本佐日本燒肉料理 (Closed)

好彩有提早book定位，放咗工最快都要七點先出到尖沙咀，我地七點半上到去已經差唔多全full，我地揀咗坐bar枱，呢到除咗卡位，bar枱，出面室外亦都有位置可坐。空間寬敞，乾淨企理，仲有啲日式佈置，環境唔錯👍🏻用平板落單真係好方便，環保得嚟又可以減少漏單情況。除咗燒肉任食，仲提供刺身，壽司，炸物，日式小食，好多款選擇！✨刺身新鮮鮮甜🤤✨炸物全部即炸即上枱，新鮮滾熱辣㗎，唔會一早整好哂凍冰冰咁。佢個炸雙皮奶好好味😋外脆內嫩！✨牛仔骨同肉眼粒都係我嘅必食推介！牛仔骨肥瘦均勻，入口好香油脂味，骨肉易分易離唔痴骨。安格斯肉眼粒，肉質嫩滑多肉汁，一啲都唔韌，一啖一粒，細細粒容易食。呢到嘅肉類多選擇，而且好有質素👍🏻✨細件嘅食物都會細心提供個兜仔裝住燒，唔怕整跌哂落個燒網下面。✨火炙壽司坐吧枱睇住個師傅仔手腳勁快，刺身壽司一腳踢，但依然保持快速上菜👍🏻✨海鮮有龍脷柳，海蝦，元貝，廣島蠔，三文魚頭，活蜆，鯖魚，青口等，全部都新鮮好味👍🏻✨牛油金菇，牛油粟米✨燒菠蘿尾聲必食，酸酸甜甜，消滯解油膩。