明記海鮮潮州菜館 (天保大廈)

Open Now

Now Closed

每次想食打冷，總會諗起荃灣的＜明記＞今次終於有機會試試喇！最大推動力當然係滿＄３００送＜明記滷水拼盤＞一份啦。＜明記滷水拼盤＞意想不到奉送的一份＜明記滷水拼盤＞，份量竟然如此的大，絕對超值＜滷水鵝片＞因為想每一啖都是肉，不用吐骨，所以選擇了＜滷水鵝片＞，而放棄了＜滷水鵝＞，而我們深感這個決定是沒有錯的，大大塊的鵝片，既嫰滑，又彈牙，十分滿足。＜明記荔枝骨＞聽說是其中一款明記的招牌菜，酸酸甜甜的醬汁，還有鮮蝦和排骨，絕對是伴飯的好菜式＜脆皮炸鮮奶＞鮮炸，絕對是這個菜式的重點，香脆一層薄薄的炸漿，包著裡面滑不溜口的鮮奶雖然是油炸食物，但吃起來一點都沒有油膩的感覺。最後以＜蠔仔粥＞作為結尾，超完滿的，我一定會再幫襯的。

所謂一不離二， 上次尖沙咀打完冷意猶未盡， 今晚喺荃灣再來，明記天保大廈總店喺荃灣開咗好多年， 平日都好多街坊幫襯。街坊大排檔格局勝在食物多元化， 除咗打冷， 仲有很多大排檔小炒供選擇， 價錢也街坊價。蠔仔肉碎粥 ($58)抵食, 落足料份量大, 蠔仔多, 隻隻脹卜卜, 肥美, 還有冬菜、柴魚及芫茜等配料, 好味飽肚兼唔肥膩, 湯底鮮甜唔鹹, 作為主食較健康孖寶（鹵水鵝片+豉汁蒸大鱔 ）$280好抵食嘅組合， 家陣去街市買條大鱔都成舊水一斤， 估唔到出街食反而仲抵。鹵水鵝片滾存咗咁多年嘅鹵水汁， 浸出來的鹵水鵝變得香而不死鹹了， 不過食鹵水鵝啖啖肉都係爭少少， 如果可以比我揀拼鹵水鵝件就perfect 了， 個人比較鍾意吮骨。豉汁蒸大鱔巧大碟呀>>> 大鱔用蒜蓉豉汁蒸真係冇得輸，鱔片很肥美，入口香滑到不得了， 加埋蒜蓉豆豉嘅鹹香， 惹味非常， 送飯一流。滷水拼盤 (埋單滿$300 送)ORDER滿$300, 每台敬送滷水拼盤一碟, 份量很多, 內有滷水大腸、腩肉、鵝腸、豬耳、魷魚、紅腸及芽菜等, 可一次過試晒其他滷水食物, 味道唔錯, 大腸及鵝腸最好食, 夠肥美

約咗朋友去荃灣食飯，上openrice搵下靈感，見到明記評分都幾高，就去試下！上到去睇餐牌花多眼亂，睇緊嘅時候職員走過黎問我地：要唔要黃金鮮魷呀？廚房出錯咗，要就即刻有得食！我地三個都幾肚餓，就話要啦！之後睇睇下餐牌，朋友點咗脆皮牛腩同埋炸蠔餅，職員話滿$300會送鹵水拼盤，咁我地冇咁嗌了。食物好快黎齊，我本身唔食牛，所以冇試，但兩位朋友係咁讚呢碟牛炸得好好食。呢度黃金鮮魷用嘅鮮魷都算新鮮，同埋份量都足，有十幾件。另一道菜炸蠔餅個炸份多得濟，蠔仔唔夠多，比較失色。送嘅鹵水拼盤有紅腸，魷魚，鵝腸，豬大腸，豬耳，芽菜...每樣少少啦，當作頭盤小食都ok！因為叫咗好多炸嘢，我地三個都食到好飽，見隔離枱叫鹵水鵝好似都幾吸引，下次黎食試下先！

