以平板來點餐，非常環保，不用浪費太多紙張，點餐以件數計，你落幾多件比幾多件你，一定唔會比少餐牌好多種類，燒肉都十多款，有刺身、壽司、小食、海鮮、野菜、炸物等等侍應會先送上一份不同肉類既燒肉，可以試到唔同款既燒肉，雞翼已剪開一半，可以快D熟。味付螺肉&芝麻八爪魚-點了各一份，份量都好多蟹籽沙律-蟹籽份量都多八爪魚刺身&蟹籽壽司八爪魚刺身新鮮，而壽司醋同飯比例剛剛好，唔會話太酸牛油粟米真係好好味，牛油入面加了蒜蓉，超香蒜蓉牛油味餐廳每個人都會包一罐飲品

農曆新年前大家也忙著準備，今天和朋友到尖沙咀辦年貨後，因為我的朋友的胃口比較大，今以我一早就訂了在佐吃晚餐。本佐是一間日式燒肉放題餐廳，一個價錢就可以大吃大喝，最適合和大胃王去。餐廳地點方便，尖東地鐵站一出就到，而且內在環境不錯。我們被安排到Bar枱位置，兩個人一個爐，還可以看到餐廳全景。餐廳以平板電腦點菜，極方便，下單不到三分鐘，食物便到，意想不到的服務。餐廳除了燒肉外，還可點海鮮，刺身，炸物，壽司等....可以一邊等燒肉，一邊先吃，不怕肚餓。餐廳燒肉種類有和牛燒肉，黑豚，雞腿等。所以我每樣也點了少少來試我推介這個熊本一口和牛！一口和牛粒放進口，香濃牛肉味，而且肉質鮮嫩，味道不錯！兩個人吃了一個多小時，飽飽的離開餐廳，滿足的星期五

我地由於一早BOOK左位, 去到唔駛等就即刻入到去. 仲安排左室外座位俾我地, 可以一邊食一邊吹風, 都真係幾舒服.呢度最特別既地放係用左炭爐黎燒, 加上係室外, 好有BBQ既感覺, 好正佢地一開始就上左一碟雜錦肉俾我地燒住先, 一邊就可以開始慢慢簡野食, 唔駛浪費時間.一開始我地當然拿拿淋叫D刺身頂住身先啦, 刺身都有8款, 三文魚,帶子, 北寄貝, 八爪魚, 蟹棒, 甜蝦, 鮑片, 玉子, 每樣都唔錯, 好鮮甜, 前前後後都叫左好多轉之後就叫左D海鮮黎燒, 都有幾多款, 有蝦, 青口, 蜆, 蠔同帶子, 蝦同蠔都唔錯, 蜆就略為細隻再黎就叫左幾款肉類, 一口和牛同安格斯肉眼粒都好有肉味, 真心唔錯, 裡肌肉同一口豬都好香好滑, 黑椒腸都幾野味我地又試左幾款壽司, 整体一般, 係個黃金龍蝦卷比較好吃炸物方面就首推榴槤炸彈, 味道香濃, 炸多春魚一口甜薯都幾好食最後每位仲有MOVENPICK雪糕一杯, 完滿既一餐.

好友每逢過年都會外遊，歡度新歲，所以每年都會相約我提早食飯慶祝，今年當然也不例外。本來還煩惱該去哪裡吃，沒想到原來友人早有準備，說要帶我去吃日式燒肉。原來這個為食貓，從同事口中得知尖沙咀最近新開咗間叫「本佐」嘅放題店，最便宜只需 $278 就能嚐盡日本直送燒肉、刺身、炸物及和風料理，所以想趁機同我去試下。餐廳位於赫德道 Hotel Hart 3 樓，地方頗闊落，進門右手邊有張超巨型嘅圓形吧檯，而左手邊就以卡位為主，檯同檯之間用小屏風椅背作間隔，空間感強之餘，又有私隱度。先介紹一下這裡晚市放題嘅收費，星期一至四，每位 $278，而星期五六日、公眾假期及前夕就每位 $298，限時 2 個鐘，另收加一服務費。事不宜遲，立即落單，這裡是採用平板電腦落柯打，客人可隨時查閱自己所點的食物，有別於一般的剔紙仔，既環保又快捷。先逐一細看，項目包括有刺身、燒肉、海鮮、、野菜、小食及炸物。至於飲品方面，放題價係會包每位一罐汽水或一罐藍妹啤酒，不過如果 +$40 嘅話，就可以任飲汽水、藍妹同指定清酒。另外每張檯上都放了不少醬油同調味粉，客人可以因應自己的喜好，用來配燒肉吃。先由刺身開始，店裡的刺身共有 8

上星期跟家人去尖沙咀本佐日本料理，這裡除了吃熟食外，還可以燒燒，兩全其美。坐了一會，店員會先來一碟生肉，裡面當然包含豬肉、雞肉、牛肉。再來一碟一夜乾，估不到這裡也有他出現，味道相當有驚喜，烤完後肉質鮮香。這裡除了烤肉外，刺身、壽司當然不會錯過，甜蝦口感鮮甜肥美。吃炸物當然不會錯過炸榴連，外脆內軟，味道香濃，愛好者絕不錯過。吃油膩食物太多，吃一點菇、菠蘿減一下油膩感，但個人覺得菠蘿有點薄，要燒一堆才滿足喝一罐啤酒，人生一大樂事

新年前後聚餐特別多位置便利， 餐廳環境整潔燒肉放題店一樣也供應刺身、壽司、熟食、小食等等(飲品只包一罐，任飲要另加錢)用上平板落單，快捷又環保未點食物前會送上燒肉拼盤，一夜干包括帶汁具肉香的唐辛子豬頸肉，嚼勁十足愈嚼油花愈出的牛肋粒，還有單骨雞翼牛油廣島蠔也是必點安格斯牛仔骨跟台灣腸不錯吃！刺身有三文魚，日本甜蝦，玉子燒 ，帶子，仿鮑片等等甜蝦很鮮嫩，三文魚厚切且肥美整體選擇多當然，如能提供任飲的話，滿足指數會更高！尖沙咀赫德道4號The Hart 3樓

今日朋友約了本佐日本燒肉料理食晚飯，因為唔駛諗大家鐘意食咩唔鐘意食咩。由尖沙咀或尖東站N3出口，步2分鐘就到達，非常近地鐵站我們7點半到達，已9成滿座，好彩一早預約左。餐廳以平板電腦落單，方便快捷，以到肉煩有好多款，有一口和牛、安格斯肉眼粒、黑豚裡肌肉、牛仔骨、豬頸肉、連燒雞泡魚干都有，好多選擇餐廳會先來一份肉頭盤，可以燒住先，唔駛等海蝦甜蝦刺身-刺身都算新鮮，夠大隻腸類-好鐘意蒜香腸同黑椒腸，黑椒腸夠辣。牛油粟米-我的至愛，牛油味真係好香好香，好想知佢用咩牛油😂😂😂，最後叫左4份食，因為真係太好味餐廳送菜速度好快，亦冇漏單！

如果以哩個價錢去食唔值，可以去食其他更好3個人星期五去食，埋單每人330基本上meun好少野食可以選擇蝦係霉霉地，肉類還可以，炸物都可以但比較好就係用ipad落單，未有漏單情況出現但唔會有下次!

上個月聽個friend介紹呢間本佐日本燒肉料理，一直都非常之有興趣想試下，但約咗好耐都約唔到時間，最後都終於約到星期三晚，不過呢我原先想約七點半嘅但係都full Booking，所以約咗八點半，不過冇所謂啦，最緊要有得食。個內在裝修呢都好日式風格，都裝修得好靚架。Order要用tablet, 都好方便, d野食黎得好快, d staff有禮貌, 所以服務好好👍🏻主角呢就燒肉，啲肉都好靚，啲牛肉呢好香牛肉味，唔會霉，仲有咬口嘅。另外呢，佢啲豬肉都好好食，都係好香濃嘅肉味啦，啲腩肉唔會好肥，所以都唔會膩。我呢有個friend呢就好鍾意食燒菠蘿，所以就order左啲俾佢，不過我自己就唔太好燒菠蘿所以冇食到。但係呢，我自己幾鍾意飲酒，所以呢就order左一樽仔清酒，清酒就雪左嘅，飲落甜甜地都幾易入口。佢呢都有壽司嘅，壽司上面塊料就好唔錯，但飯就麻麻地，咬落好似一舊舊咁，而唔係一粒粒飯咁。最後，就梗係唔少得雪糕，雪糕呢，就係Movenpick, 質素就一定有番咁上下啦。呢間滿座呢，燒肉嘅質素好好，刺身應該都唔錯，但係壽司嘅壽司飯可以再進步啲依家本佐呢，燒肉嘅質素好好，刺身應該都唔錯，但係壽司嘅壽