今晚和女友經過荃灣，於是便介紹了這間明星也愛吃的打冷店給它。餐廳位於樓上，一般茶餐廳的裝潢，地方算是闊落。滷水鵝片首先叫了打冷必食的滷水鵝片，鵝片雖然不算厚切，但鵝片非常大片，足足有碗的size,而且很嫩滑，正。豉汁蒸白鱔白鱔非常大條，很厚肉，而且非常鮮甜，一點也沒有腥味，不要說老人家，連女友也非常喜歡。值得注意的是，白鱔份量非常之多，足夠三至四人食用，對我和女友來說，非常之多呢。滷水鵝腸很耐也沒有吃鵝腸，所以叫了一碟來試出奇的是，鵝腸滷水得很入味，濃濃的滷水味，餸啤酒一流。因為不是地下鋪頭，所以給人嘈吵和壓迫的感覺感覺，難怪女友也喜歡。

最近心情煩躁，一於大吃大喝一下令自己心情好一點！隨意落樓在附近找吃吧！早排吃過其他分店食物都不錯，一於就吃吃這間吧！鹵水鵝片 鹵水味濃郁芳香，鵝片肉質鮮美。西檸煎軟雞 檸檬味酸酸甜甜，特別開胃，而雞肉鮮嫩多汁，外皮酥脆。白飯魚煎蛋 白飯魚非常粗身又鮮甜，蛋邊煎到香脆可口，蛋味濃郁。潮州炒麵缐 配料有魚片，鮮魷，雞蛋等等，麵線軟淋爽口，味道充滿鮮味，炒得非常有鑊氣。鹵水雜拼 店家食滿$300送鹵水雜拼，食物款式多，有紅腸，墨魚，大腸，鵝腸等等，款款都夠入味又好吃，而且份量仲好多呢。

今日呢間餐廳是食潮州菜的，沒有富麗堂皇的裝潢，但呢到整體食物都係足料有份量而且好味的，店員服務快手同友善，相信我地好快再黎食過。飯前小食$20，脆魚仔，醃蘿蔔，送粥一流，因為單食有點咸。呢到其實除左潮州菜之外，仲有好多不同的小炒，呢到食物除左多元化，款式同樣非常多。  潮州菜必點之一係滷水鵝$128，滷水鵝潮州出名名物之一，這裡的滷水鵝值得一讚，鵝肉特別嫩滑，滷水充滿香氣但一點也不覺得咸，所以不會蓋過鵝本身的原汁原味。 客家黃酒雞煲 半隻$138 這個黃酒雞邊食邊煲住可以保持熱辣辣，黃酒雞係一個客家傳統菜式，黃酒香的甜醇味入晒落D雞到，湯入面加左杞子，薑，圓肉，紅棗除左個湯好甜之外，呢個湯仲可以袪風驅寒，份量唔少，建議3-4人一齊食。   潮式蠔仔餅$88，蠔仔餅好大個，每一啖蠔餅都食到蠔仔，蠔仔肥美鮮甜，蠔餅絕對要襯熱食，外層酥脆，炸得好好，唔覺得好油膩，好好味。

當晚一行四人來到戴倫趾診所附近，想找一家小菜店享用晚宴，於是來到了明記此店是區內有名的打冷舖，裝飾擺設都很中式首先來的是粟米魚肚羹，份量足味道美，前後食了三碗之後是太太最愛的菠蘿咕嚕肉，酸酸甜甜很醒胃 然後是D餐的滷水鵝片及豉汁蒸白鱔，滷水汁入味而鵝片香滑但底層都是豆腐 豉汁有點咸但配飯一流沙茶牛肉炒河醬汁滿溢牛肉嫩滑可惜芥蘭不是時令有點過老 潮式蠔仔餅炸的香脆而蠔肉份量亦不少但建議粉可以少放點然後買滿300港元送的滷水雜拼，不過不失，勝在免費離開時看到廣告宵夜十點後啤酒買二送一，下次光顧必點

在荃灣的潮式打冷菜館之中，明記算是數一數二的大哥大。之前和家人光顧過覺得味道唔錯， 見到明記在附近又開了一間新店，心思思又帶家人來食晚飯。 餐廳有好多優惠～入坐不久已經全場爆滿， 好彩醒目有提早預約留位。最優惠的是滿300元就送鹵水拼盤一份，超抵。點了豉汁蒸白鱔， 鱔片肉質滑溜鮮美， 廚師蒸的時間剛剛好，而且非常入味，用黎送飯一流。潮州名菜滷水鵝片， 鵝肉緊緻有咬口，鹵水味香而不會死鹹，果然名不虛傳。菠蘿咕嚕肉， 甜甜酸酸的開胃菜，每次必點。粟米魚肚羹， 魚肚出奇地多，軟軟滑滑的一大煲，一口氣飲了2 碗。沙茶牛肉炒河， 牛肉軟淋一咬就開， 鮮嫩十足，河粉配合牛肉醬汁一起更令人食唔停口，但是芥蘭非常硬身，煮淋d 會更好。蠔餅非常香脆， 熱辣辣最好味，基本上每一口都食到蠔仔 ，是先生最喜歡的一款。爸媽就說怕熱氣唔敢食，哈哈.... 豐富的一餐明記小菜味道唔錯，價錢實惠，是家人開飯首選。 可是店員忙過不停，說話也比較大聲，如果多請人手及店員說話溫柔一點，生意一定會更好

去開荃灣行街，想食夠鑊氣嘅中菜，諗起呢一間明記，去到咁岩有位，即管試試先睇餐牌有唔同嘅孖寶推介，價錢都幾相宜，但今日想食小菜多啲，下次先食孖寶啦脆皮炸鮮奶估唔到個份量咁巨型，件件都大嚿之餘數量更加好多，外層炸得夠脆，裏面嘅鮮奶仍然保持滑溜砵酒焗桶蠔完個錫紙包住，打開嘅時候熱辣辣桶蠔鮮甜肥美，每隻都非常飽滿，口感十足細蠔仔粥呢個蠔仔粥，每隻蠔都非常飽滿，蠔嘅鮮甜滲透於粥底，配上魷魚肉碎香芹，香味十足海味粉絲什菜煲呢個雜菜煲，除咗材料豐富，最正最值得推薦嘅就係佢嘅湯底，用大量嘅蝦米鮮魷一齊煮成，所有嘅鮮味滲進每一棵菜裏面總括來講，想食有份量，又夠鑊氣嘅中餐，明記喺荃灣區嘅好選擇

荃灣區 的潮州打冷 食肆不多 我朋友行經 荃灣的鱟地坊 發現"明記海鮮潮州菜館"便和朋友嚐一嚐這店的潮州菜。店內是在樓上閣樓， 地方 很清潔， 環境 寬敞、 舒適。我們坐下後朋友便 order咗 蠔仔肉碎粥(小)$58 蠔仔粥的份量也足夠二人食用 ，蠔肉也很新鮮， 粥底 美味， 沒有臭腥味， 朋友也很喜愛吃。還叫了一碟潮式炒麵， 配合蠔仔碎肉粥， 在天氣炎熱的夏天， 沒有胃口吃飯之下， 選了這兩個 菜式 夠曬飽肚。嚟多一鍋 食和炒芥蘭， 翠綠新鮮 的芥蘭， 在石鍋 內慢慢食可以保持 燙熱， 芥蘭的烹調 味道 鮮味 。朋友還order咗一支 冰凍的 啤酒， 我們一邊享受潮式 餸菜 ，一邊 嘆番杯，認真 寫意。

前幾日我哋一家人又出去食飯，今次係去食潮州菜嘅，呢間餐廳係喺荃灣大河道附近，因為我之前經過過，就想帶屋企人過去試吓。我哋睇吓個餐牌，發現呢度都有好多嘢食，差唔多大部份嘅小炒呢度都會有。我哋見到啲孖寶套餐好抵食，所以就叫咗一個孖寶F，係芝士龍蝦伊麵配金牌滷水鵝。呢個就係芝士龍蝦伊麵，份量都好大碟，芝士味非常香，龍蝦味道好鮮，質地爽口，芝士味道濃郁，不過伊麵就林咗少少。呢個就係金牌滷水鵝，又係一大碟，所以呢度d小菜真係大碟又抵食，鵝肉好肥美，好甘香，我最怕食到啲鵝好蘇，而呢個一d蘇味都冇