本佐日本燒肉料理係放題場，裝修走懷舊的日本風，很有味道，而每張枱都有屏風分隔開，私隱度頗高。 不過卡位已經坐滿晒，所以我哋要坐Bar枱！枱面有齊燒肉汁、刺身豉油、鹽、黑椒、七味粉同牙簽，完全自助不求人。用電子餐牌，點幾多黎幾多，份量有多冇少，連檸角、沙律醬、wasabi等等都可以透過Tablet去Order，真係爽。墊枱紙印有燒肉解說，是貼心的設計。每位贈送一罐汽水，仲可以揀藍妹添，正！先來一Round刺身，Order send 咗冇耐就送到，極有效率，抵讚！ 當中帶子同埋三文魚的質素最好，足足order咗三Rounds咁多。糖心菠蘿是燒肉必備的，香甜多汁又解膩。肉類的選擇也十分之多，帶骨牛肋肉同埋豬腩肉都好好味，其他肉類都很不錯。即食嘅炸物都有好多可以選擇，可以每款都點一件黎試下，質素都唔錯。燒雞泡魚干真係一大驚喜！估佢唔到咁好味！放在爐上輕輕烤至卷曲微焦，入口魚香極為濃郁，香口得黎又有得𡁻吓，點少少沙律醬同埋七味粉，更添風味，兩個人食咗幾十條。

呢間都好多人食，我平日去都Full house！食物種類很多選擇，而且又好味，我會再去星期一至四$278，星期五六日$298包一罐飲品，加$40位可以任飲汽水、藍妹、指定清酒用平板點食物，餐牌如下一坐低就會遞上一碟燒肉話俾我地燒住先！即係下圖既下格，上格係我地之後再點！有雞翼、豬肉、牛肉、腸仔、墨魚丸etc...我特別中意台灣腸，好好味好抵食，因為一條都唔平刺身壽司都好豐富！有日本帶子😍最喜愛食日本甜蝦好大隻，刺身都有好多款！另外壽司有火灸既三文魚、蝦、和牛，好好味😋除左食肉，食刺身壽司外，都會有蔬菜類，好健康有金針菇、粟米、雞髀菇、冬菇、車厘茄、菠蘿仲有牛油帶子、蠔、龍利柳佢一個個啲銀竇可以直接落爐燒，很好的概念仲有海鮮燒，例如蜆、海蝦、青口，都很好食烏冬雖然現成煮好，望住師傅直接加埋一齊但味道都很好！粥都甜甜地、軟綿綿，有海鮮的甜味！炸物都很好味，有炸牛奶、香芋、蝦etc...食完再叫，食到超飽。甜品有movenpick 好正呀！呢個價錢抵晒！

最近燒肉癮起，放工和男友一同到尖沙咀新開的本佐。價錢已包括刺身任食，第一輪要了帶子、三文魚、甜蝦等刺身。三者之中，我最喜歡的是甜蝦，新鮮鮮甜，一再encore。還有不少日式前菜，例如八爪魚、螺肉等，水準平均。另外還有一點壽司，比較特別的有炸蝦壽司、火炙壽司等，但我還是最欣賞他的三文魚子壽司，也是encore了很多次。吃烤肉我很喜歡點菌類，這裏有杏包菇和冬菇的選擇。肉類的選擇也有很多，除了牛肉還有豬肉和雞肉，我最推薦他的一口牛。要了炸鮮奶作為甜品，口感酥脆，有點炸饅頭的感覺。

好耐無食過燒肉放題, 今晚黎試下呢間朋友介紹既食店先!  而家D燒肉店, 都用晒PAD去落單, 係幾方便既~ 有D仲會用QR CODE用自己部電話落單添!落緊ORDER既時候, 佢已經放低左呢個類似前菜既物體 haha, 都好窩心, 可以少少咁試下唔同既肉先, D肉都幾新鮮, 炒豬頸肉好味, 雞翼都剪成一半, 好方便通常香港人黎食放題, 都叫點番D生野食先, 我地叫左少少刺身同壽司, 都好新鮮呀之後就緊係開爐啦!!  蔬菜海鮮樣樣齊, 蝦好大隻好新鮮, 仲有帶子同蠔! 俾埋個鐵兜你放落去, 入面已經加左牛油~ YUMYUM!