好耐無見班中同，一約敍舊吹水，即刻諗起呢間😆以前讀書個時，一約食飯就首選打冷。無他，豐儉由人嘛。而家個人大咗，消費能力高咗啲，都仲係會好懷念呢種感覺！一黎到，女友就即係俾門口嘅大賴尿蝦攝咗魂魄。起碼叫兩隻先肯起鑊，其他飯腳又無咩興趣，咁無計喇，唯有同佢一人一隻。呢度係我地兩個各自食咗個下身先記得要影，可想而知原本有幾大隻。椒鹽有豉味，蝦殻炸得香脆。不過大瀨尿蝦無蝦味呢個通病，係永恆定律。沙拉蝦球，份量夠多，味道就係正常沙拉乜乜嘅味😂無驚喜，但係穩陣。蠔餅出場！不過老實講，炸漿咁厚嘅蠔餅，真係唔好食又硬，又油，蠔仔都有啲係唔新鮮...椒鹽九肚魚，呢個比較有誠意骨頭炸得透，魚肉唔梅，size岩岩好一啖一舊，秒清！啫啫通菜，有鑊氣又唔過鹹，通菜食落無渣，唔錯。叫夠$300送嘅鹵水拼盤，食落唔差，係唔洗錢呢個價錢黎講就超值啦埋單位位$200，想當年百元有找...不過物價飛漲，最緊要佢仲屹立不倒，等我地仲可以聚舊，呢個價值係無價。

明記打冷今晚收工之後，同同事去食飯，今次黎到荃灣食打冷，哩間係一間老店黎，都幾多人食。蠔仔粥(大)$98粥既份量都非常之多，我地一行6人，每人都食到2碗以上，蠔仔亦好多，肉碎都比得好大方，好鮮甜👍🏻👍🏻韮菜豬紅$68估吾到咁大碟，熱辣辣，入面韭菜都好吸味，豬紅亦好滑，有小小微辣，一舊接一舊，食吾停。滷水豆腐$68哩個麻麻地，吾夠入味，豆腐好硬。明記荔枝骨$108酸酸甜甜，似係甜酸排骨既菠蘿煮法變左荔枝，都幾特別好味，荔枝好甜，好夾。明記小炒皇$118菜反而係最貴既，好嫩綠好好食滿$300送一碟滷水拼盤地址:明記海鮮潮州菜館 (荃灣)荃灣鱟地坊68號地下

好耐沒有吃打冷，又唔想入元朗屯門甘遠去食，就近系荃灣就最好，朋友帶我們去荃灣明記打冷聚舊。記得明記在荃灣是老子號打冷店，很久以前已吃過。這間分店在樓上鋪的，樓梯有很多明星照片，果然是打冷專家。裝潢得好光猛，坐得好舒服，地方乾淨企理。我們點了蠔仔肉碎粥，好多新鮮蠔仔，粥底香味濃郁。蠔仔餅，大大隻蠔仔，香香脆脆的。鹵水鵝片，啖啖鵝肉，嫩滑有咬口。韮菜花炒鹹肉，好有鑊氣，香味十足的韮菜花，夏天吃是最爽口的。老闆真很大方，每枱消費滿$300，就送一碟鹵水雜拼，真的很有驚喜。並且最誇張系碟碟都大大份的，真的值回票價。

收工約友人食飯，話要去鱟地坊食潮州菜，即管一試。此店叫明記，去到地鋪時無位，叫我們到對面，原來是樓上鋪，在釣魚鋪旁邊上去，面積很大，最重要是冷氣夠勁，哈哈。店員很親切的招呼，很有以前大排檔的感覺。說是點滿300元會送一份滷水拼盤，可是我們好想吃鵝片，我們還是點了滷水鵝片，不要拼盤。這半肥瘦的鵝片，夾著豆腐一起吃，很好味，下面鋪著爽脆的花生，吃不停口。接著點了一份煎蠔餅，鬆脆可口，每口蠔又林又脆。最後點了韮菜炒鹹肉，韮菜很新鮮。碟碟都好大份量，飽到呢。